百萬富翁殺機版（上）
.
2101年，一條繁華嘅街道上，突然間，有個人停下腳步，瞓咗喺地下。
.
人羣圍上嚟，只見佢睜大眼睛，胡言亂語：「答案係33......呢題我唔識、唔記得......唔好！」
.
佢嘅聲音同呼吸愈嚟愈微弱，面都青埋。
.
，
無人幫佢叫救護車，因為救護車已經嚟緊。
....
百萬富翁殺機版（上）
.
2101年，一條繁華嘅街道上，突然間，有個人停下腳步，瞓咗喺地下。
.
人羣圍上嚟，只見佢睜大眼睛，胡言亂語：「答案係33......呢題我唔識、唔記得......唔好！」
.
佢嘅聲音同呼吸愈嚟愈微弱，面都青埋。
.
，
無人幫佢叫救護車，因為救護車已經嚟緊。
.
喺呢個年代，每人體內都植入咗晶片，唔止可以定位、驗證身份、付款，當身體出現突發情況，都會即刻通知醫院。
.
可惜，科技救唔到每一條生命，喺救護車嚟到之前，佢已經窒息死亡。
.
，
同一日，同樣嘅事件，喺世界各地不斷發生。
.
死者身份無任何共通點，有男有女，上至九十老翁，下至三歲細路，有人喺眾目睽睽下死去，有人喺屋企死咗。
.
只有一點，所有人都係窒息，甚至有時救護車趕得切幫佢戴呼吸機，都依然救唔番。
.
呢件事引起全球恐慌，每個人都好驚，彷彿下一秒死嘅就係自己。
.
，
兩日後，真相揭露。
.
一個戴住粗框眼鏡，個樣好似書呆子嘅男學生，成為窒息事件嘅第一個倖存者。
.
喺全球嘅關注下，佢講出佢嘅體驗。
.
佢溫緊書，突然覺得自己抖氣有啲辛苦，然後腦裡響起一把聲：「歡迎參與『百萬富翁殺機版』，你有五分鐘時間，回答50條問題，只要答啱35條，就可以獲得保險線金額：生存！」
.
，
據男學生所講，把聲問嘅問題唔算太深，大部份都係佢學過嘅嘢，只係偶爾有幾條陌生嘅題目。
.
「最大嘅問題，唔係『問題』本身，而係一路答，窒息嘅感覺愈嚟愈嚴重，個腦開始郁唔到......」男學生繼續講：「好彩我呢排準備考公開試，啲嘢溫到好熟。」
.
記者面面相覷，答問題？答啱就唔駛死？
.
，
好快，第二、第三個倖存者出現，印證咗男學生講嘅說話。
.
同樣係要答啱35題，只係問題有啲唔同，例如係地盤工人，就有地盤相關嘅問題。
.
各國政府聯手，搵晒啲倖存者，統計佢哋收到嘅問題，大約得出結論：
.
50題內，有20題係讀書時學嘅嘢，20題同工作有關，仲有10題係隨機，天文地理歷史咩都有。
.
如果係學生，就會40題都係讀書題。
.
，
換句話講，當中有40題係我哋學過、應該識嘅嘢，要答啱35題係可以做到，甚至連幼稚園學生都有機會成功。
.
真正嘅難度，在於窒息嘅恐懼，抖唔到氣，好想快啲答完，愈心急就愈諗唔到答案。
.
目前為止，仲未搵到「百萬富翁殺機版」係點樣嚟、點樣令人窒息、點樣揀到適合每個人嘅題目。
.
，
唯一值得慶幸嘅係，倖存者似乎唔會再被考多一次，即係每人只會面臨一次危機。
.
全球掀起溫書熱潮，為咗保命，早就還番畀老師嘅數學公式，都要搵番出嚟反覆背誦，各種「求生補習班」紛紛湧現。
.
各國政府都出晒公告，叫大家冷靜應對。
.
但係，無論做咗幾多準備，真正死到臨頭，有幾多人可以靜心答題？
.
「百萬富翁殺機版」死亡率，依然高達九成。
.
，
順住敵人嘅思路行落去，只會邁向滅亡。
.
要贏，就要諗方法破局。
.
我係一個特工，上頭落咗命令，要我哋儘快解決呢件事。
.
