台灣與香港的不同生活

從香港到台灣，從初來報到至落地生根，里奧叔叔貶下眼就嚟咗五年，其實同嚟之前幻想既台灣生活有冇落差呢？答案係「有」，實際落差都真係幾大，今日同大家分享一下。

業主審問式查家底

記得係香港申請緊居留證既同時，里奧同里奧嫂幾乎每兩個禮拜就飛台灣一次為學校、住屋、選區等等，以為係台灣租屋好簡單，591網睇到既租盤好多都係業主自己租出嚟，要飛一次三日兩夜就約曬D業主睇樓真係好攰, 作為一個連居留證都未到手既香港人，業主見面後都會查家宅式問料，由生活問到工作，由工作問到點解會做這個工作，再問埋你既工作賺幾多錢一個月都有。
里奧都好明白業主擔心租客品德，但問到咁透徹又真係唔慣，從佢地既面部表情，應該係如果有選擇既情況下都唔係太想租比非本地人。

房屋仲介既租盤都唔多

又試過就咁行入台灣既房屋仲介，但似乎佢地唔多鐘意做租盤，而且又係連居留證都未出佢地都無咩心機幫你搵，後來係網上搵到一間專門幫外資企業租樓既仲介，雖然D盤會貴少少，但睇幾間都好優質，好快就決定咗以台幣$42000 租咗一間位於高雄左營既全新四房單位，全新裝修連傢電仲包埋一個車位同管理費，面積實用有1300呎，就係咁，到里奧一家收到居留證後飛到台灣就直接搬咗入去，開始我地一家既台灣新生活。

鄰居可以很好，也可以很………

住咗未夠一個月的一個中午，小朋友放假唔洗翻學係屋企玩，可能係跑跳既關係，里奧接到管理處通知我地被樓下投訴😲, 當時里奧既反應係認為小朋友太興奮影響人地啦，所以叫小朋友唔好太興奮，要輕輕地玩。

相隔只有一個週未，里奧幾位台灣朋友等我地安居後佢地約埋嚟里奧屋企食飯，可能係飲多兩杯既關係傾計太開心，未到晚上9點又接到投訴話我地太大聲，飲咗小小酒既里奧當時心裡講咗一句（what the F x ）, 台灣朋友就幫里奧去解釋，拍謝拍謝「台語的sorry」,我們聲音會小一些，不好意思。
朋友話，台灣住大樓好多時候都會出現呢個問題，住透天既朋友話好多時候住大樓都會遇到「龜毛」鄰居，遇到就盡量互相忍耐一下就好，自此之後我地一家係屋企就學會用「輕功」行路🤣.

銀行辦事效率代表了生活《慢活》

安居之後就要準備樂業啦，到之前開公司時開設既銀行去開翻個私人戶口，唔洗排隊下開個戶口都要成個鐘頭，之後連入支票都要排隊，攞既飛仔等號碼每次都要差不多一個鐘，剛開始時會諗點解連drop box 都冇？經常心諗點解銀行唔可以好似香港咁點點點，點解咁慢，點解………

餐廳食飯明明有位都要等

屋企附近有一間幾大既餐廳，入去一定要由服務生帶位

服務生：你好，請問幾位？

里奧：我們四位，謝謝

服務生：好的，請稍等一下

講完之後佢去咗送餐，之後見到佢走嚟走去，但明明就見到大把空位可以坐，但點解又要稍等呢？點解等等下又過左5分鐘先比我地入座呢？🤔
原來呢個係佢地既服務程序，一定要等佢地完全ready 先再安排客人入座，程序就係程序，原則上係唔會變既。

