理所當然的被艾粒洗板， 想到艾粒奇異的存在， 以及自己上星期睇完方大同， 今個星期是艾粒在紅館， 更覺生命嘅神奇😂 —— 大學的傳播學裡是否值得以艾粒作為研究題目？每個人生命裡面只要有0.1毫克的喜感，都會被艾粒召叫。打開報紙，再加上自己本來帶點荒誔的人生，「乜呢單嘢咁艾粒」是我們會說的事。無論任何一個艾粒劇場戲目，靈感和橋段根本就來自生活！人生如果必須嚴肅，艾粒的觀眾群就不會有這麼遼闊，好多有品味人仕骨子裡都有艾粒DNA，而艾粒就是一個街頭風味的知識份子。沒有智慧和感性的基礎，就只會是單調的胡鬧，BUT艾粒是複雜的構成，這樣才獨特。 #故事裡面你總找到跟你相似 —— 再來就是艾粒的音樂作品。 沒有一次艾粒不是以當時最流行的詞語、曲風去寫歌，翻聽艾粒的作品同時是一個潮流的回顧，只要有想做的題材，那首歌必然將所有前精華用盡。 —— 很想聽到〈顧家〉，因為顧家除了講到獅子山下的老香港，還一語雙關的吃了顧家輝先生寫過的時代曲。 #戴卓爾媽媽一仆低股市即冧咗 #媽媽收工返到屋企齊人食腐乳三幾磚 更不用說〈我我我我我有胸部〉未有selfie的年代一早就知道人有做Gym有做俾人睇的怪癖，〈個頭痕唔痕呀〉流行之後我真的沒有再聽過Salon Junior機械式的問候了(自此覺得他們都問得很誠懇)。而這張艾粒專輯的歌都是當年英皇歌手最Hit的作品，又是一個時代的見證。 #我要到西門町沒有你陪伴 #夜空是否還一樣燦爛 〈巨棒堂〉填呢啲，一次過滿足所有台式情歌元素，唔勁呀？〈歡樂前粒宵〉仲有日文(其實艾粒的歌都好多日文)，〈艾粒情歌〉當年好景還會有人大叫四樓有四仔吧？ #認識你那天在四樓的小店 #付了錢回家談談天 〈娜娜奈奈〉是矢澤愛的〈NANA〉Cam Cam哋更自在版本 #從前試過跟一班師妹學吓做瑜伽 —— 都唔好提以占奴其實好有要求，但做落又扮晒隨遇而安hea住做啦(😂)，艾粒的作品全部都好聽，全部音樂人給艾粒的都是「難得可以玩得盡情」那般的好。〈爆裂戰隊〉好到，最後似演歌那四粒音每次都覺得頂吖！有咁完整嘅日本風特攝類歌曲？ —— 艾粒啲歌我都唔知點解會識唱晒。人生總有些事情你會問自己「做乜用咁多腦細胞」，記得艾粒歌詞算是其中一種。 —— 繼當年用我老豆套HiFi播艾粒出道嗰隻碟，阿媽一臉憂心，聽到〈蘇蝦要食奶〉忍唔住問「⋯⋯你呢啲咩嚟㗎」好似誤入歧途一樣，我而家7點幾响樹寫艾粒！做乜膠？ #youaregoodsinger #andplayinggoodguitar #youstillavirgin 艾粒都上過豁達榜🙄 —— 希望可以瞓返。 寫於艾粒攻下紅館後 星期日上午七點 起身屙尿真係唔好手痕開電話。