【龔成問答信箱】（Q22621-Q22640）

Q22621：

老師， 你好！學生有數個疑問，

1. 你上堂曾講數隻房託ETF，
最佳是否 領展0823/陽光0435/
置富0778，那較佳？
還是有其他另一隻呢？
原因？

2. 另外 曾經聽你提到 你會減持水桶1 增持 水桶2，是嗎？為何？ 因年齡？

3. 課堂上 曾聽你多次提過小米1810，你是否認為佢會唔會同 比亞迪1211 一樣數年後 暴升呢？

祝健康！謝謝解答！

龔成老師：

1）領展（0823）、陽光（0435）、置富（0778）算是高質的，你可以考慮這幾隻，都值得投資，可成為投資組合的成員，現價都合理。

如果想增長多D，就領展，因為領展會不斷翻身物業，同時會買賣物業。如果想收息穩健D，就置富（0778），因為佢持有的物業，對象是民生類，受經濟影響相對較少。

其實，你可以睇翻課堂的筆記，買房託如同買樓收租，所以你要研究翻佢持有的物業，就知質素、風險、發展。

2）我當時表述的意思「當我日後年齡慢慢大，就會減持水桶1，增持水桶2」。

這不是今天，而是長遠，原因為財富配置，年輕食進取，年長就保守，所以當年齡慢慢大，就會調整，你可以睇翻第二堂的筆記。

3）小米（1810）有潛力的，我自己都有持貨，長遠正面，但能否象比亞迪（1211）股價升好多，就未知，我只可以話，企業價值前景正面。

佢的產品性價比高，相信在全球好多個國家都會有市場，佢長遠只會進一步增長。

同時，佢建立的平台是佢長遠的增長動力，先賣手機，再利用手機的平台延伸銷售小米家電。長遠正面的。

這股可長線，現價合理區頂，小注分注可以，但唔好入得太急，預佢股價仍波動。$15以下才是便宜區，所以現價不是大手時候。

------------------------------------------------

Q22622：

老師，你在《財務自由行》一書講過財務死胡同，有沒有實質例子供參考?

龔成老師：

如果一個人不斷增加「負債」（即是每月持續消耗現金流的項目），如養車，就算加入工都無用，這就會進入每月無法儲錢的情況。相反，一個年輕人若一開始集中累積資產，慢慢就能做到錢搵錢的狀態（資產產生現金流，現金流買更多資產），最後會進入財務自由的狀態。

------------------------------------------------

Q22623：

龔sir你好 如果係65蚊持有滙豐應該點做
大約30000股……
好迷茫

龔成老師：

匯控（0005）賺錢能力與增長力比過往年代弱左，但又未去到完全無質素。銀行業的賺錢能力比過往減左，因此不能視為增長股，但當經濟好轉，始終都會有錢賺，因此都有投資價值。

相信長遠是收息股，但股價增長就有限。

這股都有投資價值的，但就未必值得佔組合比例太多，同時明白佢是收息股，增長力有限。

如果你本身目標是增值，就應該減部分轉其他。

如果這股佔你組合比例較多，都應該減部分，轉其他。

其實，你最重要不是睇「賺蝕」，不是睇「買入價」，而是睇質素。質素不好，增長力弱，就有可能賣出，蝕都要賣。

你要分析「之後的組合情況」，不是過去，是將來。應該持有那些優質股，比例如何，能為你帶來怎樣的長期財富。

你要分析你的投資目標，你想潛力股的比例多少？平穩股的比例多少？組合風險程度如果？

即是你想設計一個怎樣的投資組合？長期、優質、平衡、適合你。

------------------------------------------------

Q22624：

老師，有兩個問題想問….

1. 2382 我$145 有貨，想加注應該等咩位置加好？

2. 技術問題，我地如果分三注，理想係每注跌10%加注的，但第三注的10%， 會係第二注加注後總和的10%嗎？

例如我第一注$100， 第二注是$90，第三注會係$81（90*10%）？還是$85.5（95*10%）？

龔成老師︰

1) 舜宇光學科技（2382）現價偏貴，最好等佢回到1,2成，才考慮開始再小注儲貨。如果係月供，現價開始都可以。

2) 最好係用對上一注的價位，去下調10-15%，作為下一注投入的水平參考。

若以下調10%計，即係第一注$100， 第二注是$90，第三注會係$81（90*10%).....。當然，分注有很多方法，有時要到時再調整。

------------------------------------------------

Q22625：

龔sir! 有問題想請教。本人28歲，睇番自己投資組合，發覺潛力股佔左55％，所以想揀多隻平穩增長型去平衡番。我睇中左中國平安2318（組合裡無保險股），但我本身有月供緊平安好醫生1833。

基於佢地都系同一集團，我再買2318合宜嗎？會不會風險大左？但現時佢股價跌左又覺得係好時機買入。

同埋想問買保險股應該點分析行業呢？同銀行股類似嗎？有無特別事要注意？謝謝！

龔成老師︰

對年輕人來說，潛力股55%仍可以，不過當中都不能過份集中同類潛力股。

由於平保(2318)和平安好醫生(1833)係有關聯性，故投資比重不宜過多。

中國平安（2318）有質素的，佢有規模，有品牌，近年的發展都不差，不過，股價有時會有少少波動，這主要受投資市場表現影響。

要分析保險股，其實都幾複雜，簡單會睇佢新業務發展、現有業務狀況。另外，由於佢用浮存金去投資，所以都要睇埋佢投資回報方面。

而且，平保(2318)唔係純保險股，除了壽險和財險這2個主要分部，佢仲有銀行、資產管理、證券等等。

若要認真估值，你係要每個行業咁去睇。除非估值經驗好豐富，否則要完整和準確分析，其實唔容易。

簡單而言，這股有長線投資價值，是平穩增長型。現價算係合理區中下位置，你現時入首注係可以。只要控制好平保比重，不超過組合15%，咁就無問題。

------------------------------------------------

Q22626：

Sir, 上緊進階班中, 但投資實戰上有些迷思.

1. 如收到1000元股息, 股票共投入30000元, 股數1000, 分析個人投資時, 一般會計入股息嗎? (即共$31000 / 1000 = 當平均買入價為 31元)

2. 今年5月時看好3918, 組合上想加入博彩及有寡頭壟斷股, 已設定金額及中途趺5-10%就會加注, 但至上月就買夠, 平均 7.5元, 點知現會再趺;

全世界因疫情暫未有轉好情況, 看來要等疫情好轉後, 這企業才會轉好, 這情況是否耐心等待?

另一角度看, 當時因市場氣氛吸引, 加上計算估值約6.86 – 10.29, 在此範圍內買入, 想知道投資上有沒有做錯?

再另一角度看, 現下跌差不多 30%, 亦不再看好那地方會那麼快復甦, 是否賣出較好, 再買入其他更優質股票? 因這樣一直持有, 可能要數年, 值博率不高.

Thank you Sir.

