［今日寫呢啲］今日夠晒長，因為三個每日一圖同三篇Good Read 夠長。

另外，星期六出咗篇，公開晒我持倉。當然只係得名單同買入價，多數都冇講買咗幾多（近期買嘅就有）。但，重點係你睇返我賺錢同蝕錢啲例子，搵返啲啟示呀。我自己好滿意的。讀者就可以睇返晒。

＝＝＝＝＝＝＝＝＝＝＝＝＝＝
月頭訂最抵！一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1900人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

邁向2000人訂！Two thousand people can't be wrong！（扯，幾百萬人冇訂添！）．搵人填埋佢，下一個目標當然係3000！
＝＝＝＝＝＝＝＝＝＝＝＝＝＝

美股冇市，就只講港股，咪反彈咯，港交所388騰訊700都反彈，冇乜特別。固然成交比較弱，但記唔記得一兩個星期前，又話熊市呀，又話政策風險不能量化呀，又話外資全部沽晒呀，又話共同富裕行返共產主義呀，又話港紙弱係咁走資呀，又話搞北京交易所港交所玩完呀。

AND？最Q好笑，Cathie Wood就已經買返騰訊添。之前夠清倉。啱價咪買返，使通知你？

仲有，隻理文化工746相當生猛，仲要係大成交，平時幾十萬股，昨日兩百萬股。咁應該點處理？Patreon入面講

咁當然，仲有王維基HKTV 1137入咗港股通名單，北水可以買，但股價反而跌。咁呢度都有講過，就唔重覆了。

三個圖都挑戰你常識，挑戰啲只係線性思考背答案嘅人。好多人以為，係「因為」大陸推一孩政策，「所以」出生率先降。但有冇對照實驗？我相信，冇一孩政策，一樣出生率都降。好簡單，你見一孩政策之前，出生率都係不停降的。原因？你估下？好簡單。有錢咗。有人話高樓價係最好嘅避孕藥，其實唔係，你見高收入買得起買嘅人一樣唔生，唔見得會比低收入嘅人生得多。講到尾，有錢就唔想生。度度都係咁。你見有人話香港咁政治環境邊敢生仔，但日本韓國台灣啲友一樣唔生，反而越南一黨專政照生，亦係收入問題（所以而家越南都唔多生）。同理，你見中東非洲啲友，照樣係咁生，得罪講句，生多幾件當保險，預總有一兩件炸死或餓死。所以領導人呢，都係落後於大勢，追住啲舊數據行—同你炒股差不多。你睇文入面個圖就見到

第二，好多人以為QE聯儲局買債，就壓低債息。然後到退市，就會扯高債息。Really？你可以睇返過去幾次QE，過程中債息都係升嘅。唔信你睇Patreon嘅圖

第三仲好玩，好多人（多數係啲冇買股票嘅人）以為，車，你2020年疫情整到個基數咁低，2021年啲業績梗係勁，有乜咁特別？Really？咁我入面個圖話你知，超過75%嘅美股公司，2021年第二季嘅盈利已經高過2019年。咁你話係咪股市升得唔合理？定你同個世界脫節？Patreon個圖仲會分埋有幾多公司盈利連升兩年，幾多係跌完反彈得更高，幾多係未返到2019年。

Good Read又係挑戰你傳統智慧。第一篇話你知，成功初創嘅創辦人，平均係45歲，唔係你以為嘅後生仔。仲有，40歲搞初創，成功機會大過25歲一個開。你可以話後生仔識科技有幹勁有想法敢冒險，但人地又可以話老嘢有人脈有錢做嘢成熟。但數據話你知：都係老嘢好，識人好過識字。不過，啲私募基金創投基金又仲係鍾意投入去後生仔度喎，點解？文入面會講。唔係你想像咁簡單

第二篇，大好友反駁啲友睇淡嘅理由。其中一個我上面都講咗，有人以為只係疫情低基數，所以企業盈利先咁勁，錯得很。又畀你見到投資只係得個講字，唔睇數字，等於廢話。另外，亦都反駁埋所謂「升咗好多就冇得再升」嘅觀點。What if 我話你知，而家美股仲平過年頭？是真的。Patreon講

第三篇，技術嘢，講CAPE（Cyclically Adjusted PE），亦即係Shiller PE有咩不足。你唔知係乜嘅，我文入面都有解返。但你連PE都唔知係乜嘅，幫你唔到。 Anyway篇文講咗CAPE有乜不足，因為稅率唔同咗，同埋公司做咗好多回購。佢整咗個CAPE2.0出嚟。然後有乜結論？Patreon講

＝＝＝＝＝＝＝＝＝＝＝＝＝＝
月頭訂最抵！一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1900人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

邁向2000人訂！Two thousand people can't be wrong！（扯，幾百萬人冇訂添！）．搵人填埋佢，下一個目標當然係3000！
＝＝＝＝＝＝＝＝＝＝＝＝＝＝

［Buy now, pay later］BNPL，金融潮語。其實都潮咗大半年，不過香港咁上下啦。鬼媒講咗年幾兩年Content Creator，都未見香港有乜媒體專門整個beat

1. Buy now, pay later，「屌，咪即係花唄」「有幾撚有創意呀？我中華古已有之」「不過馬雲得罪人之嘛」。其實認真的，唔使括號，花唄都興咗N年，鬼佬而家先開心大現BNPL，完全係reinventing the wheel，不過記住講個英文縮寫就有人覺得好巴閉，Bullshit as a service，Baas．（話時話，Kyle Bass收咗皮未？港紙爆煲冇？）

＝＝＝＝＝＝＝＝＝＝＝＝＝＝
一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1900人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

2. OK，正經，「咪即係信用卡分期，有幾大發現呀？」。又唔係喎

3. 首先，香港人好撚有錢，同埋好有信用，香港人係好好嘅債仔，你見啲友真係斬人打劫呃同事呃老婆穿公司櫃桶底都會供樓的！

4. 當然，除咗香港人有錢，客觀亦因為香港丁屎咁細，你走得去邊？唔似美國或以前大陸（而家有晒監控另一回事），改個名換個車牌去第個城市又一條好漢。

5. 所以你見香港批信用卡成功率極高，私人貸款極易借，仲要供樓利息低。一個普通打工仔，一百幾十萬信用卡額絶對唔係難事。

6. 我想講嗰時我在英國讀書？出咗信用卡（開名啦，匯豐），500英鎊信用額。「喂你係學生冇收入點同，唔好偷換概念」。但你可以睇下普通一個香港大學生銀行批幾錢信用額畀佢？（＊）

7. 我知全世界都低息，係呀我唔知呀可？港息大約都跟美息，但，你見美國有冇可能一兩厘供樓？你有冇諗過，香港供樓銀行收你咁平息，賺乜？「cross selling」，「美國唔識cross selling呀？」（咁當然，再三留意返，香港人好撚有錢）。

8. 真相係，香港嘅delinquency rate （拋個英文好似專業啲）極低。即使咩亞洲金融風暴或沙士或乜，你睇報紙咩負資產又跳樓，但，個delinquency rate都係極低—come the 忽on，負資產不等於delinquent！死還死七孔流血還七孔流血！甚至跳樓都不等於delinquent！別傻了星矢，你還有老豆還有老婆！

9. 但認真，咁低嘅delinquency rate，銀行咪圍到數，所以點解香港銀行嘅net interest margin咁低都仲有錢賺。剛睇業績，中銀香港淨息差1.10%，你諗下仲要出糧仲要交租仲要預你啲友燒炭，但居然都仲係賺唔少錢，可見delinquency rate幾咁低。美國？你可以睇下2008嗰時，啲次按有幾多delinquent，求撚其掉低鎖匙就兩腳一伸走人foreclosure，而美國啲銀主盤邊有香港咁正，可以賣原價咁滯（大把銀行拍賣銀主盤有賺添）

10. 同樣原則，你可以應用落去信用卡，私人貸款。

11. 當然仲有，再講一次，香港人好撚有錢。我冇統計過有幾多巴仙嘅人有信用卡，你睇卡數目唔準，因為有啲好似我咁嘅仆街一條友十幾張卡（又如何？）。但，目測香港嘅信用卡滲透率極高，「我Patreon啲讀者好似全部有」（＊＊）

12. 講返，冇去過美國（係呀，我使唔使識整光刻機？ASML NVIDIA又新高啦屌你），但BNPL同信用卡，就真係唔係同一回事。可以係complement 亦可以係substitute （＊＊＊）

13. Patreon會寫，有啲人只用信用卡，有啲人只用BNPL，有啲兩樣一齊。但，咩人係傾向用BNPL？你估到了：非白人（Hispanic或黑人），低收入人士，同埋……年青人，

14. 拿，學嘢？呢啲就學嘢啦。

15. 不過，「不如講返冧把」，Affirm就升五成啦，一舊水咁滯。「但2月嗰時140蚊」，而家先返返年頭水平，你買隻垃圾中移動941跑贏佢一截。估值都係好重要的。

