🎈The Musicbox Grill House & Bar
🔍銅鑼灣駱克道459-461號The L. Square8樓
-----
週五打針前夕嚟咗呢一間餐廳度補充體力。午市有好多套餐，價錢抵食。12點幾左右嚟到，已經近乎爆滿，好彩同行友人提早book位。

Lunch Set: (配埋新英倫周打蜆湯同埋咖啡或茶)
🐷燒烤醬煮豬肋骨$138
🐣滋味烤辣雞半隻$118
豬肋骨一絕，一撕就輕易離骨，肉質細膩無比，醬汁稍多，但唔鍾意多汁嘅自己撥走就得，唔影響味道，醬汁鹹甜亦平衡得當。而烤辣雞亦不錯，肉色粉嫩，不過若要我二選一都係會揀前者，唔係因為個雞唔好，而係個豬肋骨實在係outstanding。

🍴香蒜牛油煮蜆$158 ：
蜆肉份量甚多，毫不手軟，無論係香蒜定係牛油，份量都調得到位，不過濃又夠味，食晒成碟蜆肉都肥厚無沙，加上四塊牛油香氣極重嘅蒜蓉包，值得encore。

🦞龍蝦汁海鮮意大利粉$188
海鮮有帶子、魷魚圈、鮮蝦、蜆肉等等，意大利粉可以揀長通粉、意粉或者扁意粉，加上龍蝦汁提味，整體味道不過不失，不過對比上述三者就略顯平凡。
-----
👶🏻B仔整體評價：8/10個👍🏻
👶🏻B仔抵食程度：7.5/10個👍🏻
👶🏻B仔環境評分：7.5/10個👍🏻
👶🏻B仔味道評分：8.5/10個👍🏻
👶🏻B仔回頭機會：8.5/10個👍🏻
-----
#swallowhongkong
跟住我一齊吞食香港啦！🤤
#swallowcwb

［金基德回顧展：慾海慈航/援交天使/Samaria］實趕客，但話知佢，自己想寫

1. TLDR：你地邊個冇罪嘅，就搵石頭掟佢吧！留意「石頭」係套戲嘅重點之一。今晚大館仲有一場7:30，仲有飛賣。去睇吧，雖然網上你都搵得到足本重溫嘅。順手講埋我一路嘅核心信念：戲係要成套咁睇的，正如書係要成本咁睇，否則你永遠都學唔到嗰種神髓，呢啲嘢全部要「浸」出嚟。你去睇Youtube睇都可以15分鐘知晒啲劇情有人解埋，但點解我要走出去睇多次？我唔識用Youtube？電影，同多嘢一樣，個神韻唔係懶人包，唔係fact，唔係橋段重點，而係你要用心感受。

2. Medium版就有埋相咁咯（https://lkdin.io/3VYo）

簡介劇情
簡評
詳細分析劇情—第一幕
詳細分析劇情—第二幕
詳細分析劇情—第三幕
套戲攞獎好合理
石頭 as a metaphor
最後講講金基德

3. 是咁的，我冇工返都仲好忙，況且而家好多時三四點先起身。但為咗重睇呢套戲（以前睇過一次），我都仲係星期六爬起身，極速在樓下用3分鐘食完碟海南雞飯，然後走出去灣仔睇呢套戲。可見金基德有相當大吸引力。

4. 留意呢套戲2004年，剛剛好係佢中期嘅作品，開始成熟，亦都係呢年佢在歐洲攞獎聲名大噪。金基德未必係好計算嘅導演（邊個話商業片先要計算？），但事後睇返，你睇到好啱啲評審口味，攞獎合理之極。

5. 呢套我相信亦係佢最出名嘅兩套戲之一，另一套當然後後來嘅《聖殤》，後期作品，隱居三年後復出嘅顛峰之作，亦係好啱評審口味，但我個人鍾意呢套《慾海慈航》多好多。

6. 兩套嘅共通點，都算係雅俗共賞，唔會好難明好古怪要好多演繹．兩套都畫到出晒腸，好適合文青用嚟示範咩叫「好電影」，有啲內容嘅電影（come on，唔係荷里活商業片嗰啲”message”．

