《近況：下》 近來重新審視我與社交媒體的關係，特別是本帳戶。我發現我喜歡觀察自己過往分享，憶起當時心境、人生目標，甚至是推算當時自己對人生的一些看法，從而分析多年來的微妙變化。 例如，我會透過觀察自己數年前在這裏的分享，留意當時主要敘事什麼，對什麼事情會感到喜悅，從文字推敲那時的我在渴望、追求什麼，然後再對比現在的我，看看自己又擁有什麼，看看有沒有一些有趣的發現。 有些壞習慣總是改不了的，例如囤積雜物。與此同時有些目標達到了，例如成功做到我想做的行業。 在此記錄一下八月發生的人與事，看看未來的我看到這個 post 之後，又會有什麼解讀。 （所以其實依個 post 係寫比未來嘅我睇，not necessarily 係俾你睇嘅 :p 當然你想睇我都非常歡迎） 圖2 — 八月一：即興的精彩 朋友 M 前一晚臨時來我家飲酒和 sleepover，結果一傾就傾到清晨六時才捨得去睡覺。隔天差不多一點才起身，去了中環吃 Baked，然後到大館走了一圈並等朋友 F 出現。F 出現後說西九 M+ 開張了，想去走一走。去到方發現原來未開，但精品店已在營運，而且碰巧 F 有朋友在精品店賣花、又有其他朋友在附近。之後也在西九公園逗留了一會兒，發現有個有趣的展覽，鼓勵小朋友問「為什麼」，牆壁上貼滿了不少有趣的問題，例如：「為什麼有國家？」之後再走到油麻地電影中心看文藝短片The Human Voice，然後到廟街逛了一陣子才回家。 圖2 — 八月二：友人生日 與朋友 C 為獅子座的朋友 A 慶祝生日，然後到我家把酒談天。話說起來，我們尚未為貴係 CH 處女座圍爐取暖召集人的朋友 C 慶生。我哋幾時再約？ 圖3 — 八月十：素食友人 與素食朋友 K 到油麻地常悅素食吃晚飯和 catch up。其炸茄子非常出色，外脆內軟，非常香口，最有趣是炸完重新拼出茄子形狀，再用白菜模仿茄子頭部，既好睇又好食，色香味俱全。其他菜式正常發揮。之後在街上流連、飲珍珠奶茶、吹水，然後被朋友 K 笑本人感情煩惱多舊魚。 圖4 — 八月十三：最後會面 最後一次見 CP。本想好好記錄一下過去八個月的心境變化，但可能過咗海就係神仙，回頭看其實也沒有什麼大不了。所以當日心情平淡得很，平淡得任何形式的敘事都顯得矯情，因此僅送上那天門外這張有關冥想課程的 poster；我未決定報唔報名好。 圖5 — 八月十四、十八、二十：好多第一 八月十四號上載了人生第一段 YouTube 影片。同月十八號去了本年第一個船河派對。當日聽說有朋友的朋友在隔離船（literally 停泊喺我哋隻船隔離嘅一隻船），所以我游了過去打招呼、結識新朋友。同月二十號人生第一次到維園游水，然後誤以為維園泳池有露天池；同晚到朋友 M 家食飯、慶祝朋友生日及唱K。 圖6 — 八月廿五：李小姐與五進制 有種幸福，叫食肉朋友肯陪你食素。與朋友L 先生 catch up，到上環的 Miss Lee 吃晚飯。價錢進取，就算中上環都係咁話。炸椰菜花有驚喜，其他非常一般。之後到了久仰大名的 Quinary（我第一次去）。果然名不虛傳，每杯雞尾酒皆精心炮製。我點了一杯很補的「雅」，有紅棗，味道獨特，是烈酒一杯但非常易入口，所以更殺人於無形。說着說着，沒多久就微醺了。可能是酒，也可能是聽着 L 分享甜蜜近況聽得自己也陶醉了，也可能純粹是未言心相醉。儘管如此，最後還是到時間吧喝多兩回才捨得回家；主要是我的主意，我認我爛玩。 圖7 — 八月廿六：神奇小子與中環街市 晚上與朋友 M 看《媽媽的神奇小子》。確是很催淚，不足30分鐘就感動流淚了。幾位飾演蘇樺偉的演員皆表現出眾，尤其是演青少年版的馮浩揚。我唔講咁多你快啲去睇，如果未落畫嘅話。之後到中環街市走了一圈，碰上朋友新鋪開張，打了幾張卡。最後又在時間吧結束當晚行程。 圖8 — 八月廿七、廿八：連續糜爛兩日 連續兩晚在朋友 S 先生之家渡過。第一晚是港式台灣麻雀。熱身賽一家贏三家，但正式開始後不夠半小時就出銃混一色小四囍（你開心就好）。後來密食當三番，最後落後唔夠二百算係咁。第二晚玩七級豬笑到傻，感謝「大贏家」M 先生為大家帶來歡樂。及後唔夠喉，與眾人先後到了銅鑼灣及上環。 圖9 — 八月廿九：戲劇與演唱會 下午到葵涌看《攣攣成人禮》。整個會場當然都是同路人。看完後人生首次到葵廣掃街，氣氛幾好但太多人我頂唔順。然後再到新蒲崗試食 Mum Cafe（以前位於逸東酒店）六點未夠就要排長龍實在係誇張，雖然真係好好食，所有嘢都好精緻但係有啱啱好，尤其是係個蒸蛋，一流。（依間餐廳好食到可能遲啲可以拍片講。有興趣請留言。）晚上再到九龍灣看My Little Airport。由中學聽佢哋聽到大，好多個都係集體回憶。 雖然已經喺另一個 post 都講過有關 MLA 演唱會，但近一星期再聽返佢哋嘅舊作品，先發現原來佢哋嘅有唔少舊歌簡直是見證住香港政治多年來的變化。例如是早期的《瓜分林瑞麟三十萬薪金》、《失業抗爭歌》到近期的《煙》以及恐怕不會發行的《吳小姐》，都一一反映了香港不同時候的政治環境。 果然，透過記錄和創作，就可以將改變和時間的流逝一一捕捉起來。

