Snappy不藏私㊙️急凍鰻魚咁整可以有返炭燒味😱成本平勁多屋企整都可以好好食😋快啲save低/tag人整俾你食唔使出街俾咁多錢呀🤣
-
唔知大家有冇試過買急凍鰻魚返屋企整，好容易會有種腥/泥味咁😖之前喺日本節目度見過佢哋教咁整可以有返炭燒味🤪幾十蚊都已經可以整到出街食成百幾蚊效果😋try try 佢😗成功左tag我啊😆
-
材料：
急凍鰻魚1條
醬油2湯匙
味醂2湯匙
糖2湯匙
料理酒 1湯匙
焙茶包1個
冷飯 1碗
蛋 1隻
洋蔥 半個
-
步驟
1️⃣醬油，味醂，糖同埋料理酒細火煮滾攤凍😝可以唔加料理酒都得嘅🤣又或者懶啲想直接買鰻魚汁嘅話就呢個step可以skip咗佢
2️⃣鰻魚解凍，之後清水洗走上面嗰啲汁，如果太長嘅話可以切走頭尾切粒炒飯
3️⃣鰻魚洗完印乾，放喺錫紙兜度(魚皮面向上)加返步驟一嘅醬汁或者直接鰻魚汁，旁邊兩個細錫紙兜放焙茶茶葉,焗爐200度5-6分鐘左右
4️⃣落鑊炒洋蔥至半透明，之後加蛋炒散同撈埋啲飯，再加入鰻魚碎同step1汁/鰻魚汁，同埋少少豉油，鹽，糖調味
5️⃣上碟再舖番條鰻魚就靚靚囝囝啦🤣鍾意嘅上面可以再加啲紫菜絲
-
Snappy小貼士
💜洗走急凍啲醬汁好重要，令到鰻魚冇咗腥臭味，同埋佢可以同時吸番啲水，肉質會柔軟同埋飽滿啲
💜咁樣焗完打開個爐嘅時候會聞到啲炭燒味好香，就返自己焗爐火力加大或者加長時間
💜step1啲汁如果鍾意杰啲嘅話可以加生粉水
-
成本$6x已經夠2個人食❤️‍🔥
=========================
蒲燒鰻魚炒飯
=========================
想睇翻同類型🍴👇🏼
#Snappy日式
#Snappy廚房
.
.
.
.
.
#美食 #香港美食 #吃貨 #甜品 #相機食先 #hkfoodie #hkfood #hkfoodlover #tagforfood #foodie #foodlover #hkrestaurant #gastronomy

做了兒子愛吃這梅菜扣肉，雖然是簡易版，但絕對靠得住，我見這腩肉肥瘦均稱，第一個念頭就想起扣肉，兩爺孫讚肉霖膏香又不肥膩，梅菜更成搶手菜，夠入味。😋😋

[ 客 家 梅 菜 扣 肉 ]....簡 易 版 😊

https://www.facebook.com/profile.php?id=100044163952882 Maggie's kitchen瑪姬煮場

材料.....

1.......急凍厚五花腩肉一包有五條
2.......甜梅菜十二兩至左右
3.......蒜子三粒，磨/剁成蒜泥
4.......大南乳半磚，去外衣
5.......沙糖兩湯匙 (分段用)
6.......绍酒四湯匙
7.......老抽一茶匙
8.......生抽一茶匙
9.......雞粉適量
10.....五香粉少許
11.....生粉半茶匙
12.....油適量
13.....芫荽少許
14.....溫水50毫千
15.....一個深碟/兜/砵
16... 錫紙適量

🍒步驟一...... 豬腩肉處理

五花腩洗乾淨瀝水再抹乾之後，切分為二(如圖)

🍒步驟二......醃肉

將三至十一項拌匀成漿，再加入腩肉全部拌匀上色上味，並稍醃至一小時，

🍒步驟三...... 梅菜處理法

梅菜用水沖洗浸淨，去沙塵泥，小心撕去菜頭靭塊，再用刀切成粗/粒段後，先用白镬略炒至乾身備用。

🍒步驟四......

適量油放鑊燒熱，然後將腩片逐片放入排放好，先煎好一面略焦， 再以同樣手法煎妥第二面。
再將剩餘醃汁放入，熄火後兜匀再先行盛起。

🍒步驟五......