每個特工都各展神通，有人反覆研究失敗者嘅屍體，有人不斷搵倖存者收集更多細節。
.
呢段時間裡面，都有啲特工遇上「百萬富翁殺機版」，佢哋訓練有素，槍林彈雨中仍可保持冷靜，通通都順利過關。
.
，
而我，仲未經歷呢場考驗。
.
有一日，我上司搵我，提出一個諗法。
.
根據資料，「百萬富翁」係一個一百年前嘅節目，答錯咗，會得到保險線嘅獎金；答啱晒，會得到一百萬嘅終極獎金。
.
「百萬富翁殺機版」嘅保險線，係生存，咁終極獎金係乜嘢？
.
，
我一臉迷茫：「我唔知啊，未有人可以答啱晒50題，咁有10題係隨機題，都無學過，點會識？」
.
「而且，抖唔到氣嗰陣，見到陌生嘅隨機題，大家都會『飛咗佢』，唔會花時間諗答案。」
上司話鋒一轉：「既然無人試過，咁你嘅任務就係：答啱50題。」
.
，
靠住各國收集番嚟嘅問題庫，我了解咗隨機題嘅模式，然後收集資料，努力溫書，仲要練習自己喺瀕臨窒息狀態下嘅反應。
.
呢段時間，死亡人數一直上升。
.
我焦急，但係我咩都未做到。
.
終於有一日，我喺街食緊飯，突然間透唔到氣，腦海裡響起一把聲：「歡迎參與『百萬富翁殺機版』......」
.
身邊嘅食客見到我嘅神情，都知道我面臨挑戰，紛紛叫我「加油」。
.
待續...
.
#短故 #短篇 #小說 #陳美濤 #廣東話 #粵語 #tomatochan #百萬富翁殺機版
面面相覷粵音 在 陳美濤 Tomato Facebook 的精選貼文
百萬富翁殺機版（上）
2101年，一條繁華嘅街道上，突然間，有個人停下腳步，瞓咗喺地下。
人羣圍上嚟，只見佢睜大眼睛，胡言亂語：「答案係33......呢題我唔識、唔記得......唔好！」
佢嘅聲音同呼吸愈嚟愈微弱，面都青埋。
無人幫佢叫救護車，因為救護車已經嚟緊。
喺呢個年代，每人體內都植入咗晶片，唔止可以定位、驗證身份、付款，當身體出現突發情況，都會即刻通知醫院。
可惜，科技救唔到每一條生命，喺救護車嚟到之前，佢已經窒息死亡。
同一日，同樣嘅事件，喺世界各地不斷發生。
死者身份無任何共通點，有男有女，上至九十老翁，下至三歲細路，有人喺眾目睽睽下死去，有人喺屋企死咗。
只有一點，所有人都係窒息，甚至有時救護車趕得切幫佢戴呼吸機，都依然救唔番。
呢件事引起全球恐慌，每個人都好驚，彷彿下一秒死嘅就係自己。
兩日後，真相揭露。
一個戴住粗框眼鏡，個樣好似書呆子嘅男學生，成為窒息事件嘅第一個倖存者。
喺全球嘅關注下，佢講出佢嘅體驗。
佢溫緊書，突然覺得自己抖氣有啲辛苦，然後腦裡響起一把聲：「歡迎參與『百萬富翁殺機版』，你有五分鐘時間，回答50條問題，只要答啱35條，就可以獲得保險線金額：生存！」
據男學生所講，把聲問嘅問題唔算太深，大部份都係佢學過嘅嘢，只係偶爾有幾條陌生嘅題目。
「最大嘅問題，唔係『問題』本身，而係一路答，窒息嘅感覺愈嚟愈嚴重，個腦開始郁唔到......」
男學生繼續講：「好彩我呢排準備考公開試，啲嘢溫到好熟。」
記者面面相覷，答問題？答啱就唔駛死？
好快，第二、第三個倖存者出現，印證咗男學生講嘅說話。
同樣係要答啱35題，只係問題有啲唔同，例如係地盤工人，就有地盤相關嘅問題。
各國政府聯手，搵晒啲倖存者，統計佢哋收到嘅問題，大約得出結論：
50題內，有20題係讀書時學嘅嘢，20題同工作有關，仲有10題係隨機，天文地理歷史咩都有。
