下午房間的小萊寶在清掃的時候 我去跟了它一小段，每次看它掃地都覺得它實在好聰明。 你們可以看到它幾乎很少碰撞到牆面或家具

因為用過很多款掃地機器人，所以也有很多比較，一般掃地機都是走到撞到東西或牆就會停下來轉彎，伊萊克斯這台是很聰明 快到的時候就停下來 減少碰撞。而且當它沿著牆壁走的時候，是很靠近 但不會磨擦著牆壁前進的，以前用過的機器人都貼著牆壁走，時間久了牆上就會隱約可見一條黑黑的痕跡。

再來還有 家裡雜亂的電線、小玩具 小車車...等，它也能正確識別，不會壓過去造成一場混亂，或把自己困住。

有些空間不希望掃地機進去也能畫出禁止進入的範圍，像我家廁所我們就不讓掃地機進去，因為有時候會濕濕的，但我們又不想關門，因為這樣裡面會很潮濕，所以就直接畫禁入區，掃地機就不會進去囉！

這次掃地機50台+加量30台都售完，我自己家人下午才想到要買都沒買到😂 下午我請萬能又給力的業務幫幫我，至少讓我家人買的到🙈🙈 結果她傍晚幫我調了百貨通路的20台給我 (根本是神!!! 大家知道它百貨通路賣$32,900吼！ 就算打9折 再滿5千折500都要$26,000左右，再搭個刷卡銀行活動差不多也要$25,000，我們開團價$18,000 再送原廠配系組(價值$3500)，登記再送伊萊克斯A3空清機(價值$6990)，光贈品就破萬了，只賣18000，等於掃地機才$8000啊！ 比平價還平價了！

母親節不知道要送什麼給另一半 或是媽媽婆婆，就來好好把握這最後20台吧!!!!

/

#獨家開團 瑞典Electrolux伊萊克斯 pure i9.2金色版掃地機器人
🔺下單網址→ https://gbf.tw/mfqen
✅圖文分享→ https://reurl.cc/NXLeK9