龔成老師︰

1) 唔會，只會視初期投入的$30000為買入成本。就算你用$1000股息再投資，假設買入了30股。這樣你買入成本，只會變成$30000和1030股，即平均買入價為$29.12。

2) 金界控股（3918）係有質素的，但始終新興市場，因此點都有風險。

佢會因全球的疫情，而影響左生意，但這只是中短期。

長遠計，佢仍然正面，佢之前有項目獲當地政府批准發展5幢建築面積共逾580萬平方呎的物業，包括提供共4700個房間的酒店群、娛樂場所及公寓等。我相信長遠對佢仍正面。

這股股價較為波動，不過都有長線投資的價值，分注投資可以。

你現時平均價，係合理水平，但你預佢中短期一定會好波動，但長線持有係可以。雖然有質素，但始終係市場新興，風險較高，在注碼上緊記不能投資得過多。

你計算合理價都接近，調低多10%會較好。

記住，我地是否持有一隻股票，係用佢質素做分析，而唔係睇佢買入價，你要改變這個"賺差價"的思維。

另外，我地投資唔好估走勢，只會用估值平貴去做決定。此股現價有一定值博率，照持有係可以，除非你持股佔組合較多，否則照守住先。

我地唔會知疫情幾時變好，都唔會知市場幾時會對佢重新估值，令佢真正價值得以反映。可能係明天，可能係幾年後，無人知。

但我地知道的客觀事實，就是其真實價值，未被反映出來。所以長線持有，才是較好做法。

------------------------------------------------

Q22627：

你好，想問吓1799公司前景如何，手上未有貨，幾錢可以入貨？

龔成老師：

新特能源（1799）係太陽能級多晶硅生產商和光伏項目承包商，主要從事中國光伏產業上游和下游環節的業務。

佢除左多晶硅生產外，亦從事電力銷售（透過自有燃煤發電廠供應電力多晶硅生產之用，並銷售多餘電力予當地電網）；工程建設承包（根據ＥＰＣ、ＰＣ或ＢＴ承包模式經營，為光伏及風電項目提供能源解決方案，包括工程設計、諮詢、建設、調試及運維）；逆變器生產（用於光伏項目的一項關鍵部件）及光伏硅片及組件生產。

其實過往的生意與盈利唔算好突出，同埋有D波動，只是近期新能源有炒作，佢都炒起左。實質支持係咪好大，未知。但建議保守少少，暫時這股投資值博率不高。

------------------------------------------------

Q22628：

龔成你好， 這是我現時持有的股票，想問下你的意見。可以點樣優化我的股票組合？

0011
0435
0778
1177
1928
2800
8109
9888
9988

另外我應該再爭持9988嗎？ 因為佢係我既投資比例已佔很多，比起爭持9988，定應選擇投資點700 騰訊？

我是一個投資小白，感謝你讓我明白投資的重要性， 我都好想快點賺到我的第一個一百萬

*8109 係我十年前剛買股票聽人講的教訓，我只放係度提醒自己

龔成老師︰

你現時持有股票(除了8109)，都係有質素，若你係年青至中年人士，係合適的。恆生(0011)、陽光(0435)和置富(0435)增長力較弱，主要係收息，若你偏向年青，不建議持有太多。

另外，我地持股除左講質素外，都會考慮到平衡性。

任何股票、任何行業，我們都不應太過集中，因為一個行業就算更有優勢，也有機會面對行業週期及突發風險，太集中會對你整個財富組合不利。

因此，你要建立一個平衡的投資組合，當中有不同的類別、不同的行業，這是最好的平衡風險方法。相同行業不可佔組合多於30%，而單一企業不要高過15%。

特別係銀行業，佢營運模式較特別，風險會比一般行業為高。必需堅守30%這個準則，如果可控制在20%以內，會更好。

你現時阿里(9988)佔比已經好重，不要再加注。至於騰訊(0700)現價在合理區中間，係可以入貨水平。

但由於你本身已有不少科技行業股票(9988, 9888)，再增持會令你太集中科技類，而造成風險。

如果你好想入騰訊(0700)，你可以考慮沽少少阿里(9988)，來換碼至騰訊，這樣會較穏當。

------------------------------------------------

Q22629：

想問什麼是平台股?

龔成老師︰

現時你聽到的平台股，相信都是指一些電商平台相關股份，例如阿里巴巴(9988)、騰訊(0700)、美團(3690)、滴滴出行等等。

由於近期中央出手打壓，令不少相關平台股都出現明顯下跌。

但我地作為理性投資者，係這個時候應該理性分析，到底中央係這些新政策裡面，有多大程度影響這些企業，而這些影響，又是否長線?

如果只係中短期影響，我地就唔洗過份在意。相反，如果係有較長線影響，特別係一些核心性問題，我地就要調整估值和注碼，甚至調整成個投資策略。

------------------------------------------------

Q22630：

龔sir，近排入左隻光大綠色，之後同一位前輩討論，該前輩都係信奉價值投資，而且徧保守。結果佢問左一堆關於光大綠色業務同收入嘅問題，

但我嘗試從公司資料，官網同年報都揾5到一d好有説服力嘅答案，令我懷疑自己係咪入錯貨，所以嚟請教龔sir你嘅意見。該前輩對光大綠色的質疑如下:

1. 佢讀書時都接觸過能源相關產業，都知道生物質能依回事，但按佢所認知，生物質能嘅效率很低，可5可以有效發電賣電營利都係問題，年報d數字，

業務描述可能只係個美好嘅故事，嚟氹投資者入局。

2. 佢話公司資料無詳細提及所有客戶資料同相關收入，感覺主要客戶只有地方政府，雖然環保係一個大方向，但由於政策會變，

地方政府未必肯長期燒錢維持d無實際作用嘅項目(特別指生物質綜合利用)。而間公司無咩其他主要客戶，萬一將來政策改變就會對公司營收造成極大影響。

3. 最後，佢提及中國雖然係農業大國，但趨勢相信係由農業轉變成農產品/食品加工業，因為利潤同發展較好。另外沙漠化加上碳中和相關政策會令植樹造林係大趨勢。

最後因農業改革同植樹造林會令生物質原材料不斷減少，因此對其業務長遠帶嚟負面影響。

喺度先謝過龔sir

龔成老師︰

1) 太科學上的知識，我都解答唔到。有時我地分析企業，未必能100%完全理解當中運作，因為我地無可能成位每一行業的專家。

但我地可以從一些數、表現、同行比較等，去大致得出佢架質素。雖然無法100%，但有時都可以找到一個，令人覺得相對穏當的答案。

睇翻佢過去多年，生物質綜合利用項目在營運收益上，都有一定增長。由於唔係1,2年，而係一個較長時間，我地會假設佢這個營運模式，係無問題。

2) 一般企業，都唔會完整列出所有客戶名單，係商業考量和私隠問題。但我地可以知道，2020年最大客戶係政府機構，佔營業額19%，頭5大客戶，則佔營業額43%，唔算過份集中。

好似光大綠色(1257)這類企業，以政府客戶為主導，其實係正常。當然內地政策變動，會為集團造成風險。但綠色能源和危廢處理，依然係大方向。

而且，集團在這方面，都有一定技術和優質，因此長線發展係正面。

但由於行業算係較新，加上政策風險問題，你會見佢市盈率係好低。某程度是反映，市場對佢營運模式，都尚有一定保留。因此，此股可以投資，但宜小注。

3) 你前輩的擔心，不無道理。但由於中國食物需求，依然未能做到100%自給自足，政府長遠都唔希望要依賴外國入口。故農業發展，相信會維持正面。

而且，集團除了生物質業務外，佢都努力發展危廢處理，去散收入來源，平衡風險。

整體而言，集團長線發展算正面，但風險略高，不宜大注投資。

------------------------------------------------

Q22631：

感謝龔sir回覆，但＃2845同＃3067暫時都未有息。。。＃3067已經有3000股了

對於小朋友來講，唔係應該搵啲高息股咩？我成日都唔明點解有人講，炒股唔係賺股息，點解呢？

不過我都會聽龔sir建議主力擺左2800度，學你話齋，小朋友有長時間增值。。。

但我個人黎計，出糧戶口有003 每月供緊$1000，都已經有2千幾股了，想轉供其他，我應該都會聽龔sir教供2845了，但2845太貴。都唔知供幾耐先會有一手

龔sir你講得啱，我個人好心急

龔成老師︰

首先，我地真正投資增值，唔係做炒股這些短線操作。而係長線持有一些優質企業，透過佢地成長，以達至財富增值目的。

至於你要做增值，定係賺股息，就要睇你現時所處的人生階段。若你係退休人，因為已經無收入，所以我地就應以收息為主，用意係透過股息和利息收入，去支援退休生活。

相反，好似你這些較年青人士，其實應以增長為主，努力去累積一筆資金。到退休時，就用這筆資金換成收息資產，去創造現金流。

GX中國電車(2845)和安碩恒生科技(3067)都係潛力股，由於這些公司都在高速發展，所以好少會派息，因為佢地會將賺到的錢，重新投入業務上發展，去爭取更大回報。

