口臭呢樣嘢呢，只要你自己唔知，尷尬嘅就係人哋，但如果你知，尷尬就係自己。

耐唔耐都會有讀者inbox問我，同事口臭點算？應唔應該直接同對方講？怕唔怕得罪人？

估唔到咁多人都遇過類似嘅情況，其實我公司都有......

新嚟嘅同事叫阿金，佢好似哥倫布發現新大陸咁同我哋講：「覺唔覺Nelson把口好臭？你哋同佢work咗咁耐都頂得順？」

另外個同事Billy問：「你指講嘢好Mean？咁聶瞳把口臭啲喎！」

阿金：「唔係嗰種口臭，係真嘅口臭，早兩日食lunch仲見Nelson流牙血。」

我：「等等先，我成日請Nelson食香口膠，咁好人又畀晒提示，仲話我口臭？」

阿金：「Nelson明顯get唔到啦！直接同佢講吖嘛！」

我：「點開口呀？老尷㗎！」

然後Billy就話睇forum見到唔少人都有呢類同事，啲網民仲爭相獻計，例如：「一陣聶瞳請食tea，然後話3點3喎，一齊刷牙嚟個teeth break再食嘢吖，teeth break, tea break...」

我：「玩植入同食字？唔好睇咁多辦公室日報啦，睇壞人㗎！」

阿金：「咁點呀？口臭可能係消化系統問題，一係你同Billy提Nelson飲多啲水，食多啲菜。」

Billy：「聶瞳平時唔關心同事㗎，突然叫人飲水食菜？一陣Nelson以為我哋大叔的愛。」

我：「改變唔到人，一係改變自己，我哋搽啲香水喺自己鼻哥窿度，咁咪只會聞到香水味囉！」

Billy：「即係阿婆頭暈搽藥油嘅原理呀？不過問題喺Nelson度喎，點解係我哋搽呢？」

大家討論緊嘅時候，Nelson突然返埋位，本身想鳥獸散，點知阿金勒都勒唔住：「Nelson你有口臭，你覺唔覺？同埋你知唔知自己流牙血？可能係牙周問題呀，嚴重嘅仲會搞到牙齦萎縮架！」

嘩！你唔好再直接啲……

Nelson出奇地冇嬲：「最近我都發現到有呢個問題，因為換咗隻密度高嘅口罩，成日有陣難聞氣味，結果我用手掩住個嘴呼氣，先知原來係自己口臭，而家諗返覺得好尷尬，你哋聞到冇所謂呀，大家熟吖嘛，啲客聞到就唔好啦，上星期個新客冇下文，我思疑係同呢單嘢有關。」

你痴線㗎！咩我哋聞到冇所謂呀？事到如今我都唔使就住喇，費事Nelson再趕走我啲客，其實有牙周問題，係因為平日忽略牙周護理，刷牙求其、冇好好清潔口腔，搞到牙菌斑積聚，咪會有口臭同埋流牙血嘅情況出現囉！我又係衰嘅，應該一早出聲，健康緊要過面子（你仲要甩咗我單生意），介紹自己用開嘅日本No.1*口腔護理品牌G.U.M牙周護理牙膏畀大家，佢採用CPC成分，可以有效殺死引致牙周問題嘅細菌，同時吸附兼且清除口腔內嘅細菌殘渣，改善牙齦健康同埋口氣問題。

你都唔想同同事之間有隔膜、成單生意冇咗、溝唔到女（或者溝唔到仔），更嚴重係識到另一半都接唔到吻……不要再說了，其實有口氣、流牙血、牙齦萎縮等等嘅牙周問題真係好困擾，有就梗係要正視啦，就算冇都要防患於未然，唔好等到以上嘅尷尬情況出現先走去補救，趁而家G.U.M做緊買2送1，草本薄荷同埋清爽薄荷呢2隻味都有優惠，快啲去買嚟用啦！

