【#身體的訊號系列｜#胎記的成因】 「就係因為你前世唔肯轉世，啲牛頭馬面咪一腳踢你落去投胎，咩位有胎記咪就係咩位比人踢囉」大佬，有冇個科學啲嘅解釋呀？呢個唔收貨啵！ - 胎記係先天性嘅良性皮膚現象，可以喺身體任何地方出現，由血管﹑黑素細胞﹑平滑肌﹑脂肪﹑成纖維細胞或角質形成細胞過度生長所引起，亦有可能係胎兒喺發育嘅過程中，局部發育唔成熟所導致。除此之外，亦有機會係由遺傳因素引起，子女同母親有機會有相同嘅胎記。 - 亞洲人有一種常見嘅暗藍色胎記稱為蒙古斑，通常出現喺肩膀、臀部同背部之中，一般係出生後三至五年消散。另外，先天性黑色素母斑同太田母斑亦係常見嘅胎記，兩種胎記雖然係良性，不過都有機會對外觀造成影響，可以利用科學技術協助退斑。 - 其實有冇胎記唔重要，最重要都係個人嘅性格同德行，有時胎記仲可能成為人地認得你嘅一個特徵，例如前蘇聯總統戈巴卓夫 (Mikhail Gorbachev)﹑紅面棋王周俊勳等，唔少名人面上都有獨有嘅胎記架！ #投稿疑問 - ------------------------ ◆ 每日分享知識、每月提供課程 ◆ Beginneros網站: https://www.beginneros.com/ ◆ Youtube：https://goo.gl/OEJrGt ◆ Instagram：@beginneros ------------------------ #Beginneros #冷知識 #hk #hkig #胎記