《無異之局》荒村異聞（三）
　　
【韋家聰視角】時間返去一個鐘頭前。當時我坐緊無二嘅小型貨車，準備前往「城寨幫」搵一位叫做凌永岳嘅人……希望可以同佢聯手對付狄陀。
　
「阿聰，我知你而家應該係一頭霧水……但放心喇，一程車絕對夠幫你搞清楚狀況。」無二邊踩盡油門邊解釋：「你仲記唔記得有段時間我去咗外國搵關於惡魔同詛咒嘅資料？」
　
「嗯……尾東樓事件之前。」
　
「雖然喺嗰邊只係搵到啲殘缺資料，研究到一半又要趕返嚟救你哋……」無二嘆咗口氣，「但之後我都有搵過唔同嘅專家做分析，包括我師父。」
　
無二其實甚少提起佢師父，對上一次已經係啱啱開始做助手嘅時候（即係半年前）……冇記錯係叫做黃天定，而家好似身處英國過緊退休生活。
　
「最後我得出一個結論──狄陀係古老惡魔，佢同普通惡魔唔同。喺一般情況下，就算你有本事消滅佢嘅本體，佢嘅靈魂依然接近永恆存在。只要佢同其他人類仲有契約連結又或者詛咒未解除，一段時間之後就可以復活……」
　
＝＝＝＝＝＝＝＝＝
《荒村異聞》連載中：
https://www.facebook.com/pg/Echo.of.Heart/photos/?tab=album&album_id=2067100083421797
　
《惡夢島》全集：
https://www.facebook.com/pg/Echo.of.Heart/photos/?tab=album&album_id=1861298627335278
　
《極樂謊園》全集：
https://www.facebook.com/pg/Echo.of.Heart/photos/?tab=album&album_id=1736011713197304
　
【廣告】《無異之初》、《無異之地》各大書局有售！
＝＝＝＝＝＝＝＝＝
　　
「你咁講……即係我哋要先知道狄陀同過咩人訂立契約，再逐一幫呢班人解除連繫……最後先可以消滅佢？」
　
先唔好講成個過程好似大海撈針，就算搵到呢班人，都唔知可以用咩方法解釋連繫。退一百步講，假設真係做到，無二應該早就幫咗我同華哥。
　
「其實唔一定諗計解除，只要殺晒呢批人，然後再殺狄陀亦係一種解決方法。」我透過後鏡見到無二露出一個壞笑。
　
「你……應該唔會咁做？」我唔太確認咁問。
　
「如果我會咁做，仲洗唔洗冒住俾差佬影快相嘅危機揸到咁快？」無二反問：「我之所以帶你去『城寨幫』，就係因為我發現到更有效率嘅方法……」
　
「嗰個凌永岳……真係咁有本事？」
　
「佢嘅實力我其實唔清楚，我只係知佢手上有件特殊工具可以幫到我哋──叫做『斷緣玉』。
　
「斷緣玉？」我腦海浮現一個綠色玉鐲嘅模樣。
　
「傳說中嘅『神器』之一，可以用嚟創造出一個同外界完全斷絕因果連繫嘅結界。只要將狄陀困喺裡面再殺死佢……就可以斷絕所有復活嘅可能性，完完全全咁消滅佢。」
　
「即係最後都要有人喺裡面消滅佢……」
　
「呢層自然會有人負責。」雖然冇講清，但無二明顯指佢
自己。
　
「但我哋貿貿然闖入去，會唔會好似『極樂園』嗰陣咁……受到不歡迎對待？」
　
「所以我先會揀呢個時間，減低俾外人發現嘅風險。」無二解釋：「至於凌永岳最後會點決定……就要睇佢想唔想報仇喇。」
　
「吓？」我不解。
　
「因為『城寨幫』嘅上任幫主就係俾狄陀殺死……而呢個人正好係佢親生老豆。所以無論在公在私，佢都係應該要報仇。」
　
既然係殺父仇人，咁照計佢願意幫手嘅可能性應該好大。但經歷完「極樂園」一事之後，都係唔好事前抱有太大期望比較好。
　
講到呢度，無二已經揸到入界限街。再轉多兩個街口之後，就隨便搵個位置停低落嚟。
　
「大致係咁多……你有冇嘢想問？」落車之際佢突然問。
　
老實講，我腦海裡面嘅疑問足夠寫滿一張紙。但最想搞清楚嘅，當然只有一條。
　
「你突然消失咗一個星期，到底係發生咗咩事？」
　　
雖然一星期話長唔長，但對我嚟講卻係相當煎熬。
　
最初見到佢寫「離港數天」，頭兩日都仲係可以好理性，覺得無二真係有急事所以先行開。但到咗第三第四日，就會開始擔心……佢係咪出咗咩意外？會唔會係「白色秩序」班人終於搵上佢？抑或我喺「極樂園」呢件事上面激嬲咗佢？
　
到咗最後幾日，擔心終於轉化成為恐懼。如果無二真係消失咗永遠唔會再出現，咁即係我要一個人面對狄陀……面對呢個隨時都有能力殺死我嘅惡魔。
　
恐懼感，就係隨住呢個想法越趨強烈。但我擔心嘅唔係自己嘅生命安全，而係如初……我甚至有晚發夢夢見自己去返「極樂園」嘅VIP房，聽到如初喺門嘅另一邊崩潰大喊……
　
我真係好驚自己會先走一步，然後剩低佢一個孤苦伶仃。
　
「反正仲有啲時間，應該夠解釋埋。」無二本身已經想推門出去，但最後又收返手，「我去咗救阿杏。」
