［你也可以做分析員拎最低工資］識買梗係聯想，ASM，貓眼。但think bigger，搏王維基香港電視遲早都入到去！

TLDR：就唔好睇住個比重估炒邊隻啦。要睇埋平時幾多成交的

1. 前事提要：恒指一路都係得騰訊一隻科技股，其他多數係「舊經濟股」，被視為冇乜活力，亦都影響個指數嘅表現同估值（騰訊幾十倍PE，內銀幾倍）。之前恒指已經宣佈嚟緊會納入同股不同權嘅公司，即係為阿里巴巴　美團　小米等等入恒指開路。但唔知係嫌唔夠快定點，而家索性整個純科技指數，港版Nasdaq咁話，昨日就出咗詳情。

2. 上篇講硬知識（https://fbook.cc/3CZr），比較悶啲。今篇就唔好咁多理論，老老實實，落場砌，炒邊隻？

3. 首先，昨日我寫舊文（https://fbook.cc/3CZr）時恒指公司都未出詳情，但大約估到啦。而家出埋（https://bit.ly/32Aya5h），又寫多篇文。但都冇乜特別，你睇下面張圖夠了。就係呢個　港版納指，30隻股票。「不如數下有幾多隻香港股」—勉強ASM算係一間咯（＊）

4. 舊文（https://fbook.cc/3CZr）有講過下。整隻指數打包呢三十隻嘢，唔難。鍾意將所有A字頭嘅公司整個指數都得的。問題係你個指數有冇人理，有冇人買。

5. 美股三大指數，道指標指納指，其實只係得兩大。道指最冇代表性，亦不科學（解過多次，自己搵舊文或Google），但歷史耐，所以大家敬老。標指納指，各有功用。就係因為反映唔同嘢。

6. 國企指數曾經何時好多人關心，特別係「五行三保」年代，但而家少咗好多人理。正如「紅籌指數」最最最初都好多人關心，北控呀，青島啤呀，整體上市呀，母公司注入資產呀，股改呀，有嘢買搵光大呀，炒到如痴如醉。但而家亦冇人理。而最好笑係，國企指數早幾年改革，又加埋騰訊入去，我都唔知同恒指仲有乜分別。

7. 一個指數，多人關心，必定係因為有代表性，啲公司多人關心。而好多時就係因為，升得勁。往往係同一樣嘢。蘋果又好，騰訊又好，都係因為公司好大影響力，賺好多錢，股價又升好多，又變到好大。

8. 上次都講過，齋有隻指數冇用的。你報香港納指日日升，關我乜事？有冇得炒先得架？！有冇得參與？冇嘅，話知你啦。

9. 幸好，絶大多數指數，都係investible嘅。不詳細解，但簡單嚟講指數咪一籃子股票，investible即係你可以買到同佢一樣嘅嘢。點買？例如買恒指，你可以買盈富基金，或者其他追縱指恒嘅ETF。甚至你可以買輪，買牛熊證，炒期指，都係。

10. 所以關鍵就係，會唔會有一堆咁嘅產品，去追縱呢個指數。咁，產品嘅嘢，人發明出嚟啫。金融人員同賣毒品差不多，做生意啫，講供求，有人買咪有人賣，我冇導你食架喎。

11. 咁如果啲人覺得呢堆嘢有前途嘅，咪會想買！我淨係要呢啲嘢，給我科技股，唔要中移動唔要匯控唔要工行唔要長實。好，咪畀你。

12. 講咗咁多，嚟料啦，教你炒邊隻。

13. 即係，最低層次嘅，咪只係望住個榜咯，喂騰訊8.5%喎咁多，實係最多資金買佢。喂阿里巴巴8.5%咁多喎最多資金流入。

14. 諗一諗，呢個諗法出咗咩問題？

15. 阿叔，騰訊阿里巴巴，日日都咁Q多資金流入架啦！

16. 我唔係話騰訊阿里巴巴唔值得買，相反，可能好值得買，反正科技股嘅嘢winner take all。但，如果只講呢轉指數，就唔係咁計。

17. 好簡單，我當（只係假設）王維基隻香港電視1137，入到指數，佔1%。小米就佔8%，你估邊隻炒得勁啲？梗係王維基啦！咁Q細隻，有排買呀！佢比重係小米8份1，但市值，成交之類，邊有8份1？！