簡介劇情

7. 順手一提，我覺得劇透係冇乜問題的，即使扭橋戲或推理劇都係。「好」嘅電影唔應該只係靠一條好橋，橋段人人有，但execution先難。好多戲知咗結局我都可以睇多次，即使係扭橋戲或推理劇，你都可以睇多次導演點佈局點誤導你點畀提示你。若果只係靠最尾一下扭橋，只係低手。

8. 講返，劇情不複雜，重要人物三個講晒。女一，女二，女一老豆。亦都係一個好典型嘅三幕劇（間場出埋title添，慌死你唔明，所以套戲唔難明）。

9. 第一幕：女一女二高中生，好友（兼戀人？），想儲錢去歐洲（我懷疑《過春天》就係抄佢，但當然爭好遠），於是女二下海，女一做中介人，女二全不覺得係苦差，但留意開場冇耐女二已經意外（？）跳樓死埋。

10. 第二幕：開始「金基德毀三觀」，女一明白女二苦心，繼承佢遺志，約返啲恩客出嚟，唔收錢仲畀返錢佢地！但然後畀老豆發現咗，老豆去搵返啲嫖客出嚟，打，鬧，殺。

第三幕：當年第一次睇覺得呢部份戲味爭啲，而家睇返發現呢部份先最重要！兩父女返鄉下，拜死鬼老母，最後都係冇開口講。老豆自首，完。

簡評

11. 之前睇過金基德早期啲嘅《收件人不明/打回頭的情書》，我有講話睇到仲係幾幼嫰，太多狗血（甚至有真狗血！），枝節多。去到呢套《慾海慈航》，就真係斬走晒啲無謂嘢，冇乜邊部份係多餘嘅。正如米開蘭基羅話頭，只係將唔屬於大衞像嘅嘢拎走，呢套《慾海慈航》真係做到去蕪存菁

12. 援交電影，我睇咗嘅都幾十套，拍埋你就睇到分野。金基德做到「不落俗套」。何謂俗套？正如啲人講，十分「TVB」嘅對白同情節，唔好笑，好多荷里活片港產片都係咁。金基德唔係獵奇，唔係賣弄色情（至少呢套唔係），甚至唔係探討社會問題（至少呢套冇乜），講嘅始終係佢最擅長嘅：人性，慾望，救贖，宗教，倫理，道德。

詳細分析劇情—第一幕

13. 角色同情節設定，都係相當精彩。固然你諗真啲，有啲劇情犯駁，唔合理，只係為咗推進故事，但瑕不掩瑜。

14. 先講女二，背景資料極少，屋企人或其他嘢完全冇提。套戲講到好白，一開頭女二已經講印度傳說有個妓女叫Vasumitra（亦係第一幕嘅名），男人同佢搞完就變虔誠佛教徒。女一話，咁都得？女二話，係呀，男人搞嘢時就好似嬰兒咁，渴望母親關愛，佢話由今日開始自己就係Vasumitra。講到明晒。

15. 留意兩個女仔都係新人（低成本嘛，況且演高中生），選角做得非常好，或者話導演指引得好。你見女二，就真係一個菩薩樣，慈祥咁笑住下海，普渡眾生，十分開心。雖然之前冇性經験，但對啲嫖客十分感恩，大家一齊分享人生，佢覺得自己做緊好嘅事，又有錢收可以實現去歐遊嘅夢想，做自己鍾意做嘅嘢，不知幾開心。

