#WalkInSanPoKong 昨日參加了導賞團，認識舊區新蒲崗，細説香港小店的意義，解決我們生活一些瑣碎事。列如： 1. 紙扎舖係用通勝來解説點解人會遇著黑和怎樣化解 (信不信就睇個人啦)👻 2. 零食士多店賣超多種類的蜜餞、薯片、糖果等等，全以平民價錢😋 3. 舊式上海理髮店，依然提供全套服務，但不懂剃軍裝頭😄 4. 本地鞋店有平民價返學鞋👍🏻 5. 茶餐廳做了50+年養活三代人，做老熟客生意👏🏻 6. 東頭邨街市有公共空間讓街坊一齊坐著聽收音機廣播🎶 其實每區都有小店，我會去幫襯佢哋，希望可以繼續有多D種類的小店和餐廳，少一D連鎖店。 Yesterday, went to discover local Hong Kong shops at San Po Kong and to understand their stories and how they help solve bits and pieces of problems/needs we have on a daily life. Interesting indeed 😄 #CukieeInHongKong #Sanpokong #新蒲崗 #travelinhk #舊區 #oldarea #紙扎舖 #papiermacheshop #衍慶街 #士多 #上海理髮店 #hairsalon #teacafe #茶餐廳 #鞋店 #shoeshop #hongkonglocalshops #香港小店 @streamtours

【你睇我好】29歲何廣沛近年上位極快，不過有前途不等同有錢途，簽做親生仔即係出外搵真銀機會等於零，為咗慳番個錢， 何廣沛食住玩都要靠屋企，仲向本刊承認冇錢所以唔敢諗拍拖﹗ 全文：orientalsunday.hk/?p=218436 棄會計師做藝員 何廣沛 食住靠屋企 29歲 何廣沛 可能係近年冒起最快無綫新人，呢期仲因為熱播話題作《超時空男臣》再次成為人氣小鮮肉！不過打得大台工，有前途不等同有錢途，得到電視台重用，即係話綁手綁腳外出搵真銀機會等於零，為咗慳番個錢， 何廣沛 食住玩都要靠屋企，仲親自向本刊承認冇錢所以唔敢諗拍拖﹗ 何廣沛 上位快劇接劇 何廣沛 12年加入藝訓班，兩年後畢業已經被藝訓班校長鄭丹瑞欽點做《女人俱樂部》吳啟華的後生版，跟手一劇接一劇，仲套套角色有發揮。呢頭因為《超時空男臣》拍住曹永廉、蕭正楠成為話題穿越男，未有得攤抖幾日，嗰頭 何廣沛 又入組開新劇，升呢做《跳躍生命線》第二男主角，拍檔換上回流的馬德鐘。 食飯媽媽埋單 波鞋店齋睇 早前本刊拍得 何廣沛 陪媽媽在連鎖茶餐廳食餐晏傾吓偈，不過29歲仔又人氣爆燈，去茶記食嘢都要等阿媽埋單、做完GYM遊街睇波鞋又係得個睇字，全日除咗來回鰂魚涌家至灣仔健身室巴士車資，慳家「小李子」一蚊都唔捨得使！ 何廣沛 目前為慳番個租錢繼續做住家男，同父母同住於鰂魚涌，佢話短期目標係儲錢買車，方便過海開工代步。 15歲移民美國  大學主修會計 何廣沛 原來十五歲移民美國，大學主修會計，不過就回港報讀藝員訓練班，當時三十幾位同學中，24歲 何廣沛 已屬高齡，本來可以高薪厚職做會計師，但佢卻由八千蚊底薪做起，去年才獲無綫簽做親生仔，經濟開始有轉機，大約月薪一萬二千左右，不過仍然追唔到通漲，香港物價騰貴， 何廣沛 惟有慳得就慳。 