所以，你投資這類潛力股，目標唔會放係股息度，而係係佢增長能力度。

由於這類潛力股波動性好大，雖然長線會升，但中短期點都會有一定波動性。如果你年紀大，快要退休，或者可投資年期較短，就不太適合。

相反，小朋友有好長時間去投資，可以足夠等到企業將佢質素，全面反映係股價上，所以投資盈富(2800), 安碩恒生科技(3067), GX中國電車(2845)都係可以。

煤氣(0003)和GX中國電車(2845)都係有質素，後者增長潛力高，但風險都高，你要自己衡量。

雖然GX中國電車(2845)現價唔平，但月供可以拉平均個價，所以唔算大問題。反而我擔心你會自己去定平貴，或者可能見某股票無乜升，供一陣又停，轉來轉去。

因為月供其實係要你"定期定額"去供特定股票，長線去供先做到平均價格效果，講緊係至少3年以上，並持有5年。

雖然股價貴時，我地的確可以減少供款。但問題係，若果你判斷錯誤，好大機會你最終回報，會受到嚴重影響。如果你投資技巧唔高，只要隻股票有質素，我建議你不理價格，一直長線供，反而會對你最有利。

------------------------------------------------

Q22632：

龔成老師， 我最近有一個好苦惱的問題，看唔清，想聽聽你既專業意見。之前未必想係香港買樓，但考慮到來緊五年都係香港，所以都想買樓，住左三年升。

我最近見到個樓盤我好鐘意，亦都覺得好理想： 長沙灣the campton. 想買400呎左右或以上既都要9百至1000萬，首期需約二百萬左右。

但無可奈何，不計我股票資產。我和男朋友二人最多可以比到150萬左右。我打算放晒手頭上的股票，當做首期，我會沽清所有。而我一年大約可以儲到三十萬左右，

我覺得一下子用盡，後再儲錢，唔太難。 因為份工年年都有加人工，一個月約五萬左右，個人和家庭開支約兩萬。 你覺得賣晒所有股票值唔值？

因為我個人就唔係好想，因為當中長期hold 住，我知會有高回報，以下為我所有的股票。

小米 平均成本 $26.1 1200單位
安碩 平均成本 $14.37 500
煤氣 平均成本 $10.68 5738
地鐵 平均成本 $39.8 2500
完美 平均成本 $5.11 17000
太古 平均成本 $22.24 2000
港燈 平均成本 $8.05 7000
HSBC $81.4 400
恒生 $183.3 300
建行 $8.6 2000

如果我唔放股票既，你覺得我有無需要放左某啲佢，集中幾隻，因為依家感覺好散下～ 我知要分散投資～ 但好似分得太多

因為真係好鐘意果個物業，覺得地理位置都好好，好驚自己做左唔理性既野，所以想來問下你意見

十分感謝老師，已報進修班，因為唔想係現場透漏太多個人資料，所次message 你。

龔成老師︰

首先，要盡沽股票，去投入一個物業，會令成個組合偏晒係物業一方，造成風險，最好唔好咁做。

因為我地無人知，未來幾年樓時係唔係一定升得快過股市，如果係相反，你就會因為而個動作，而減弱左財富增值效率。

另外﹐你5年後都會移民，其實我唔太建議投資樓市，除非你個物業係會保留，用來之後放租，就另作別論。(不過個呎價唔平，租金回報率未必好理想，你要研究清楚。)

因為除左我講，唔知樓市定股市升得快之外，係香港每次做物業買賣，成本都好高昂。你一來一回，其實唔見左好多錢。

所以，如果你好鐘意，我建議你租住就算。餘下5年，好好用你的優質股，去進行增值，相信會較好。

若然你真係堅持要買的話，你可以優先沽出一些增長力無咁高的股票，包括港燈(2638)、匯控(0005)、恆生(0011)和建行(0939)。

其次就係佔比較重的完全醫療(1830)和煤氣(0003)，可以沽部份，其餘就長線持有。

如果你放棄置業，你現時投資組合，大致無問題。除了港燈(2638)、匯控(0005)、恆生(0011)和建行(0939)係收息股，增長力不高，以你31歲計，不宜持有太多。

另外，完美醫療(1830)佔比太重，建議沽少少，換至其他有增長力股票較好。

記住任何股票、任何行業，我們都不應太過集中，因為一個行業就算更有優勢，也有機會面對行業週期及突發風險，太集中會對你整個財富組合不利。

因此，你要建立一個平衡的投資組合，當中有不同的類別、不同的行業，這是最好的平衡風險方法。相同行業不可佔組合多於30%，而單一企業不要高過15%。

------------------------------------------------

Q22633：

Hello 龔老師! 你好! 现手上有90%也是hold 股票，大多也是不差股票，不知賣出，或是作長期收息股吧？因本人年纪近50，是否該賣出30% 留下現金。现仍有工作，未退休。

謝謝给点意見!!

龔成老師︰

當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。

例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。

由於你已近退休之年，你要將開始審視手上股票，將一些較高風險的持股，慢慢轉成收息類股票(而唔係轉成現金)。

因為你退休時，就會靠收息資產(如收息股、年金、A級債券、收息產品等)創出的現金流，去支援你退休生活。

所以，你唔洗沽出持股換現金。純粹係睇翻你組合，有無調整投資選股的必要，咁就可以。

如果你尚有5年左右，才正式退休，你現時組合，可以持有一些平穏增長股和收息股。但若你只有1-2年就退休，收息股應佔大部份。

到退休時，收息股佔比應為100%。

------------------------------------------------

Q22634：

銀行股：工商 1398
地產股：恆基 12 領展 823 置富778
物管股：雅生活 3319
保險股：中國平安2318
公用股：電訊 6823 粵海270
醫療股：中生製藥1177
ETF:盈富 2800 安碩 3067

以上持股共30萬左右，單一股票不超過5萬元，另外還有20萬現金想投資，本人30歲，請問有沒有什麼建議和改進？

自上年follow 你的page後，已經買左你6本著作閱讀，十分欣賞年報勝經，這本書是我個人認為學習得最多的（可能是第一本看）好認同你的投資方法，謝謝你。

龔sir你好，多謝你的教導，每天睇你的專頁已成為習慣

龔成老師︰

先多謝你支持我的書和專頁，如果你對估值有興趣，可以睇埋《股票勝經》和《選股勝經》。

當然，最理想係上我股票班，因為課堂中會較具體教你點去運用不同方法選股和估值，而且絕大部份內容，在書中都無提及。如果你想認真學好投資，建議你抽時間來上堂。

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

你30歲，應以增值為主，建議你用「平穏增長股」 + 「潛力股」作組合，去創造一個增值平台。

你上述持股，都係有質素，可長線持有。但工行(1398)、置富(0778)、香港電訊(6823)都係收息股，增長力唔高，主要只係收下息。以你年紀，不宜持有太多。

現時大市只在合理水平，資金不宜盡用。建議你餘下20萬，等大跌市出現，才去掃貨。

另外，你可以考慮用每月儲蓄，去進行月供股票，去加快資產累積速度。

策略上，你每月5成儲蓄做月供。其餘先儲起，同樣都係等大跌市機會出現，才出手掃平貨。

你可以考慮一些優質的平穩增長股，再加潛力股。潛力股，可選：安碩恒生科技(3067)、阿里（9988）、騰訊（0700）、港交所（0388）、舜宇光學（2382）、小米（1810）、中生製藥（1177）、福壽園(1448)、ＧＸ中國電車基金（2845）、三星FANG ETF（2814）。如果有投資美股，可投資QQQ。但佢地波動性和風險會較高，你要自己平衡。

如果你現時無太多投資經驗，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。

若你有一定投資經驗﹐潛力股比重可以相應調高，佔組合約3-5成，視乎你投資經驗多寡和了解這些股票程度而定。

------------------------------------------------

Q22635：

呀Sir您好呀 我係之前報過您投資班既學生。我想同你分享下宜家我既情況。

其實我宜家暫時係做緊啲短期兼職，同時做緊保險，收入不穩定，但好彩係搵到番黎既我都可以至少儲到6-7成，我平時冇乜駛費，又有記帳習慣，

之前大學幾年搵搵下，宜家有$200000現金，同一份$200000的儲蓄保險，黎緊希望繼續係保險呢行做好，如果真係唔得，先轉。

呀Sir，我真係好想好似你咁財務自由，上完您堂之後，都買左唔少股票

9988 @$203 1手
2638 @$7.83 1手
1928 @$27.6 1手
1810 @$28.7 1手
1448 @$7.45 1手

1177 @$6.95 1手
285 @ $40 1手
270 @11.12 1手
月供VOO @385.75 5股

我想請教呀Sir您 呢個組合 您覺得可以嗎？

我諗住港股暫時咁樣擺係到，長揸果啲股票，同時繼續月供VOO，長遠應該可慢慢致富

我今年23歲. 我同我自己講28歲我要有$100萬. 我真係希望可以做到. 呀Sir，根據我宜家呢份保險工作同買股票既情況. 您可唔可以指點迷津，比啲建議我？

唔該您多謝您呀Sir.