16. 呢度嘅對比，就係女一。女一家庭背景我地知道，喪母，老豆做警察，點睇都係慈父唔係獸父，日日車佢返學，冇虐待冇性侵，亦唔算過度管束，屋企環境亦唔差。對女一嚟講，性係污糟嘅（佢每次都要幫女二沖涼），啲男人係仆街嘅，只係佢實現去歐洲嘅手段，佢完全唔明女二做乜可以樂在其中，同啲嫖客分享人生，甚至叫埋一齊食飯，甚至鍾意埋個嫖客。但同時間，佢又只係坐享其成做中介人，從來唔會自己落場，只係自己好友女二去畀人搞，呢度你見到女一嘅虛偽。留意下女一嘅高傲，同女二一臉慈祥嘅對比。

17. 然後劇情發展落去，雖然劇情唔多合理，但你都知女二一定要死的，否則冇戲做。女二臨死前都想見返恩客，呀女一去搵恩客，恩客仲要叫女一畀佢上埋先制（初夜添喎）！真係十分之咁仆街抵死嘅橋段。呢套戲入面啲男人真係全部都面目可憎的。

18. 但當然，女二見唔到恩客就斷咗氣，去到呢度可以十分TVB。但呢套戲就安排女二絶對係含笑而終，菩薩聖母呀喂！女一完全唔明白。

詳細分析劇情—第二幕

19. 去到第二幕，更加離奇，但金基德並冇拍到獵奇（留意啲性交易嘅場面極少）。女一原本諗住燒咗本數薄，同埋啲錢，忘記過去。但佢諗返女二慈祥嘅遺容，忽然明白咗啲乜。呢度真係絶，但又唔令你覺得突兀。

20. 於是乎，女一就由一個原本覺得性交易好低賤嘅中產女仔，變成「菩薩二號」，約返晒啲舊客出嚟，同佢地做，甚至還返錢畀佢地！嫖客就固然係「仍難盡信我是這樣地無窮好運」，但亦都有拍到啲嫖客話終生都會幫佢地祈禱。於是乎女一就慢慢體會到女二嘅「使命」，繼承女二嘅遺志，嘩，生命影響生命呀，堅！不過我個人理解，與其話女一真係變成「菩薩二號」，我覺得佢係只係為咗故友/戀人。證據？佢原本應該係諗住約返晒數薄上面嘅人，就唔再做落去。

詳細分析劇情—第三幕

21. 你以為套戲拍性交易？唔係，去到呢度已經再冇性交易場面乜滯。然後就去到第三幕，冇錯係十分TVB的，差佬老豆嘢，在對面時鐘酒店望到自己個女（唔止，後來仲要 女一掉低數薄在草地畀佢執到，但成套戲拍得好你可以原諒呢啲嘢）。

22. 當然就係又迷惘又憤怒，「天呀我做錯乜點解你要咁對我由細到大我有乜冇比你？」（幸好都未咁TVB，冇呢啲對白，都話戲劇小說第一法則：show, don’t tell）．但佢始終十分愛個女，甚至冇當面踢爆（呢啲先符合東亞家庭倫理嘛），結果佢就將啲憤怒發泄在啲嫖客身上

23. 打後，就係見到佢變身正義使者，自己去執法，羞辱甚至打啲嫖客，甚至殺埋人。但你以為變成復仇電影？又唔係喎。 （呢類「你以為乜乜乜，又唔係」係金基德電影嘅特色之一，你可以話佢善於玩弄啲觀眾，其實係嘲笑啲俗套橋段）

24. 睇到呢度其實係乜？就係孤星淚（都係差佬添）。一路落去，老豆越嚟越迷失，到底自己係in what position，去判斷個女做嘅嘢啱定錯？去判斷啲嫖客啱定錯？呢個社會嘅道德係乜？自己細由到大學嘅嘢係咪錯　—呢個先係套戲嘅主題！

25. 所以，就有咗最後返鄉下嘅一幕，先係全套戲同其他俗套戲唔同嘅地方。留意並唔係返到去大家BBQ（有蕃薯！）四四六六講晒，最後大家都冇講出口。但，十分巧妙地，老豆知道個女其實已經長大，自己唔應該再指指點點，錯嘅可能係自己嘅價值觀。最後自首，獲得心靈嘅救贖。嘩。咪就係孤星淚！