18. 所以，你要睇嘅，係睇埋個成交。亦即係，睇比重relative to 成交。本人幫你搵咗啦。Column E，3個月平均每日成交（錢，HK$ billion）．Column D除 Column E，就係Column F。

19. 咁你見到了，係聯想（992），ASM（522），貓眼（1896）最高。

20. 粗粗地嘅比喻，你睇 ASM比重（3%）係981中芯（6%）嘅一半。但，中芯一日40億成交，ASM係1.5億。爭27倍。呢壇嘢對ASM影響大好多

21. 仲係唔明？頂。咁再講淺啲

22. 我當，有一隻1000億港紙嘅基金（即係100 billion）（Column G），買落呢啲嘢度。咁騰訊我要買8.53%，就即係買8.53 billion。但騰訊一日成交5.8 billion，兩者相除，即係我買1.5日就得，是為Column H。由呢個新東西搞出嚟嘅買盤，等於平時1.5日成交，不算太誇張。但你睇ASM，我隻基金，要買3.03%，即係3.03 billion．但ASM一日先得0.15 billion成交，嘩，買20日先掂。點會唔掃到升？

23. 聰明嘅你，應該睇到一半已經發現。喂，DF，同GH，咪一樣咯！係呀！但有人唔明嘛！有啲人係要用實數先明架嘛！證明有啲人講市盈率係股價/每股盈利佢唔明，講係市值/純利先明嘛！你睇我幾照顧不同需要嘅學生

24. 呢堆嘢我好似都解過。但費事搵。你見咩恒指國數指數換馬，加入踢走，比重變，全部係咁玩法。明報有篇舊文，都有示範（https://bit.ly/32BeaQ4），唔記得個記者係咪問我，most likely 唔係（但後來有第個記者問過）

25. 當然，同恒指國企指數季檢換馬，有樣唔同。恒指係有一大堆被動基金會跟嘅，最出名當然係盈富（2800），但仲有其他，而恒指公司有耐唔耐公佈有幾多資金追蹤（＊＊），自己計都得，但煩。國企指數都有一堆基金（例如2828），但規模再細啲

26. 咁所以，除非真係有個 納指版嘅2800 或 2828，否則，以上嘅東西，就未必會發生嘅。但計係咁計

27. See？學識呢啲，你都可以以做分析員。然後拎最低工資。真架，呢啲嘢，係啲膽正命平尊尼亞做咋。唔係陸東同你開Excel計下話？

28. 最後補充兩點

29. 我原本真係期待會有王維基隻香港電視，而家冇，但第日可以有！你望下最低比重嗰隻易鑫，都125億市值之嘛，維基都有一半，之後入指數不是夢。同埋，你望下隻易鑫成交，平均都係講緊3000萬港紙。你睇王維基，3億港紙成交呀—當然只係昨日。但我粗計30日平均，好似都真係有6000萬的，就算唔計呢期炒起，計一年，都有3000萬啦。

30. 真係王維基入埋呢個指數不是夢。記住，you heard it first from Ivan，至少主流媒體同KOL，係我第一個講。有搵到早過我嘅，我就刪咗呢段嘢。當然真係計有啲人睇嘅，你三個星期前飲大咗whatsapp唔計

31. 第二，其實到底，恒指公司想點呢？係咪真係想取代咗恒指？定點？你見標普指數同納指，其實分得好開。但恒指又再加多啲科技股，而家但又搞個港版納指。仲有已經加埋騰訊中移動嘅國指。即係常餐快餐特餐，恒指國指港納指，其實都係差不多？

（＊）唏，係呀，開曼群島。當年腦細檔嘢上市，都有啲盲毛走去話人「開曼群島」「逃稅」「唔係香港公司」，我相信呢度啲讀者水平冇咁低。

（＊＊）明報篇文有寫：根據恒指公司的數據，截至上月底，全球有24隻交易所買賣產品追縱恒生指數，合共管理資產規模198億美元—　當然係舊數
-------------------------------------------------------------------------
香港聯匯何去何從？新收費片已出，講足一個鐘，單次買200

