【罐頭湯烹煮飲用好方便？含鈉量高，多飲致水腫】⁣ ⁣ 想飲啖湯但自問無廚藝天分，開 #罐頭湯 快靚正。市場上罐頭湯選擇多，中西式口味齊備，而且味道美味。罐頭湯烹煮和飲用方便，但都唔可以飲得太多，因為罐頭湯鈉量非常多，飲得過量影響健康，有機會引致 #水腫、增加 #高血壓 等。⁣ ⁣ 🔽🔽🔽🔽🔽🔽🔽🔽🔽🔽🔽⁣⁣⁣⁣⁣ 關注自己及家人健康？⁣⁣⁣⁣⁣ 立即 Follow @LikeMagazineHK ， 每日送上健康生活Tips⁣⁣⁣⁣ 🔽🔽🔽🔽🔽🔽🔽🔽🔽🔽🔽⁣⁣⁣⁣⁣ ⁣ ⁣ ⁣ 日食1平茶匙鹽超標⁣ ⁣ 成日話唔好食咁多鹽，咁攝入幾多鈉先叫做超標呢？一齊嚟再重溫一下。根據世衞建議，成人每天需要2,000毫克鈉，即約相等於1平茶匙食鹽（約5克鹽）所含的鈉分量。根據衞生署的資料，本港成年人口每日的鹽攝取量約為8.8克。明白到港人食鹽有幾過量未？⁣ ⁣ ⁣ ⁣ 罐頭湯鈉含量高⁣ ⁣ 好，回到主題。罐頭湯多鈉，其實大家心照，問題係唔「畫出腸」嘅話，大家都唔識驚。先嚟睇睇成日被人大讚入口好creamy嘅「#周打蜆湯」，每100克就有680毫克鈉；另一款同樣以滑口惹味嘅「#忌廉蘑菇湯」，每100克有638.5毫克鈉。再睇下好多人以為健康嘅 #栗米湯，每100克就有770毫克鈉。至於 #蔬菜湯，每100克就有720毫克鈉。⁣ ⁣ #中湯 嘅鈉含量又如何？即睇最多入廚人士愛用嘅 #清雞湯，每100克含470毫克鈉；#豬骨湯 則每100克有490毫克。按食物安全中心指引，每100克食物鈉含量超過600毫克已經係「高鈉」。⁣ ⁣ ⁣ ⁣ 唔夠味用香料調味⁣ ⁣ 按以上例子，罐頭西湯似乎含鈉較中式湯多。不過，計鈉含量，不論中西，總之係罐頭或包裝湯都唔算少。唔好忘記，一日裡頭你唔係淨飲呢碗湯，仲會食其他食物，食物中多多少少含鈉。飲咗罐頭湯已佔去一日攝取鈉量嘅大部分，甚至超標，再加埋其他食物，你個腎真係負擔得到？攝取過量鈉，會增加患高血壓嘅風險。建議大家選購時，認真睇睇營養標籤，盡量揀含鈉低一啲嘅產品。另外，飲用時可添加新鮮蔬菜，多攝取維他命、膳食纖維等營養。若覺得罐頭湯仍未夠味，咪再落鹽，改用香草、香料、蒜頭、胡椒等調味，都可以減少鈉攝取量。

【#經常唔食魚？小心缺碘大頸泡】 ------------------------------- Follow @likemagazinehk | 每日送上優質生活Tips ------------------------------- 最近同事M日日大量食 #紫菜，好奇一問，佢話因為怕缺碘。「缺碘嘅話，我怕將來生仔會智商會低啲！」碘係人體必需嘅微量營養素，對維持正常嘅甲狀腺功能和促進人體生長發育非常重要。碘攝入量不足或過多，都會影響甲狀腺功能，對身體造成不良影響。一般而言，從均衡飲食中已能攝取足夠嘅碘，但近年大眾追隨健康潮流，轉食 #岩鹽、#海鹽，如日常又偏食，少食 #魚、#蛋、藻類食物，則有機會攝碘不足。如發現容易疲倦、怕冷、甲狀腺腫大等病徵，應盡快求醫。 港人攝碘未達標準 根據中國營養學會制定的標準，18歲及以上中國成年人的碘平均需要量為每日120微克，推薦攝入量為每日150微克，可耐受最高攝入量則為每日1,000微克。世衞已於2007年修訂孕婦/授乳婦女的碘需要量為每日250微克。