16. 最重要係，Amazon雖然同Affirm合作，但冇話exclusive 喎。Amazon嘅作風啦喎，就行內皆知了，你做過佢對家都知。

17. 至於其他Fintech嘢？韓國嘅KaKao Bank，一上市大過晒韓國所有銀行嘅市值添，亦令呀大股東變咗富豪，同啲財閥平起平坐。你諗下，韓國喎，幾不可思議？

18. 香港？有！「咪螞蟻金服」，嗰時上市成功嘅，肯定大過晒所有銀行，分分鐘係全世界最大嘅金融股（而全世界最大嘅銀融股唔係銀行啦下）。

（＊）話時話，我好想知道，到底唔同大學甚至唔同科嘅學生，信用額會唔會唔同？拿，醒你呀，拎去做final year project啦。理論上呢，「好似醫科生應該信用額高啲」「你點折墮點包尾做個醫管局非合約都五六七皮啦」。不過我估實際上銀行don’t care，同埋費事你話歧視。不過，「如果見到係唔同大學唔同信用額仲好玩」「我覺得教大應該高啲」。同埋，如果真係。拿，真係醒你呀，認真少少拎嚟做MSc dissertation都得（MPhil PhD就未咁求其），「至少認真過我嗰份」又，我份dissertation真係相當垃圾，但我都don’t care，因為我換得去倫敦結算所實習嘅機會，雖然真係坐嗰邊只係幾日。

（＊＊）呢度示範咩係survivorship bias．冇信用卡又點訂你Patreon呢大哥。「其實可以用Paypal」「但冇信用卡又點有Paypal呢老細」「其實係得的」

（＊＊＊）有啲人讀經濟就讀死書，以為A同B一係complement 一係substitute，或者兩者之間 0-1。錯，同樣兩樣嘢，唔同情況下，可以係complement亦可以係substitute．例如？你一拖二咪知！「你有本事可以搞到變complement的」「重口味啲嘅，老婆同外婆都得」

＝＝＝＝＝＝＝＝＝＝＝＝＝＝
一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1900人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

【龔成問答信箱】（Q22081-Q22100）

Q22081：

亞sir!我係一個失業半年50歲幾歲既師奶，住緊層樓供緊，手上有既股票都係蝕錢，舊年老公買左微訊女股，唔見左80萬，想請教亞sir 可以點樣投資

龔成老師︰

你先要明白，自己過往投資失利的原因。

我地做財富增值，最重要不是睇「賺蝕」，不是睇「買入價」，而是睇質素。質素不好，增長力弱，就有可能賣出，蝕都要賣。

你要分析「之後的組合情況」，不是過去，是將來。應該持有那些優質股，比例如何，能為你帶來怎樣的長期財富。

你要分析你的投資目標，你想潛力股的比例多少？平穩股的比例多少？組合風險程度如果？

即是你想設計一個怎樣的投資組合？長期、優質、平衡、適合你。

另外，我地買入一隻股票，一定要知道佢質素、行業前景、財務狀況等，才去投資。唔好只係聽消息、聽人講、聽群組就去投資。

如果你連間公司點賺錢、行內有乜優勢、點解未來有發展和增長潛力，都答唔倒自已，咁就要停一停，唔好投資住。

以你的年齡，其實已開始為退休做準備，但同時，財富仍有增長力（但不是進取），因此，你可以投資「平穩增值股」+「收息股」。

但見你過往投資都係失利多，建議你用月模式去儲貨。透過平均價格買入法，去減少你買貨風險。

你月供股票，可以供「平穩增值股」+「收息股」，比例大約各一半。每月先用一半閒錢，去做月供，另一半就儲起等大跌市動用。

但就隨著年齡增加，慢慢增加收息股的比例。到退休時，收息股應佔100%。

最後，你要審視翻自己現有持股，睇下佢地有無投資價值。如果有，中短期帳面虧損，唔洗太在意，照持有就可以。

但無質素，就算佢而家是賺是蝕，你都要沽出。

------------------------------------------------

Q22082：

老師 我想問下你意見，我（29歲）月入30000 我老婆（25）月入18000

兩人聯名買左樓 按揭9成 借600萬 月供21500 計埋水電差餉管理費一個月25000左右

同老婆加埋有15萬 想5年儲100萬 請問可以點 希望可以指點迷津

股票玩左年幾 少蝕

龔成老師︰

首先，你要了解清楚，自已過往虧損原因和作出修正。否則，你再開始投資，都只會越行越錯。

我地做財富增值，最重要不是睇「賺蝕」，不是睇「買入價」，而是睇質素。質素不好，增長力弱，就有可能賣出，蝕都要賣。

你要分析「之後的組合情況」，不是過去，是將來。應該持有那些優質股，比例如何，能為你帶來怎樣的長期財富。

你要分析你的投資目標，你想潛力股的比例多少？平穩股的比例多少？組合風險程度如果？

即是你想設計一個怎樣的投資組合？長期、優質、平衡、適合你。

當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。

例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。

以你現時29歲去計，是財富增值的黃金時期。除了盡力儲蓄、投資、學投資知識外。也要把握這個黃金時間，做好財富增值部份。

你現時家庭收支只算係平衡，基本上係儲唔倒錢做增值。因此，你要努力開源節流，減少不入要開支之餘，最好多找方法增加額外收入。

目標係，每月都有一定閒錢，可以用來做月供，作累積財富之用。

策略上，你可以投資「平穏增長股」和「潛力股」。你每月5成儲蓄做月供。其餘先儲起，用一邊月供一邊儲蓄的策略。

如果你現時無太多投資經驗，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。

若你有一定投資經驗﹐潛力股比重可以相應調高，佔組合約3-5成，視乎你投資經驗多寡和了解這些股票程度而定。

大市現處於合理水平，那15萬資金，你可以先用一半，以"分注"形式慢慢入貨。餘下一半和每月儲蓄，就等大跌市機會出現，才大力度掃貨，並長線投資。

若你要做到5年有10萬這個目標，我假設投資回報有10%（連股息再投資），你就需要每月投資$10000 + 現有資金15萬，才可以達成。

你可以用這個數字作參考，計劃一下未來財務安排。

------------------------------------------------

Q22083：

老師你好,我剛開始學買股票, 時也有買老師你的書開始學習,感覺做短炒不如做長線投資, 但由於有家庭負擔我每月能存的金額是7500 左右 ,

現在開始買3988 打算用5年時間來買一定的股票來收息達到每年用息來還保費, 從而提升每月存款力,

現時想打算開個美股戶口每月買1手台積電 希望在10年後會有收成, 這個做法正確嗎 ?

龔成老師︰

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

因此，你在選擇應該投資那一類股票時，會係因應你人生階段、投資經驗和風險承受能力，去做決定。

假設你係年青至中年人士，你就應先做好增值部份，而唔係儲收息股(3988)去交保費。表面上，你用收息股現金流去支付保費，從而增加每月儲蓄量。

但實際上，你投資收息，其實係拖慢緊你成個財富增值速度。建議你保費照用現金支付，其餘的資金用應增值會較好。

你可以用「平穏增長股」 + 「潛力股」的組合，如果你係偏年青，比例大約可以去到各一半。

台積電(TSM)係一間有質素架企業，在全球半導體業界有領先地位，都係一個唔錯的月供選擇。

但我地成個組合，長遠唔可以只係得一隻股票，否則會有過度集中性風險。我地要創建一個平衡性高的組合，當中包含不同行業的優質股。

以下是一些適合年青至中年人士的股票，你可以參考下。

你每月先用5成儲蓄做月供。其餘先儲起，用一邊月供一邊儲蓄的策略。

至於餘下的現金，就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資，相信10年後，會有唔錯成果。

------------------------------------------------

Q22084：

龔sir, 想請教一下在大跌市時（一、兩星期跌2000-3000點）的操作技巧：

如果我有三注資金準備在大跌市時可以運用，請問在買入優質股（新經濟股、舊經濟股）的買入時間及分注操作應怎樣處理呢？

我選的新經濟股(3067, 1810, 9988,700)及舊經濟股(2800, 1972, 3, 1928, 66, 1658)皆為優質股，在第一注買入的時候應該是買入新經濟股還是舊經濟股呢？

之後第二注及第三注的操作又怎樣呢？　我想在現階段構思一下。謝謝指教！祝身體健康、生活愉快！

龔成老師︰

你係一些投資概念上，可能未必太清晰。

其實大跌市與否，是否在1星期，還是2星期內急跌，都唔係我地一些重要考慮點。

我地只會從股票質素、平貴和是否適合你，去決定成套投資策略。你現時48歲，投資上係可以做增值，但要開始保守少少。

你所提及的新經濟股(3067, 1810, 9988,700)及舊經濟股(2800, 1972, 3, 1928, 66, 1658)，都係有質素。潛力股(3067, 1810, 9988,700)都可以投資，但最多佔組合2-3成好了。