如果係學生，就會40題都係讀書題。
換句話講，當中有40題係我哋學過、應該識嘅嘢，要答啱35題係可以做到，甚至連幼稚園學生都有機會成功。
真正嘅難度，在於窒息嘅恐懼，抖唔到氣，好想快啲答完，愈心急就愈諗唔到答案。
目前為止，仲未搵到「百萬富翁殺機版」係點樣嚟、點樣令人窒息、點樣揀到適合每個人嘅題目。
唯一值得慶幸嘅係，倖存者似乎唔會再被考多一次，即係每人只會面臨一次危機。
全球掀起溫書熱潮，為咗保命，早就還番畀老師嘅數學公式，都要搵番出嚟反覆背誦，各種「求生補習班」紛紛湧現。
各國政府都出晒公告，叫大家冷靜應對。
但係，無論做咗幾多準備，真正死到臨頭，有幾多人可以靜心答題？
「百萬富翁殺機版」死亡率，依然高達九成。
順住敵人嘅思路行落去，只會邁向滅亡。
要贏，就要諗方法破局。
我係一個特工，上頭落咗命令，要我哋儘快解決呢件事。
每個特工都各展神通，有人反覆研究失敗者嘅屍體，有人不斷搵倖存者收集更多細節。
呢段時間裡面，都有啲特工遇上「百萬富翁殺機版」，佢哋訓練有素，槍林彈雨中仍可保持冷靜，通通都順利過關。
而我，仲未經歷呢場考驗。
有一日，我上司搵我，提出一個諗法。
根據資料，「百萬富翁」係一個一百年前嘅節目，答錯咗，會得到保險線嘅獎金；答啱晒，會得到一百萬嘅終極獎金。
「百萬富翁殺機版」嘅保險線，係生存，咁終極獎金係乜嘢？
我一臉迷茫：「我唔知啊，未有人可以答啱晒50題，咁有10題係隨機題，都無學過，點會識？」
「而且，抖唔到氣嗰陣，見到陌生嘅隨機題，大家都會『飛咗佢』，唔會花時間諗答案。」
上司話鋒一轉：「既然無人試過，咁你嘅任務就係：答啱50題。」
靠住各國收集番嚟嘅問題庫，我了解咗隨機題嘅模式，然後收集資料，努力溫書，仲要練習自己喺瀕臨窒息狀態下嘅反應。
呢段時間，死亡人數一直上升。
我焦急，但係我咩都未做到。
終於有一日，我喺街食緊飯，突然間透唔到氣，腦海裡響起一把聲：「歡迎參與『百萬富翁殺機版』......」
身邊嘅食客見到我嘅神情，都知道我面臨挑戰，紛紛叫我「加油」。
下集：https://bit.ly/33sVull
將專頁設定為「搶先看」/ "See first"，最新故仔馬上睇！
女友原來無失蹤：https://goo.gl/nqQQXn
我嘅職業係：地府法官：https://bit.ly/3c7mGIC
#短故 #短篇 #小說 #陳美濤 #廣東話 #粵語 #tomatochan #百萬富翁殺機版
面面相覷粵音 在 陳美濤 Tomato Facebook 的最佳解答
偉大的炸藥（上）
愛情如此奇妙，可以將兩個興趣迥異嘅人，拉埋一齊。
就好似我同阿偉咁，阿偉係校隊嘅運動員，又大隻又跑得快；我就又懶又宅，跑四百米都喘晒氣。
不過，愛情又唔係賽跑，我哋一個跑得快，一個跑得慢，都可以有美好嘅愛情。
有一次，我哋睇災難片，有一幕講男主角遇到危險，女主角拚命救佢。
我同阿偉講：「如果面對呢種情況，我都會搏命救你㗎。」
「傻豬，你體能咁差，又跑得慢。如果我哋遇到危險，你記住自己逃跑，唔好理我。」
阿偉好認真咁望住我：「如果你返嚟救我，我仲要分心保護你，你保護好自己，我安全嘅機會就更高。」
我唔明：「咁你有危險，邊個救你啊？」
「你逃跑後，仲有機會幫我求救。如果我救唔到自己，你更加救唔到我啦。」阿偉笑一笑。
