《七公主》能成功拯救收視嗎？

～ 這劇救唔救到收視？肯定得啦，奧運期間黃金時間平均只得十幾點收視，基數這麼低，頭五集直播收視只要有二十點或二十一、二點，已經可以被媒體用「飈升」去報導。如果頭五集仲係唔過二十點，表示慣性唔睇可能開始形成，不喜歡大台的網友到時又可以搵小鳳姐。

～ 套劇收視會唔會高呢？監製度橋時可能這樣計數，根叔(劉丹)同三個女做骨幹的《愛回家》，平均收視經常有25點以上，《七公主》係根叔同七個女的故事，多左四個女喎，收視照計唔倍升，都應該有三十幾啦！搞下笑啫，數肯定唔係咁計，咁都得嘅下次肯定開《十公主》、《廿公主》啦，反正大台咁多女藝人。

～ 之前宣傳因為香港勇奪首面奧運劍擊金牌，大台食住個勢，提前推出有劍擊內容的《七公主》，為左劍擊熱收看的觀眾肯定失望啦，要去到第四集先有些少劍擊場面，成套劇大體上是《同一屋簷下》式的尋親故事，透過每個女性的不同遭遇，容易泡製一些敢人故事，這種形式容易被家庭觀眾接受，而網民批評的老土重複公式，對大台擁躉來說，正是這劇的優點，他們就是鍾意睇這些公式，大變動如《刑偵》反而好唔鍾意。當然，每個階層都有唔同睇劇口味，啱你口味，睇得開心的，就繼續睇啦，唔駛理別人點講。

～ 既然四個女兒都用了金庸小說的女角名字，不如劉丹的名字由百方改埋做正淳仲襯(段正淳出自《天龍八部》，段譽之父，有一妻及五個情人及五名女兒)

～ 黃翠如擔正女一，自然又遇到大量演技唔得的批評，今次飾演一個為利是圖的大狀，表情硬繃繃，又吊起把聲講對白，真是令人看得唔多舒服。她亦繼續她特有的「環保派」演技，即時無論喜怒哀樂、內心糾結、心慌意亂、晴天霹靂、威迫利誘、嚴詞審問，套人真話⋯，大致都係差不多的表情，相當慳水慳力。不過，這個問題看來不會影響她在大台的地位，因為她夠聽話，《七公主》同《那些我愛過的人》，原來都是臨危受命，放棄休息去頂替李佳芯，憑這點大台一定唔會虧待佢。之前《逆天奇案》中，蔣祖曼「律政女神」的大狀角色設定，同顧靈珊其實大同小異，不過蔣祖曼處理得外剛內柔，不慍不火，個人覺得好睇好多，縱使演技如此，但應該影響唔到黃翠如在大台的地位，做藝人，有時好運重要過好戲。

～ 可以令我睇完頭一個星期，主要因為林夏薇，顧語嫣這角色好睇過《逆天奇案》的Wing姐，她在法庭一幕，之後同靈珊的對立，應該是頭兩集的重頭戲，可惜遇到個「環保派」對手，火花無預期效果，搞到第一集重點變左靈珊那場所謂性感戲。不過語嫣第二集潑屎一幕，又真係睇到充滿黑人問號，首先邊度搵這麼多原材料？當她自己生產，一個沒有私家車的人，又如何運輸咁大筒屎去到法庭門口，仲要等人打完官司出來，才走去潑，點可能無人發現，無人阻止？

～ 另一個交足功課的是高寧，但真係有點怕她側邊的「一拳超人」，啲對白好炒耳。點解要咁憎家姐做大狀呢，家姐依足法律程序，沒有犯法，又唔係百分百同衰人打官司，又無害過佢，做乜咁嬲呢？而且自己仲同過黑社會大老一齊，個底又唔算乾淨，有點自相矛盾。