隨即將梅菜放入鑊中，再開爐火，利用鑊剩餘汁液一同兜炒，快手再加入一湯匙油，50毫升水一湯匙糖快手炒匀。 備用

🍒步驟六......準備將肉上蒸碟

先將己煎過五花腩肉逐塊順序排放入碟中，(見圖)，然後將己炒過有味梅菜舖入，將全部梅菜鋪滿在五花腩肉上撥平稍壓。(如圖)再用錫纸將碟封好備蒸。

🍒步驟七......蒸扣肉

鑊/煲內 放入蒸架 加入適量水燒沸，然後將整碟梅菜扣肉放入蒸架上，先以大火蒸二十分鐘，再以中小火蒸一小時左右， 中段若水份不足，必需加入沸水，全程需蒸煮约一小時半後， 熄火稍焗十分鐘。取出

🍒步驟八......出菜

揭去小半錫紙，將砵入汁水先行全部倒出，然後用一稍大碟盍封蒸砵，再將全兜倒反入菜碟中，便見排列完好扣肉露面，再將剩餘汁液加入小量生粉略煮至見汁略稠，再淋上扣肉面上以增色彩，放上芫荽装飾就完成了。

備註......

大家可以選取新鮮五花腩肉， 一般大型超市多見有急凍五花腩， 醃味後將腩肉煎過，味道肉色也佳。

這簡易版梅菜扣肉，材料簡單，步驟也不算繁，算是心機菜。。 多謝大家喜歡。😘😘😘

🦆
#片皮鴨 #瘋狂煮婦
你哋信我啦！真係好易整🤪！
只係要花時間準備🤓
最初我都唔信好易整🤪事實確實係咁🤩
#抗疫生活 #玩轉廚房
呢個餸可以係屋企食到實在太瘋狂
好想快啲分享比大家🥳
可惜我唔係影咗好多相😩只能夠寫個食譜出黎，有唔明大家直接喺呢度再問啦！唔好inbox 我問啦！🙇🏼‍♀️

🔆《自家製片皮鴨+包皮食譜》🔆

製作🦆過程👇🏻
圖片1-3
📍講你都唔信原來隻鴨係🔊唔洗醃嫁，只需要用五湯匙白醋+三湯匙蜜糖混合搽晒隻鴨皮，放喺個兜度兩邊浸佢15分鐘，之後就可以拎去風乾7小時以上，記得用牙籤如圖中撐開鴨翼及脾位置，方便均勻風乾所有皮😉，頭一小時每次15分鐘塗上一層蜜糖醋，塗得越多層塊面就越嚟越好食，佛系煮食法嘅話塗一層都得㗎🤗

圖片4
📍如果你嘅氣炸鍋放得落全隻鴨就非常之👍🏻，如用焗爐嘅話就要不停睇👀住，好似我咁個焗爐已經開始壞壞哋，溫度唔均勻就會攪到某部份皮會濃啲🙈，只怪我貪心買隻鴨🦆太大，連4.5L嘅氣炸鍋都擺唔落😅，$40/@🦆任揀梗係揀隻大隻啲啦🤣

用焗爐：160-170度25分鐘，之後就👀邊啲位置嘅皮未脆卜卜就反去面焗，如果某一部份已經完成就用錫紙遮住佢以防過濃，焗直至你喜歡的脆度🤤

氣炸鍋：180-200度25分鐘，之後反佢200度10分鐘，方便快捷，仲要焗得靚過用焗爐，當然啲貴嘅焗爐例外啦😅

《自家製片皮鴨皮》

圖片5📍材料超級簡單👇🏻
～2份高筋粉：3份開水（大約可整25塊）
～橄欖油三茶匙
～鹽大約½-1茶匙（可因個人口味）
「做法」
～把以上材料攪勻過篩即可
～用中火落少少油落pan用廚房紙索乾
（💡之後就唔須要再落油）
～用掃快手掃上直至見唔到黑色pan底
～煎至兩邊有微黃半透明狀態就完成

寫字作文好😵㗎！分享此post支持下我啦！

#呢樣餸我及🐒🐒🐒🐒超級仲意食
#出街食太貴又少 #每個人都要配給
#今次爽到爆 #包極都有🤤
#鴨醬只係用李錦記海鮮醬
#又多一樣節日菜式 #片皮鴨 #片皮鴨皮食譜
#靚太廚房 #🤪 #抗疫日常 #入廚樂 #三餸一湯 #住家飯 #hkig #cookingmama #foodinlove #bigfamily #mylife #fourkidsmammy #joanfamily