【 #他們的愛情故事 - 願望係2020可以見愛人一面！歐洲破例推「愛情簽證」】

2020年就快完，相信好多人都plan緊倒數點同另一半過～ 但其實地球上仲有好多Long D小情侶，因為未結婚唔符合所謂「法定關係」而無法跨境探愛人，已經足足300幾日無見過面。
.
不過最近有好消息係，歐洲一共有16個國家陸續提供「情侶簽證」（Sweetheart Visa），令戀人趕上2020年嘅跨境尾班車，飛去見愛人一面，唔少情侶異地重逢都忍唔住激動爆喊！或者今年唔使要咩新年禮物，因為對呢啲情侶嚟講，對方就係最好嘅禮物。2020年完之前可以見到你一次咁大把，已經好鬼開心～～
.
「愛情唔係觀光，未婚戀人唔代表玩玩下」
歐洲多國自2、3月後陸續因疫情封關，剩係畀國民同「正當理由者」入境，包括配偶、子女等家庭關係，又或具備工作、留學等理由。不過未婚伴侶就算已經有晒仔女或交往多年，都會因無一紙婚書而被拒入境。
.
有相伴多年但未婚嘅戀人被逼分隔兩地，亦有準備結婚嘅情侶只能一等再等，雖然不斷說服對方疫情好快過去，但隨住案例不減反增，好多戀人已經苦等接近一年。其中就有一位德國籍爺爺為見住喺丹麥嘅婆婆，每日風雨不改咁帶住兩張凳仔、踩住單車到兩國邊境，只為同愛人隔住圍欄飲杯咖啡、一齊野餐。兩人於數年前相戀，因為一把年紀無註冊結婚，但如今封關都無阻呢對「小情侶」相愛。
.
事件成功引起大眾關注，重新反思點解喺現代社會，都要有結婚證明先可以被稱為屋企人，市民以#LoveIsNotTourism發起網上運動，多國政府最後亦決定提供愛情簽證。其中以丹麥首當其衝，但申請過程就極為嚴格，除咗有大量paper work要填，情侶更要最少交往半年以上，通訊紀錄、合照、定期往返機票、親友證明缺一不可，入境前要檢疫，入境後亦要再隔離14日，先可以見到朝思暮想嘅某人一面。
.
過程繁複且需時極長（歐洲人的工作效率，嗯嗯），但至今已收到過百萬對情侶申請，更可貴嘅係，申請者都好明白呢個係防疫需要，願意耐心等待。德國男性梅勒同巴西籍女友艾維斯分開300幾日，申請簽證又用咗好幾個月，但對可以於今年內見到女友仍然感到非常感激，更一度講到眼濕濕：「見到佢嗰下覺得咩都抵返晒！」
.
.
「如果Long D情侶入境時要填申請表，旅遊目的一欄應該填咩？」

答案應該毫無疑問就係愛情，因為就算無得出去觀光，只可以留喺對方屋企，其實只要陪住就已經好滿足。當然都會有人質疑，覺得呢啲小情小愛就唔好搬出嚟講，甚或會有人話：「當年我同個邊個邊個long d夠幾年無見啦，要寫信聯絡添啊」。但又真心問下自己，如果留學、工作需要出差都可以成為跨境理由，咁點解未婚愛情就唔係愛情，點解愛一個人唔可以係一個理由？做晒檢疫先入境，跟足程序無影響人，呢啲「情情愛愛」影響你了嗎？
.
未婚好，已婚好，後生情侶好，老夫老妻都好，love is love，愛情無須證明，希望大家2020年最後一日都可以同到最愛嘅人一齊過，嘻嘻～
.
#爺爺帶凳仔踩單車 #婆婆帶住壺咖啡 #疫情下風雨不改 #無結婚又如何 #愛情簽證 #loveisnottourism #愛 #愛情 #語錄 #拍拖 #香港 #搞笑 #旅遊 #sweet #元旦 #倒數
.
即like 港式情侶 HKstyleCouple 緊貼更多港式愛情生活資訊❤️！
IG : https://instagram.com/hkstylecouple
歡迎Dm投稿戀愛趣事，我哋等緊你㗎😙！