～子誠做好人，仲要去溝女，可能是另一看點。

#七公主 #劍擊呢

【明哥】（2019年舊文）

Wyman生日，被邀請的確是種值得珍惜的榮幸。見到許多明星嘉賓前來，都紛紛為他慶賀表演，都看得出誠心誠意，心懷愛和敬意，好替他高興。平常好討厭聽到人說：「識人好過識字！」言下之意即是交際應酬手段比個人才能學識更重要，曾經為此跟相識多年的朋友吵架，幾乎反臉。自己知自己事，才藝學養皆平庸，交際手腕更接近負值，勝在做人處事尚有一點韌力。即是如果夾硬要我同意，那句貪了小便宜就懶興奮隨口說的「識人好過識字！」，自己的人生則準備永不見天日。

雖然知道，識人好重要，但人和人之間交往，始終好珍惜那純粹和真誠，如果去認識一個人往往懷有不可測量的目的，甚至某程度總要扭曲自己的性情和價值來遷就，這是種自己未必可承受的疲憊，至少我寧願抵受寫字造句的沉默寂寞。所以看到Wyman寫得一手好文字好歌詞，然後贏得許多人的尊重和愛戴，這對於一個也算寫字謀生的人，總算是口強心針。

說回那天，見到好多名氣大的明星。不得不再認自己交際低能，幹了這行二十年有多，大部分藝人都訪問過影過相，就是沒有延續交際應酬下去，不是不想不是我不友善，是真的沒天份。有機會見番，如果認得點個頭，已經好厲害。如果去到像Wyman般會邀請自己出席五十派對的，可視為神蹟。入正題，那天最興奮的，是看到明哥，他竟然依稀記得我，還問為甚麼幾個星期前（跟一些共同朋友）約好的飯局沒來呀，然後行咗去沒有下一句，我已經開心到跳起。其實這十多年訪問過他三四次，達明一派是自己心中頭號樂隊偶像，他們的歌既新潮也悲天憫人，具備不可比擬的劃時代力量：「恐怕這個璀燦都市光輝到此！」是神級預告。每次訪問見面他都溫柔友善，但好老實他早年常處於神遊物外狀態，即是對話內容好飄也帶點疏離。我相信跟明哥之間的距離，已經不是所謂交際手腕拉近得到。勉強可以順利完成訪問，但就題外話想再交流多一點，彼此間幾乎稱得上對不了頻道。這感覺，也曾聽其他同事其他行家提及過。

直到近年，大家對明哥有另一種看法：他的言詞明確清晰得多，依然是那麼溫柔婉約，但他每次站出來，就是如此昂然有勁，為我們的社會公義不辭勞苦挺身而出。他沒為任何自身利益，講道理沒有粗話沒有金句沒有大局分析也沒有詞鋒銳利。只是很意料之外他的腰背比許多直佬或所謂傲氣男兒挺得更直。沒認為他因為唱歌賺過天文數字的金錢，卻從來沒聽過他埋怨自己因為說真話而損失多大市場，犧牲了幾多！他只是好自然順暢地因為自己所嚮往的信念，真正愛這地方，當香港是自己的家，然後無畏無懼地表明自己立場。

他比所有電影中的神探英雄黑社會大哥或功夫師傅更堅執更勇毅。好像經過幾十年的時間驗證，才發現當年那位瘦削驕矜，衣著前衞，眼神有點飄忽無定的長髪男生，在最險惡的時代，反而仍站在原來那個位置，依然在朗唱三十年前的歌聲，仍挽著你手沒離開過，為自己的作品和格調作出長久的品質保證。他是十個救火的少年的最後一位，他慢跑是故意的，故意等埋你才撤離。尤其見識過幾多明星幾多政客在三十年前，一窩鋒跟大隊好義憤填膺好淚流披面地上台唱歌講話，但歷史證實，事先愈大鑼大鼓愈慷慨激昂的，事後變臉變得最快最醜惡，映照得明哥比誰都懂公義，比誰都記憶力強！