收入低 唔敢諗拍拖 何廣沛 接受本刊電話訪問時承認，加州州立大學會計系畢業有會計師唔做，入行尋夢雖然發展好過好多人，不過曝光同實際收入不成正比，佢話：「你睇我好、我睇你好，同期藝訓班同學仔其實好多時間接出邊嘢做，好多人收入都多過我。不過我都知道自己儲緊曝光、仲係起步中，所以要慳啲使。入行咁多年都係舊年至開始有錢剩畀到家用咋，去旅行都係爸爸媽媽請，就算近近地玩兩日我都畀唔起住！」 「所以最初屋企人反對我入行，我惟有盡量使少啲，(出街齋睇唔買？)係呀，波鞋都淨係睇唔會買，有錢都加啲錢畀媽咪做家用啦，(有冇拍拖？)現階段唔敢諗住喇，食飯睇戲都係錢，冇錢都唔敢拍拖啦，拍拖對我嚟講太奢侈喇！」 好睇唔好食 出道僅僅五年，全靠起頭起得好，得藝訓班校長鄭丹瑞睇起， 何廣沛 平步青雲三年內主演、客串超過20套劇。不過劇接劇的附帶條件，即係全天候賺份藝員騷錢冇得接外快，難怪好睇唔好食，要慳住使。 _ _ _ _ Celine紅館騷受阻 orientalsunday.hk/?p=218390 李佳芯為愛抗命 orientalsunday.hk/?p=218323 王浩信唐詩詠開cafe orientalsunday.hk/?p=217772

陀飛輪的故事 X 在我心中，怎樣才是真男人？不是那些穿著泳褲上電視的什麼香港先生，也不是那些穿上制服的執法人員，我心中的真男人，是他。 X 時代廣場五樓的廁所大叔。 X 2003年，十多年前，我在某連鎖鞋店工作，因為公司的人事關係，我被調到時代廣場五樓的分店，而且由店主管降職到Second，當時年少氣盛的我，覺得是一種恥辱，工作像失去意義，每天上班也度日如年，加上那年沙士，整個香港也進入愁雲慘霧的狀態，生意當然不會好，戴口罩上班的景象，依然歷歷在目，這是我人生的一個低潮。 X 就在這一年，我遇上了「他」，時代廣場五樓的廁所大叔，他身材矮小、樣子平凡，直接一點說，他只不過是一個「沒出色洗廁所中年大叔」，不過，奇怪地，一個這樣的男人，他的手上竟然戴著一隻舊款的ROLEX白面Explorer II。 X 當然，我心中很自然出現了三個字：「戴假野？」 X 一直也沒跟他交談，直到有一天，也許是他無聊沒事做，廁所大叔看著我每天像掉入化糞池愁眉苦臉的樣子，他終於跟我說話。 X 「兄弟，你攪咩日日都咁愁？」 X 「無野！」 X 「你知唔知，做人嘅野，每夜合埋眼訓得著，每日擘大眼起到身，已經算係咁啦！」 X 我聽到之後，呆了一呆，這是我人生之中，聽過最豁達的說話，可惜，我當時一點也不明白，我沒有理會他，跟他笑了一笑，走出洗手間。 X 不過，奇怪地，他這句說話，一直也在腦海之中揮之不去，我很想知道，一個男人能夠說出這句說話，不是人生已經來到絕望，就一定是經歷過什麼故事。直至一個晚上，忘了是公司要走貨還是要做減價，我很夜才下班，離開公司之前，我去了洗手間，廁所大叔還沒收工。 X 廁所內，只有我們兩個男人，我終於問了他，為什麼可以這樣豁達，應該說是這樣「過份」豁達。 X 他開始說出屬於他的故事。 X 一個真正男人的故事。 X 「兄弟，嘿嘿，你知唔知我系97之前有幾間廠系大陸．．．」 