更多詳情: G.U.M Hong Kong / https://sunstargum.hk/

#GUMHongKong #日本No1口腔護理品牌 #牙周護理牙膏 #有效殺死引致牙周問題的細菌 #低泡沫配方 #GUMの科學 #及早預防牙周問題

*根據INTAGE SRI口腔護理市場，所有G.U.M 產品(包括牙刷、牙膏、漱口水、口腔護理用品及假牙用產品) 2019年1月-12月銷售金額佔有率。

一開口就散發口氣，印象分即時大打折扣！🥺
不過自己嗅覺會有疲勞機制，即是會習慣了自己的口氣，不易察覺。想測試自己有沒有口氣，很簡單，將口水舔手臂上，等到口水乾後，如有異味則表示有口臭。🙊

大口氣的原因，除了最常見的蛀牙、飲食重口味、消化不良便秘💩💩，歸根究底還是與體質不佳有關。較常見的口臭原因，是胃中積熱、心肝火旺、腎虛陰火上升，各種體內毒火🔥所引起的口臭。

《內經》指：「胃不和則口臭，胃和則口淡。」
中醫認為牙齦、口腔或嘴唇部分代表胃，口臭的根源最直接是胃火🔥。胃火內盛，導致蒸騰胃中濁氣上沖，表現為口氣臭穢的症狀。胃火旺即中醫所謂「胃熱滯脾」，與飲食偏濕熱、量多食滯有關。常打邊爐🍲、燒烤、韓燒，吃太多辛辣🌶️肥膩的食物，吃太多溫補的牛肉🥩，又或是常吃一些用火或強大熱力直接製作的食物，如即食麵、餅乾、薄餅、蛋撻等，都會造成胃火旺。另外，大量飲酒🍺也會導致肝膽脾胃失調，阻滯肝膽疏泄，產生痰濕及胃火。體溫偏高、常口乾舌燥及便秘的胃熱型體質，在夏天口臭會更明顯。

此外，夏天是一年陽氣☀️最盛的季節，香港暑熱濕重，暑熱蒸發人體汗水津液，損心氣、更易心火盛；加上濕氣多阻滯脾胃氣機運作，經常熬夜或情緒鬱悶，均會令肝火上升，肝臟便不能如期休息和排毒，致使毒素難以排走，令口氣問題更嚴重。

食香口膠能即時清除口氣，不過只是治標不治本。要真正消除異味，必要下火。
少食煎炸、甜食、辛辣和肥甘厚味等油膩食物；芒果、榴槤、荔枝是燥熱上火之物，不應吃太多。應多飲水，多吃清熱食物，如苦瓜、青瓜、生菜及高水分纖維水果等，豆腐與猴頭菇更可降胃火。

夏天每星期抽一天，早上飲一杯加一茶匙鹽的暖鹽水，晚上則喝一杯加有一湯匙蜂蜜的蜂蜜水🍯。中醫提倡「朝鹽晚蜜」，是自古流傳的養生方法。《本草》指，鹽能「去煩熱，明目鎮心，清胃中食飲熱結」。蜂蜜能治「心腹邪會，益氣補中，潤臟腑，調脾胃養脾氣，除心煩」。

不喜歡鹽水，亦可每天飲一杯桂花檸檬水🍋。將1湯匙糖桂花、1-2片檸檬用暖水拌勻沖泡飲用。中醫認為香氣能入脾胃、增強脾胃功效。桂花又名九里香，香氣清新，性味辛溫，能醒脾開胃、疏肝理氣，有助緩解咽乾口燥和口臭牙痛。