知道自己的粗鄙麻甩和明哥不容易對正頻道，即使那天我有機會和他吃飯，都未必談到超過十句。再過多兩星期，他應該連我是乜水也記不了。但沒所謂的，有些愛和尊敬是可以單向的，他的魂遊他的善忘我都傾慕。我的心，仍經常會為他的說話抖擻感動，他為我們這個世代，作了一個仁義的榜樣。這比他唱過甚麼歌拍過甚麼電影更偉大更神聖。我仍愛欣賞其他歌手或演員的作品，但就是明哥配得上那光亮的冠冕！
好像叫明哥的，都是好人。

#今天不是明哥生日

［微風正飄過輕搖長裙～～光陰帶走了癡迷時辰～～相相抱緊～～完全地接近］賣洗衣液都賣到蝕4000萬，咩玩法？新股嘅嘢。梗係上市好美好，兩三次業績就現型。

＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1800人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

TLDR：呢篇保證全無重點，東拉西扯，十分符合我作風。

1. 照計講大陸公司最好。古語有云：America. They want someone to love, but they want someone to hate. They want it easy（＊），實情呢，你將佢代入英國（年年射失十二碼都有屌靶，吾友話齋，白人一樣插到九彩），中國，香港，都得。全世界都係TVB文化，呢個忠嘅，呢個奸嘅，而本人就最撚高貴最撚聖潔。

2. 雖然我一般唔玩呢啲，但，為咗拯救下收視，都要隨下俗。刁，杜琪峰都要拍《孤男寡女》啦，佐治古尼都要拍Ocean’s 唔知幾多啦，Beyond都要扮阿拉伯佬啦（而家就畀人話cultural appropriation了），你覺得我叻過黃家駒咩！

3. 話說呢，包裝都係好重要，股票都係。近年嘅有RobinHood打著紅旗反紅旗，根本啲股東全部係華爾街基金，但就扮到反華爾街。遠少少嘅，「上海和黃」（＊＊），復星國際，好嘢，諗到呢個包裝真係好嘢。之後仲有「地產界UBER」WeWork（即係，寫字樓劏房），「美版拼多多」WISH（輸到我趴街，好彩只係買少少），甚至「印度支付寶」Paytm（仲有印度劉德華），「東南亞騰訊」SEA等等。

4. 至於非金融嘅，好成功嘅例子，搵日再講，當然係科大將自己包裝為「三大」（當然係科大發明，唔通係港大？定浸大？）。史上最成功嘅，當然係奧地利，令大家以為莫扎特係奧地利人，而希特拉係德國人。第二成功嘅，就係「愛情傻戀啦啦啦」嘅肥妹李美林，變咗亞洲性感天后Coco Lee。

5. OK，介紹返，今日嘅主角，藍月亮。號稱，「中國P&G」，結果就變咗「中國A&F」，或者「中國P&K」。都話，中國嘅嘢，地大勿搏，繁華娼盛。可惜呃GL（費事hate speech）話「十萬萬同胞一人買一支洗頭水都發」嘅故事，玩咗百幾年（since鴉片戰爭），已經爛晒。

6. 我呢，就真係唔係好明，做乜解賣洗衣液洗手液都可以蝕錢，公司當然有解，但算吧啦。

7. 而我亦都認真唔係好明，做乜賣洗衣液洗手液都咁有季節性，真心想知。19年上半年27億生意2億利潤，下半年43億生意9億利潤。20年上半年24億生意3億利潤，下半年46億生意10億利潤。

8. Anyway，公司上市都未夠一年，股價就當然係哈哈哈。記得嗰時都有小友問，我都叫唔好買，好簡單，太貴。貴可以更貴，但個出錯空間細好多咯，咁你整啲咁嘅數，咪出事。況且，新股嘅嘢，向來都唔多可靠。
9. 正題都講完，繼續廢話時間。公司總部黃埔區（唔係上海黃浦，更唔係紅磡，但，其實紅磡黃埔係named after黃埔船塢，which is in turn named after廣洲黃埔！），細個返廣州都去過。不過最記得唔係黃埔軍校，而係……黃埔炒蛋（有人以為係黃布炒蛋，表錯情了）。記得就十分好味，但唔知係細個啲嘢好食啲丫，定只係見識少，定只係回憶嘅味道。