套戲攞獎好合理

26. 頭先提過，套戲計算相當準確。留意返套戲2004年，互聯網大盛（但未有Facebook），「韓流」亦都成型，明顯地外國人好有興趣知韓國社會嘅嘢，何況學生妹援交係全球現象。金基德聰明在加入埋啲宗教隱喻，最後孤星淚式嘅劇情，仲有「石頭」嘅比喻（下一段講），呢啲都係歐洲評審會睇得明嘅嘢。加上套戲拍韓國女仔，但又好聰明咁冇賣弄色情或胴體，啱晒啲歐洲假道學鹹濕阿叔（我話嘅）。

石頭 as a metaphor

27. 扮文青嘅話，就必要要講「石頭」。呢個「你地邊個冇罪嘅，就搵石頭掟佢吧！」嘅比喻太明顯。另外留意，真正嘅石頭，在套戲入面至少仲出現咗三次。

28. 首先，女一老豆去阻止啲嫖客車震，就真係在遠處掟石（都話慌死你唔明！）。另外，亦有一幕見到佢原本想用石頭打死個嫖客，最後亦有一個真係咁做。

29. 但更重重要係去到尾段，神來之筆。兩父女回鄉祭亡母，中途老豆架車畀石頭頂住，開唔到車，搞唔掂，索性瞓著（冇錯，唔多合理嘅情節）。點知個女自己落車去搞，移開咗啲石頭。老豆醒返，發現，得喎，開到車了。正係呢幕，就係交代「個女已經畀你想像中懂事，你唔好再阻住地球轉」

30. 然後去到最後，以車為喻，老豆教個女開車，亦都係用畫好嘅石頭（！）舖條路畀佢開。亦都慌死你唔明，一語雙關講到白：「之後嘅路就你自己走落去啦」，然後去咗自首。遠處嘅女一想開車過嚟，但又畀泥阻住，但大家知道，個喻意就係以後嘅落佢自己走落去。

最後講講金基德

31. 最後講一講金基德，因為我都唔打算再寫多篇《聖殤》。點講呢？正如我舊文寫，金基德亦係屬於好「型」嘅嗰種創作者，係一個「作者風格」好強嘅導演，或者話，有嗰種「以文章做為戰鬥武器」嘅精神。即係你可以好討厭佢，但你好難忽視佢在。

32. 金基德此人，就已經係一個傳奇。相信都唔少人知，首先佢冇乜點讀過書，甚至係初中都未讀完，亦係真正嘅窮人家庭出身。所以你見其實佢拍好多低下階層嘅嘢（但呢套冇），亦都拍工業，拍宗教，全部係佢成長嘅寫照（所以《聖殤》係佢代表作，三樣有齊）。我亦都肯定，佢影響咗無數後來嘅導演。

33. 金基德嘅電影，真係「作者風」，就係賣佢一個，探討人性。後期啲戲有啲有明星，但反而有明星嘅戲唔得。佢都係要玩育成，演員任佢舞先得。

34. 除咗主題，佢嘅戲仲有一個好大嘅特色：平，同埋快。度劇本可能耐，但拍係極快，早年試過一日（！）拍完。即使係拎獎無數嘅《聖殤》，都係十日搞掂，聽聞用咗七十萬港紙咋。留意拍《聖殤》時佢已經係國際名導，大把資源，但都係咁搞掂，你嗰啲日夜話冇資源冇時間冇錢嘅，真係應該慚愧。拍戲係可以好平嘅。

35. 最後，少不免講佢嘅私德。咁其實都死撚埋，你鍾意咪去拉脫維亞或者韓國堀佢出嚟鞭屍。不過在我嚟講呢個不值得討論，我認為作品成就同個人，係完全分開嘅。頂多你可以話佢完全侮辱咗「大師」呢兩個字，但不能影響你對佢作品嘅評價。照計好簡單嘅邏輯啫，你未知佢啲衰嘢時，明明就話啲戲好好睇。咁點可能到你知咗佢啲嘢，就變得唔好睇？