想睇簡介嘅，呢度。亦有埋以前嘅片，有興趣可訂：https://bit.ly/3iYMD0F
報名嘅，呢度。今次課程編號填 CC005。唔想填信用卡亦可以FPS： https://bit.ly/3j0r9QZ　
Log in 呢度：https://bit.ly/3gYXu9e
已付費嘅，log in後按最頂「按此觀看」就得。再唔係返呢度睇：https://bit.ly/3fyKbw0
仲搞唔掂嘅，睇埋下面，或者搵客服，或者PM我。
-------------------------------------------------------------------------------
【最新李聲揚收費影片】題目:「聯繫匯率會否脫勾？散戶應如何應對？」
影片/課程編號：CC005
播放平台：https://homebloggerhk.com/web-class-player/
付款及收看步驟：
1/點擊報名收看 [影片/課程編號：CC005]
2/利用信用卡網上付款
3/及後有登入資料可以立即收看
查詢：whatsapp 63832145

《 八問政協佘德聰 一位開夜總會的愛國者 》

曾有讀者說，你總算是個KOL，不要太多嬉笑怒罵，應有責任寫多一點嚴肅的文字。

從來不認為自己是蜘蛛俠，不過，今天確實有需要嚴肅一點。

由鄭耀棠批評鄧小平阻住地球轉，到今天港區政協佘德聰先生公然推翻鄧小平先生的承諾，提出更改香港道路名稱，在在看得出這並非單一事件，而是全面否定鄧小平的先兆。

據新華社的介紹，港區政協「 應該堅持一國兩制方針，為國家、為香港多作貢獻，推進香港社會發展，改善民生……」

作為一個香港出生的香港市民，我認為自己有權利去請教一下，代表我的港區政協佘先生。

我知道讀者群裏臥虎藏龍，以下8條問題，希望大家多加補充及求證。

1. 建德國際（0865）為香港上市公司，相關信息都屬於公開資料，但本人不懂得如查冊， 佘先生身為公司主席，可否告知股民，閣下是否擁有外國護照或居留權。

2. 作為愛國愛港的港區政協，可否告訴香港市民，閣下家人是否擁有外國護照或居留權。

3. 明報記者查詢閣下有關經營夜總會一事，你說那只是餐飲業。
在下孤陋寡聞，請解釋一下你的夜總會提供何種餐飲？ 北菇雞飯？海南雞飯？
還是你在耍香港市民？

4. 閣下以前曾經在訪問中透露，多得改革開放，才令你的事業平步青雲，但同樣由鄧小平先生提出的「香港原有生活方式50年不變」，閣下為什麼急於推翻？
連澳門這個小城，仍可以保留殖民地街道名稱，閣下衝擊一國兩制，目的是否要對鄧小平先生鞭屍？

5. 閣下向明報記者透露，去掉英式殖民地名稱之後，不要用「人民廣場」等名字，會嚇怕人…… 最好用太平山、獅子山等。
中華人民共和國，以人民之名立國，為什麼會嚇怕人?
閣下公然阻止用「人民」命名，反而用香港本土名字，是否「明愛國 暗港獨」?

6. 不少愛國上市公司紛紛回A，閣下的上市公司，為什麼選擇在插上英國旗的開曼群島註冊？
英國佬的好處是什麼？

7. 如果閣下不是嘩眾取寵博上鏡，必定已有一套完整的計劃，才會提出地名及街名去殖化。
但全港有數以千百計的英式街道名稱、建築物名稱…… 除了太平山獅子山這兩個名字，請提供其餘五百個名稱構思，以供香港人參考。

8. 英國殖民香港最大的恥辱名字，應該就是以維多利亞女皇命名的維多利亞港。
就算改了一千條街道名稱，留下維多利亞港，所有功夫等於白做。
舉世知名的維港，佘先生認為應該換上什麼名字呢？
跟隨順德港、中山港、九州港之類…… 直接叫紅磡港？