龔成老師︰

以你23歲年紀，這個組合係可以。但港燈(2638)係收息股，增長力唔會明顯，主要係收下息，你現貨可持有，但暫時唔建議你加注。

我假設投資回報有10%（連股息再投資），你現時投資組合約值10萬+20萬現金，5年後大約會增值至48萬。

如果想達至你的財務目標，你每月月供金額要有最少$8000，才會較大機會做到100萬目標。

月供方面，除了保持月供VOO外，你都可以考慮加入其他「平穏增長股」 + 「潛力股」作組合，去創造一個增值平台。

僎設你係月供$8000，你每月先用$4000做月供(連埋VOO計)，其餘$4000儲起，用一邊月供一邊儲蓄的策略。

月供方面，你可以選擇投資在平穏增長股︰指數基金、金沙（1928）、恆基（0012）、平安(2318)、中銀（2388）、港鐵（0066）、長建(1038)、粵海(0270)、領展(0823)、希慎(0014)、太古地產(1972)。

潛力股︰安碩恒生科技(3067)、中生(1177)、福壽園(1448)、小米(1810)、港交所(0388)、舜宇光學（2382）、阿里（9988）、騰訊（0700）、ＧＸ中國電車基金（2845）、三星FANG ETF（2814）。如果有投資美股，可投資QQQ。

現時大市只是合理區，你現有20萬資金可以再投入多5-10萬，用"分注"形式，慢慢買貨。餘下資和每月所儲倒的資金，就等大市出現一定程度的下跌，才大力度掃貨，然後長線投資。

另外，係財富增值時，"保險"主要係用來防守，買足夠保障就可以。儲蓄成份架保險，唔係唔可以買。如果你個人風險承受能力好低，或者完全無投資能力，這類保險都有持有價值。

但始終係財富增值角度，佢幫助好有限，一般我都就唔建議太多。做財富增值，應集中投資在優質資產(如優質股、物業等)，效果才會理想。

而工作上，你應該才剛剛畢業，其實可以多作不同嘗試，慢慢去找到適合自己的路。保險都係一個值得一試的行業，你可以看看自己是否適合這份工作，加油!

------------------------------------------------

Q22636：

Sir!成手恆大中國，蝕到入肉。同版塊的融創中國8月11號除淨，唸緊換唔換馬！股息派成$2，好似好吸引！但問題現在內房版塊比政策打到咁，又驚中伏！

驚收完股價急插，因為融創都係3幾蚊炒上去。所以想聽下你意見。現在持恆大中國25萬股，均價$8.3

唔該呀sir，現在帳面虧損35%

龔成老師︰

你對派息運作，似乎有點誤解。

如果你要收到股息，必需在「除淨日」前一天，依然持有股票。「除淨日」，其實就是用來確認那些股東收到這權益的日子。等到「除淨日」當天才買，派息就唔會有你份。

「除淨日」那天，股價就會扣除派息部份，例如原來股價$10，派息$1。那麼「除淨日」就會將股價，從$10下調至$9，以反映派息動作。

「派息日」，就係合資格股東，正式收到股息的日子。

由於「除淨日」股價會下跌。而下跌比重同收到息係一樣，所以只係左手交右手動作，你唔會在此期間因買/沽貨，出現任何著數。

至於換不換碼，你要睇翻企業本身質素。

融創中國（1918）業務不差，有規模、品牌、銷售網絡，但同時有一定風險。

這股同中國恒大（3333）一樣，負債偏高。無事就無事，有事就似中國恒大（3333）咁大件事。(當然負債水平，恆大比融創高得更多。)

而且，近期中央有時會出打擊樓市政策，相信會對佢有一定的影響。此股都有投資價值，但只宜小注，可以，但都要明白風險。

至於中國恒大（3333），負債問題唔細。現時風險很高，你最多只可以小注持有。

若現時持股佔你組合好高，我建議沽出部份，換碼至其他類。

------------------------------------------------

Q22637：

龔先生你好，本人50歲，有一個約850萬物業已供完。強積金及基金約400萬 (中/高風險收益基金為主)。股票約120萬(中風險龍頭股為主)，另現金約200萬。

希望約五年後退休。全球放水估計未來通脹將會加劇，如何運用二百萬現金？有咩高見？

其餘嘅配置有冇問題？

另外想請教你對基金同股票有咩睇法？ 有啲朋友講，買基金不如自己買股票，唔使畀保險公司賺，又唔洗綁死咁多年。

龔成老師︰

由於你距離退休尚有5年，都可以進行適度增值，但選項就要相對保守。

其實基金，唔一定無投資價值。你可以衡量基金的投資策略，所投資的資產類別、投資策略、風險程度、市場、費用成本、以及過往的表現(可以睇佢過往5-10年，如果回報係比主要投資市場高，有機會值得繼續投資)。

另外，你現時基金風險水平，其實係有點高。因為係你退休時候，我地係會將這些有增長力資產，轉換成收息類資產，用來創造平穏現金流(如股息、利息收入)，去支援退休生活。

所以，建議你將高風險基金，部份換至一些風險較低基金或優質股。其實最簡單，就係買指數基金。

而現有資金，你可以將佢地投資一些「平穩增值股」+「收息股」。若你想進取少少，可以較集中「平穩增值股」。相反，則以收息股作為主力。

平穩增值股，例如長建（1038）、中銀（2388）、港鐵（0066）、恆基（0012）、粵海（0270）、領展(0823)。如果有投資美股，可投資VOO。

同時，可以建立一個收息股的組合，目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）、高息基金（3110）都可以。

另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、互太紡織（1382）、富豪產業（1881）等（記住，股價略波動，不能太過大注）。

大市現處於合理水平，那200萬資金，你可以多用50-80萬，以"分注"形式慢慢入貨。餘下一半就等大跌市機會出現，才大力度掃貨，並長線投資。

到你退休前一年，就慢慢將你增長類資產，換成收息類資產，去為退休創造一個收息組合，咁就可以。

------------------------------------------------

Q22638：

老師你好，我之前誤打誤撞買股票，輸咗好多錢，差不多輸咗有20萬 ，我而家對股票完全冇期望，但係手上仲有以下股票，

可唔可以俾啲意見我睇吓我手上股票應該要長期揸住定係沽出？

66號，共有835股 @46.536 （月供$1500）
788號，共有4000股 @2.084
823號，共有835股 @76.805 （月供$1500）
2800號，共有835股 @27.888 （月供$1500）
9988號200股 @188.72

