🍻尖沙咀新開日式居酒屋🏮 - 依間日式酒場最近先新開張，地方闊落，主要卡位為主，想食得有風味啲嘅仲會有bar枱位添🍶 當日平日夜晚去，唔算太多人，坐得幾舒服，非常適合朋友聚餐！新張期間仲有清酒720ml 50% OFF + 逢星期一Sapporo 生啤買一送一優惠，配埋餐廳主打嘅刺身/炭火即燒串燒真係一流，係放工後飲返一兩杯嘅好藉口😎 - 明太子煎蛋卷 ($78) 蛋卷表面光滑工整，做到軟嫩綿滑嘅口感，入面仲包住滿滿鹹香十足並帶微辣嘅明太子醬，整個蛋卷瞬間生色不少！✨ * 炸雞軟骨 ($68) 外皮酥脆香口，咬落爽脆，用嚟佐酒一流！🍻 * 特上刺身拼盤7點盛 ($680) 依個刺身拼盤幾啱share食，而且食材都偏貴價啲~ 唔少得嘅當然有海膽杯，和牛刺身 以及 大吞。海膽鮮甜份量都唔少，和牛薄而柔軟，不會帶任何腥味🐂 其餘仲有幾款白身魚，包括 平目左口，深海池魚 & 鯛魚。整體質素唔錯，拍得住某啲鮨店。 * 炭火串燒拼盤 ($180) 一共六串，以炭火燒所以外皮焦脆帶炭香，特別惹味🔥 拼盤包含了 豚肉露筍卷，豚肉車厘茄，自家製免治雞肉串，雞中翼，雞心 以及 雞軟骨。特別最愛雞軟骨，應該係雞胸骨嘅位置，連埋少量雞肉，軟韌脆口。免治雞肉串調味到位，用燒汁烤過再沾上蛋汁真係雙重享受！係略嫌軟骨份量少左啲，冇咁過癮 * 鹽燒牛舌 ($68) 採用左牛舌芯嘅部份，比較厚身之餘口感特別爽滑嫩口，只要配簡單調味鹽，少量醬汁同檸檬汁更可🤓 * 肉厚活三年帆立貝 ($138) 上枱時用火燒住夠哂睇頭，帆立貝應該原本有返咁上下份量，所以切出嚟夠厚肉，下面湯汁帶牛油香，帶子食落夠哂鮮甜。🥢 * 海膽汁燒蠔 ($118) 用鐵板盛上，蠔嘅外皮酥炸過，再淋上濃郁帶甘嘅海膽汁🦪 面層再輕微炙燒過，香氣撲鼻而且蠔同海膽嘅鮮味打孖上！😋 * 雞湯卡邦尼拌烏冬 ($88) 一眾小資朋友仔去居酒屋識玩就必定叫返幾樣熟食打下底先😏 依個烏冬除左麵條夠煙韌彈牙之外，個卡邦尼醬汁仲加入左雞湯，令成個味道更濃厚，有啲似忌廉雞湯咁🐓 加埋蛋漿，火腿，少許芝士同胡椒粉，非常滋味，值得一試！份量幾大下，適合開心share~ - Akoya (尖沙咀) 尖沙咀寶勒巷10號3樓