《糧尾窮人恩物，沙嗲王！🥳》 - 沙嗲王就由細食到大嫁啦，今次係第二次寫關於佢嘅嘢食，原因係唔知點解佢到而家都唔使點排隊，鬧市中都不失為一個好選擇。🤪 · 芝士肉醬年糕，就即係芝士肉醬意粉嘅年糕版，冇乜特別，好似普通嘅肉醬意粉，但係有好多芝士做拉絲嘅感覺，。作為年糕控嘅我非常之滿意，雖然賣相好頹。🧀🧟‍♀️ · 石鍋蝦醬炒通菜就係平時酒樓食到嘅蝦醬炒通菜，呢個配搭不嬲都好食㗎啦，今次味道偏鹹，但都係好食。而勝在石鍋夠熱，成餐食完都唔會攤凍晒，推介。👍🏻 · 至於每次嚟到必食嘅白咖喱香茅豬扒飯，反而係失望所在：因為今次D豬扒都唔係好靚，炸得有啲老身，仲細舊左添。下次都係叫返日式蟹粉鍋算啦🤮🤦🏻‍♀️ · 整體來講，兩個人食$200都唔使其實好鬼抵，月尾食感覺真良好。😈 - 芝士肉醬年糕 | $46 石鍋蝦醬炒通菜 | $54 白咖喱香茅豬扒飯 | $60 - 沙嗲王 @satayking.hk 銅鑼灣軒尼詩道502號黃金廣場5樓 - #foodevilx #foodevilx🇰🇷 #foodevilx18區