　
「救杏姐？」我驚訝。
　
「佢之前咪話自己喺『惡夢島』做緊嘢……結果嗰邊出意外搞到一鑊粥要我執手尾。」
　
「即係呢張紙係佢留低？」我喺銀包裡面拎出當日貼喺辦公室門口嘅紙條，然後遞俾無二睇。
　
「既然畫得心心，咁九成係。」無二無奈咁講：「雖然話救，但成個過程我都係半被迫嘅狀況下幫手，所以就連電話都用唔到……大致係咁，要完完整整解釋嘅話應該要講到天光。」
　
「嗯……」
　
「咁你呢個星期有冇偷懶冇練習？」無二所指嘅當然係「萬化紙」。
　
「你畀我嗰本已經用完……本來已經準備上辦公室拎本新嘅。」我回應。
　
呢個係事實。無二消失嘅呢段時間，我只有練習嗰陣先可以清空思緒。我想盡快提高自己嘅實力……等喺最壞情況來臨嘅時候有能力一博。
　
「嗱，呢度仲有半本，遇到特殊情況就用住先。」無二喺車箱裡面拎出半本然後交俾我，「行喇。」
　
「但咁夜會唔會驚搵佢唔到？」
　
「哈哈，冇問題喇……我直覺認為佢同我哋一樣都係夜鬼嚟。」
　
畫面一轉，我哋已經嚟到寨城公園外圍。因為已經就快凌晨十二點，所以周圍基本上係一個人都冇。而寨城公園過咗十一點係會關閘，所以正常係入唔到去。
　
「我哋係咪要偷入去？」我望向圍欄裡面，「唔知裡面有冇保安睇住……」
　
「唔需要，我哋喺外圍入去就得。」無二將一個酒杯墊交俾我，「你先背咗呢組數字，等我搵個合適嘅入口。」
　
等我接過杯墊之後，佢邊行邊繼續解釋：「『城寨幫』本身係一個大型結界，每晚十二點就會更改一次『通行密碼』，如果唔知密碼格硬闖入去嘅話應該馬上就會俾人發現……情況就好似上次『極樂園』咁樣。」
　
「係杏姐畀呢個密碼你？」我嘗試將前面提到嘅事串連埋一齊，最後得出呢個想法。
　
「嗯。」無二點頭回應，伸手掂落一道石牆，「應該係呢度喇。你過嚟，好似我咁做。」
　　
我行過去，學佢咁伸出左手掂落石牆，一開始係完全冇事發生。好彩附近冇人，唔係夜媽媽睇落成個畫面應該係幾詭異。
　
「密碼係咪已經記住咗？」佢問。
　　
「記得……4117891。」我喺佢面前背一次，「一陣我哋係咪會穿過呢道牆？」
　
「穿過？」無二一笑，「當然唔係，你唔好放手……慢慢擰轉頭望下後面。」
　
我轉身一望，赫然發現身後公園居然變成一片空曠嘅大平地，而且前方一望無際，一棟建築都見唔到。當我仲驚嘆緊變化太大嘅時候，左手嘅粗糙觸感突然起變化。
　　
望返正面，可以見到石牆開始化成飛灰，最後眼前出現一條道路，而路嘅左右兩側係約莫十層高嘅舊式樓宇。抬頭一望，仲可以見到大廈外圍鋪滿咗鐵皮、廣告牌、左穿右插嘅電線以及各式各類好似隨時都會跌落嚟嘅僭建物。
　
「佢哋……」我一睇到呢度即刻恍然大悟，「將成個城寨複製咗喺結界裡面？」
　
「冇錯。」無二將一包香口膠遞俾我，「你拎一舊咬住，呢個係用嚟隱藏氣息。今次太趕……等有機會我再教你點樣唔用道具自己做到。」
　
準備就緒後，我哋開始沿住大街深入「城寨」嘅中心。
　
「你呢個年紀……應該啱睇唔到舊城寨嘅清拆。」
　
「嗯。」我行咗陣終於注意到有路牌，上面寫住「大井街」，「你呢？」
　
「我嗰陣喺孤兒院同外界隔絕所以都完全唔知呢件事……係十幾年之後先有機會睇返『城寨幫』嘅發展史。」無二開始娓娓道來：「當年中英兩個政府傾緊要拆城寨嘅時候，內部當然有好多不滿聲音。但見呢件事似係勢在必行，所以當時勢力最大嘅凌氏同董氏決定放低分歧，再聯合其他派別組成一個大幫會，決心進行『拯救方案』。佢哋花咗一堆人力物力，邀請咗好多有能人士，過程中仲死咗唔少人……結果用咗一年時間，喺清拆開始前將成個九龍城寨完美複製喺一個結界裡面。」
　
我哋由大井街轉入龍津路，可以見到兩側都有唔少騎樓。一種猶如去咗片場嘅感覺油然而生，又彷彿好似回到過去咁。可惜係夜晚而且燈光唔夠，唔係肯定可以發挖到更多特別嘅地方。
　
「如果係當年，呢條街道應該時時刻刻都係好熱鬧。」無二繼續解說：「因為當年政府有做好安置計劃，所以大部分原居民就算知道有個複製城寨，實際願意留低嘅人都唔多……反而後期吸引咗唔少喺外地逃難嚟嘅人住喺度，一路加加減減，而且應該有五六百人仲住喺度。」
　
講到呢度，佢再轉入一條窄巷。因為呢條巷更加暗，所以感覺無二係有確實目標先會選擇呢條路。
　
「你真係知道凌永岳而家喺邊？」
　
「身為一個老闆，每次見客前當然係做足準備。」無二轉彎走入其中一座大廈嘅後門。
　
我哋先上一層，再行完筆直嘅長走廊，最後嚟到大廈嘅中庭位。其實我離遠已經見到一個疑似攀石場嘅巨型石板，直到行近先更加確認自己冇睇錯……
　
「但呢度唔係攀石場咩？你會唔會搵錯地方……」我不安咁問。
　