但到時入邊隻先，你要睇佢當時價格平貴水平，去做決定。因為大市跌，唔代表所有股票，都會按同一比例一齊跌，所以你要按當時個別情況，去作出行動。

若你有3注資金，每注大約相隔10-15%，咁就可以。

現時你所講股票，大致上都在合理區。除了小米(1810)要回多1,2成，才算較合理外。

若你這些股票，都係無資係手。其實現價已可以入首注，只後再等有明顯回調，才再出手。

------------------------------------------------

Q22085：

龔老師您好：首先十分感謝您無私地與我們分享投資知識，令我明白到價值投資法和短炒的弊端，投資股票等於投資一間企業的概念。

我今年25歲，2018年時盲目地在高位入了下列股票後持有至今：

6881 $5.2 1 手
1528 $8.5 4手
939 $ 7.1 3手
1398 $6.6 1手
3988 $ 4.4 8手

今年機緣巧合下接觸到你的facebook page，十分認同你的投資概念，便立刻去買你的書來學習後再買入下列股票：

66 $44.3 1手
270 $12 1手
1177 $7.65 2手
1928 $36.15 1 手
1972 $22.80 2手

我看你給其他人的意見是在我這個年紀不應該持有收息股。請問上述內銀股應該放住收息待股價上升，還是現在蝕住賣出然後把資金轉去投資平穩增值股呢？

另外，1528 和 6881 應該止蝕嗎？

感謝您的指點，祝 身體健康！

龔成老師︰

你今年25歲，還很年青，投資選項上應以增值為主。

你現時持有股票，大致上都有質素，可長線持有。除了紅星美凱龍(1582)質素較一般，長線慢慢換至其他優質股會較好。

中國銀河（6881）係中國綜合性金融服務提供商，提供經紀、銷售和交易、投資銀行和投資管理等綜合性證券服務。

主要業務分為經紀、銷售和交易，投資銀行，投資管理以及海外業務。佢已開發多項新型資本仲介型業務，是首批獲中國監管機構批准經營該等業務的證券公司之一。

質素與發展力都有，但業務就較受投資市場影響。長遠都算有發展力，但未必是高增長類別。

至於現有銀行股，我建議你沽出部份，換至其他較有增長力股票。

另外，長遠我建議你可以加入一些潛力股，去提升成個組合增長潛力。

但由於你投資知識不高，因此可先較集中在平穩增長類股，至於以上潛力股，只宜小小注(不多於3成)。到你有一定投資知識和經驗，才慢慢增加潛力股比例(大約5成)。

------------------------------------------------

Q22086：

老師～本人3X歲，有1個小朋友，有現金$50萬，打算拎一半$25萬作投資增值。

每月扣除開支可剩$12000，打算一半（$6000）月供股票，另一半先儲現金。

1. 現金25萬現價入0066，1928，1810，1448，1177可以嗎？比例應該點分配？（如不適合，應如何步署）

2. 月供方面按以下分配可以嗎？

2800 $2000
3067 $2000
0388 $1000
0548 $1000

3. 月供揀佐既股票，25萬中的投資可以重覆嗎？

4. 00097 恒基發展有潛力嗎？

謝謝老師耐心解答，其實點先做到投資每年增值10-15%？

龔成老師︰

1) 你現時資金配置上，係正確的。而這25萬，我會建議你分成2-3注，慢慢去買入這5隻股票。現價先入一注，每注相隔大約10-15%。

但由於現時小米(1810)有少少貴，首注比例上，你要調低少少。

2) 深圳高速公路（0548）只係收息股，對你而言，有少少保守。我建議將佢換成一隻平穏增長股，會較合適。

3) 可以，只要佢地佔比重，唔會過多，影響到組合平衡性，咁就無問題。

以你年紀，平穏增長股和潛力股，大約可以各佔一半(若你投資經驗較淺，潛力股比重要下調。)。

另外，任何股票、任何行業，我們都不應太過集中，因為一個行業就算更有優勢，也有機會面對行業週期及突發風險，太集中會對你整個財富組合不利。

因此，你要建立一個平衡的投資組合，當中有不同的類別、不同的行業，這是最好的平衡風險方法。相同行業不可佔組合多於30%，而單一企業不要高過15%。

但要留意，銀行業營運模式較特別，風險會比一般行業為高。必需堅守30%這個準則，如果可控制在20%以內，會更好。

而盈富(2800)係不受此限，因為它是一個包含58間優質企業的基金，這些企業來自不同行業。因此，盈富(2800)就算在組合中佔較大比重，都唔會造成過度集中性風險。

4) 恒基發展（0097）算是收息股，但唔能夠叫做「好穩陣收息股」。

佢持有「千色」零售業務，由於業務較為單一，同時規模不算好大，因此本質上有較大的風險。雖然派息穩定，但零售轉弱，對佢有影響。

中短期，佢仍可以運用內部資金，作支持去派息，但如果業務長期弱，佢派息會減，這就是風險。

你唔好預佢有明顯增長力，只算係收息股，不太適合你。

至於每年10-15%，其實你長線用以上月供和儲貨計劃，相信很大機會，可以達成這個目標。

------------------------------------------------

Q22087：

謝謝你的解答，其實我見有啲ETF同基金投資既內容都係差不多，費用當然基金貴些，但ETF每次買入都有舊手續費，所以都拿不准。

我都打算長線揸，不會隨便贖回，現在感覺23歲可能不太適合做長年期基金投資了。

多謝老師介紹平穩增長股同潛力股！會好好研究，不知道如果分注，每個股票月供資金應點分配呢？

例如現在二十萬資金，投入一半是十萬，每月分注供VOO/QQQ/盈富其中兩款，如果先供各$2000，要持續供到有多少貨才停手，等下跌掃貨或者可以買其他股票呢？謝謝！

龔成老師︰

你可以先將10萬資金，分成多注，現價先入一注。只後當每有10-15%回調，就再加注，直至資金用完。餘下10萬，就等大跌市。

而月供方面，你可以先每隻ETF各供$2000。現時大市只在合理區，每月資金唔好盡用。最好留有部份，等大跌市出現時，可以用來掃貨。

我地唔會話，供到幾多手就停。因為我地其實係將貶值現金，去換成資產，令我地可以有財富增值效果。

這個動作係一直進行，除非好貴，我地才會停一停，甚至減持，去增值翻現金比例。

至於其餘股票，到你有一定投資經驗，對佢地又有了解，才好加入。

------------------------------------------------

Q22088：

龔先生你好，追左你d post 1年有多， 之前$40蚊月供左比亞迪 後來有大錢要用 $150左右放左。 係度 要講聲多謝， 因為係買股票來賺個%係咁大。

宜家歸零重新出發 再月供過 想請教一下。

月入18k, 兼職1-2k ,33歲，每月大約剩6-7k,宜家每月用2k 月供，分配如下

1177$500 現持494股
2382 $500 現持13股
2800 $500 現持82股
6823 $500現持89股

另有3067 ，400股 ；6990, 200股

(i) 現增值比例組合可以麼？

（ii) 月供金額要唔要加多點？定建議保留月供金額，相反每月固定買一手3067

感激，因為有你，所以先學識月供，學識儲蓄。

龔成老師︰

比亞迪(1211)係一隻好優質的潛力股，如果你之後有資金，建議你入翻少少。但現價偏貴，只宜月供。若想直接入貨，最好回到$120才開始考慮。

你持有安碩恒生科技(3067)有質素，適合你。而6990，我相信你打錯了股票編號。

(i) 我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

以你33歲年紀，應先做好增值部份。香港電訊(6823)只係收息股，增長力欠奉，唔係咁適合你。

你可以用以下股票取締，若你有一定投資經驗，可選潛力股。相反，你投資經驗較淺，或者相保守d，可選平穏增長股。

平穏增長股︰盈富(2800)、金沙（1928）、恆基（0012）、平安(2318)、中銀（2388）、港鐵（0066）、長建(1038)、領展(0823)、希慎(0014)、太古地產(1972)

或潛力股︰比亞迪(1211)、中生(1177)、福壽園(1448)、小米(1810)、安碩恒生科技(3067)、港交所(0388)、阿里（9988）、騰訊（0700）、ＧＸ中國電車基金（2845）。

(ii) 現時大市在合理區，我建議你月供加大至$4000。餘下資金就儲起，等大跌市機會。

新的月供預算，你用來每個月一手手咁買安碩恒生科技(3067)，係可以。但你餘下新增資金，就最好用來買平穏增長股，否則組合風險性會過高。

因為你雖然年青，但都唔可以太集中係潛力股類別，最多係50:50比例好了。

------------------------------------------------

Q22089：

龔sir, 我有一疑問，現我兆康苑單位以每月＄10500租給一客，即每年收租12萬6千，而中銀網上估值是511萬

1. 樓價511萬，如以現每年3%回報來計算，租金是應是＄12775才有合理回報？

2. 我現的出租金額是否低於市價？

3. 這個回報率的情況，我應以銀行的估價，還是以租金回報率的估價為優先的估價方法？

龔成老師︰

1) 3%這個租金回報率，算係一個合理水平。但由於樓價係會有波動，受市場需求、氣氛等影響，故租金回報率都會跟住變。

現時香港整體樓市，都係一個合理區頂位至略貴水平。因此，租金回報率少於3%，都係合理的。

最重要是物業係有質素，你照持有個物業就可以。

2) 你可以同同區類似樓盤作比較，如果差唔多，咁就無問題。

3) 如果你係想睇單物平貴和投資值博率，可以用租金除以銀行估值(最好係用實際市價)，去計個租金回報率。

------------------------------------------------

Q22090：

我其實好有興趣上你嘅堂，但我對投資完全零概念，之前完全冇任何投資經驗。

我今年54歲，工作中，之前餐搵餐食餐餐清冇多餘嘅錢去投資(之前老人家們還在，老人院及其他日常生活什費開支不輕)，我有兩個女，細女今年都大學畢業，

所以近兩年開始經濟鬆動D有些少積蓄，去年經朋友介紹開始follow你FB，去年中開始做月供股票，最初每月3仟，而家增至每月8仟(逐步加大)，今年年頭家人分左一筆錢比我，

