雖然這篇香港傳統手工藝失傳鄉民發文沒有被收入到精華區:在香港傳統手工藝失傳這個話題中,我們另外找到其它相關的精選爆讚文章
在 香港傳統手工藝失傳產品中有4篇Facebook貼文,粉絲數超過0的網紅,也在其Facebook貼文中提到, 星廚的新衣 香港JW萬豪酒店的萬豪金殿中餐行政總廚鄧家濠全新訂制的廚師服,設計概念完全把師傅內心的一團火展現。 認識Chef Jayson 6年,由當年國金軒大廚到今日的米芝連一星萬豪金殿中餐行政總廚,成功非僥倖。當年在國金軒第一次品嚐佢嘅菜式,已經覺得此魚並非池中物,創新之餘亦不失傳統中菜的根基;...
香港傳統手工藝失傳 在 Facebook 的最佳解答
星廚的新衣
香港JW萬豪酒店的萬豪金殿中餐行政總廚鄧家濠全新訂制的廚師服,設計概念完全把師傅內心的一團火展現。
認識Chef Jayson 6年,由當年國金軒大廚到今日的米芝連一星萬豪金殿中餐行政總廚,成功非僥倖。當年在國金軒第一次品嚐佢嘅菜式,已經覺得此魚並非池中物,創新之餘亦不失傳統中菜的根基;到2016年佢嘅首個情人節餐單,為咗一晚而重新設計的菜式,故事串連、味覺的高潮起伏等,令我至今仍然深深烙印腦海之中。
如果你單純覺得Chef Jayson 烹調的菜式創新又好味,令你味覺層次輪廻驚訝,朋友你太天真了!
當你深入了解他的每一道菜色,你會發覺其實佢對傳統中菜的一腔熱誠,希望以一種全新嘅方法演繹傳統中菜,無論在食材的選用、烹調科學的運用、及西廚料理的哲學,以新角度詮譯,但亦不失傳承中菜根基的理念;並非一道名菜走百年,更不會為fusion 而fusion!
全新廚師服保留傳統那種唐裝經典廓型,胸部加入中國民間手工盤扣,盤扣是一種備受尊敬的中國傳統手工藝術品,拼搭在廚師服上即時提升時尚格調,亦有向不朽經典致敬。盤扣對上放棄咗標誌性的中式立領,改以西方開放式V企領,代表師傅在傳統中式基本功上,開放思維、融入西方烹製哲學技巧,令每道菜式在傳統基礎上,也能挑戰前所未有的嶄新配搭,盡情探索無限的可能性,這亦是他內心對傳承中菜的一團火。
#有故事的廚師服
#我就是我
#是顏色不一樣的煙火
#傳承
JW Marriott Hotel Hong Kong JW Marriott Jayson Tang
香港傳統手工藝失傳 在 藍橘子 Facebook 的最佳解答
【傳統應該被淘汰嗎?】
每次寫《阿公》嘅故事,我自己都有一個堅持,就係要寫最有香港味道嘅故事。
學校教關於香港嘅歷史,只會講:「香港以前係個小漁港,而家發展成為東方之珠,國際重要嘅轉口港…」但無乜講傳統香港嘅生活、環境、社會變遷…
我每次搜集資料嘅時候,發現好多資料都係由外國人去做。
例如九龍城寨,我自己對呢個地方非常著迷,九龍城寨雖然拆咗,但一直無消失,只係化成現時嘅香港…
香港冇傳統?定係香港唔配擁有傳統?
喺急促進步嘅時代下,傳統往往要被拋棄,尤其係傳統手工藝製品漸漸失傳。全香港只剩返幾個老師傅,到佢哋退休呢種傳統就會正式消失。
我成日喺度諗,喺呢班師傅退休之前,其實呢種傳統已經消失喺大家腦海入面,所以大家先唔會有「保存」佢既意識。
好多人覺得傳統係過時、老土…時代應該向前看。
以手繪陶瓷碗為例,以前每家每戶都會用嘅「公雞碗」「萬壽無疆」碗,大家一定有印象。但由於而家唔放得入微波爐,而家已經好少人買。又例如人手雕刻嘅麻雀,而家已經轉為用機械製作。
其實有好多傳統都值得我哋保留,用另一個方式去展現出嚟。
最近貿易發展局為咗令大家更認識香港傳統工藝,舉行咗一連串活動。名為DesignInspire創意設計博覽。
我前兩日就親身去過尖沙咀
【一「物」相承設計展】
日期:11月27– 12月3日
地點:尖沙咀海港城海洋中心二階207號舖
時間:11:00am – 10:00pm
最深刻係將萬壽無疆碗特製而成嘅擴音器,佢最特別嘅係擴音管好似人嘅「喉嚨」一樣。
正正代表現今香港人生於香港,好需要有發聲權利。
而另一個比較深刻,就係融入「執字粒」工藝嘅地鐵扶手。當我第一眼見到呢扶手上面嗰幾粒字,好奇點解會左右掉轉嘅?!