「放心喇，阿聰，係呢度冇錯。」無二微笑道：「嗱，佢果然喺度。」
　
當我行到可以見到攀石場正面嘅位置，終於見到有個著住黑衫嘅後生男人，呢刻佢單手握實岩點，一注意到我同無二就即刻鬆開手直接跌落地面，明明離地差唔多四五米高，但佢卻沉穩落地。單憑呢一下，我已經肯定佢唔係普通人……
　
換轉係我，肯定已經斷腳起唔返身……諗到呢度，我不禁回想起中學打籃球俾人踢斷腳嘅不愉快經歷。
　
「我知道你係邊個。」男人抬起頭望向無二，「你就係無二。」
　
「冇錯。」無二回應：「城寨嘅少幫主凌永岳，我今次嚟係想搵你傾下合作。」
　
「合作……做啲咩？」凌永岳皺起眉頭問。
　
「對付我哋嘅共同仇人……狄陀。」
　
凌永岳聽完眉頭皺得更深，隔咗陣先再講：「呢幾年我已經聽過類似嘅說話差唔多十次……幾乎每一個人嘅目的都係想利用我。」
　
「你既然知我係邊個，就應該清楚我同其他人唔一樣。」無二接住講，雖然佢一臉自信，但從我角度睇其實係好冇說服力。
　
凌永岳聽完並冇即時回應，而係行埋去執起地下嘅水樽，再從旁邊嘅樓梯行上嚟，最後嚟到我哋面前盯實無二講：
　
「齋講係冇用，我只會憑自己雙眼睇清楚你係咪可信。」
　
「咁你即管望呀。」
　
佢哋再次盯實對方，呢刻氣氛突然變到咁僵，等我仲以為呢個計劃又會失敗收場，但我錯了……
　
幾秒後，凌永岳轉身行入走廊同時講：「跟我嚟。」
　
雖然好意外，但我當然冇發呆企喺度，跟住佢同無二繼續行。
　
「你哋點解會知道『城寨』嘅密碼？」凌永岳突然問。
　
頭先近距離再望清楚，可以確定佢嘅年紀應該比我細，大約係二十出頭……難怪會叫做「少幫主」。雖然唔知佢要面對啲咩，但感覺壓力肯定係相當大。
　
「係仇雪杏俾我。」無二如誠回答。
　
「杏姐？」從佢呢個反應，證明佢都係識得杏姐，「我同佢對上一次聯絡已經兩年前，佢呢期過得好唔好？」
　
「唔計俾人開槍射中嘅話，都算係過得唔錯嘅。」
　
「吓？」凌永岳一臉錯愕，「點解嘅？」
　
其實我嘅反應都係一樣，睇嚟「惡夢島」發生嘅事應該係相當嚴重……
　
「一匹布咁長，我建議你主動打畀佢……佢而家應該幾得閒，應該好方便同人傾電話。」
　
「哼，」凌永岳打側身望咗我一眼，「咁你旁邊呢個人係邊個？」
　
「韋家聰，我嘅助手。」無二回應：「佢就係狄陀想解決嘅對象。」
　
「唔好怪我直接，感覺阿聰並唔算係一個特別嘅人……點解你會想幫佢？」
　　
「對你嚟講唔特別，但對我仲有其他人嚟講就唔同。」
　
「無二……」我聽到呢度有啲意外。
　
「至少佢平時出去做清潔係幾勤力，幫咗我唔少忙。」
　
就好似被潑冷水一樣，頭先一瞬間嘅感動當堂煙消雲散。
　
凌永岳帶我哋行返出龍津路，走咗大約半條街嚟到一座叫做義學大樓嘅地方，最後去到大樓入面嘅其中一間房。
　
呢間房並唔大，左右兩側擺咗兩個擺滿書嘅書櫃。而正前方係一張書台，雖然書台上面擺咗好多嘢相當凌亂，但我馬上就俾一張地圖吸引住……同之前喺無二辦公室見到標住「異地」嘅地圖款式係一模一樣。
　
「頭先喺外面講嘢唔太方便……呢度會好好多。」凌永岳解釋：「直接入正題喇，你哋嚟得搵我，應該係想借我嘅『斷緣玉』去對付狄陀？」
　
「冇錯。」
　
「咁我就先從結論講起……可以，但你哋要先等半個月。因為我喺『城寨』呢邊仲有事處理緊，而且『斷緣玉』呢刻都唔喺我身上。」
　
「當然冇問題，反正呢件事已經纏繞咗好耐，唔差在多半個月……」無二回應，我點頭表示同意，冇諗過事情會咁順利？
　
「但就算你哋得到『斷緣玉』，狄陀一日唔現身你哋都係解決唔到佢。」凌永岳接住講：「據我所知，佢而家根本就唔喺香港，而係身處喺外國……不斷吞噬『異地』增加實力。」
　
（待續）
　
　
解釋埋下集開始加速，暫定星期日或一有文。睇完記住幫手留個嬲同分享開去呀！
　
p.s. 實體版更正返「萬變紙」做「萬化紙」。
　
【廣告】《無異之初》、《無異之地》各大書局有售！
　
Patreon 都開咗啦，八月中正式開始！
https://www.patreon.com/echoofheart?
　
－－－－－－－－－－－－－－－－
　
【地方的無默媽資助計劃】（試行中）
　
近年作者生存空間越收越窄，大眾結業更加似係雪上加霜。所以推出資助計劃，希望各位可以直接課金支持。計劃並唔係強制性，一蚊可以，想繼續免費睇亦無妨，有心就可。
　
Payme 連結：
https://payme.hsbc/echoofheart
　
轉數快 FPS ID：6065460
　
計畫緣由及詳細內容：
https://bit.ly/39b5Fuw
　
－－－－－－－－－－－－－－－－－
　
IG：echoofheart