36. 有朋友仲講笑，話會唔會會場有一大班女權L示威。事實？我見到好多青春少艾睇，幾靚的說。

＝＝＝＝＝＝＝＝＝＝＝＝＝＝
一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1900人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

5年前的此時大衛艾耶版《自殺突襲隊》橫空出世，至於評價也就不再多贅述，華納致力於向漫威靠攏的風格，與DC的暗黑風相違背，最終也成了製片廠過度干涉下的不倫不類作品。5年後，華納請來了漫威的王牌之一詹姆斯岡恩跨界執導，成為首位跨界執導DC作品的漫威導演（溫登不算）。

詹姆斯岡恩執導後，從腳本到風格奠定，再到拍攝規格，全都一手掌握。在拍攝規格上，岡恩延續了《星際異攻隊2》使用Redcode RAW機種的嘗試，《星際異攻隊2》能有如此色彩斑斕的視覺效果，便是多虧了使用Red機種的拍攝，該規格拍攝最高可達8K的影像畫質，而岡恩也把這套拍攝模式帶到了他的《自殺突襲隊》，並且更加精進的與IMAX做結合，整部片無論是普通版或是IMAX版皆用1.9：1的銀幕畫幅呈現，岡恩對於色彩繽紛的影像要求，從哈莉奎茵的逃獄戲，所投射出的花朵般繽紛背景，便可看出一二。

在風格上，滿滿的惡搞、滿滿的血漿、滿滿的反套路，定位為R級的關係，岡恩更能將血腥揮發到極致，斷手斷頭堪比《死侍》，甚至比死侍更加血腥。雜牌軍如何集結，如何營造出團隊般的精神，在詹姆斯岡恩的巧手刻畫下，即便是秒死的雜牌配角，也都有一點點背景介紹。渣導一出走，岡恩一進來，便成了DC宇宙新上帝，嚴格來講這也不算像是在看DC電影，反而像是在看獨立出來的組隊電影，詹姆斯岡恩的個人印記，已經深植整部片本身。

開場便死一票人，結尾之前也是繼續死人，連我最鍾愛的元老成員瑞克上校也被岡恩賜死😭（最近在看《紙牌屋》特別有感），岡恩對角色命運的掌控，可說是毫無常規超級英雄電影可言的肆意妄為，完全是反套路的極致展現，華納給予岡恩的角色生殺大權，完全已超越迪士尼本身。死亡率算了算高達70%，復仇者死亡率最高的一次也就5成上下而已。

伊卓瑞斯艾芭飾演的血腥運動，與新人丹妮拉麥西沃飾演的捕鼠者，意外地成為了彼此父女情的救贖；瑪格羅比飾演的小丑女，依舊保有其獨特的嗆辣與俏皮感，哈莉與年輕總統的羅曼蒂克情節，我還真的相信了XDD，瑪格戲份不算太重，但作為小丑女依舊是整部片的靈魂角色；趙喜娜飾演的和平使者，無疑是全片最諷刺的角色，出道名號與美帝價值觀相同，行為本身與名號卻完全相反，簡單來講便是虛有其名，行如野獸，岡恩對美帝的諷刺，這部完全毫不掩飾。

完整影評：https://puff0819.pixnet.net/blog/post/333550770

★★★★☆ By puff小編

#自殺突襲隊集結 #thesuicidesquard #詹姆斯岡恩 #瑪格羅比 #伊卓瑞斯艾巴 #喬爾金納曼 #趙喜娜 #大衛達斯馬齊連 #丹妮拉麥西沃 #薇拉戴維斯 #麥可盧克 #傑寇特尼 #西恩岡恩 #龐克萊門夫 #塔伊加維迪提 #席維斯史特龍 #珍妮佛霍蘭德