計埋自己積蓄大約有150萬左右現金，由於我同先生都有工作，係正正香港夾到扁既夾心階層，總收入已超越申請居屋或政府樓資格，私樓又冇能力買，

所以長期交貴租(now月租萬七)，本來考慮用150萬買間細樓(600萬以內做九成按揭)自住，唔使再為租約滿而搬屋煩惱，但又擔心頂多十年就要退休，

最後都打消念樓，的起心肝買左你4、5本書，諗住睇完之後有D基本概念先，再去上你既投資班(if not 應該完全唔知你講乜)，年紀大未必一聽就入到腦!!!

我驚跟唔到課堂進度。

不好意思，長篇大論，可否給我些少意見，thx a million

龔成老師︰

【投資倍升股課程】適合初學者的，就算你現時對投資完全零概念，都無問題。

因為整個課程的設計都是針對初中階投資者的，課堂頭3堂都是初階的內容，只要你課後好好溫習，能跟到之後的內容。

每一課後都會有指引比你，要你在一星期內找那些資料，溫那些內容，只要你跟著去完成，到你讀完整個課程後，你已能自己選股、投資、評估平貴，在投資上已掌握了一定的知識。

上課前，你可以睇我寫架"80後百萬富翁"、"財務自由行"和"股票勝經"，較適合初學者。同時，會對你課堂吸收，有一定幫助。

當然，你而一刻就算睇唔明，都唔緊要。課堂上，我會將一些基礎知識，重新講解一次，到時相信會較易明白。

萬一都係尚有地方不明白， 你可以係課堂中間休息時間，落堂後或者在這裡INBOX問我，都可以。

由於你年齡去到54，如果買樓，按揭的年期不會太長，變相每月供樓金額會好大，同時你較難造到按揭。而我地買樓，最重要是「供得起」原則，如果太勉強，就不要進行。

因此，暫時都唔建議你買樓。你只有好好累積資產，以及運用資產為你帶來更多財富及現金流。你現時有好工，正好要把握時機儲錢，為退休做準備。

投資方向上，以你的年齡，其實已開始為退休做準備，但同時，財富仍有增長力（但不是進取），因此，你可以集中投資「平穩增值股」+「收息股」。

平穩增值股，例如盈富（2800）、金沙（1928）、長建（1038）、中銀（2388）、港鐵（0066）、恆基（0012）、港交所（0388）。

同時，可以建立一個收息股的組合，目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）、高息基金（3110）都可以。

另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、互太紡織（1382）等（記住，股價略波動，不能太過大注）。

由於你現時投資知識不多，你可以先做月供股票。每月供$4000盈富(2800)，而餘下$4000就先儲起。

而現有資金，同樣可以先用15-30萬，分注咁慢慢入盈富(2800)。

至於餘下資金，你可以等上完堂，你對投資有個全面理解，才開始計劃都未遲。

------------------------------------------------

Q22091：

想問買收息股是否比買年金好？

我有一個仔，我的想法是收息股可以留給兒子，但年金沒法留給兒子,你認為我的想法對嗎?

龔成老師︰

收息股和年金，財富增值能力不高，係一些主要提供現金流的資產和產品。若你係將近/已退休，或者投資取態係好保守，這些項目係適合的。

年金和收息股係不同，從投資角度，收息股股息回報率，一般都比年金為高。但由於股價有波動，有機會出現賺息蝕價的問題。

而年金回報率雖然較少，但佢本金係保證，唔會有波動出現，故風險相對收息股為低。

至於年金，的確係無法直接傳承給你兒子。但一般情況，若年金內資產未用盡，該部份拆算後，係可以退還給受益人。

甚至受益人可以一直收取每月年金，直至保證期結束(詳情︰你要同相關機構了解翻)。因此，年金未必完全無傳承作用。

所以，簡單咁講，若你考慮重點係資產傳承上問題，其實2個項目都可以做到。

我建議你先從現時自身需要和風險承受能力，作為出發點，去考慮如何選擇投資項目。因為，往後你兒子運用方法，會同你大不同(因為佢較年輕，應投資增長型資產，而非收息資產)。

所以，你唔需要考慮咁遠，先用自己做出發點，去作出選擇。再做好相關傳承上的安排，如年金定好受益人，安排好平安紙(有關股票分配)，咁就可以。

------------------------------------------------

Q22092：

老師你好,最近有個做保險嘅朋友向我推介保險融資,聽落好吸引,請問老師對融資有何意見？印象好似老師之前有分析,但揾唔返資料

龔成老師︰

係，我印象中，之前都有讀者提問過相關問題。

保單融資，其實就係透過借貸，去以槓桿形式放大回報。相比傳統儲蓄保險，佢增長潛力會相對較大，同時風險會相對較高。

若保單實際回報，係多於貸款利息，自然會因為槓桿操作，而令回報放大左。

但由於保單本身，好多時回報和利率都係不保證。再加上貸款利息，多為浮息。在低息環境，固然會受惠。但進入加息週期，利潤將進一步被蠶食。

因此，用保單融資去投保，係有一定風險。

其實係財富增值上，最好集中係優質資產上(如物業、優質股)。

"保險"只係一種產品，主要係用作防守，買足夠保障就可以。儲蓄成份架保險，唔係唔可以買。如果你個人風險承受能力好低，或者完全無投資能力，這類保險都有持有價值。

但最好係一些較傳統儲蓄保單，而非這類有槓桿性質的產品。

------------------------------------------------

Q22093：

老師，我幾年前買了以下股，想離場了。

1萬股 (5手) 00215，成交價 HKD3.4，成本用了$34086.62

6千股 (1手) 02327，成交價 HKD1.06，成本用了$6467

兩隻股成本共用了40,554

要馬上放嘛？還是那個價位最好？

謝謝！

龔成老師︰

你要明白一個概念，我地持有一隻股票與否，關鍵位是企業質素、前景，不要被買入價影響。買入價只是一個心理因素，如果企業核心因素未被影響，我地係唔需要理會。

和記電訊香港（0215）都有質素，但此股只係平穏增長類﹐你預係收下息，增長力唔會明顯，要去到買入價就較困難。

若你目標係收下息，你照長線持有，係無問題。但若果你較年青，係想做財富增值的話，此股就唔係咁適合。建議你每有反彈，就慢慢換至其他增長股。

美瑞健康國際（2327）主要從事抗衰老健康管理服務及銷售藥物；房地產代理及建築材料貿易服務；買賣健康醫療產品及建築材料。

生意雖然有增長，但業務有點波動，企業規模細，獨特性不強，投資價值只是一般般，不過初步睇，不是劣質類。

你只係得一手，守住先都可以。

------------------------------------------------

Q22094：

老師 想請教下，我現時每月月供$5000 $3000-2800 / $2000- 3067

我想停供2800 改700 或1810

你會比較建議邊隻

我36 歲 月入$38000 未結婚，之後打算租樓 或 買樓

龔成老師︰

騰訊（0700）和小米(1810)都係有質素的潛力股，可作為月供選項。但若你用佢地取締盈富(2800)，你成個組合就剩翻潛力股。

潛力股雖然增長潛力較高，但同時間波動性都較大，若你100%只有潛力股，風險會好高，你要自已衡量。

以你年紀計，我比較建議保留盈富(2800)，但你可以調整供款比例。

盈富(2800)$2500、安碩恒生科技(3067)$1500、再加入騰訊（0700）/小米(1810)$1000，這樣會較平衡。

現時大市只在合理區，每月資金唔好盡用。最好留有部份，等大跌市出現時，可以用來掃貨。

另外，若你打算短期內置業(1-3年)，而又需要沽出部份股票，作為置業資金。那部份資金，就不要投資潛力股這類高風險股票。

最多只可以投資好似盈富(2800)這類平穏增長股，甚至收息股，去減低不確定性，以免影響置業計劃。

------------------------------------------------

Q22095：

龔sir, 我想請問計算平均價的問題：

手持1000股領展（購入價60及60.80），12月以股代息收取了21股@62.67，現合共1021股，請問均價計算是否=（30000+30400)/(1000+21) = 59.16?