龔成老師︰

你必先要了解翻，自己輸左20萬的原因。係買錯股、買貴貨、定係誤把短炒當投資? 你要了解清楚自己問題所在，避免將來再發生。

我地做財富增值，最重要不是睇「賺蝕」，不是睇「買入價」，而是睇質素。質素不好，增長力弱，就有可能賣出，蝕都要賣。

你要分析「之後的組合情況」，不是過去，是將來。應該持有那些優質股，比例如何，能為你帶來怎樣的長期財富。

你要分析你的投資目標，你想潛力股的比例多少？平穩股的比例多少？組合風險程度如果？即是你想設計一個怎樣的投資組合？長期、優質、平衡、適合你。

你現時持有股票，都係有質素，只係中國鐵塔(0788)買入價偏貴，但由於有質素，你照長線持有就可以。

這個組合，算係一個增長型配置，若你係年青至中年人士，這個組合係可以。

若你投資經驗不多，建議你先維持用月供方法去儲貨，以減低買貴貨的風險。另外，現時大市只係合理區，每月儲蓄唔好盡用，要留有部份，用來等大跌市機會。

------------------------------------------------

Q22639：

龔sir，想問下如何分辦股票的股價是便宜或贵？是否處於合理區？

龔成老師：

要計企業的價值，過程比較複雜，好難三言兩語就講到，就算在我的股票班，都要講5小時，裡面會講3種估值方法，有難有易，但同學都用到的。

簡單來說，你要考慮企業的生意、盈利、現金流、資產、負債等財務數據，同時要比較行業，考慮這企業的經營情況，之後的環境又會如何。這都是計算的基礎。

例如，我地會考慮佢有多少生意，有多少盈利、現金流，有多少資產，從而計算該業務值多少錢，同時會推算將來的盈利情況，去推算這企業長遠的價值。

如果要深入計算，基本上要好仔細的研究企業，要分析好多財務數據用比率，先至有較完整的答案。

------------------------------------------------

Q22640：

你好成哥，我今年36歲，單身

最近想開始學投資增值，希望60歳可以有3-5萬現金流，想下個月開始買入以下5隻股票，（2007，3988，6823，0823，303）平均每月可投資$12000以上，你覺得可行嗎？

我目前收入$40000，但之前經歷生意失敗，輸咗幾百萬，所以冇乜積蓄，仲有你覺得我應該先儲首期買樓定收息增值好？謝謝

龔成老師︰

每個人都有自住需要，但現時香港樓唔平，大致在合理區頂至略貴。如果你係無買自住屋的迫切性，建議你先用優質股去增值，會較好。

若你希望60歳退休時，每月有3-5萬蚊現金流，以股息率6%計，你需要本金600-1000萬。

故你現時要做，就係透過一些有增長力股票(而非收息股)，去先累積起這筆財富。到足夠時，才慢慢換成收息股，去創造現金流，支援退休生活。

你上述提到的股票，都有質素，領展(0823)係合適。但中行(3988)、香港電訊(6823)、偉易達(0303)係收息股，增長力唔高，唔適合。

碧桂園(2007)，業務都算不差，但負債高，風險略高，雖然都可考慮，但不宜大注。

你現時無投資知識和經驗，對企業估值，點去定平貴未必會太了解。所以你最好先利用月供模式，去做增值，可以減低買貴貨風險，對你而言會較理想。

策略上，你可以投資「平穏增長股」和「潛力股」。你每月5成儲蓄，即是最少用$6000做月供。其餘先儲起，用一邊月供一邊儲蓄的策略。

選股上，你可以投資在平穏增長股，加少少潛力股。

由於你投資知識不高，因此可較集中在平穩增長類股，至於潛力股，只宜小小注(不多於3成)。最好是你先提高投資知識，等到你有一定知識和經驗，才慢慢增加潛力股比例(大約5成)。

餘下的另一半現金，我地就等機會，當大市出現較大回調，就加大力度掃貨，然後作長線投資。

我假設投資回報有10%（連股息再投資），你每月投資$12000，24年後大約會增值至1300萬，故這樣安排相信很大機會達至你的財務目標。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

［九月九號食螃蟹🦀️］應該係獨家！

魯迅話齋，第一個食螃蟹🦀️嘅人，非常之勇敢！

大家知咩係「港股通」「北水」啦？大陸人可以在大陸經大陸券啇在大陸交易所買港股。當然資金有一定需求。上海深圳都可以，唔係所有港股都得，上海深圳名單有啲唔同

而早排本人預言王維基隻1137，會入深圳港股通。結果星期一就入咗。

但似乎頭兩日都冇發市。直到呢位仁兄買咗兩手！

是咁的，因為種種原因，大陸股民，無論你在 東吳證券定西楚證券買，都會經同一個「牌」（*），而在香港結算所（港交所全脂附屬公司），都係兩舊嘢，namely A00003及A00004，中國証券登記結算有限責任公司

亦即係話，所有北水，都可以track 到。同日本嘅羊一樣（**）。固然你睇唔返大陸邊間行買，但，在每一個交易日尾，一間公司有幾多貨在「北水」手上，全部有資料。

例如匯豐，有9%股本係「北水」渣住。應該未計平保啲貨添。「所以其實係中資銀行」（***）

好啦，剛剛我手痕睇CCASS（****），嘩，見到有北水買！持股2000股！兩手黨！

哈哈，仲少過我。但聽聞畢菲特碌咗個銀仔🪙落屎坑都執返。「下一個100萬嘅開始」

所以，今日2000股，聽日2000手。呢位同胞做咗史上首人，威水！「王維基都係幫我打工咋」

又，話埋你知，T+2，兩日後先見到的。即係再早兩日買，「應該蟹貨」。好似你望到啲星星咁，其實已經死咗。不過幾百光年外傳過嚟。

另外，正如港交所提你：呢個A00003及A00004花紙，not necessarily 等於「北水資格名單」。因為你隻嘢可以入咗北水但冇人買，亦可以唔再合資格但之前買落咗（經常發生）

（*）年中不知幾多儍仔望住個股票機，睇啲「牌」，就「見到」「大行買緊」「大摩買緊」，真係以為幾舊水買個報價就睇晒大戶底褲。襟芒，諗下合唔合常識？呢啲咪自大。以為自己好撚醒。不如落樓下數六合彩盤路啦，technically speaking 唔係粒粒機會一樣呀，69同7點會一樣重？正如美金銀仔，公字兩面都唔同重，而仲有，當然係揀facing up嗰邊，大啲機會。拿，又學到嘢啦

（**）村上春樹尋羊的冒險。日本好遲先有「羊」，同韓國一樣。所以佢地傳統食物唔會有羊。當然後來「成吉思汗」「小肥羊」開到周圍係就後話。全球化。

（***）每次有人講東亞係「港資」我就覺得奇。大股東日本仔，二股東加泰隆尼亞。何來「港資」？CEO香港人就港資？咁港交所係咪克羅地亞/阿根廷🇦🇷資？

（****）金融扮內行。唔好叫「C-C-A-S-S」，叫「思咳屎」。或者「花紙」，當然見鬼佬行唔好叫「花紙」，即使見你嘅係人

牛年比別人知得多。subscribe now.
Patreon.com/ivanliresearch

［今日寫呢啲］ 點算好？有乜點算好。葉念琛話齋，the best plan is no plan！

TLDR：港股廢，美股貴。不如日本股？「其實有啲又貴又廢」

＝＝＝＝＝＝＝＝＝＝＝＝＝＝
已烴2000人訂！多謝大家！Two thousand people can't be wrong！（扯，幾百萬人冇訂添！）．下一個目標當然係攞你命3000！

＝＝＝＝＝＝＝＝＝＝＝＝＝＝
月頭訂最抵！一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100． 畀年費仲有85折，20/40年費VIP 送本人著作一本。

係喎，而家買埋日本股。喂香港8點開市喎，然後冬令美股就5點收。「咁你咪唔使瞓？」。傻啦，好多時我瞓到香港收市都未起身！

有啲人以為要「睇住個市」，係唔使的，至少我唔使。我做分析員早期，未有埃瘋，我甚至係股價都唔睇的。好似頭文字D定極速傳說咁，個儀錶板都拆埋！人要勁過車嘛！唔好畀個股價帶住你行。

不過而家買日本股就要早啲起身，因為香港2點就收市。

係喎，今日就買！買唔切就星期一買，唔得就星期二！唔爭在一兩日。但總之會買。名單都有埋，星期六Patreon專題會公開

都揀咗25隻，「但邊買得晒」，因為日本股要100股咁買，咁任天堂之類，40萬港股一手。「唔係冇40萬但唔會咁買」，雖然有ADR，所以咪要度下先．星期六Patreon專題會分析，但只係片面，25隻股呀，一隻寫100字你都嫌長啦。咁你計下100字，扣除公司名（中文日本英文）同埋冧把，仲有幾多隻字？