#2021新機#香港5G

OPPO 即將會喺香港推出 OPPO Reno5 Pro 5G，令人相當期待。呢部機依家就嚟到我手，等我哋一齊做過開箱睇睇！

呢部 Reno5 Pro 5G 機身採用咗 Reno Glow2.0 星鑽工藝技術，機背喺有光折射情況之下，會顯得更靚，配合埋佢嘅 7.6mm 薄機身同 173g 嘅超輕重量，拎上手美觀之餘又輕巧。佢嘅機身上側寫住「DESIGNED FOR RENO」，為手機增加獨特性，而左側就有音量鍵，右側有電源制，下側就有喇叭、Type C 充電口、同一個雙 Sim 卡槽，可以支援 5G + 4G 嘅 Nano Sim。

Reno5 Pro 5G 採用 6.55 吋嘅 FHD+ 曲面開孔螢幕，支援屏下指紋解鎖同臉部辨識，最高可以有 90Hz 嘅更新率，同 180Hz 嘅觸控採樣，佢仲拎埋 Netflix 同 Amazon 嘅高清播放認證，無論睇片、煲劇定打機都可以有順暢同高清嘅體驗。配備方面，佢搭載 MediaTek 天璣 1000+ 處理器，內置 12GB RAM 加 256GB 儲存空間，預載基於 Android11 嘅 ColorOS 11.1。

等我睇下片試下先！畫面喺 90Hz 之下望落十分順暢，色彩都貼近自然。等我哋開埋隻遊戲試下！冇 lag 嘅情況喎。再開多個有多行走馬燈嘅新聞資訊節目先！都無問題！呢部 Reno5 Pro 5G 即使喺三個 app 之間不停切換，都依然十分順暢，認真抵讚！

Reno5 Pro 5G 嘅其中一個賣點就喺佢嘅鏡頭，佢嘅前置鏡頭有 3200 萬像素，而後置四鏡頭就由 6400 萬像素嘅主鏡頭、800 萬像素超廣角鏡頭、200 萬像素微距同黑白鏡頭組成。支援嘅功能效果十分多，例如 AI 錄影增強技術嘅超級動態夜景、Live HDR 錄影、同前後鏡頭雙重錄影等等。

等我哋試下正常影相先！出到嚟相片色彩都自然，無話有太多「味精」，亦都保留到細節位。再試下影夜景！喺開啟夜景模式之下，即使光源比較少，出到嚟嘅效果都唔錯。

睇埋個 RGB 留色錄影！真係玩味十足，啱晒鍾意特別效果嘅人！最後等我哋試埋個防手震拍片功能先！我哋分別睇下有開同冇開嘅分別！好明顯，開咗防手震功能個面影出嚟嘅嘢都比較穩定，方便晒鍾意一邊做運動，一邊拍片，或玩樂期間拍片嘅人。

5G方面，我哋用 speedtest 喺室內嘅情況下，下載速度平均都有超過2百幾Mbps，相當唔錯。

電量方面，Reno5 Pro 5G 有 4350mAh，支援 65W SuperVOOC 2.0 快速充電，只要 30 分鐘左右就已經可以由零差滿電，等用家全日都唔洗煩電量嘅問題。

呢部電話喺香港已經正式上市，12GB Ram + 256GB內置儲存空間，官方建議零售價 HKD$4,799，有 幻彩銀 及 月夜黑 兩款顏色選擇。對於想試下 5G，又對打機睇片甚至影相都有要求嘅人，都係一個唔錯嘅選擇。

#香港5G #2021手機開箱 #2021新機

早前 Nokia 就推出咗 Nokia 8.3 5G 作為佢哋品牌嘅首部 5G 手機，呢部機喺配置上絕對係中高階級別，今日就同大家拎上手試下啦！

Nokia 8.3 5G 採用雙面玻璃機身設計，雖然重大約 227g，但佢有四邊弧形邊緣設計，令佢單手操作起上嚟都算舒服。機身上，佢右側有附設指紋識別器嘅電源制，音量鍵，同一個 5G + 4G 或 MicroSD 卡嘅三選二卡槽，最高支援 512GB MicroSD 卡擴展。而機身下方有充電位，收音mic，同埋久違咗嘅 3.5mm 耳機插槽，左側就有 Google Assistant 專用制。