口氣不止是口腔內的問題，健胃、清肝、促排毒，以天然食療補好胃腸，治標又治本😄👍🏻

📽️更多健康資訊🎞️:
排毒汗-真健康：https://youtu.be/XUrP_dS0rnM
瘦身點解要補：https://youtu.be/_GjxPFlaMbc
三大好油助瘦身：https://youtu.be/hkruOhzbURY
#口氣 #口臭 #中醫 #養胃 #下火 #健康 #唐安麒
------------------------------
大家記得like我的各個channel啦😁
Mewe:https://bit.ly/39KEGs6
IG 名：DR.ANGELTONG
YouTube：https://bit.ly/3ic4LDT
Blog：http://blog.angeltong.com.hk
KK Box：bit.ly/3r6x6Q3
Sound Cloud：bit.ly/3q8iI8x
SoundOn：bit.ly/2MFFiIg
Spotify：spoti.fi/3q57KB1
Listen Notes：bit.ly/3q61tom
------------------------------

《鑽石山行人隧道女屍》第一回
　
大概兩年前我喺書展出咗本《跟蹤》，可能我近年第一次見讀者，所以都有唔少讀者搵我簽書。最高峰時期通常都係中午同夜晚時段，可以有成三十個人等住你簽名。
　
而我通常都簽到個人迷迷糊糊，人群之中見到有個著住校服嘅女仔一直低頭向住我方向望住我，由於低頭關係，頭髮遮蔽咗佢個樣，如果唔係現場有咁多人，我真係會比佢嚇親。
　
同時間，可能我對校服特別有種感覺，所以特別留意住佢，同時又會諗，呢家唔係放緊暑假咩？點解仲會著住校服？
　
簽完一輪之後，發現個學生妹無搵我簽，亦消失於人群之中，可能唔係我讀者吧？
　
突然間，我拍擋突然遞咗本書《跟蹤》比我。
　
「頭先有個女仔比你。」我拍擋說。
　
我接過本書後，一臉迷惑，做咩買我本書但又送返本比我，係咪想我簽名？當我打開本書時，書內跌咗一張相出嚟。我隨即執返起嚟睇，發現張相有點殘舊，係一張學生相，樣貌幾好，一副清純感覺，帶點怕羞地望住鏡頭影呢張相。
　
但點解會有張學生相喺到？ 然後我留意到第一頁寫住兩隻字－「幫我」。
　
我心寒咗一寒，點解會寫呢兩隻字，係求救定係惡作劇？
　
我抬頭周圍望下，再追問拍擋個女仔點。
　
「我都唔係好記得，我一直喺到執書收錢，只係見佢行埋嚟塞本書比我叫我比你。」說罷，拍擋就繼續做收銀離去，而我呆呆望住呢張學生相感到迷惑。
　
夜晚搭巴士返屋企時侯，我不禁再次拎起張相出嚟望，我總覺得自己好似喺邊到見過呢張相，但一時三刻醒唔起邊到見過，令我腦海一直運作去諗呢張相來源，如果醒唔起嘅話，我一定唔會心息。
　
去到樓下，我仲需要行一段路先到屋企，但零晨時份底下，街上只有暗暗燈光，剩下我一人在寒冷天氣之中走過。我一直拎住張相一直行，邊行邊諗，感覺好似差少少就醒起邊到見到。
　
「孔明。」突然有把女聲從後叫。
　
雖然我真名唔係叫孔明，但我已經認同孔明呢個身份係我，所以好自然咁轉身一望。
　
一望之下，街上空無一人。
　
我吞一吞口水，心諗唔係咁邪呀，再轉返身時侯，驚見書展所見到個學生妹企喺我面前。
　
我頓時感到時間即時靜止，我嚇到個心離咗一離，嚇到完全唔識比反應。喺燈光暗淡底下，佢一直低頭郁都唔郁。
　