我望一望自己纖瘦嘅手臂，不得不承認，阿偉講得啱。
但我哋估唔到，呢種情況真係會出現。
嗰日，我同阿偉一齊，去一間義務補習社度做義務導師。
未到上課時間，學生未嚟，阿偉同負責人喺房傾緊計，我喺課室執緊嘢，成間補習社大概有十個人。
呢個時候，有個陌生人行入房，好快出番嚟，急急腳走咗。
我本來不以為然，突然間，我聽到阿偉大叫：「有炸彈，快跑！十！」
所有人愣一愣。
「九！」
我相信阿偉，下意識往外跑。
「八！」
有幾個人都反應過來，一齊跑。
「七！」
補習社嘅門近在咫尺。
「六！」
有兩個人已經超過我，睇嚟我真係跑得特別慢。
「五！」
我跨過補習社嘅門檻。
「四！」
我跑出補習社，拚命向遠方跑去。
呢個時候，我已經聽唔到數數嘅聲音，我心中默念：「三、二、一！」
爆炸聲響起，一陣逼人嘅熱浪從身後傳來，我嚇到趴咗喺地下。
過咗好耐，熱浪漸漸散去，我先回過身來，爬番起身。
手掌有少少痛，應該係趴低時擦損咗。
身邊有五個人都跑咗出嚟，傷勢唔嚴重。
阿偉呢？我慢慢走向補習社，門口處有兩個渾身浴血嘅人，有一個明顯斷咗隻腳。
我生怕係阿偉，仔細一睇，原來斷腳嘅係補習社負責人，另一個我都唔熟。
我望向一片狼藉嘅補習社內部，產生咗一個令我極為恐懼嘅念頭：阿偉會唔會跑唔到出嚟？
我由開始跑到踏出補習社，大概用咗四、五秒；阿偉喺補習社間房，離門口嘅距離比我遠一半。
即使唔計佢跑得快過我咁多，十秒以內，佢都一定可以跑出嚟。
我努力回想，陌生人從房間行出嚟時，我望過間房。
阿偉同負責人企喺房裡面，房門係開住嘅，阿偉應該唔會被困住。
而且同一起跑線，體能遠不及阿偉嘅負責人，都可以跑到門口，阿偉去咗邊？
我想行入去，但裡面嘅燈同桌椅都炸爛晒，漆黑一片，根本無路行。
好快，就有消防員嚟展開救援，佢哋抬走門口嗰兩個重傷者，然後入去搵生還者。
結果，消防員只抬出一具形容可怕嘅屍體，從衣著判斷，應該係負責人八十歲嘅阿媽。
我最後嘅希望消失，終於支持唔住，暈咗。
醒番之後，補習社已經清理好，搵唔到阿偉，而現場有啲殘骸，需要驗完先知屬於邊個。
我用盡所有方法，搵到負責人所在嘅病房，問：「間房裡面係咪有暗門？」
負責人搖頭。
我幾乎發癲：「咁點解搵唔到阿偉？生不見人，死不見屍，佢一定跑走咗......」
負責人長嘆一口氣，講出當日嘅情況。
陌生人行入嚟，忽然講：「你哋知唔知，世上有一種『偉大的炸彈』？」
阿偉皺皺眉：「先生，你搵邊位？」
陌生人恍若未聞：「炸彈啟動後，三秒內就會爆炸。除非有人用手捉住，最長係十秒，期間放手都會即刻爆炸。」
陌生人從袋裡拎出一個奇怪嘅物體，狠狠拍喺桌上。
陌生人轉身就走，阿偉同負責人面面相覷。
阿偉反應過來，企圖拎走炸彈，點知拎唔起，原來炸彈下有特製嘅膠水，痴住桌面，絕對唔係幾秒內搞得掂。
炸彈上出現計時器，由三秒開始計，阿偉就一手捉住炸彈，計時器變為十秒。
阿偉大叫：「有炸彈，快跑！十！」
之後，就係我知道嘅事。
緊緊捉住炸彈嘅阿偉，被炸得支離破碎、屍骨無存。
下集：https://bit.ly/2VHtd5I
將專頁設定為「搶先看」/ "See first"，最新故仔馬上睇！
當孟婆被機械人取代：https://goo.gl/S6mCs2
青蛙王子：http://bit.do/faxLr
#短故 #短篇 #小說 #陳美濤 #廣東話 #粵語 #tomatochan #偉大的炸藥