10. 呀仲有，標題嘅呢首，應該四十歲嘅無人不識，李克勤嘅《藍月亮》。很紅的說，好似當年佢做港姐表演嘉賓都係唱呢首（應該就係搞上咗盧淑儀嗰屆）。其實我原本仲有篇《酒紅色的心》講上市公司偷咗客啲紅酒。兩首歌有乜關係？安全地帶嘛。

11. 又，唔識日文，但我個人覺得《藍月亮》係廣東話版好過日文版的。填詞啲節契幾好。理論上，你填衞斯理《紅月亮》都得的，但就係《藍月亮》順口啲。（正如大家都一定聽我講過，《遙遠的她》就梗係要「血癌已帶走她」先浪漫，變成「肺癌」甚至「乳癌」就冇咁浪漫，當年我教書可以上堂同學生講呢啲，而家實畀投訴死）

12. 填詞嘅，係向雪懷。「向雪懷」當然係筆名，而「向雪懷」對「葉念琛」，正如「辛棄疾」對「霍去病」。講乜？「向雪懷」個初戀女友叫阿雪！話畀屋企人迫佢嫁咗去美國。於是就有呢個名！係咪好痴線呢。葉念琛都係咁上下故事。

13. 最後一講，關於「藍月亮」，唔知向雪懷只係貪意境同啱音，定都有知道「藍月亮」在英文係rare event咁解，黑天鵝嘅friend

14. 但成件事最痴線係，你估我由邊度知道呢樣嘢？係黑社會大佬訪問！（https://bityl.co/7x4c）。呀鬼添所講的！once in a blue moon，真係幾咁有文化！條友讀左個澳洲MBA添呀，側聞平時就睇下Economist 咁。你話讀書幾咁緊要！

（＊）”I, Tonya＂（冰之驕女），Margot Robbie嘛，好睇。The haters always say ‘Tonya, tell the truth.’ But there’s no such thing as truth, I mean, it’s bullshit! Everyone has their own truth & life just does whatever the fuck it wants.”。 不過套戲其中一個好有趣嘅位係，你去邊度搵個可以跳凌空轉體三周半嘅人出嚟演？奧運金牌運動員喎。女主角固然唔得，替身都搵唔到，史上都係得幾丁友做到，但全部唔肯演。最後，當然係電腦搞掂。

（＊＊）In case有人未聽過，我又回帶講一次。當年復星上市，我都有抽，仲有幾手，但係用條女嘅戶口抽。後來分咗手，就被收歸國有，應該對方諗住當係掟煲費咁。然後有一排我係不停咁睇住個股價的，心諗如果升咗幾百倍就同佢死過。幸好冇呢件事。固然由08低位到而家，復星都升咗10倍，但我唔係低位買嘛，係上市抽，冇乜升好多，咪當……掟煲費咯。

＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1800人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

最近日本政府再一次宣佈東京進入緊急狀態，今次的防疫措施跟以往不同，其中一項新措施就是東京店家在晚上8時後（日本時間）就要關掉所有照明，令晚上的街道只剩下街燈！到底8時後（日本時間）店家是不是真的會乖乖關燈？關燈後的東京街頭是甚麼樣子？跟著Mika來到東京澀谷街頭，一起通過直播鏡頭看看吧！

地點：東京澀谷
日期：2021年4月30日
時間：晚上6：30開播（香港時間）
6：30～7：00→疫情下的澀谷街頭！甚麼店會關，甚麼店會開？準則又是甚麼？
7：00～7：30→關燈一刻！關燈後的澀谷街頭是怎樣的？

by Likejapan_mika【Facebook專頁】菜鳥mika的東京物語 https://www.facebook.com/likejapan.mika​
－－－－－－－－－－－－－－－
相關影片：
【日本直播】緊急狀態下的東京池袋現場！有多少我們熟悉的店舖倒閉了？
https://youtu.be/x2m7Ub2AR0A​​