餐廳冷氣開咗好似冇開咁

朝早去食早餐，室內都會有冷氣但唔夠凍，大家都知香港D餐廳冷氣都開得好勁，但里奧係台灣既餐廳食飯成日都大汗dup細汗，心又諗咁樣既冷氣開嚟做乜？

回想起初到台灣時里奧真係會經常諗：點解唔可以好似香港咁，又點解唔可以咁，經常都會用香港做標淮。

但係諗深一層，唔同既地方盡管大家都用中文，文化差異都一定會有，既然嚟到台灣就應該慢慢融入，慢D咪慢D囉，冷氣唔凍但有涼咪Ok囉，問多兩句咪問囉，點解要用香港做標淮呢？如果咩都要用香港嗰套既話，咁又點解要嚟台灣呢？用香港標淮咪留係香港咪得囉。

五年後既今日，以上分享既問題變得都唔係問題，相反返到香港時會覺得餐廳冷氣太凍呢。🤣🤣

#里奧叔叔
#移民台灣
#日希移民

歐式透天+戶戶配電梯😍😍
但人客啊開價破3千萬欸…

#不是不想買 #是買不起啊 #加減看
━━━━━━━━━━━
✅找房子請用Line→http://591.com.tw/cGIrE
💯YouTube看開箱→http://591.com.tw/cXkkE

移民新政策對你影響有幾大？《1》

今個禮拜有好多朋友PM里奧叔叔，問里奧叔叔對新規定有冇對策分享，唉……里奧叔叔雖然自問對台灣中小生意營運略有心得，但新規定要投資移民既公司連續營運三年，而且一定要請最少兩名員工，系咁既情況除非對在台灣營運生意胸有成竹，否則好可能最後會五大皆空。
里奧叔叔都諗緊系咪真系拆唔掂呢？

希望分享多D例子可以幫到大家。

有人話只要用心做就一定無問題？？？
真的假的？🤔🤔🤔🤔🤔

早兩日有朋友send左個片比我睇，片中系一位香港既移民顧問講解新規定，並最後加左一句「只要大家用心經營，相信一定無問題」之類既說話，里奧叔叔睇完之後好冇禮貌咁笑左一下，我覺得如果真系咁簡單就冇人會生意失敗啦。

落實生意前首先要對台灣市場有一定了解，否則所有決定都可能做錯。

之前有一位朋友既朋友黎高雄考察「我會稱為旅行」，話想同老公帶埋個女移民台灣並定居高雄or台南，佢老公本身系廚師，所以都計劃開間餐廳過穩定既生活，鐘意高雄or台南系因為樓價比較底，相對房租都唔貴，餐廳可以前鋪後居，咁樣生活聽落好寫意。

聽完佢講我就問啦，意思系想租一間地鋪+2樓「住家」？還是全橦地鋪透天 ？
朋友話透天，因為咁大個人都未住過獨立屋，對生意其實冇咩要求，唔諗住賺大錢，只希望一個月賺夠生活就Ok . (我當時心諗，要賺一個獨立屋既生活仲叫冇要求？🤔）

咁有冇考察過系邊區開呢？

朋友答：未呀，不過系591睇過下，高雄台南有好多地鋪連全橦透天好新好靚都系租3-5蚊台幣，有d仲寫明可以開餐廳。

冇錯，系台南高雄好多透天租金都唔貴，但咁抵租既地區大多數人口都比較少，如果做餐廳應該要開系人口比較多既社區，例如大樓（大廈）為主，起碼人口比較密集，經營飲食客源會比較穩定。

大樓密集既地區有冇地鋪連全橦透天呢？當然有啦，但租金絕對唔系3-5萬囉，如果鋪位唔大的話3-5萬系租到既，不過就系單一鋪位，而唔系全橦透天前鋪後居。
其實生活系咪應該同生意分開呢？

好多朋友都會覺得台灣做生意租金好平「以香港人角度」，但租平一定系有原因，住遠D冇所謂，但做飲食生意太偏僻人口少就難搞。

待續……一間港人高雄市區麵店，租金平生意又火爆

想聽里奧分享多D有關我既台灣創業路同生活
🇹🇼請大家分享出去啦🇹🇼
記得like+follow呀

#投資移民台灣
#高雄
#里奧叔叔的台灣創業路
#移民