最近開始入秋，就更加適合打邊爐，牛大人喺香港都有好多分店亦都好難book到。難得book到梗係叫和牛套餐（極上和牛吃到飽）啦。 佢總共有三款套餐，價錢相差大概$100之內，高級嘅餐就可以食到啲靚啲嘅牛，質素真係差好遠。 我哋嗰款湯底就揀咗 台灣鳳梨雞鍋 感覺上比較鮮味，一嚟到我哋就飲湯，好香嘅雞鮮味，裏面起碼落咗半隻雞以上。除此之外，裏面仲有一粒粒菠蘿，去到最後就比較鹹，建議要來煲湯就算。 呢個餐仲會包埋每人兩粒和牛牛丸，真係超好食，建議可以早少少食，因為未飽肚嘅時候食係特別好味，牛香十足味道濃郁。 叫得最正嘅餐，梗係叫最貴嘅牛， 安格斯牛小排 澳洲和牛M5牛肩卷 呢兩款都係薄身嘅牛，牛小排就比較肥美啲，有時有啲位比較多脂肪，一般都比較油脂平均分配；而和牛M5牛肩就會肉味比較香濃。 牛胸爽好少可以任食食到，質素亦比想像中好，好爽口！ 有好多特色野都好吸引 牛媽秘製滷牛肚 牛媽秘製滷牛筋 滷水野好入味，質感都可以。 章魚珍珠漿 蟹籽墨汁漿 真味牛肉漿 漿係都係幾推介，因為佢嗰個章魚真係有一粒粒章魚，蟹子墨汁嗰個都食得出一粒粒嘅口感，牛肉漿亦很有彈性。 去唔到台灣，呢度都食到好多款台式小食 士林鹽酥雞 魚香皮蛋豆腐 真豬小香腸 鹽酥雞熱辣辣，仲有輕微香辣，外皮香脆裏面保持水份；豆腐方面上面有木魚、皮蛋、同埋佢個醬汁鹹鹹地甜甜地，好開胃好match ；小香腸方面就好似夜市嘅小香腸，台灣嗰種係比較甜啲。 以上係即食嘅，而以下幾款就係需要放湯 美人花膠 私房鴨血 水蓮 瓜仔雞水餃 花膠建議早啲落；鴨血方面要整三至5分鐘，彈性十足，仲有啲胡椒香味；水蓮平時好難食到，所以今次起碼叫咗10份以上；瓜仔雞水餃質感比較爽，都好推介！ 鍾意食海鮮就唔少得揀埋以下款式，都算幾鮮味。 新鮮沙白 脆肉皖魚片 鮮甜海蝦 說左出面又可以自行選擇嘅飲品，自家製無糖茶之外，亦都有得order唔同嘅特色飲品，用珍珠奶茶嘅杯裝 烏梅汁 冬瓜茶 味道酸酸甜甜好開胃，不過唔知點解冬瓜茶有少少珍珠奶茶嘅feel，好搞笑！ 臨走之前仲可以選擇雪糕或者佢哋自家製嘅甜品，不過今次都食得比較飽所以就揀返普通movenpick雪糕。 ➖ ✿ 牛大人台灣火鍋吃到飽 (加拿芬廣場) (尖沙咀) ✿ 📍尖沙咀加拿分道20號加拿芬廣場2樓 🔎 @masterbeef.hk 好食度：⭐️⭐️⭐️⭐️⭐️ 抵食度：⭐️⭐️⭐️⭐️⭐️ 再戰度：⭐️⭐️⭐️⭐️⭐️ ➖ #hkfoodblogger #hkfoodstagram #hkfoodlover #hkfoodshare #foodoftheday #hkfood #foodhk #hk #hkig #foodie #foodstagram #foodlover #foodblogger #牛大人

《台灣夜市走一轉》 好掛住#台灣小食 呀🙈 發現觀塘有間 #頂好原味道 @dhx1990 #滷水 #直送香港。價錢又抵，帶阿女去試下先。 滷水仲有超多選擇，豬耳，豬腸，豬蹄，雞腎，雞翼.......價錢又經濟，十幾蚊就有一款 我懶得揀，直頭食佢既重口味套餐，幾十蚊包埋野飲。個 #豬皮，係·真豬皮，好膠原呀🤪 #關廟麵 配滷水好襯呀，個麵仲好滑🤤 推介 #珍珠鮮奶茶，有茶味，有奶味，珍珠大小適中，軟Q有o趙口。 超正，下次行過都要買杯 #珍奶 飲下😝 *Beauty * kid * food * life * 邀稿合作，請電郵 ：[email protected] #Beauty #hkbeautyBlogger #hkblogger #hkig #beautyblog #hkgirls #hkgirl #hkbeauty #instablogger #hkinstagram #hkiger #food #foodies #foodlover #foodstagram #foodporn #foodshare #觀塘美食 #觀塘工廈 #觀塘有咩食 #觀塘食乜好