【日本直播】直擊疫情下的東京上野現場！阿美橫丁沒有人？！
https://youtu.be/eKlLg_kTjlg​​

【日本直播】疫情下的新宿街頭散步2021！
https://youtu.be/sF2KbBp17VY

【日本直播】東京賞櫻2021！來看晴空塔下的舊中川河津櫻吧～
https://youtu.be/_zSn23xxlHk​

【日本直播】十萬個移居日本的理由！我們為甚麼離開香港？為甚麼選擇東京？有沒有後悔過？
https://youtu.be/-BnkWym8iTk​

【疫情下的日本】池袋閉店潮！趁TOKYU HANDS結業前最後來逛多一次（哭）｜2021年4月版
https://youtu.be/pR1sxa_ohwc

【18禁】潛入日本新宿黑社會地盤&紅燈區 東京最危險街道歌舞伎町！｜《菜鳥Mika過日辰》#18 冒著生命危險潛入歌舞伎町深處！
https://youtu.be/8nh4yXwzBQo

#日本直播 #東京 #澀谷

香港的醬料，有不少仍堅持本地製造。像「文記醬料」，老闆文健佳今年70歲，做醬50年，他勤奮盡力，每朝六時開工煮醬，晚上八時工作完畢，但有時客人多，要到十一二點才收工，一天工作十六七個小時。
他煮的xo醬、麵豉醬、麻辣醬等，共12種，主打辣椒油，用辣椒乾「雲南辣王」，與蒜蓉、八角、甘草片、桂皮、芝麻、花生、蝦米、蝦醬，撈在一起炒。他炒醬依然用人手，明火煮，拿着鑊鏟不停攪，以防燶底，辣椒油一定炒足一個半小時，不能愉懶，非常吃力。炒時他揮汗如雨，飄出的氣味攻眼刺鼻，鼻涕、眼淚一起流，很辛苦。熱油與辣椒也會經常彈出來，燙傷手腳，如家常便飯。
辣椒油不加色素、不下防腐劑，入口辣得驚心動魄，吃下去有芝麻、花生、蝦米、蝦醬等複雜的香味，勾住了味蕾，令人上癮。
文健佳祖籍深圳松江，自小對辣椒有感情，家中種了一棵辣椒，他用蒜頭、食油混合辣椒來炒，做給親友吃，人人都讚好，他就很想長大做辣椒油來賣。73年，他偷渡出來香港，跟哥哥做小販，賣魚蛋豬皮，黑社會來收陀地，他忍無可忍拿起鉸剪去插那些人，自始黑社會再不敢來。
那時他就是煮這個辣椒油，來撈魚蛋，客人很接受，日日排隊捧場。後來他上了鋪，陸續開了九間店，明星如鄭伊健、張衛健都經常走來吃。他最高峰期賺了八層樓，但因喜歡賭錢，輸了千多萬元，因此所有鋪都結業。
他由樹上最高跌下來，他後悔自己爛賭，惟有去做擔泥頭，勤力幹活，慢慢去搵錢。那時建築公司老闆見他勤力拼搏，感動了，肯借錢給他創業。自那時開始，他腳踏實地，他覺得自己煮辣椒油有天份，就選擇做醬料，自己煮醬、包裝，起初在租散貨場賣，給人試吃，客人覺味道好，醬料賣完一樽又一樽，不少客人回頭買。他又批發給許多雜貨店、酒家，連「食神」食家梁文韜也曾是他的捧場客。甚而不少客人親自乘車來製造廠買。
辣椒油愈來愈好賣，這樣一步一步的邁進了他小時候的夢想！

文記醬料
廠地址：新蒲崗大有街2-4號旺景工業大厦5字樓H座
電話：2342 0343
營業時間：星期一至五9am-6pm
銷售點︰請留意香港文記醬料Facebook（https://bit.ly/2P1jpUI）