謝謝你解答

龔成老師︰

你計算方法，係正確的。

我地只要用本身所投入資金，再除以現時持有股數，就係你個平均買入價。

但我地係投資時，緊記唔好以此作為判斷持股與否準則。因為我地持有一隻股票與否，係睇佢質素。買入價所造成帳面值變化，參考價值不大。

------------------------------------------------

Q22096：

我40歲，現在沒有工作，現金存款有200萬，

一直每月3萬月供股票：月供15000

-2800，現股數14327，價26.75
以下各5000
-66，現股數4818，價45.58
-823，現股數4623，價78.83
-2388，現股數7698，價26.96

另持股票：

-102，現股數452000，價1.1513（之前聽內幕消息買大咗）
-788，現股數10115，價1.44
-1398，現股數10000，價6.96

另有車位一個，價值117萬買入，現市值180度，有價無市，賣唔出。

我想請阿sir指點一下，謝謝🙏

1。我應否繼續月供3萬在以上4隻股？

2。我是否將現金一部份買一些收息股？

3。其他股票是否繼續留下？

4。我繼續這樣投資將來怎樣可以財務自由？

龔成老師︰

1) 這4隻股票，係有質素和適合你年紀，你照供係可以。

2) 可以，但以你年紀不用太多，整個組合，收息股大約佔2成就可以。

3) 你持有股票，都可以保留，除了凱升控股(0102)，佢規模不大，賺錢能力不係好一般。長線計，換碼至其他優質股會較好。

我地買入一隻股票，一定要知道佢質素、行業前景、財務狀況等，才去投資。唔好單靠聽消息，聽朋友講，就走去投資。

如果你連間公司點賺錢、行內有乜優勢、點解未來有發展和增長潛力，都答唔倒自已，咁一定唔好投資住。

4) 財務自由，其實每個人定義都未必一樣。最簡單，就係講我地被動收入，足以支付日常開支，就可以稱為財務自由。

你現在透過上述月供和持股，一直去累積資產。到一定數量或退休時，將佢換成收息資產，去創造現金流，支援退休生活咁就可以。

至於要累積多少財富，就睇你退休後人生目標。假設你希望退休後，每月有2萬蚊現金流，以股息率6%計，你就需要累積400萬本金。

而車位，唔好只係放係度，你可以放租，至少有現金流收入。長線，你要睇翻佢有無長線投資價值。無就要盡快沽出，將資金轉移去其他優質資產上。

------------------------------------------------

Q22097：

你好啊
我想問下其實每年複息股價回報係點計架？

龔成老師：

回報率＝（賣出價- 買入價）／買入價
例如以$10 萬投資某項目，以$15 萬賣出，就有50%
的回報率：

（$15 萬-$10 萬）／$10 萬＝ 50%

不過，這個「50%」並不全面，因為當中未包括「年期」。

例如這項目的年期是一年，那麼年回報率就是50%，這當然是不錯的投資項目。

反之，若果這項目的年期是40 年，那麼年複息回報率就只有1%，當然沒有投資價值。

因此我們在計算，又或要比較不同投資產品的回報率時，就要用相同的單位，亦即化成一年為單位作比較，以及要用上複利息的概念。

年回報率＝ n √（1+ 總回報率） -1

例如上述獲得50% 回報率的項目，需要投資3 年，總回報率就是50%，而每年計的複息回報率，就是14%。

3 √（1+50%） -1 ＝ 1.14-1 ＝ 14%

我們要計算回報率，就要用化成「一年」為單位才有比較的意義。

另外，除了比較價格上的回報，也要考慮期間現金流的回報，例如股息，這個之後會再講述。

------------------------------------------------

Q22098：

0778依家喺高位，係咪唔適宜再加注，等佢回返啲先再入？

同埋可以講解一下零碎股票嘅作用嗎？性質同月供股票相似？

龔成老師︰

置富(0778)現價算係合理區中間，是否加注，好睇你本身計劃投資在佢身上的資金，現時用了多少。

如果依然有一個較大比重，係未動用。例如本身想入10手，而家才入了3-4手。在現時這個未貴的水平，你都可以加小小注(1-2手)。

若你本身已經大部份資金入左市，咁你就最好等接近平宜區，才再出手。

至於碎股，就係至不足一手的股票。例如你月供盈富，每月$5000，現價$29，你一個月會買到大約170股。

但由於盈富一手係要500股，所以這月供得來的170股(不足一手要求的500股)，我地就稱之為碎股。

其實碎股同一般一手股票，係無大分別，都係可以照樣買賣。只係碎股買賣時，個差價有機會比完整一手為大。

但只要你係做月供，其實就會慢慢儲到完整一手。加上我地投資，主要係想持有優質資產，佢係一手定碎股，係唔重要。

所以，你做投資決定時，唔洗太在意碎股問題。只要係質素，就算只係得碎股，都應該長線持有。

------------------------------------------------

Q22099：

1. 老師你好，我見最近d 英鎊一直跌，唔知你點睇呢？應該買或者應該放？

究竟呢個係短期因素定已經見左長期頂呢？

英鎊議息結果出咗，都係唔會加息，咁係咪即係英鎊會下跌？

但係如果美匯指數都持續向下嘅話，咁呢啲外幣又應該會升返個喎？係唔係呢？定係英鎊今次下跌係因為疫情嚴重咗？

2. 老師你好，剛剛睇到你嘅文章，你話新興嘅嘢或者熱炒嘅嘢要理性分析佢嘅合理價值，咁唔知老師你點睇最近啲航運相關股份例如1919中遠海控？

佢真係非常大上大落，以為佢冇得再升，但係啲人又會熱炒，跌咗落去以為佢已經冇行啦，點知又爆升返上去，真係好難想像同埋分析。

但係我又知道如果疫情好轉返啲航運應該會正常返,咁呢一類股票其實係唔係只可以係短炒?根本長期唔會支持到呢一個運費咁高個喎?唔知老師你點睇呢?

呢隻股係咪應該已經要快啲走?唔好再持有佢?

龔成老師︰

1) 其實，你要仔細分析一隻貨幣走向，唔容易。

只能簡單咁講，市場預期美國將會重回加息週期，因此美元升，相對地英鎊跌係正常。

我地做財富增值，係要集中儲優質資產。貨幣因為可以無限發行，因此不是一個理想的財富增值選項。除非你有實際需要，否則不要持有太多。

2) 我地對住任何股票，都只會用理性分析，佢內在價值。只後視乎佢平貴，去定買賣策略。你唔好比佢升升跌跌，或者大市氣氛，影響左個判斷。

同時，你要分清楚，邊D係影響企業的長線和短線因素。若係長線，我地就應該係估值時，加入作考慮。若只係短線，就唔洗太在意。

中遠海控（1919）主要從事提供集裝箱航運、集裝箱碼頭管理與經營服務。

整體的質素算是不過不失，雖然在行業有一定的規模與優勢，但行業整體的賺錢能力無過往咁強。

經濟好轉會對佢有利，因為始終是對經濟較敏感的行業，現時的股價已反映相關利好因素。股價大升後，其後之後較難有高增長，因為已反映了利好因素，反而預佢之後轉為平穩增長。

現價已經係貴，要大跌幾成才算合理翻d。若你持貨較多，可以沽出部份，先行獲利都可以。

------------------------------------------------

Q22100：

成老師的解答。

其實除左現金，我手頭上有以下股票：

SOHO中國0410: 蝕78%
中鐡建1186: 蝕63%
中國中車1766: 蝕75%
呢啲已擺係度好多年冇理到，是否應該斬，蝕賣算數？

高價入，現時跌：
阿里巴巴：蝕11%
舜宇光學：蝕7%
港交所：蝕6%
（呢啲有機會升返嗎？阿里巴巴已溝幾次，都係蝕）

新抽股蝕錢：
百度：蝕13.5%
百融雲：蝕15.88%

賺錢的有：
盈富基金
京東集團
工商銀行
京東健康
美團

龔成老師：

最重要不是睇「賺蝕」，不是睇「買入價」，而是睇質素。質素不好，增長力弱，就有可能賣出，蝕都要賣。

你要分析「之後的組合情況」，不是過去，是將來。應該持有那些優質股，比例如何，能為你帶來怎樣的長期財富。

你要分析你的投資目標，你想潛力股的比例多少？平穩股的比例多少？組合風險程度如果？

即是你想設計一個怎樣的投資組合？長期、優質、平衡、適合你。

現時你持有的股票，不是完全無質素，但你最大的問題是在貴的價位買入，你日後要提高這方面的知識，如果未能掌握投資時機，建議你用分注或月供的模式進行。

ＳＯＨＯ中國（0410）集團主要從事投資房地產開發、物業租賃和物業經營。

這企業過往生意增長力不強，同時無乜錢賺，如果扣除了投資物業重估因素，見佢有時出現虧損。投資價值不高。

至於中鐡建（1186）、中國中車（1766），並不是無質素，但增長力唔強，唔建議持有太多。另外，新股不宜投資太多，風險較高。

至於其他股，問題唔算大，可持有。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

#bangkoklockdowns #thailandlockdowns #曼谷通關 #泰國通關 #曼谷自由行 #最新曼谷交通攻略
#bangkoktransportation #bangkokairportsuvarnabhumi #motorbikebangkok #SaphanTaksin #中文字幕 #CC #englishsubtitles