荷蘭生活知多啲

IG: ally_blahblah

讀書篇 （中）

上回講到喺荷蘭讀書要注意嘅地方，包括語言、當地普遍教育程度、學費同埋學校VS學科，今次就講一下呢邊讀書辛辛唔苦、學生生活，仲有交通及住宿。

5. 讀書辛唔辛苦？

荷蘭教育質素高，其中一個重要原因係當地良好嘅學習同閱讀風氣。無知大家有冇留意過，喺香港搭車見到好多低頭族。喺荷蘭一樣會有低頭族，但更多嘅係睇（電子）書嘅乘客。喺荷蘭，好多學生都會好自覺讀書；平日玩還玩，但認真讀書上黎一啲都唔輕鬆。臨近考試季節嘅時候不時會見到自修室外大排長龍。當年讀國際關係嘅時候，每星期有大量嘅readings要慢慢煲，連牛津畢業嘅同學都忍唔住話喺牛津讀書都冇咁辛苦！不過，唔一定個個科目都咁大閱讀量嘅。

另外，荷蘭嘅老師對於學生嘅批判性思考要求好高。喺當地上堂有唔少討論，需要學生積極發言，同一般華人教育有一定嘅分別，需要時間適應。雖然筆者辯論隊出身，但呢邊嘅教授依然會「想你再批判一啲」，不斷從旁加高要求。另外，華人習慣「畫公仔唔使畫出腸」，好多事情會點到即止，喺荷蘭就未必啱用。所以無論係閱讀量，學習模式，思維模式，都同香港唔同。如果從小到大適應左填鴨式教育，咁出到黎呢邊就肯定會比較吃力。

不過，荷蘭人非常樂於助人，互相幫助嘅風氣好強。喺呢邊讀書，身邊嘅學霸好多都好樂意指導。筆者寫論文嘅時候非常狼狽，幸好有幾個超強嘅學霸一次又一次咁幫我review再俾comment，否則篇論文真係凍過水⋯⋯

6. 學生生活

喺荷蘭讀書，同香港最大分別就係學會同社堂文化。荷蘭嘅大學一樣會有學會（societies）同社堂/兄弟會（fraternity），前者以認識志同道合嘅人為目標，不是都會搞活動，但上下莊文化冇香港大專院校咁強；就算有E會（evaluation），都係以改善為目標，冇香港咁chur。不過，呢邊嘅大學學會，每年開學都會以飲啤酒聯誼，一大班唔同學校嘅學生飲到阿媽都唔認得，喺香港實屬少見。至於呢邊嘅社堂/兄弟會，尤其係全男班的話，一定會比香港嘅癲。同香港唔同嘅係，呢邊嘅社堂唔限制一間大學，一般會係一個城市入面有幾個社堂，只要你係嗰個城市讀書就可以加入。不過一般都係當地學生先會加入，甚少國際學生。荷蘭亦有一般嘅宿舍，真係得個住字。咁當然，住宿舍嘅人好多都會自發搞活動，自由度大。

咁一般學生平時除左讀書仲會做咩？荷蘭運動文化比香港強，課餘時間唔少學生都會做gym，踢波，rowing，或者打hockey。亦有學生會返兼職幫補生活費/存錢去旅遊。由於荷蘭通往歐洲其他國家嘅交通非常發達（由阿姆斯特丹到比利時、法國、德國喺兩三個鐘就可以），好多學生平日搵到外快就會搵機會去其他國家/城市，真係非常方便。

娛樂方面，荷蘭嘅生活就冇香港或者其他亞洲城市咁多姿多彩。呢邊好少行街shopping、唱K、食飯放題。由於平均工資高同要收VAT【註二】，一般學生以好難負擔得起經常外出用膳。不過，荷蘭全國有幾百個博物館，其中梵高博物館（Van Gogh Museum）同安妮之家(Anne Frank Huis)比較為人熟悉。唔少學生會買一張 Museum Card 喺週末嘅時候約三五知己一齊去博物館。

7. 交通及住宿

如果係國際學生，學校一般會係第一年幫助搵宿舍。要注意荷蘭嘅宿舍同社堂一樣，並非由個別大學管理。事實上，荷蘭嘅宿舍一般會由幾個大型「宿舍管理公司」主理。所以宿舍唔一定近學校，而且入面嘅學生可以來自唔同學校。過去幾年，尤其係阿姆斯特丹，吸引左大量國際生，但宿舍供不應求，所以唔少人要自己租地方。