今次不轉彎抹角，想談談一款新的骨傳導耳機AfterShokz Aeropex。對此沒興趣的朋友，打擾了，請略過。

實在十分大鄉里，骨傳導耳機久聞其名，但一直對這種「不塞著耳孔的玩意」有些抗拒，故沒有身體力行試用。今次試用Aeropex，卻發現比想像中好。也老實說，它不是毫無缺點，以下就此略談。

其實一試聽，已經打破了之前的疑慮。原來所謂骨傳導，是可以不塞著耳孔也聽得清楚——即使在街上，我聽的不是音樂而是清談節目，也相當清晰，甚至可說比一般傳統藍牙耳機更清晰。當然，如果在車聲隆隆的情況下，聽人聲說話就有點吃力。

沒有塞著耳孔的骨傳導耳機，其實頗為適合跑步時使用。因為：

1. 不用擔心汗水沿著耳機流進耳孔，保障了衛生。這點，超大汗的人才有體會；

2. 你仍然可以聽到外面的聲音，保障了安全。

有些人抗拒骨傳導耳機，是因為它會漏聲，而且開得大聲時會震得太強烈，導致耳邊感覺怪怪。這些問題，Aeropex都有。但在跑步的情況下，所謂漏聲與震動都變得無關痛癢。實測過，即使在人不太多的港鐵車廂內，身邊人也聽不到我的Aeropex有漏聲。

續航力方面，官方數字是8小時。大家都懂，這些數字不宜盡信，但打個七折，要應付一趟馬拉松或長課也應該綽綽有餘。值得一提的是，Aeropex的金屬磁吸充電位十分有質感，離遠已可兩端吸上。

最最意外的是，Aeropex竟然提供了兩條充電線，不誇張地說，這點令我感動不已。要知道，通常這類耳機不是用何處都能找到的普通線材充電。有兩條充電線的話，可以家裡一條，辦公室一條，終於可以不用精神緊張地提自己別忘了充電。

Aeropex雖然是頗輕的26g，但始終是擱在耳殼上，用久了，難免壓得耳朵開始有點小痛。例如我在戴了一個小時之後，就開始想把耳機挪一挪開以減輕不適。這個是不是我的個別情況，則不得而知了。

唯一仍在觀望的，就是Aeropex可以給我折騰多久。實不相瞞，以我大汗的程度，耳機不知已經泡壞了不知多少部。Aeropex發聲部分無孔式設計，防塵防水等級提升至 IP67，而且充電區域若留有液體，指示燈更會閃爍。且看這些新猷，是否可以抵受得住我給它的挑戰了。

#AftershokzAeropex
#其實我跑步絕少聽歌
#只係會聽講野節目或有聲書之類