X 他曾經是一位藥廠老闆，本來事業一帆風順，不過就因為太相信拍檔，結果被出賣，廠沒了，家人也離他而去，他給我看照片，是一張幸福的家庭照，大叔說他女兒應該有我這麼大，不過已經很多年沒見過她。 X 「嘿嘿，好在我做男廁唔係女廁，唔會比佢地兩母女見到我依家咁嘅款。」 X 他幽默地說出笑話，可惜．．． X 我完全笑不出來。 X 由一個身家豐厚的成功男人，最後變成了欠債累累的中年廁所大叔，我又怎可能笑得出來呢？ X 他還說，當時有想過死，可惜沒有死的勇氣，反而讓他拾回一命。我想了一想我現在正痛苦煩惱的事，相比之下，簡直是．．．微不足道。 X 就在此時，我無意間看了一看他手上的手錶，他看見了。 X 「我當時幾萬蚊一隻錶閒閒地，十幾萬都買過，覺得濕濕碎啦，搵得返，依家你地最興果啲咩黑地白地(Daytona)、黑十(Submariner)、369(Explorer‎ I)、百事圈(GMT)我都唔知買左幾多隻，最後呢？嘿，全部去晒二叔公度囉，唔係點？唔還錢比人斬死架，我寧願自殺，都唔想橫屍街頭！」 X 之後，他幾經辛苦，終於還清欠債，同時，他明白到人生最重要是「看得開」，決定了從頭來過，洗廁所又如何？在乎的已經不再是什麼名利，他只希望平平淡淡、快快樂樂過完下半世。 X 「咁你手上隻錶．．．」我問。 X 最初，我以前他終於儲到錢，買回一份「男人的尊嚴」，原來．．．不只是這樣。 X 是一個更具「尊嚴」的理由。 X 他看了看手上的白面Explorer II，苦笑。 X 「你一定以為系假野，或者以為我有錢買過隻新錶，其實唔係。」他拍拍手上的水晶玻璃錶面然後說：「依隻死野，系我人生第一隻買嘅勞，唔系借錢、唔系人地送，系用我自己辛辛苦苦努力打拼賺返黎嘅錢買，我就算死，我都唔會賣走佢！佢陪我走過人生低潮高潮，戴住佢食過幾萬蚊嘅鮑魚，又食過十幾蚊個飯盒，我入棺材都會帶埋佢架喇！哈哈。」 X 或者，他在當開玩笑，不過，眼淺的我，當時．．．眼有淚光。 X 「細侄，唔係因為隻錶值幾多錢，十幾萬我都買過，幾萬錢又算得啲咩？其實，最重要係，做男人咁辛苦搵錢，就當系比自己一個小小嘅獎勵，當系一段小小嘅回憶，記錄住曾經奮鬥過嘅過程。」 X 然後，你拍拍我的肩膀：「努力啦！年青人！依家你唔明，大過啲你就明架喇！」 X 男人這種動物，的確很奇怪，有一種浪漫，只會是男人才會明白與．．．領會。 X 真心的領會。 X 這次跟他交談之後，不久我就被調回旺角分店，再沒有見過他。前幾年，我去時代廣場已經不見他了，或者，他正在過著屬於他的快樂人生。 X 過著「看透」的．．．快樂人生。 X 值得尊敬的男人，不是因為那人擁有多少身家、名譽、地位，而是，那人能讓我們學習與領悟，那怕，他是一個．．．洗廁所的大叔？ X 這個故事．．．一直在我心裡。 X 這個「真男人」廁所大叔．．．一直在我心裡。 X 直至，我長大後。 X ．．． X ．． X ． X 那天。 X 或者，有人會說：「幹嘛要這麼隆重？」 X 不，他們不明白故事背後的真正意義。 X 他們不明白，什麼是．．．記錄曾經奮鬥的過程。 X 我穿上了我最喜歡的恤衫、梳了一個喜歡的髮型、噴了我最喜歡的香水、聽著一首我最喜歡的歌「陀飛輪」，然後．．． X 昂步走入了錶行。 X 「唔該！我想要一隻白面Explorer II！大白橙！」 X 《在奮鬥的過程之中，我們學會了，如果做一個真男人。》