#醬料 #辣椒油 #麵豉醬 #xo醬 #港產醬料

更多土炮好片：
柴灣40年古法叉燒 新桂香燒臘
https://youtu.be/zx_wqdZJEbQ

旺角中式老餅家 鎮店之寶雞仔餅
https://youtu.be/dIxQeKU_ROw

水滾茶靚 港式點心 歎一盅兩件
https://youtu.be/eK8bjW4RIvE

==============================
土炮好片，馬上訂閱YouTube： http://bit.ly/2H7BpYW
==============================
如有各區好人好事、小店情味故事、本地攝影作品、社區有趣大小事等等，歡迎Inbox土炮報料，有機會在專頁上刊登！

｜直播賣貨｜廣告人轉型創直播賣魚 日日4am去香港仔魚市場買魚劏魚 客人：睇直播好似追韓劇咁吸引
"內地近年興起網上直播熱潮，人氣網紅動輒都有一百幾十萬粉絲，月入百萬不是夢。這股熱潮近一兩年吹到香港。因社會運動及武肺疫症，近一兩年香港人越來越少上街，在家工作成為常態，網購也成了新趨勢。自去年開始，無論甚麼時候上fb，總看到有人開直播賣貨，乜都有得賣，最近更發展到連生勾勾的魚蝦蟹都有得賣。
原本做廣告行業的Stanley，公司生意因武肺大受影響，行業開始萎縮，去年決定轉型，踩入直播界，和生意夥伴創立了一個直播平台「Pakdon Live泊檔直播」，主打賣生活用品、零食、韓國衫等等，這類貨品貨源易找，也意味着競爭大，於是想賣另類貨品。由於自己喜歡吃海鮮，眼見市場上雖然有賣海鮮的平台，但來來去去都是賣蝦賣扇貝賣冰鮮海鮮，靈機一觸，不如賣活海鮮，概念就像日本魚市場，每日晨早親自去香港仔魚類批發市場買新鮮貨，然後即場開直播售賣。
Stanley和拍檔都沒有街市和漁業背景，對魚的知識近乎零，但卻充滿信心，「民以食為天，就算疫情幾嚴重，人人都要食嘢，實掂啦。」他對魚市場的印象甚差，「周圍都係黑社會，粗口滿天飛。」但仍膽粗粗去見識，才發現在魚市場識人好過識字，入貨要有牌頭，批發商未必會賣貨予新手，甚至提供次貨，他們就決定每日凌晨去香港仔魚欄閒逛學嘢，觀察魚販怎樣買魚、揀魚和格價。逛了廿幾日，終於有老行尊願意教入貨，劏魚，將海鮮分缸飼養等，更在魚市場附近租了一個檔口給他們。"

影片:
【我是南丫島人】23歲仔獲cafe免費借位擺一人咖啡檔 $6,000租住350呎村屋：愛這裏互助關係 (果籽 Apple Daily) (https://youtu.be/XSugNPyaXFQ)
【香港蠔 足本版】流浮山白蠔收成要等三年半 天然生曬肥美金蠔日產僅50斤 即撈即食中環名人坊蜜餞金蠔 西貢六福酥炸生蠔 (果籽 Apple Daily) (https://youtu.be/Fw653R1aQ6s)
【這夜給惡人基一封信】大佬茅躉華日夜思念 回憶從8歲開始：兄弟有今生沒來世 (壹週刊 Next) (https://youtu.be/t06qjQbRIpY)
【太子餃子店】新移民唔怕蝕底自薦包餃子 粗重功夫一腳踢 老闆刮目相看邀開店：呢個女人唔係女人(飲食男女 Apple Daily) https://youtu.be/7CUTg7LXQ4M)
【娛樂人物】情願市民留家唔好出街聚餐 鄧一君兩麵舖執笠蝕200萬 (蘋果日報 Apple Daily) (https://youtu.be/e3agbTOdfoY)

果籽 ：http://as.appledaily.com
籽想旅行：http://travelseed.hk
健康蘋台： http://applehealth.com.hk
動物蘋台： http://applepetform.com

#直播 #帶貨 #賣貨 #廣告人 #香港仔
#果籽 #StayHome #WithMe #跟我一樣 #宅在家