香港小市民
李懂媽

【全民媒體】盈德燃氣爭奪戰的大龍鳳（Raging Bull）

香港股市過去曾發生過上市公司控制權爭奪戰，有股東之間，也有管理層和股東之爭。過去多人留意的爭奪戰有中國燃氣(384)，及國美電器(493)。中國燃氣是公司股東之一，要把主席及行政總裁劉明輝跳出局，同時中國石化又提$3.50全面收購。結果是主席劉明輝一方成功化解敵方攻勢，重掌控制權，股價更上升三倍。國美電器是大股東和管理層之爭，又涉及其中一倍機構投資者百恩資本。管理層初時佔上風，但後來全面撤退，大股東全勝。

盈德燃氣(2168)的情況略有不同，是由第二大股東趙項題主導突擊，意圖奪取控制權。集團由原管理層孫忠國，及士特(Trevor Strutt)成立。兩人在中國燃氣市場工作多年，尤其是在工業燃氣市場，是市場領導者。集團2009年10月8日在香港上市，發行價是7元。管理層兩人因資金不充足，引入第二大股東趙項題入股12%，管理層則佔30%股權。董事局有六位成員，包括孫忠國，士特，趙項題，及三位獨立非執行董事。管理層委任一位，趙項題委位一位，第三位則由三位大股東共同委任。即是管理層在董事會有三票，有控制權。上市多年，業績都能維持，2013及2014年度，純利達到9億元人民幣。股價都維持在招股價以上，2013年2月14日股價升至最高$9.60。但2015年度純利大跌至5.36億元，股價也因業績下跌，而下挫，最低跌至2016年5月16的$2.57。

按孫先生的陳述，趙先生看到股價低迷，不能代表內涵價。而集團價值遠超過股價，趙先生就承機發動攻勢。首先趙先生要求作為第二大股東，他應可委任首席財務官及公司秘書。孫及士特同意，於是趙委任自己人黃斯穎作為首席財務官及公司秘書。在2016年11月4日下午3:40時，向董事會發電郵，通知翌日11月5日上午9時開會。當時士等正在渡假，而孫正在開會。由於電郵是加密，孫士特兩人，直至11月4日午夜才收到電郵。孫向董事會發電郵，指由於通知時間不足，孫及士特兩人都未能參加董事會開會，指召開會議通告無效。但公司董事會照開，並在翌日11月6日，發出兩項公告，內容有關董事會變更，罷免孫及士特在公司的職位，及擬向碧水源配3.78億新股，令碧水源及趙先生的股本權益增至超過公司擴大股本之30%。11月14日士特要求港交所否決新股上市，並根據公司收購合併守則，趙先生及碧水源屬於一致行動一方。在11月16日及24日，孫及士特致函香港證監及港交所，指根據一般授權進行的配售，碧水源需要向股東提出全面收購。但12月14日公司發公告，指出多數董事會無意向股東提全面收購。鑑於證監持續查詢，公司重新考慮向碧水源的配售建議。

12月17日公司發通知，在12月18日下午2時半召開董事會，以通過碧水源新配售協議。在12月18日董事會開會前，孫及士特接獲星瑞(香港)投資管理的意向書，有意提出$3.20 至多4.80 的全面收購。同日董事會決定向碧水源配售10%股份，孫及士特則未有出席董事會。之後相方互相攻擊，孫及士特圖阻止公司實行董事會決議。開曼群島法院考慮批准公司在2016年11月5日及11月18日的各項決議案的效力。

在12月19日公司董事會接獲美國公司空氣產品出每股$5.50全面收購的意向書。2017年1月3日，公司宣佈向碧水源配售的資金，已經用來償還銀行貸款。在2017年1月9日，證監初步意見，碧水源及趙先生是一致行動人士。同日空氣產品提高收購價至每股份有限公司$6.00，條件是要進行盡職審查，但公司不願意讓空氣產品進行盡職審查。2017年1月10日，公司按開曼群島法院開董事會，但由於會議混亂，不能達成任何決議。

股東之爭，不知鹿死誰手。但肯定有利股價，本來3元的股份，立即升至5元。事實上公司2016年業績大幅進步，全年純利應創新高。因此趙先生想趁股價低時，取得公司控制權，但受到孫及士特阻撓。到底誰是誰非，由讀者自行決定。