另外，荷蘭容許學生「同時間就讀唔通課程」，有人可以幾日嘅學校A上堂，幾日嘅學校B，變相有時候唔一定喺學校一個城市居住。每日穿州過省嘅學生比比皆是。

交通方面，荷蘭當地學生係免費【註一】，而其他國籍學生都有唔同程度嘅優惠。不過呢，呢邊大部分學生都係用單車代步，既健康又平阿嘛（要穿州過省另計）。

下篇再講下呢邊嘅兼職及實習、就業情況同埋簽證。

【註一】所謂免費，其實只可以揀係一至四，或五六日，並唔係一星期七日都免費。
【註二】長居香港嘅朋友可能會對VAT比較陌生。Value-added tax (VAT) 即係增值稅喺歐美國家非常常見。荷蘭VAT （又作BTW）係21%。簡單黎講，如果一件商品原本價值係100元，加上21%VAT，買家就要付款121元。

以上內容只屬個人分享，如有疑問，以官方資料為準。

讀書篇 （上）
https://www.facebook.com/allyblahblah/photos/a.276193166080761/1216324908734244
讀書篇 （下）
https://www.facebook.com/allyblahblah/photos/a.276125036087574/1223448181355250/

#移民 #移民歐洲 #移民荷蘭 #荷蘭 #西歐 #出國 #留學 #歐洲讀書 #歐洲工作 #歐洲生活

林忌：十幾年前 BNO畀人笑係「小老鼠」，成日畀香港傳媒用假資料抹黑話冇用，一班旅遊達人老作 BNO 「唔係英國籍」，跟港共政府話「只係旅行證件」，甚至吹到去海外唔可以搵英國使館，作到話要人搵中國領事館；呢十年八載，幾個月就有班中共五毛出來老作，話 BNO 冇用，笑人哋申請BNO，又笑人哋爭取BNO 平權。

十幾年來笑人哋爭取BNO平權係傻仔，爭取成功就華麗轉身去霸位，就係呢種蛀蟲，令香港爛腐到呢個地步；亦解釋左，點解今日嘅香港人，要集體移民去逃亡；今日之果，即昨日嘅孽，香港搞成咁，有好多責任就係來自遲鈍嘅人──你要去到2020年今日先續證？對中國政府咁有信心，對特區護照咁有信心，怕咩？唔使驚，要信中國政府！

97後出世嘅後生仔女，想拎都拎唔到，班當年拎左嘅，卻打死唔續證；爭取民主自由，好多人長期都無動於衷，票又唔投，時事又唔關心，一句「太政治，不了」，於是一路由香港爛。在前線打生打死，係靠班年輕人；而家要走佬，就益班有資產嘅人，合理嗎？班年輕人不停就BNO 放負，我明喎，我完全明喎，咁叫做公平咩？呢個世界公平咩？唔係戰狼教落，話出外記得拎住中國護照，再加「回鄉證」咩？做咩藍絲都排隊拎BNO？甚至連張咁簡單嘅英文 form 都唔識填，畀8千銀搵旅行社代辦？(節錄，全文按連結，請訂閱壹週刊）

《 #周末尋樓熱 》節目逢周六早上九點，40分鐘的精彩內容，讓你度過一個充實的周末早晨！

主持：天窗文化CEO 李偉榮、著名地產博客 脫苦海
本期嘉賓：萊坊執行董事 林浩文 先生

【空置稅不減發展商持貨力 經濟差樓價不跌反升 香港咩都唔夠！】

———————————————————
本期內容：
#專家暢談 林浩文
政府出台空置稅試圖讓發展商放出樓盤出售，但對控制樓價的成效甚微。今年經濟波動，樓價卻依然平穩，歸根結底還是因為香港缺地缺樓樣樣都缺....

#區區尋樓 31:40
處處有寶藏，區區有商機，剖析香港本地有哪些值得投資的樓盤
本期主題：旺角篇

#梁隼有計 41:18
地產博客梁隼每周一個買樓小貼士
本期主題：白居二要特別留意

#海外投資面面觀 42:23
海外樓有哪些商機，又有哪些中伏位？
嘉賓 萊坊執行董事 林浩文 先生
本期主題：馬來西亞樓
———————————————————
相關閱讀：
脫苦海《智取筍盤 – 68個樓市大勢關鍵詞》
實體書http://bit.ly/2NSZ8iQ
google電子書及試讀http://bit.ly/2FoYT9m

梁準《買樓有計》
實體書購買http://bit.ly/2Y34YC0
電子書及試讀http://bit.ly/2IuGiMs

想向專家提問交流，或聽更多不同的意見及分析，立即訂閱 #睿富WeatlHub。想支持我地就 Like 及 Share！

Facebook// www.facebook.com/wealthub.hk
Website// www.wealthub.hk