但真的，星期六Patreon就公開埋嗰25隻日本股。垃圾倉2.0（日本冇垃圾？），但不能每隻3000港紙

你見要講日本，證明其他嘢都冇乜好講。騰訊夠晒慘烈，但我係悲觀嘅樂觀者。2018插一半都係咁啦（今次都差不多），之後咪又升幾倍。「今次唔同」。刁，真係由2004年我做金融，每一次啲友都係咁講。

你話港股好差？今年不過跌6%，同美股歐股日本股梗係好差，但你話世界末日？大把更差嘅年份啦。奉旨要贏錢？

你話買科技股買國企指數唔止輸6%，刁，呢啲就你個人問題啦。你鍾意all in嘛，咪all blood，關人春事。我啲港股輸少過6%添，況且仲要有美股。「仲有ASML LVMH 愛馬士呢啲歐洲嘢」

至於騰訊會點？唔知，唔想知。我好奇怪點解你覺得自己會知。呢啲咪我早兩日寫文講，唔易睇得出嘅極度自大咯。點解你要覺得自己乜都有諗法？承認自己唔識，真係咁難（我日日都話自己唔識tech架，不過ASML日日新高）？好多嘢控制唔到，集中去睇啲你控制到嘅嘢吧。

恒大？答案一樣。爆唔爆煲？唔知，唔想知，關我乜事？點解你覺得自己知？

況且，「爆煲」都有好多種，死還死七孔流血還七孔流血，海航爆咗煲未？港航又爆咗煲未？國泰呢？你啲網友個個都話中國爆咗煲添。但我只知道上證指數而家升到今年高位（你冇睇錯）。

我搞呢個Patreon，最開心嘅，就係卒之可以唔使唔識扮識。講真的，返工或上電視就不能咁啦，點都要唔識扮識．講過啦，因為呢個世界係獎勵啲唔識扮識嘅人嘛，你條肥仔上電視隻鳩隻都話唔識，節目導演下次都搵第個啦。打工亦係，個客嚟問我老細嘢，佢梗係彈畀我（因為除咗佢睇嗰行，佢真係乜七都唔識），咁我答唔識，佢又覺得我廢啦。

咁我當然係玩唔識扮識—咁我先可以搵夠錢，脫離呢個遊戲嘛！我在Patreon就唔會同讀者咁虛偽！因為讀者真金白銀支持我嘛。你見好多人嚟問我邊隻邊隻點睇，我都答佢我唔知。

做乜去討論恒大？爆又點？你瞓身沽空港股？唔爆又點？你瞓身買？我又冇買恒大，又冇叫過你買，關我乜事？

咁至於你啲網友話骨牌效應呀乜乜，冇量化嘅，講乜都係廢話。我咪幫你計下數，Patreon有講。

但，畢菲特嘅名句，Ships will sail around the world, but the Flat Earth Society will flourish

邊鳩次唔係乜都講到骨牌效應，一間爆一百間爆然後核戰全球冚球鏟？蘇伊士運河塞咗架船又全球供應鏈中段，韓仔基金爆煲又銀行唔掂，負油價又頁岩氣公司爆煲銀行唔掂。我話你知銀行好撚掂，你顧掂自己先啦。

美股嘅，連跌4日嘛，但都未夠1%。Patreon入面有講，今年高位最多都係跌過4%，你可以睇下歷史上有幾多次係咁。係咪好事？你係fully invested 咪好事。但你話等調整等等等，咪你嘅事

然後，不經不覺美股見底都一年半，標指低位升咗100%。但你話已經過籠？咁Patreon入面有話你知，一個牛市可以升幾耐，同埋可以升幾多

幾時都話，人太過短視，無限放大咗呢刻嘅波幅，但又睇唔到長遠嘅走勢。

最後，兩隻美股。講明先。冇！叫！你！買！ 我都冇買。咪到時輸咗錢又嚟嘈（雖然就算我叫你買，輸咗錢都唔使嚟嘈的，因為我好似冇拎支槍指住你，亦冇因為你買嘢要有佣收）

先講LuluLemon，應該好多人知個故事。我都好早知間公司，香港未開已知，仲要係個阿叔話我知的。咁而家梗係易估，個個WFH嘛，啲瑜珈褲 六七舊水一條，食水極深。剛剛個業績勁爆，一出業績升10%

但有時又唔係咁簡單啦。彼德林治呢套「生活搵投資點子」嘅東西，而家難咗好多，因為資訊太發達。

特別潮牌，好睇唔好食，你睇Under Armor 而家股價只係高位一半，A&F亦都係。LuluLemon過去5年升500%，但今年其實大幅跑輸大市。點去捉？Patreon入面講了

Accenture嘅，近排被爆料有個好正點嘅業務（雖然唔係咩秘密），幫啲科企執屎，好好搵的。唔通科企啲工程師自己執咩，又總不能請啲南亞仔做全職畀佢地同啲工程師一齊在飯堂食壽司嘛。聽落冇乜技術含量，都係搵啲南亞仔，但，你又諗下在科企嘅角度，畀多啲錢唔緊要，但最緊要做得好睇，唔好有手尾，所以你細公司好難拎到生意。另外，雖然唔係火箭數學，但你要搞掂成班南亞仔，唔好爆鑊，都真係唔係咁易。

有幾好賺？就Patreon講了
＝＝＝＝＝＝＝＝＝＝＝＝＝＝
已烴2000人訂！多謝大家！Two thousand people can't be wrong！（扯，幾百萬人冇訂添！）．下一個目標當然係攞你命3000！

＝＝＝＝＝＝＝＝＝＝＝＝＝＝
月頭訂最抵！一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100． 畀年費仲有85折，20/40年費VIP 送本人著作一本。

香港今日社論2020年10月07日(100蚊獅子頭)
https://youtu.be/byrMZATd73U

請各網友支持, 課金巴打台
(過數後請標明所支持的節目或主持, 把入數收據WhatApps 至 : 94515353 )
- 恒生 348 351289 882
- 中銀 012 885 1 086914 9
( 戶口名: Leung Wai in Tammy)
- 轉數快FPS 3204757
- PayMe 94515353
- Paypal : tammyleung96@yahoo.com.hk

巴打台購物網址
https://badatoy.com/shop/
巴打台Facebook
https://www.facebook.com/badatoyhk/
巴打台Youtube Channel:
https://www.youtube.com/channel/UCmc27Xd9EBFnc2QsayzA12g
------------------------------
明報社評
一名小學教師被指透過教案教材，有計劃宣揚港獨信息，遭教育局「釘牌」。教師是唯一直接受管於政府的專業，取消註冊終身不能再當教師，是最嚴厲的懲處，涉及宣揚港獨的「釘牌」個案更是前所未有。根據局方說法，相關教案教材的設計、安排和鋪排，確有不妥之處，似介紹港獨多過討論言論自由，教育局對事件的看法與校方內部調查結論不一，當局做法是否合理合度，有上訴機制可以跟進，當事人認為不公平，提出司法申訴也是一個方法。香港政治鬥爭激烈，校園不幸捲入漩渦，校方應盡力避免教育政治化，教師亦要恪守專業，啟發學生多元思考，不能變成政治灌輸。

蘋果頭條
金管局前總裁陳德霖參選2022年特首選戰消息甚囂塵上，雖然他極力否認設「競選辦公室」，惟種種迹像顯示他另有動作。本報查冊發現，其近月以1,080萬元購入灣仔一層面積近千呎商廈單位，未有申請按揭，是他多年以來首次沾手這類「辦公室」物業。分析認為，陳德霖自離開金管局後，慣常在位處金鐘的金融學院辦公室工作，若果有「其他事情」需要傾談實屬不便；不申請按揭則可以與以前監管的銀行撇清利益瓜葛。陳德霖及妻子陳唐芷菁持有「粵興國際有限公司」及「冠盈(香港)有限公司」兩間公司，過去30多年主要從事買賣物業