咪住，佢呢件校服咪係張相件校服？張相係佢嚟？
　
喺我腦海高速運算之時，佢慢慢抬起頭來，冷風吹來，將佢前面幾執頭髮吹開，露出令人感到心寒嘅樣貌，佢左半邊臉被削，左眼外露幾乎跌出嚟，好似左邊被硬物重擊而被削邊臉。
　
佢開口講咗一句：「幫我，我叫陳慧敏。」
　
當佢講起陳慧敏呢個名時，我終於諗到張相係邊個了。我記得我當年寫《失蹤》時侯，我為咗拎靈感而一直搜查好多關於香港以往一直出現令人心寒嘅懸案，其中一單就係鑽石山行人隧道女屍。
　
「1980年2月20日，黃大仙學生陳慧敏案，事主失蹤後被發現在黃大仙大磡窩村對面一條偏僻行人隧道內，全身赤裸，身上被人用水喉通物體刺插百多下，滿身傷痕，頭部破裂，屈身藏於一個帆布袋巾，死狀恐怖。 懸而未破的凶殺案。」
　
我印象中係當日事主約咗朋友一齊去買波鞋，但自此就無再出現，繼而失蹤。之後第二朝早被發現死喺隧道內……我仲記得當年報紙貼咗陳慧敏嘅相，正正就係我手上張學生相，只係當年報紙係黑白，一時之間令我醒唔起。
　
當我腦海攪清所有時侯，不知不覺間，眼前嘅學生已經唔見咗，我立即轉身一望，再轉回，街上只剩下我一人，我再拎起張相望，陳慧敏已經死咗差唔多四十年，點解到呢刻仲出現喺我面前，仲要我幫佢？ 突然，我心入面股寒冷而不安嘅感覺充斥全身，冷得令我整個人都震抖，我隨即急步跑返屋企。
　
當晚，我大病了。
　
我整個人一直發冷，老婆為我探熱，燒到38度。由於深夜時份，已經無醫生睇，唯有食住屋企嘅感冒藥頂住先。呢一晚我不但時不時發冷，亦會突然熱到出汗，而且吞口水非常痛，整晚一直受住殘酷煎熬，雙眼一直閉不上，完全瞓唔到，我只能痛苦地望住天花板。
　
可能真係病得太重，我開始出現幻覺，我夢見自己身處一條行人隧道，然後見到有個男人一直拖住一個紅白藍袋走動，我見狀後，即時大叫：「喂！」
　
個男人聽到後，轉身一望，但行人隧道缺乏燈光，我唔係太清楚見到佢臉容，佢見到我後即時放低個紅白藍袋就跑走。我無追個男人，反而慢慢向住紅白藍袋方向行去，我吞一吞口水，我大概知道袋入面係裝住啲咩，但我手腳好似不受控制咁，慢慢行到袋前。
　
我伸出雙手，慢慢伸去將個袋拉鏈拉開……
　
一陣血腥惡臭隨即從空隙之中發出……
　
打開袋後，驚見一個裸體嘅女屍，正正就係我今晚見到嘅陳慧敏，左邊臉被削，左眼露出，血肉膜糊，死狀恐怖。
　
個女屍一直望住我，然後突然伸出雙手將我條頸鏈住，鏈得我一時之間透唔到氣，十分痛苦。
　
個女屍說：「幫我捉個兇手。」
　
我痛得張開雙眼，然後彈起身狂咳，一直喘氣。冷靜落嚟後，驚見自己瞓張床到，我即刻起身去廁所照一照鏡，只見頸上出現兩條手抓痕，我嚇得心寒，原來個夢係真？
　
(去Patreon看全文：https://www.patreon.com/posts/45514481）
（所有回數已經全部喺哂patreon）
－－－－－－－－－－－－－－
開咗一個月Patreon，感激訂閱咗嘅讀者一直支持我
我好鐘意呢個平台，因為我可以隨心所欲將我想講嘅故事一一呈現
本身我預自己出文能力一定好耐
但大家給予我嘅動力，令我每日或幾日就出文同故仔
　
新一年，我會繼續努力經營呢個平台
創作更加故事，將廣東話流行文化繼續延續
亦為大家在不公義同無助生活之中帶點娛樂安慰
　
希望大家訂閱Patreon 睇更多獨家故事 多多支持
往後出書免費送去你屋企！
https://www.patreon.com/Homing