《終極拆解》
誠如我呢兩個禮拜，經常發晦氣話齋：其實大家等等等，等咩啫，美國個個月都有通脹數據，個個月都有議息，俾你等到喇，個市咪又係溫溫燉燉！三月到依家都幾乎四個月喇，港股又係咁，美國又係咁唔郁，都唔知要等到幾時？好似尋晚咁丫，市場將最新既點陣圖一致理解成2023年加息兩次，比原預期既早左咁又點？美股跌得果少少（仲要低位拗腰）港股仲有得升，咁係咪又過左關喇等下個月？

個世界係咪咁簡單呢？你有無覺得今日個市想行？拿，所以我話俾大家一個終極既解說，而係全面既。同大家分享金、股、匯、債四個主戰場：隔夜金價要跌係岩既，加息觸發孳息上升，壓金好正常；但係金價只係打粒十字星而且無放量，唔洗驚。股市下跌都係岩既，之但係最怕孳息既高估值納指仲跌得少過道指（個別金融股好似花旗仲要插添）又邊似炒緊加息呀？如是者，金、股都好似無乜野。

美元就有野喇！美匯指數尋晚係大陽燭放量急升，即時挑戰5月初高位91.43，企穩既話，隨時再上4月初93.47。至於個債，十年期債息暫時受制1.58前區間底部阻力，未見有恐慌。綜括喇，即係話响四個主戰場當中，匯市係最大反應既。無他既，事關加唔加息都係貨幣政策，匯市就最受影響。而且，大家都應該學多樣野：就係擴闊眼界去睇埋美國牽一髮動全身，到底其餘主要央行會點樣去應對。

咁深奧既野，梗係要聽我去教大家：簡單講，美國個息一加，錢就永遠向高息處走既，就係回流返美國。對應黎講，其餘主要央行包括日本、歐元區同中國都要即時驚走資。所以，未來佢地唔能夠再放鴿講放水，否則，本國既錢就會越黎越唔值錢，佢地都會被迫放慢放水既步伐。不過，中國未必有影響，因為阿爺本身都想人仔落。你睇，之前搞外匯存準都無穿過既6.41，今日都穿左仲落到去6.42。

我明白大部分人睇到呢度都仲係一頭霧水架喇，因為你地好衰，只係想人話俾你知個市會升定跌，最好就俾埋冧把添！放心，你地有幾衰我絕對理解：拿，我初步既判斷（初步架咋下）個市係積極既，有可能將消息奸茅地演繹為「仲有兩年時間」陰霾淡化，反而炒上。但無論如何，恆指上望只可以睇到293先，區間頂真係硬。至於板塊就要避金，人民幣貶值既，咪有利航運同出口，利淡內房股囉！

今日講住咁多先，晏晝放假同個仔溫習bye～

👋🏽

#美國 #聯儲局 #提前加息 #收水 #全球央行焗跟

Tregunter 拆解2022天下五局（美國、中國、俄羅斯、歐盟及日本），前後七篇連刊完成。

//中共亦非食齋，就算壓力幾大，一旦如其過去宣傳要武統台灣，首先行政權力會高度集中壓倒一切但會放軍權。次者若取外島一二，則功超前人。美國現處一尷尬時期，就係縮減QE前夕，如同疫情爆發前縮表之際。美國要考慮若真捲入戰事，日益惡化的財政狀況可引發特里芬難題，而央行數字貨幣仍未準備好。加上拜登甫上任就有人想彈劾佢。俄羅斯曾做一示範，只取克里米亞，美歐並無實際行動。故今次台海局勢緊張確實非同一般，由於有風季，出事最大機率在冬春二季，也就是美國情報界出報告後。90日後，再次風起雲湧。//

https://hk.appledaily.com/investman/detail/20210607/426X5X2SVRC2LLRYL7SHA4IA4M/

膝頭哥痛咗三個星期，時好時壞，最弊係抖下又唔痛，跑返又痛。其實事實自己都大概知，又唔肯面對現實。

「係咪跑量加咗好多？」 @chadphysio 問我。

「Er...」我 Sam Hui，因為都知自己加太多。上個月因為俾 #柳仔跑會 嘅院友互相迫害，個個星期座底跑70-80km。

「好明顯係膕肌同Hamstring 都 overload 咗啦⋯」佢一手㩒落嚟，我眼水都標埋咁滯。

去 @o2wellnesshk 做物理治療嘅優點，係有一個好好嘅溝通過程，幫你搵個問題根源出嚟，然後拆解。鬆弛、啟動需要 recharge 嘅肌群筋腱之後，仲有一點針對性訓練要求你返屋企做，因為強化肌肉，係治療痛症一個不可少嘅部分。齋鬆唔練，痛楚好快又返嚟。

「真係唔跑得？」我弱弱地問。

「不如我哋傾下個強度？」佢冇曬我符。

如是者，我地又傾多三個字～

#非廣告 #真心推薦俾跑友