原來當你用力緊握扶手,上面嘅字粒就會印落你隻手度。
香港上班族工作壓力非常大,每日返工放工仲要逼地鐵逼巴士,有時真係累到企喺度都訓得著。
而當你落車時,見到手上印咗「加油喇!」「你得嘅!」,嗰種感覺真係幾窩心。
館內仲有更多展品可以欣賞,全部都係融入咗香港傳統嘅藝術品,有興趣可以嚟睇吓玩吓。
12月6~8日,於灣仔會展就會展出所有展品,入場費用全免!
仲有各個Workshop可以畀大家親身體驗做傳統手工藝嘅感覺添!
有興趣登記可到:https://goo.gl/C534ki
#HKTDC #DesignInspire
香港傳統手工藝失傳 在 陳心遙 Facebook 的精選貼文
《香港本來唔係一個無聊嘅小島》陳心遙
《信報》2017年4月5日《視線所及》專欄
喺網上成日睇到一啲報道,專訪香港各區一啲工藝嘅師傅,不約而同都表示行業正瀕臨絕種嘅危機。
由修理鐘錶、製作霓虹光管、紙紮、整遮、木雕、裁剪旗袍等等等等,仲有排數。種種曾經喺香港引以為傲嘅工藝,通通落得失傳嘅下場。點解?師傅多數會話後生仔怕辛苦,唔願意入行。但真係一句賴咗落青少年度就得?
第一,不如我睇下佢哋個舖交緊幾錢租?個地方會唔會好似「棚仔」咁俾人喉住愛嚟「活化」?第二,究竟有幾多人知道香港有啲咩工藝,教育除咗中英數國情《基本法》同操TSA之外,有冇令學生認識多啲香港傳統歷史文化呢?
讀文化研究應該知道,要了解自己,其中一個有效方法係去了解人哋。去過日本嘅朋友應該有多啲體會。其實日本經濟好壞,年輕人不見得特別崇拜自己嘅傳統文化,但係人哋個氛圍同策略就係可以令到自己嘅工藝更有可能流傳落去。
有個訪問一個香港紙紮大王,佢話自己咁多年都冇升過級:「佬級」,應該都係一個紙紮佬。其實日本工藝一樣面臨失傳嘅危機,不過幸好「職人文化」尚存,各種師傅嘅社會地位崇高,收入再冇保障應該都三餐無憂、有瓦遮頭。喺日本,每個地方都有自己引以為傲嘅名勝同技藝,喺竹原市,有一座專為「日本威士忌之父」竹鶴政孝而設嘅博物館,仲曾經有電視劇翻拍佢嘅事跡。人哋先唔會理遊客或者世人係咪個個都對釀酒有興趣,佢覺得自豪嘅,就會世世代代表揚佢。相反,就算聲望如李小龍,到目前都未能夠有一座博物館,我真係好唔明,呢20年香港多咗咁多座豪宅,咁多個坐鎮一模一樣連鎖店嘅商場,點解都容不下一個幾千呎單位咁上下size嘅李小龍館?真係土地問題?供求問題?
喺日本打開電視,係一個三味線演奏嘅節目,一個三味線老師傅同佢個仔一齊演奏,應該收視都係麻麻,但人哋冇一台獨大,可以有空間播放關於文化嘅節目。喺機場見到一個展覽櫃,有一個全用和菓子製作,傳統日本雅樂表演嘅跳舞公仔「蘭陵王」,原來係兩個八十後嘅職人所造嘅。人哋傾盡全力保存所有歷史建築,成條江戶時代嘅商業街變咗一個景點。香港啱啱要拆毁90年歷史嘅佑寧堂;地政署每日幫手拆毁香港獨步全球嘅景觀——「違規」嘅霓虹光管。一切有因有果唔係無緣無故。最後想回應台北市長柯P一句:「對唔住,香港,本來真係唔係一個無聊嘅小島,本來。」
#香港本來唔係一個無聊嘅小島 #手工藝 #霓虹光管 #紙紮 #旗袍 #棚仔 #活化 #職人文化 #竹原 #日本威士忌 #竹鶴政孝 #李小龍 #李小龍館 #三味線 #蘭陵王 #台北市長 #柯P #柯文哲 #信報 #陳心遙