東方正論
香港家門不幸，自己人與外部勢力勾結作反，去年六月開始爆發的示威暴潮，主力是青少年，大部分是學生，校園不再清靜，大學淪為暴徒訓練營，連中小學也失守，有學生在校內唱港獨歌，公然宣揚分離主義，不少人早已指出黃師滲入校園播獨，網上社交平台證據確鑿，但教育局卻一直小鬧大幫忙，拒絕公開涉事教職員名單，亦無踢走任何違規人員，直到本周一才取消一名教員註冊資格，難免被批評行動姍姍來遲。以往教師「釘牌」，多由於涉及罪行如風化案，今次是首次以專業失德為由取消註冊資格。

星島社論
九龍塘宣道小學一名教師，被教育局指設計的教案、教材，有計畫地散播「港獨」，屬嚴重專業失德而被取消教師註冊。教育局昨進一步指出，個案問題嚴重實屬罕見，涉事教師設計的教案佔課時重、要求學生作政治表態、學生無表達個人意見空間，甚至灌輸錯誤信息、歪曲概念。局長楊潤雄強調，港獨不符合《基本法》及憲制制度，無必要在學校討論，又稱由於事件發生於《港區國安法》生效前，暫不考慮轉介到相關執法機構跟進，但日後若有同類個案會考慮轉介。

經濟社評
美國總統特朗普染疫後，未康復便高調出院，試圖將自己打造成抗疫英雄，根本沒汲取確診教訓，作出連串荒誕行徑，不但有繼續播毒之嫌，更對美國人以至全球做了極負面的防疫示範，隨時英雄做不成，反而成了超級傳播者，害人又害己。特朗普在醫院接受治療3天後，周一急不及待出院，其間更不斷發tweet，宣稱自己戰勝新冠病毒，情況愈來愈好，感覺比20年前還要好，呼籲國民不要害怕病毒，不應讓病毒主宰生活。他甫抵白宮，馬上除掉口罩，豎起拇指說自己感覺良好。

香港今日社論2020年09月08日(100蚊獅子頭)
https://youtu.be/Q_Zt2MTIhnQ

請各網友支持, 課金巴打台
(過數後請標明所支持的節目或主持, 把入數收據WhatApps 至 : 94515353 )
- 恒生 348 351289 882
- 中銀 012 885 1 086914 9
( 戶口名: Leung Wai in Tammy)
- 轉數快FPS 3204757
- PayMe 94515353
- Paypal : tammyleung96@yahoo.com.hk

巴打台購物網址
https://badatoy.com/shop/
巴打台Facebook
https://www.facebook.com/badatoyhk/
巴打台Youtube Channel:
https://www.youtube.com/channel/UCmc27Xd9EBFnc2QsayzA12g
-------------------------------------
明報社評
成年智障人士支援不足，一宗家庭倫常慘案，再度令人關注照顧者的困境。本港中度及嚴重智障人士宿舍不足，輪候時長達10多年，部分成年智障人士缺乏自理能力，需要家人全天候照料，照顧者身心俱疲，疫下日間中心服務暫停，更令照顧者百上加斤，倘若還要照料年幼子女或長者，精神壓力太大，容易鑽牛角尖。疫情曠日持久，不少社福服務均受影響，不時需要關閉，又或只能提供有限度服務，受影響的不止是智障者，還有其他老弱殘疾人士，照顧者徬徨無助，政府有必要提供更多支援，減輕他們的壓力。上周六凌晨，一名中度智障人士在家死亡，頸部有被勒痕迹，死者母親涉嫌謀殺被捕。涉案家庭無家暴紀錄，亦非社署跟進個案。資料顯示死者年滿21歲，必須離開特殊學校宿舍，上月底搬回家居住，未料不足一周即發生悲劇，有指疑兇曾向家人透露，照顧子女「壓力爆煲」感到很辛苦。

蘋果頭條
今年7月28日，是阿Moon最後一次與父母在一起。但當天其實是一家三口入院，在同一間負壓病房接受武肺病毒測試，阿Moon因測試結果是陰性，沒有感染，護士立即要她離開，到醫院外面的帳篷等候衞生防護中心安排入駿洋邨隔離，她的父母則確診需在隔離病房留醫。阿Moon離開的一刻來不及跟父母道別，沒有握一握父母的手，也沒有拍一拍兩老的膊頭，或跟他們說聲加油。自此一別成永訣，阿Moon無法想像，約一個月後兩老相隔4日死亡，她先隔着玻璃跟父親道別，再隔着玻璃送別母親，從此無法再感受兩老送來的溫暖。阿Moon表示，7月27日父親因感冒及少許不清醒，需召救護車送入院，經檢測後父母都確診。入院初期父親情況穩定，她還接獲護士來電「投訴」父親很「百厭」，經常下床在病房內走來走去，擔心他會跌倒。母親也精神不錯，經常親自打電話給她，叮囑她在駿洋邨萬事小心。

東方正論
冷箭何處來，棘針風騷騷。一宗刑事恐嚇案，因為站在被告席的是壹傳媒黎智英，站在證人席的是東方報業集團記者，東方自此捲入一連串莫須有的是非之中。美資媒體死咬不放，不僅刊出種種針對東方的失實報道，更暗示刑恐案源於兩報競爭，直指黎智英因反中立場才受到政治打壓，卻隻字不提其涉嫌干犯本港刑事法例。是可忍孰不可忍，美媒為漢奸走狗強出頭，東方不以為奇，但種種無中生有的惡意抹黑，東方絕不姑息，絕不忍氣吞聲，勢必奮起千鈞棒，將所有冷箭、暗箭、毒箭統統拿下，討回公道，以正視聽！外媒一向對香港不懷好意，但攻擊對象都集中在港府及中央，惟自從黎智英涉刑恐東方記者案進入審訊後，一浪又一浪的輿論攻擊便衝着東方而來。

星島社論
打破港股歷史凍資紀錄的「水中茅台」農夫山泉（9633）今日掛牌，該股最終合共獲得逾七十萬份認購申請，成為自二〇〇九年以來最多人認購的新股。一手難求，該股在多個暗盤中的升幅均超過一倍，當中富途暗盤叫價最高，收盤報四十四點零五元，升百分之一百零四點八八，不計手續費及佣金，一手二百股賺四千五百一十元。認購頂頭槌飛的大戶盈利更加可觀，扣除孖展利息後，每張申請仍可獲利超過二十五萬元。農夫山泉昨日公布，每股將以招股價上限二十一點五元定價，本港公開發售超額認購一千一百四十七倍，合共吸引逾七十萬七千張申請，農夫山泉雖然仍未打破二〇〇六年工商銀行（1398）有九十七萬五千五百人認購的紀錄，但亦成為自二〇〇九年以來，最多人認購的新股。

經濟社評
繼美國疾控中心（CDC）通報10月底推出新冠疫苗後，內地有藥廠昨天宣稱已為幾十萬人接種疫苗，因為能率先成功研發疫苗事關重大，甚至影響國際形勢，所以有能力的國家均在這場疫苗競賽中衝刺鬥快。即使疫苗是在形勢所迫下加快研發步伐，但切勿政治掛帥，須安全有效至上。港府無法像美國般漁翁撒網式搶購，務必與內地緊密溝通，爭取在可行情況下，能躋身獲優先分配疫苗的名單中。疫苗競賽日趨白熱化，內地疫苗生產商科興生物技術公司透露，已為9成員工和家屬接種了其研發的疫苗。國藥集團中國生物研發的兩款疫苗，亦為幾十萬醫護、外交人員，及有需要到一帶一路地區建設的緊急使用人士接種，無不良反應，但國藥強調疫苗最快也要在12月底才可上市。俄羅斯則宣布為教師優先接種疫苗。

贊助支持方法（自由訂價）：
網上贊助套餐連結：https://tickcats.co/ticket/tone2/
直接銀行轉帳：HSBC 741-092134-838 (Hong K E A P S LTD)
FPS 轉數快：6704936 (Hong K E A P S LTD)