Nokia 8.3 5G 採用 6.81 吋嘅 PureDisplay FHD+ 開孔螢幕，最高支援120Hz嘅更新率，配備高通嘅 Snapdragon 765G 處理器，內置 8GB RAM 加 128GB 儲存空間。等我哋開條片嚟睇下先！喺 PureDisplay 之下，畫面色彩豐富，亦都有層次感。開埋個新聞資訊節目睇下！喺多行走馬燈嘅情況下，仍然保持無 lag 機，絕對收貨！

呢部機嘅其中一個主打賣點，就係佢嘅蔡司四鏡頭相機，分別由 6,400 萬像素主攝鏡頭、1,200 萬像素超廣角鏡頭、200 萬像素景深及微距鏡頭組成，更加入多種蔡司鏡頭嘅效果，例如各款景深、濾鏡等等。等我哋正常影下相試下先！影嘅相出到嚟，色彩還原度都算高，細節位放大睇亦都唔算太濛，效果唔錯！另外，佢嘅拍片功能除咗可以拍攝 4K 嘅 60fps H-Log 格式影片外，仲會有 10 款由蔡司開發嘅濾鏡，方便用家拍出唔同嘅風格。

再試下個 5G 先，佢支援嘅 5G 頻段有 13 條，比其他同級手機多。喺室內嘅情況下，下載速度都有成 300Mbps，應付日常生活，甚至孚打機睇片都綽綽有餘。

值得一提嘅係，呢部機採用原生 Android 設計，更新後已經可以使用Android 11。而且又承諾支援最少兩年嘅系統更新，同三年嘅系統安全更新。加上 Nokia 喺外國研究機構 Counterpoint Research 嘅手機安全報告入面，連續兩年得到「最獲信任 Android 手機」嘅第一名，值得加分。

電量方面，佢有 4,500 mAh，支援 18w 有線快速充電，就算全日開 5G 都無咩大問題。

呢部 Nokia 8.3 5G 香港已經有售，顏色方面暫時只係推出咗 極夜藍，官方建議零售價係 HKD$4,398，對於注重安全性，又鍾意影相拍片嘅人嚟講，絕對係唔錯嘅選擇。

【全城慶祝】黃絲政棍錯信大狀偉論和戴妖搞初選被一網打盡?國安處仲漏咗邊個?|高Sir正能量06012021


請大家幫幫手填寫:

*青年人眼中的區議會*
*問卷調查*

https://survey.oh-web.com/survey.php?sv08PTI=Zm9ybWlk

「青年人眼中的區議會」問卷調查希望邀請香港市民參與是次活動。旨在了解在青年人心目中，對第六屆區議會表現的評價及期望，特別在香港經歷了社會運動和疫情的重創後。


YT技術限流和自動退粉，離封台不遠，請幫忙高Sir正能量?訂閱?分享影片救亡:https://www.youtube.com/jackyko1109kosir?sub_confirmation=1

————————————————————


#現代版雷鋒
#小市民憑良心
#做實事講真相
#支持國安法
#男人幫大聯盟  
#KOL100
#青年快閃社區清潔大行動
#人間記者會
#青年護旗手

——————————————————
五星正能量?  真係爆哂燈?

高Sir疑遭技術限流，請大家幫幫手：

1. 訂閱「高松傑 - 高Sir正能量」youtube 頻道 (訂閱係免費架)  https://www.youtube.com/jackyko1109kosir?sub_confirmation=1 ；
2. 撳?搶先睇；
3. 贊好並留言支持；
4. 將影片分享開去；
5. 關注好高Sir微博/抖音: https://weibo.com/jackyko1109
https://v.douyin.com/Jgbqjor/