面面相覷粵音 在 陳美濤 Tomato Facebook 的精選貼文
每個月生一個仔（上）
十月懷胎，經歷重重苦痛，我個仔秋仔，終於喺全家人嘅期望中出世。
一個月後，我抱住秋仔番屋企，老公已經準備好晒嬰兒用品，我覺得自己係世界上最幸福嘅女人。
但坐咗一陣，我突然覺得個肚有少少痛。
老公問：「係唔係腸胃有事啊？」
我答：「感覺唔似喎，反而似生秋仔前陣痛咁，不過輕微好多。」
「唔通肚裡面仲有一個？」老公講笑咁講。
但係佢岩岩講完，我下腹一緊，突然間覺得底褲裡面，好似有啲嘢。
我即刻除褲，小心翼翼咁望一眼，裡面居然有個初生嬰兒！
老公目瞪口呆：「你......收埋個BB喺你褲襠度？」
「收埋個BB，你覺得有可能咩？」我都好震驚：「感覺好似係......我岩岩生出嚟。」
老公反駁：「咁你覺得有可能咩？」
無十月懷胎，無艱難生產，唔係好痛，連血都無幾多滴，就咁多咗個仔。
老公得出結論：「可能本來就係雙胞胎，上個月生漏咗個啦。」
呢件事，大家都知無咩可能，但事情已經發生咗，深究都無用。
老公話：「你大肚之前，咪成日想生仔嘅，可能係個天賜多個仔畀你呢。」
我好鍾意小朋友，結婚幾年個肚都無消息，我都周圍拜送子觀音。
既然老公咁講，我都接受現實啦，好彩我地家境唔錯，養多個都唔成問題。
我地從之前準備畀秋仔嘅嘢入面，分咗一半畀新嘅BB用住先，老公就好認真咁幫佢改名。
但係第二個月，我個肚又有少少痛。
我仲未嚟得切出聲，第三個BB已經出咗世。
我同老公面面相覷，過咗一陣，我先好猶豫咁講：「或者可以話係三胞胎......」
「我唔係話你唔可以生三胞胎。」
老公撓頭：「但係你下個月會唔會繼續生？咁生法，唔通三十胞胎咩？」
「唔會掛......」果日，我嘅答案係唔肯定嘅。
但係到第三個月、第四個月......第十個月，我一個又一個咁生，望住眼前嘅十一個BB，此起彼落咁喊。
老公眉頭深鎖：「咁樣落去唔係辦法，係咪應該去睇醫生？」
「同醫生講我無須懷孕，一個月生一個仔？我會俾人捉去做實驗架。」
我聲淚俱下：「佢地同秋仔一樣，都係我地嘅仔。」
其實我最驚嘅，唔係做實驗品，而係我去咗做實驗品，邊有得養咁多個BB，即係話，我一定要同自己嘅親生仔分開。
無論我生咗幾多個仔，邊有阿媽想放棄自己個仔架？
喺我強烈要求下，老公終於肯隱瞞呢件事，仲即刻請多兩個工人幫手照顧。
當然，我地同工人講，除咗秋仔之外，其他都係親戚嘅仔。
唉，一屋有十一個初生嬰兒，我都覺得似販賣人口，好彩工人都無深究。
我不斷思考，究竟點解我會每個月生仔？
唔通真係因為，我之前不斷許願想生仔，上天一次過滿足晒我嘅願望？
我之前幾日就許一次願，許咗幾年，咁計法，我咪要生幾百個仔？
之後嘅生活，可以話係一片混亂。
大家都知養一個小朋友幾辛苦，何況係十一個，以往寬闊嘅屋企，依加擺滿咗BB床。
雖然我地有錢，但為咗照顧BB，我同老公都疲於奔命，又唔敢請太多個工人。
工人同BB唔一樣，工人會出街，請一大堆工人，好可疑架嘛。
下集：https://goo.gl/wMtQrC
做咗神仙之後：https://goo.gl/L5qRPG
平等社會：https://goo.gl/Q5t8rQ
#短故 #短篇 #小說 #陳美濤 #廣東話 #粵語 #tomatochan #每個月生一個仔