//路難行，仍要行。


大家好，我哋係 TONE 團隊，由於今次出呢個 post 包含大量資訊，希望大家可以細心閱讀。
同時亦為咗忙碌嘅香港人著想，以下做咗個快速總結：


1. 受疫情影響，Tone Online Music Festival 2 將延期至10月31號下午三點到十一點播放
2. 完整音樂節演出陣容公布
3. 售票系統新增多項贊助套票，希望大家慷慨支持！購票連結：https://tickcats.co/ticket/tone2/
4. 今個週六晚 (25/7) 七點將於媒體伙伴 Happy Kongner 及 This Town Needs 平台直播及交代安排細節。


想了解更多關於 Tone Online Music Festival 嘅觀眾歡迎繼續閱讀。
——————————————————————————————

◉ Tone Online Music Festival 2 延期 ◉

首先，好遺憾同大家講，因應「限聚令」將延伸到年底，原訂於8月22日舉行嘅 Tone Online Music Festival 將會延期至10月31號下午三點到十一點，同樣會係 Happy Kongner 嘅 YouTube頻道以及 This Town Needs、KKBOX、谷live Facebook專頁播放。


大家可能會問，話明係線上音樂節，點解又會因為疫情再爆發而受影響呢？我哋「好高興」喺度為大家穿咗條橋。


其實早幾星期疫情有緩和跡象嘅時候，我哋就已經開始去計劃將線上同線下連結起來，磨拳擦掌開始去諗重啟現場演出嘅計劃。自從上次舉辦完第一次 Tone 音樂節之後，見到其實透過網絡確實可以接觸到更多新觀眾，而我哋團隊都花咗唔少時間去認真研究點樣可以持續做得更好，雖然我哋可以係畫面同聲音處理方面投放更大資源，甚至用更大嘅 budget 去邀請更多知名單位去演出，不過我哋始終堅持相信，線上演出只能夠俾一班原來嘅忠實聽眾頂癮，更重要係多個渠道令初接觸獨立音樂嘅觀眾去認識呢個本地文化，但線上演出永遠都唔能夠取代現場嘅實體表演，兩者喺多變嘅音樂產業入面唔應該係 alternatives 而係互相禰補，缺一不可。


基於呢個堅持，我哋冒住非常高嘅風險，同面對住無限嘅變數，再加上幾何級別而上嘅製作開支，團隊依然一致決定同時舉辦 Tone 線上同線下音樂節。


◉ 完整音樂節演出陣容公布 ◉

非常遺憾地，呢個計劃並未能夠如期順利進行，亦都因為現時府頒布措施講明「暫不能舉行任何現場演出活動」，令我哋喺無選擇嘅餘地之下，作出延期嘅決定。不過亦都因為咁，我哋決定提早為大家宣布第二輪演出陣容，亦即係原訂會喺線下現場演出嘅四個單位，分別係：Instinct of Sight、Maniac、小紅帽以及 Smoke In Half Note。


有睇開 show 嘅樂迷聽到呢啲名，大概都可估到，呢場係俾屈咗响屋企好耐嘅大家舒展手腳啦。


◉ 售票系統新增多項贊助套餐 ◉

正如上面講到，由於希望可以俾到觀眾一個更深刻同高水準嘅視聽享受，計埋搞 show 嘅開支，幾何級數嘅製作規模慳到盡都差唔多要價 HK$500,000。雖則已經唔預搞呢個 show 會賺到咩錢，我哋只希望一班業內嘅手足，唔會因為限聚令延伸到年底而搞到差唔多全年無收入咁濟，所以仍然好需要大家踴躍課金去支持，令呢個計畫能夠順利進行！同時，為咗增加透明度，我哋亦會喺網上售票系統 Tickcats 頁面度，新增顯示所收到嘅售票金額總數以及達到收支平衡嘅目標金額，畀大家同我哋望著個目標一齊前進。


由即日起，我哋嘅網上系統會增加唔同嘅贊助套餐，包括：1）贊助$400或以上嘅觀眾可以有機會獲邀參與現場拍攝*；2) 燙銅TONE啤牌；3）TTN啤酒送到你門口；4）由TONE團隊親自採集烹調兼運送到府上嘅神秘套餐，希望比大家有多個選擇支持嘅方式之餘，令大家更投入參與今次 Tone Online Music Festival！


詳情及購票連結：https://tickcats.co/ticket/tone2/


*拍攝日期預定會係10月上旬，演出單位包括 Instinct of Sight、Maniac、小紅帽以及 Smoke In Half Note，地點及時間安排將會另行通知，能否讓觀眾參與現場拍攝視乎到時政府的政策。


◉ Tone 團隊上 Happy Kongner 直播節目解說企劃 (7月25日) ◉

另外，由於今次呢個企劃規模較大，牽涉嘅人士以及喺變動上比較複雜，感謝我哋嘅媒體夥伴 Happy Kongner 鼎力相助，係嚟緊星期六（25/7）晚上七點進行直播，一來可以更直接解釋今次計畫變動嘅操作，二來想同大家傾吓計分享吓自從上次舉辦完 Tone 1 到今次舉辦 Tone 2 嘅想法以及未來嘅計畫，有興趣嘅朋友歡迎到時參與喺 Happy Kongner YouTube 頻道或者 TTN Facebook 專頁進行嘅直播環節。


最後，希望大家可以同我哋一齊繼續支持同期待，待疫情一旦好轉便捲土重來。
祝大家身體健康。
◉ ◉ ◉ ◉ ◉ ◉ ◉ ◉
TONE ONLINE MUSIC FESTIVAL

完整演出陣容（嘉賓主持 Host：細So）：

* Instinct of Sight

* iii iris liu

* Jason Kui

* kz (Dehumanization Association)

* Maniac

* Panther Chan 陳蕾

* SilHungMo 小紅帽

* Smoke in Half Note

* Tyson Yoshi

* White Dimension

* 乙女シンドリーム - 乙女新夢


日期：2020年10月31日（星期六）
時間：下午3時至11時


直播頻道：

YouTube: Happy Kongner https://www.youtube.com/c/HappyKongner/
Facebook: This Town Needs https://www.facebook.com/Thistownneeds/
Facebook: KKbox https://www.facebook.com/KKBOXHK
Facebook: 谷Live https://www.facebook.com/musiclivevalley/


贊助支持方法（自由訂價）：

1. 網上贊助套餐連結：https://tickcats.co/ticket/tone2/
2. 直接銀行轉帳：HSBC 741-092134-838 (Hong K E A P S LTD)
3. FPS 轉數快：6704936 (Hong K E A P S LTD)

========
關於 Tone Online Music Festival
TONE 是一個以香港本地獨立音樂為核心的線上串流音樂節目，並由幾個活躍於本地獨立音樂產業的團體分擔成本合力籌辦，包括 Hidden Agenda: This Town Needs 、 觸STUDIO、 Detuned Radio Festival 、 Daymaker Creatives Limited、@OC2S 等。籌辦目的旨在為自身產業的不同崗位帶來工作機會，亦希望透過活動能重新讓廣大觀眾認識本土獨立音樂文化及價值，藉此提升其關注與支持，希望屬於我們的音樂城壘繼續屹立。


關於媒體伙伴 Happy Kongner
KONGNER是以香港文化為主題的文化資訊評論媒體，集文章、影片、直播等多媒體創作於一身的香港新媒體。KONGNER從批判概念出發，提供來自世界各地不同的文化資訊以及評論，關注香港社會對文化的取向，讓讀者與觀眾能從評論之中拓闊視野和重拾對生活中周邊知識的興趣，致力以不同類型的文化題材擴闊讀者聽眾及觀眾的視野，從思考過程之中培養出對文化的熱衷，反思香港文化。同時KONGNER亦會以媒體協作方向，幫助策劃、記錄及推動不同與文化相關的活動，讓大家可以從中體驗不同文化中的獨特韻味。透過多媒體傳播的方式，以生動有趣的方向把文化的多元化體驗從畫面、聲音及文字的創作中呈現出來。//

#THISTOWNNEEDS #TONEONLINEMUSICFESTIVAL #OC2S