Hello大家好, 我叫阿Tsar,

相信亞洲最快解封的就是泰國

因為公司已經委派任務給我, 六月尾我會去泰國

除非到時有突發事件發生, 要取消航班

所以今日同大家分享是去曼谷機場出市區

除了搭的士, 就有更多便宜的選擇, 就是機場快線

繼而可以轉乘空鐵BTS, 或是地鐵MRT

除了講曼谷機場交通之外

亦都會講旅遊時候在市內的交通, 最常見幾種交通工具

例如有取代了 Uber的grab、 Tuktuk、電單車等等

曼谷的士最多可以載五個人, 有些會較大型, 但較少量

泰國的士顏色代表不同車行公司管理，

沒什麼特別意義，不需特別拘泥於顏色選擇。

但車頂上面的英文「Meter」招牌, 就一定要認住

因為是用咪錶正路的的士, 有些不正路的司機, 會開天殺價

那麼你就不應該上車, 例如如果曼谷新機場Suvarnabhumi Airport,

搭的士出市區, 大約400THB 大概是100hkd,

如果他們不跟咪錶, 價錢可以任由他說, 分分鐘要double

如果你是三個人或以上一起搭的話, 我當然會建議你搭的士吧

假使你一兩個人, 我建議你搭機場快線ARL出市區

但如果你是搭廉航的話, 請你睇清楚自己是否在新機場到境

因為好多廉航著陸在舊機場, 是沒有機場快線,這個是溫馨提示

溫馨提示還有兩件事, 第一就是每個入境泰國的人

需要攜帶 2 萬泰銖、家庭則需要 4 萬泰銖。

或可用其他國家等值貨幣代替

假設香港人, 每個人是要帶接近5000hkd, 或家庭的10000hkd

所以如果你帶不夠錢, 實在有機會被人懷疑你是黑工

分分鐘拒絕你入境,

海關雖然不是每個人都查, 但是都會抽查

如遇上抽查又沒有足夠現金，可試向入境人員解釋會在當地提款機付款，

再提供酒店住宿、回程機票等資料，也有望獲通融。

另一個溫馨提示就是, 任何人士在境內購買、使用吸食、進出口電子煙皆一律違法。

最高可判5年監禁或不超過50萬泰銖(約12萬港元)罰款，或兩者並罰。

當你拿回行李, 出到到境大堂, 就見指示牌去BF

ARL機場快線買車票的時候, 你首先要決定,

之後你想轉乘BTS 抑或 MRT 去你的酒店

因為ARL 落車的站 BTS 和 MRT是有所不同的

如果你住的酒店是 BTS站 附近，就搭到 Phaya Thai站轉 BTS 空鐵去到你酒店，

如果你住的酒店是 MRT站 附近，就搭到 Makkasan站轉 MRT 地鐵去到你酒店，

曼谷機場快線的站是A1,

如果要轉MRT, 就搭到去 A6站, 35THB=9hkd, 22分鐘

機場快綫A6 Makkasan站落車，再轉地鐵MRT

如果要轉BTS, 就搭到去 A8站, 45THB=11hkd, 26分鐘

我記得由機場快線落車去Phaya Thai站,

再轉搭BTS, 都叫做Phraya Thai站

但我記得在Praya Thai站有好多樓梯要行的

如果你去的時候已經有好多手提行李, 那麼你自己想想是否太麻煩

所以大家在香港book酒店的時候要清楚這一點

究竟你的酒店近BTS或MRT,

如果你在離境當日, 已經買了很多東西,

我建議你由酒店一程車去機場, 這些錢就不好慳啦

當你在機場快線ARL售票機的時候, 首先選擇語言

第二步你要選擇落車地點, 就好似是Phaya Thai站抑或Makkasan站

然後再選買幾多張飛, 一個人一張,如此類推

售票機的右手面即時顯示, 你要落車的地方和價錢

售賣機是接受硬幣和紙幣, 那麼你就可以入錢

然後售賣機就會吐出一個token塑膠幣, 就是你一程的車票

然後就可以入閘, 你不需要看我在哪裏上車

因為當天上車, 我是在 Hua Mak A4上車的,

Hua Mak 即相等於香港的東涌或青衣啦,

我在那裏上車匙因為公司book的酒店是在這裏附近

如果你們在曼谷機場是要從A1上車的,ok!

機場快線車廂裏面都好乾淨, 望落跟香港的地鐵差不多

所以大家如果是精明消費的朋友, 機場快線除了的士之外的另類選擇

由於當日我要搭地鐵MRT, 這裏路牌指示都非常清楚

一落車如果覺得口渴, 周圍都有大家好掛住的泰式奶茶

如果你轉乘MRT, 這個地鐵站名叫做 Phetchaburi站

下一個站就是Sukhumvit地鐵站, 即是Terminal.21附近

在BTS叫Asok站, 大家相連的

我意思是說如果你住在Terminal 21附近的酒店

你出街要搭BTS的時候, 都可以在這裏搭車去其他地方

非常之方便, 落到去MRT買票, 都好像香港搭地鐵一樣啦

如果你就要去翟道翟, 搭MRT,

翟道翟地鐵站名叫kamphaeng phet

好車站裏面都有Super rich換錢

千萬不要在機場換super rich, 會貴很多

當然你在香港出門之前會有兌換少少泰幣啦

到步當晚, 可能你在酒店附近逛街shopping或按摩啦

第二日的交通費, 我這裏有些少貼士同大家分享

Rabbit Card兔子卡, 相等於我們香港的八達通

兔子卡（Rabbit Card）只能用在曼谷BTS搭乘，

並不能使用在曼谷地鐵（MRT）系統，

Rabbit Card初次買卡費用為200THB，

含有100泰銖搭乘車資儲值，使用期限是5年，

增值金額最少為100泰銖，最多4千泰銖，

除了泰國BTS外，也能在部分快餐店或者連鎖超市付款，非常方便！

此外，兔子卡（Rabbit Card）也有分為大人卡、小童、老年人、學生卡

外一種就是BTS的一日券, 必須要在售票處購買,

價錢是140THB, 某些公司都有代購

當日任何時間用直至當晚凌晨12點為止,

如果你一日之內會用到三四次已經回本

除了因為可以節省搭車費之外, 另外最重要解決的問題

就在繁忙時間不需要排隊買票,

所以大家可以考慮下,

如果你買單程車票,買的步驟好簡單啦

首先看看地圖你要去的地方收費

然後在買票機按你個銀碼,

再投入硬幣或紙幣,然後攞飛, 就可以搭車啦

BTS 有兩條主要路線，分別是深綠色的Silom Line和淺綠色的Sukhumvit Line。

2020曼谷空鐵 BTS 沿線熱門景點, BTS Sukhumvit 蘇坤蔚線

有以下站名, Siam、Chit Lom、Mo Chit、Asok站

Siam（暹羅站）為曼谷百貨公司聚集地，

聚集了非常多美食、精品、咖啡廳、流行服飾、運動用品店

高檔的有Siam Paragon、中價的Siam Square

和Siam Center、Discovery Center等購物商場，

而且這個站有bts可連結Chit Lom站，可通往Central World、四面佛等。

霓虹夜市Talad Neon Night Market、Big C Supercenter、曼谷水門市場等等

BTS 深綠色的Silom缐, 主要站有 National Stadium、Sala Daeng、Saphan Taksin站

National Stadium站可通往BACC曼谷藝術及文化中心、

也可以從這裡通往TOKYU東急百貨、MBK Center、Siam Square。

Sala Daeng站最知名的景點莫過於Patpong Night Market了！

是曼谷夜生活的景點

Saphan Taksin站附近有石龍軍路食街, 我曾經介紹過

亦都有曼谷中央碼頭，可以在此搭船

玩曼谷前往大皇宮、鄭王廟、臥佛寺、Asiatique碼頭夜市等，

好多泰國曼谷知名景點都要從這邊轉搭船前往！

至於交通圖的深藍色線就是MRT地鐵

看完我影片之後, 你們就不用每次搭的士

除了空鐵和地鐵都會比搭的士便宜之外

曼谷搭的士有兩個問題, 第一可能的士司機會兜路

第二曼谷的士非常塞車嘅

除了的士、BTS、MRT以外, 曼谷市內亦都可以搭Grab

即是之前的Uber, 下載跟用的介面都差不多

電單車每2公里40Bath, 這個方法香港人好少用

適合短程, 我自己就搭過兩次, 其實都安全的

而且泰國政府指定穿著橙色背心的電單車司機要經過考核

但是講到底, 香港人條命都是矜貴些, 所以輕輕介紹一下

另外一種交通工具是Tuktuk, 相信好多人都搭過

Tuktuk和電單車一樣, 都只適合短程, 所以發應該多過50bath

如果貴過50bath, 我建議你寧願搭回的士或地鐵較好

如果想知曼谷有什麼值得平價吃、買、玩

那麼你就要看我的曼谷播放清單,

這些影片的留言在置頂, 會有一條link,

就會有我的曼谷播放清單, 超過50條影片, 陸續更新

希望大家多多支持啦, 今次講住咁多先,

星期六會直播,我最近看過的書籍,跟大家分享

暫時不會再講鬼故啦, 盡可能做到知識共享

如果你們對某些話題有興趣, 可以隨時留言給我

我會找相關的書籍跟大家分享, 今次講住咁多先啦,88
I believe Thailand is the earliest to set for the lift of all business and activity lockdowns .
Because my company has delegated tasks to me, I will go to Thailand at the end of June.
Unless there is an emergency at that time, the flight will be cancelled.So today I’m going to share with you that cheapest way to get to city from Bangkok Airport .Other than taxi, there are chaer options, Airport Rail Link ARL.Then you can transfer to the skytrain BTS or subway MRT .

