【伴隨成長的印記｜近20歲的Emoji】 相信大家對Emoji感覺並唔陌生，呢啲表情符號已經成為大家生活中嘅一部分，原來Emoji已經有差唔多20年歷史。 . Emoji源於日本，Emoji(えもじ e-mo-ji)翻譯成中文後係繪文字嘅意思，「繪」意指圖形，加上「文字」就係圖形表達文字嘅意思，係由日本人栗田穰崇所創造，電話中用緊嘅Emoji，其實只係當中嘅一小部分，第一套表情符號只有172個，但現今官方版本嘅Emoji已經多達2600個。雖然睇落一個Emoji好似好簡單，但由設計到轉換成為程式碼，每一個差唔多用成年時間，先至可以成功將佢放喺各大平台上使用，所以每一個圖形都係製造者嘅心血嚟。 . 之前有套電影係提及Emoji，其實早喺個套電影之前，已經有一套關於Emoji嘅記錄片，表達Emoji點樣融入喺我地嘅生活入面。咁用得最多嘅符號又係咩？ 原來單係笑到喊嘅符號，已經有18億人使用，足足比第二位嘅心心多10億(Twitter即時數字)，雖然用就用得多，不過就未必每個人可以了解到唔同Emoji嘅真正意思。 例如（張開雙手）代表開放同想擁抱你 （雙手放係頭）係想話你知，一切安好 （黑色月亮）係代表令人毛骨悚然 . 唔講大家又真係明白幾多呢？不妨睇多幾個考下你朋友啦！ . #Beginneros #冷知識 #Emoji #😂 #🙆 #🌚 #🤗 ------------------ ◆ 每日分享知識、每月提供課程 ◆ Beginneros網站：https://www.beginneros.com/ ◆ Youtube：https://goo.gl/OEJrGt ◆ 冷知識投稿：http://goo.gl/zEYS3q