世衞曾於2007年發表報告，推算全球約有31%嘅人口碘攝入量不足，其中孕婦／授乳婦女、嬰兒／幼童及東南亞居民為三個高危群組。食安中心多年前曾抽取食物樣本化驗碘含量，並以本港物消費量調查結果，估算港人攝取碘分量，結果顯示，港人攝碘量每天44微克，未達標準要求。 均衡飲食不缺碘 咪見到港人唔達標就驚青。基本上，只要保持每日都穩定咁補充，人體只要小量碘已經足夠。日常飲良中，含碘食物包括：介貝類水產、海水魚、藻類、奶及奶類製品、蛋及蛋類製品等。保持均衡飲食，不會缺碘。食物以外，烹調方法對食物碘含量有影響輕微，但如果你長期「懶健康」，只食沸水煮食物就要小心。因為碘會溶於水，令食物中嘅碘流失。近年大眾重視健康，有指岩鹽、海鹽比一般食鹽健康。原來天然海鹽嘅含碘非常微量，不足以提供人體足夠嘅碘。市面上有售加碘鹽，有人會靠食用呢種鹽嚟取代一般嘅食用鹽，以補充碘。不過要留意，如果用碘鹽，膳食碘攝入量會高於推薦攝入量，但低於可耐受最高攝入量。世衞認為，以成年人膳食計，用碘鹽代替每日從整體膳食所攝入的5克普通食鹽大致上是安全的。如依照世衞建議每公斤食鹽添加20至40毫克碘計，食用碘鹽就可每日從膳食額外攝入100至200微克碘。 孕婦缺碘影響嬰兒智商 碘攝入量每日低於50微克的下限，可能會引致甲狀腺腫。碘是甲狀腺合成甲狀腺激素必需的元素。甲狀腺激素對於腦部和中樞神經系統的生長發育具有重要作用，可調控多種新陳代謝功能，例如調節機體產生能量。如果人體的碘攝入量不足，就唔能夠製造足夠嘅甲狀腺激素，對健康造成多種不良影響，包括令發育中的腦部受損、甲狀腺腫(俗稱「大頸泡」)、克汀病(又稱，「呆小症」，體格和智力發育嚴重遲緩)、甲狀腺功能減退，以及其他不同程度的生長發育異常情況，統稱為碘缺乏病。孕婦/授乳的婦女和嬰兒/幼童特別容易患上碘缺乏病。住在嚴重缺碘地區嘅人比住在沒有碘缺乏地區嘅人智商可能要低13.5分。 過量碘致甲亢 食安中心曾經做過研究，抽取2百多個食物樣本檢測碘含量，發現大部分藻類和藻類製品的碘含量都很高。如因過分擔心碘不足而以狂食紫菜零食嘅話，未必係明知之舉。以預先包裝的零食紫菜為例，平均碘含量為每公斤34,000微克。進食一包中型重約2.5至3.0克的獨立包裝紫菜，碘攝入量已達世衞就健康嘅成年人所定的每日建議攝入量約57%-68%；進食較大包的紫菜，碘攝入量便會輕易達到世衞所定嘅每日建議攝入量。進食約10包紫菜，碘攝入量便會超過中國營養學會制定的可耐受最高攝入量，即每日1,000微克。缺碘會致健康問題，食得太多碘都係唔健康喎，因為會導致甲亢。如大量攝入，碘很快會經腎臟排到尿液中。但長期過量攝取碘，可擾亂甲狀腺的正常功能，以致出現甲狀腺功能亢進、甲狀腺功能減退等。 每日食碘鹽應少於5克 再講多次，只要日常飲食正常，唔偏食，平時有食海水魚、有在日常飲食中食到紫菜、海帶等藻類，基本上唔會缺碘。如果真係選擇以碘鹽代替一般食用鹽，建議應將碘鹽放喺密封有色容器內，並置於陰涼乾燥的地方，而且最好喺上菜時先落碘鹽。因為碘鹽內嘅碘一般唔穩定，會因潮濕、受熱和陽光照射而流失；另外要緊記每日從整體膳食攝入嘅鹽分應少於5克。選購碘鹽時，必須查睇清食品標籤列明嘅碘含量，避免攝取過量。 全文：http://bit.ly/2rSC0qo