Besides Bangkok airport traffic, I also talk about the most common types of transportation in the city.For example, there are Grab, Tuktuk n motorcycles.Bangkok taxis can carry up to five people, some will be larger, but not many.Thai taxi colors represent management of different car companies,

, .................

成為這個頻道的會員並獲得獎勵：
https://www.youtube.com/channel/UCIuNPxqDGG08p3EqCwY0XIg/join

請用片右下角調4K睇片。

《傳統三大智慧》這次賣書《李根興的生意哲學》對你做生意的啟示

希望你唔好覺得我好「吋」，在玩嘢...! 我只想真心同你分享我的思維。

中國人有什麼傳統三大智慧，在這次賣書過程都好有用?

想預訂我親筆簽名的新書《李根興的生意哲學》，可以whatsapp我(＋852) 90361143。

內容包括(1) 創業勵志故事，(2) 生意理論，(3) 商舖知識，(4) 創業隨筆。三百多頁，定價HK$198，2020年第二季出版。

P.S. 我只whatsapp 回覆至新書No. 854，其他會未來一兩日內會回覆。俾我一家人放下假先?

#賣書的傳統三大智慧
。。。。。。。。。。。。。。。。。

錄影日期2020年1月30日星期四 at Lake Tahoe
全文內容:

首先希望大家在香港保重，身體健康。 我而家嚟咗Lake Tahoe 呢度同外母一家人趁農曆新年滑雪，到處走走。

嚟緊第二季我會出本書叫做【李根興的生意哲學】， 內容包括好多勵志故事，生意理論，商舖知識同埋創業隨筆。基本上就係我過去18年創業的經驗同理論炒埋一碟。 我爸爸，亦都係我偶像，會幫我寫個「序」，總括佢1973年大陸落嚟香港兩手空空對我嘅創業忠告。 我三個女幫我用手畫緊個封面， 唔知係乜，佢哋話事，可能係個月球，可能係隻烏龜，whatever they think it's right. 到時你睇到。我仲已經搵咗多位商界名人，每人幫我寫三至五個創業原則同謬誤。全書約三四百頁。2020年第二季出街。定價港幣$198。

本來我都冇諗過突然賣書， 只係飛嚟嘅時候冇嘢做繼續要proof-read 本書，機上 wifi 有人問我幾時可以預訂，我畀咗個whatsapp number，就馬上收到好多order，兩三日內就賣了過千本。I have lost count, 未有時間數。So far 千四五左右掛。我唔係靠賣書搵食，not sure .....

我目的唔係想show off，反而係賣書過程入面有啲中國人嘅傳統智慧對我有三大啟發， 肺炎疫情總會過去, 可能到時對你做生意都有幫助。

(1) 「物以罕為貴」。

Whatever you sell, try to make it limited edition (限量版). 普通一本書印十萬本都得，但如果十萬本都一模一樣，就唔珍貴。 我自己頭嗰1000本就講到明有編號， 蓋章，簽名，加個人化的message，一千本之後就無 number 。

你做間茶餐廳都係一樣，每日都要推出啲特別限量餐，要講到明限幾多份，不斷update 剩幾多，咁人客先會覺得緊張，好嘢才爭住買。 亦都因為咁，你有冇留意到airlines網上嗰啲訂位，永遠都係得 few seats left for this price，幾個坐位剩，之後可能都只係加幾十蚊又有位啦， 但啲人客見到 few seats left for this price 就緊張好多，馬上訂位。

(2) 「瘦田冇人耕，耕開有人爭!」

之前啲人訂書，都係一本一本咁訂，whatsapp 覆到我手軟。 後來啲人就馬上平均訂書數目飆升咗兩三倍，點解? 因為我加咗句，限量每人五本，再後來改做每人限三本。 咁啲人可能覺得:「嘩，限三本，咁梗係好嘢!」，馬上個個都訂兩三本。 馬上賣得好快。

記唔記得我同你講過, 美國人好鍾意飲金寶湯。 超級市場想賣多啲金寶湯嘅方法唔單止係減價，根據1998年美國 Journal of Marketing Research 三位教授研究咗86間超級市場指出，佢哋發現如果純粹減價，由每罐美金89仙減至79仙， 平均每個人會買3.3罐。 行過買嘅機會率係7%。但如果擺個sign 喺度 Limit 12 Cans per Person, 每人限買12罐， 咁啲人睇到 limit 12罐，一定係好嘢啦， 個個係咁買，咁樣平均每人買就會由3.3罐提升至7罐。 行過買嘅機會率亦都會由7%提升至9%。 咁.... 總生意額就可以升咗165%。

你盤生意， 又有冇咩係可以唔單止限總數，仲要每人限量呢? 每人限食兩個特色漢堡包? 每人限飲三杯特色 milshake? 「瘦田冇人耕，耕開有人爭!」，中國人幾千年嘅智慧有佢嘅道理。

(3) 「小財唔出，大財唔入」

有冇留意到，我話部分靚嘅number我會出錢以倍數價錢回購。我回購咗1，2，10，18，111等，仲有其他我出咗錢，買家唔肯賣俾我。

It's not about money! 我做咗個 test， 當我話用作慈善用途，個個都賣比我，但如果我話我自己日後可賣貴啲，就個個都唔肯俾我。Why?

根據哈佛行為經濟學教授 Francesca Gino，呢個叫 Endowment Effect (禀赋效應)。人無嘅時候，就唔介意繼續無。但一擁有咗，就唔想無。 除非知道係畀另一個人，比佢更加差，能夠令佢好返少少，咁佢又唔介意再無喎。 即係等於做慈善，個個都ok，接受我個價。

但如果要令到佢由有變無，目的係令到另一個人更加好，比自己仲好的話，佢又唔制喎。 因此我話我想回購再賣高啲價，個個都唔肯賣畀我。

但賣唔賣畀我，唔重要。最重要嘅係，佢接受咗我嘅價錢，佢開心收到多啲錢，肯定周圍同人講。 即使唔接受， 都已經覺得自己賺咗， 肯定更加珍惜本書， 都係周圍同人講。變相免費 word of mouth marketing (口碑宣傳) 亦都係最有效的marketing. 有限錢，最緊要大家happy.

你做生意都係，「小財唔出，大財唔入!」。 開緊茶餐廳，試下每個碟有個number， 到某個幸運數字嘅時候，就請個人食餐飯。或者同佢講，佢可以選擇免費，捐咗個餐錢去做善事積福。

你食物成本最多幾十蚊，每日送十個、一百個都好呀，有限錢，但肯定 word of mouth 嘅 marketing effect 好大， 餐廳一定大排長龍。 我都會落嚟幫你宣傳送你啲「良心餐」出街。 好過為咗省成本，社運/肺炎，逆市白交租，拍烏蠅。

總之，「物以罕為貴」，「瘦田冇人耕，耕開有人爭」，「小財唔出，大財唔入」， 做茶餐廳，做牙醫，做運輸同樣道理。中國人幾千年的傳統智慧有佢嘅料到。我唔係靠賣書搵食， 都係兩三日單靠facebook 賣千幾本。 對我自己做商舖基金都好大啟發。你呢?

It's a good book，我畢生智慧係晒入面，想有我親筆簽名，whatsapp me at +852 9036 1143。出街時通知你點攞書。如果你 message mark 住以上「三大智慧」其中一個， 我會親筆係本書入面「第四個智慧」特登 Blank 咗嗰頁寫埋畀你 ? 其他人無㗎，大家香港保重!

李根興創業之友 https://www.facebook.com/EdwinNetwork/

李根興商舖之友 https://www.facebook.com/edwinprimeshop/

李根興 youtube 商舖創業及投資分享https://www.youtube.com/channel/UCEN66AnLghXESgCDIsz-3Nw

寧做小生意不批貨 西灣河老麵廠誓保質素：要維持客源唔可以偷工減料（足本版）： http://bit.ly/2RvZvhl

山竹走了，香港仍然颳大風；股市不能停，搵路趕返工，賺錢「重要」過天災。西灣河有間老麵廠叫春記，口碑載道，老闆偏偏將生意愈縮愈小，每日打麵兩三種，只做零售，門市中午12點就拉閘。
行家笑春記人懶不進取；「咁辛苦做咩啫？第一，交畀人嘅貨價可能係現在賣嘅三分二；仲有，我質量可以提升多啲，做好啲；如果交畀人要淋淋聲做完淋淋聲起貨。」第二代掌門五哥樊容強心水清，腆着大肚腩哈哈哈，十足一尊笑佛。

「禾稈冚珍珠！」慕名首次來到春記麵廠的人，可能有此一嘆。幾百呎小廠躲在靜靜的興民街，附近佔了一半是車房；門面殘舊，小趟門僅夠一人通過。但見不時有客擠進來五包十包的買麵：四位老太太似小學生在起哄，「我哋平日帶車仔嚟；今日無準備，行到呢頭又忍唔住。」金蘭姊妹分別住北角、將軍澳、何文田和元朗，你買我又買。有靚女長居法國，離港之前來買麵，他朝解鄉愁。
曾經有個在美國開旅行社的熟客，叫春記做一個貨櫃的麵，拍心口有本事賣晒。「一個貨櫃？我一年都做唔到喇！一個星期我都只係做幾百斤麵。一包麵粉50磅，一個貨櫃放麵粉800包，放幾多麵我就唔知。」五哥耍手擰頭笑騎騎。


時間　磨出來的細緻
春記貨種不多，蝦子、瑤柱、魚蓉……乾麵類六七款，濕的有生麵（雲吞麵）、上海麵、雲吞皮等，每日只做兩三款補貨。五哥指出，每星期做三兩包麵粉的生麵、三兩包麵粉的上海麵，蝦子麵做到七八包麵粉，「如果你唔係自己鋪，咁樣根本唔夠皮。」
雖然貨量少，他依舊每朝凌晨五點回來打麵。為何不多睡兩句鐘才開工？「麵呢，做嘅時候要等佢（成分）去混和，我哋行內叫做『行吓佢』，放一放先轆，放一放先執，咁係最好嘅。」他晨早打好麵，弟弟樊容坤（七哥）七點多現身，順道速遞早餐，去門市開檔回來正好執麵。
身處橫街，門面欠奉，七哥明言全靠「老主顧」支持，「人哋話你嘅麵好食，證明你嘅出品受人欣賞。（做麵）回報你嘅，唔係一包麵嘅價錢。」七哥滿足道。
五哥強調：「維持到客源，就係不偷工減料。就算有靚材料，你偷咗工都一樣死。」譬如他做掛麵，人家「夾」麵一次、轆（壓）兩次；他就夾兩次，轆四次五次六次，「如果一次過壓得夠薄，條麵唔好食嘅。轆多一兩次，麵會滑溜啲。」慢工不一定出細貨，但要細貨，不得不磨時間。當中沒秘訣，行家也知，但知不等於做，尤其趕急大量出貨的。「我不是經常做，時間耐啲，無問題，慢慢做。」工序在意，客人評價五哥一樣在乎：「你賣一樣嘢出去，個客返嚟一句說話：你啲麵唔得噃上次咁樣，你就成晚瞓唔着。」


機器　取代不了經驗
有50年，春記都用蒸籠明火蒸麵、焗麵。大約十年前傳出發展商意欲收購興民街的舊樓，所以兩兄弟一直沒有更改生產設備；然而，五年前去到討價還價的階段，收購重建無疾而終。兩年前，乘着配合屋宇署的要求，他們花了三四十萬重新鋪水鋪電，廚房改了電的蒸櫃和焗爐，走進「現代化」。
「現在蒸一車麵23分鐘。以前朝早蒸到夜晚五點，執一次麵就要去蒸，之後要焗，將啲麵調嚟調去，一日搬到黑。」五哥說。
那次大裝修，舊物只剩一紮古董竹片，父親用過，今天韌性依然，好晾掛麵。竹昇和蒸籠都沒留下來，倒是夾麵機壓麵機從父親年代服役至今，一開動就嚓嚓投訴，零件換了好幾次，就是捨不得丟掉換上先進的。
機器省了力氣，但做麵仍要靠經驗，例如大部分麵款都要落鹼水，多少有別，醒鹼時間也不同，五哥製作七哥出貨都了然於胸。水分也要掌握得好，例如做掛麵只有麵粉和水，太濕麵不好吃；太硬，麵就易斷易碎。所以，打麵前，要磅準水量，「如果你斷估倒水下去，多時加粉，少時又加水，加來加去，打麵桶愈打愈熱，麵就放唔耐。」
打瑤柱麵剛相反，成分有瑤柱汁、瑤柱蓉、蛋、麵粉、鹼水等比較複雜，最初未知濕度硬度，所以要慢慢加水，一邊打麵一邊去用指頭感受判斷，「倒水太多就死喇，你再加麵粉就稀釋咗裏面嘅材料，瑤柱味淡口咗。」
蝦子麵瑤柱麵比較受歡迎，他們每個星期都做；但掛麵就得看天時，「如果大北風嘅時候做，呢刻掛上去已經攣晒，賣相唔好；如果南風天，掛兩三日都唔乾又驚佢發毛。」打麵，並沒有一條方程式，唯有歲月造就的敏銳。

追數慘過借
春記在1965年由父親樊春創辦，1975年前搬來現址，一度是東區雲吞麵鋪、酒樓的供麵大戶，遠至灣仔也交貨；單是打麵師傅就請了五六個。五哥有八兄弟妹，除了萬千寵愛的小妹，七兄弟自小就在麵廠幫手，但繼承衣缽的只有老五和孿生細佬老六以及老七。「中學讀唔到書就跟老竇做囉！」五哥笑。
「老竇等師傅收工就教我哋坐竹昇、打麵。」七哥邊說邊回味怎樣將一塊厚厚的麵糰「坐」成薄得透光的雲吞皮。
97年老六移民波士頓，老師傅一個個告老還鄉，最後只剩下五哥和七哥兩個人。五哥回憶：「以前做生意比較困難，人哋幫襯你係好事，但數期長，周轉比較困難，你要找數畀人，夥計又要出糧。後期都係唔好喇，索性做少啲。」
「追數慘過借！」七哥搭訕。
98年五哥正式接手後，只交貨給準時出數的兩三家；四年前乾脆停止做批發，「自己賣算數」。門市就在百步之遙的西灣河市政大廈，正午12點便收鋪，客人要買麵就得移步興民街麵廠。「下晝唔開檔，因為粉麵客人通常上晝買，夜晚食飯煮餸；下晝生意額都唔夠請一個女工睇檔。」七哥道來原委。

簡單　也美
兄弟倆只差兩歲，五哥滿頭灰白，七哥無染髮也烏卒卒，完全不似59歲。
「佢以前多嘢諗。」哥哥是麵廠持牌人，打頭陣，傷腦筋。哥看弟「漏氣」，弟看哥「心急」；不過二人拍檔幾十年，早明白「如果人似我除非兩個我」，「一人少句就無事。記住，你一嗌交就散檔。」五哥笑得瞇起眼。兩兄弟都是健談之人，可是在麵廠各有專注，大多靜靜地做，任由收音機大聲播。
「我14歲開始做，現在兩個膝頭痛，痛咗幾年啦。」61歲的五哥看了醫生，說是勞損。幾十年來他日日搬麵粉、抬又濕又重麵糰走來走去，不離開崗位關節炎難緩解。七哥一樣腳痛，因為「坐喺度執唔到麵」，每日執麵，一站就是七句鐘。
「我希望65歲可以退休。」哥說。「佢四年後退休我都要退，一個左手一個右手，佢做前半部，我做後半部。」弟應。麵廠少一人都不能運作。
春記有歷史有口碑，可產量少。行家都說他兩兄弟懶，不思進取。七哥一笑置之：「錢，使到嘅就係你嘅財產；你唔用嘅就係你嘅遺產。搵到兩餐，唔係夠囉！」收工和朋友打一場波，或者在家搞吓電腦又一個晚上。
五哥點頭同意：「以前做批發一年最多休兩日，現在可以休十日八日。」自給自足，沒有交貨壓力，他整個人輕鬆了，回家飲杯冰凍啤酒，睇日劇、藍光影碟，有時煎一塊靚牛扒，已經樂透。
開心，可以好簡單。

採訪：韓潔瑤 拍攝：梁偉德

春記食品製麵廠
門市地址：西灣河市政大廈一樓D126號鋪
麵廠地址：筲箕灣興民街30號
電話：2560 5144

===================================
立即Subscribe我哋YouTube頻道：http://bit.ly/2Mc1aZA (飲食男女)

新店食評，名家食譜，一App睇晒！
立即免費下載飲食男女App： http://onelink.to/etwapp

《飲食男女》Facebook：http://www.facebook.com/eatandtravel

飲食男女網站：http://etw.hk

Follow我哋Instagram，睇更多靚片靚相：http://bit.ly/2J4wWlC (@eat_travel_weekly)