#出師婊

話說，人妻先生可能呢排少左上黎，又加上比較注意積陰德，所以少了很多辛辣，大家可能誤會了我是什麼好人。這裡，我得很認真地告訴你：我真的不是什麼好人，而且我還要是一個變態的神經病，專搞神經病的那種神經病。

好，既然有客到，咁就請留步。

首先，呢位過客好有趣，一時又話我走左去、一時又話香港是我屋企，喂大佬呀，咁究竟我係走左去英國成家立室定係家在香港呀？然後無端端又話班後生同我打生打死，陰功，我雖然慣左一班男人為我打生打死，但係呢要講到全香港班後生都為我打生打死，就未免太過譽了，而我也不知道原來「爭奪人妻」係五大訴求之一，我呢個moment可唔可以好似啲少女漫畫女主角咁大聲講句：你地唔好再為左我打交啦！（嘻，我恨左講呢句好耐）

咳... 說認真的，我不太明白為什麼香港人是為了移民到外國的人去爭取民主、反惡法。我一直認為的是，我們在為未來香港的下一代去爭取，你係咪搞錯左啲咩？

另一方面，我覺得有點奇怪，大家對人血饅頭的定義是不是有點什麼問題？開街站點解係食人血饅頭？你無「收錢收利益」，何來有得你「食」？我比較好奇的是你到底「食」左啲咩？我相信絕大部份在英國的香港人都係出錢出力出時間，「嘔」饅頭出黎嘅機會遠遠大於「食」嘅機會，當然，有咩好路數，介紹一下小弟，我很窮很等錢駛的。

哦？所以你開頭在英國、後尾又返去香港共存亡，「唔似得你」。下？！鬥黃呀？黎我地頭鬥黃呀？你知唔知道人妻先生一向都出名「很黃很暴力」？我本身就唔鍾意自吹自擂，通常都係慣左俾人吹嘅，咁我都想講，上年夏天我都返左黎香港幾星期，都有同大家遊行，咁呢個俾你「垃圾前、唔識中文後」叫嘅專頁呢，都在反送中最具影響力媒體排行榜裡，都叫做排100位之內嘅，如果講到個人作家，前二十名也應該排得上號，你當然唔似得我。到後來我開patreon，講到明將所有收益捐返晒出黎支援反送中陣營，日日打字做手天使，應該全個facebook係得我咁真心膠，開個patreon係捐返晒出黎。錦鯉又做左啲咩？其實真係唔需要同你交代，因為你真的不配被我交代。不過咁，我好好人，我答你啦，錦鯉日日在英國產卵，關你卵事呀 🤡 我就唔鍾意問人做左啲咩嘅，畢竟鬥黃係好無聊，同埋我份人係好著重結果嘅，我只係想問一句：泛民成日都話香港已死，你話同香港共存亡，你死左未？再得罪講句，個個話同香港同存亡的，總是能活得好好地在Facebook 裡跟人找架吵，但真正共存亡的，一早入左去坐。（當然，若果你坐緊都要「翻牆」來頂我，我認衰仔我收聲）

有時候其實我都分唔到佢係讚緊我定彈緊我，佢講到我在英國「咩都有得食」、「租平食野又平」，喂大佬呀，我除左男人之外真係無「咩都有得食」架！你知唔知幾難搵榴連、山竹同埋靚芒果？你有冇食過英國嘅神奇壽司？元氣嘅價錢谷氣嘅味道，呢度連鼎泰豐都冇亞洲的好食。至於租平食野平都算合理，好啦，你鬧得我好岩，謝謝你🥰 但一黎到下段，又黎發神經，講BNO平權咩叫做「藍絲都有」？！你反送中，藍絲都得益，咁你又反？！你抗共，藍絲都得益，咁你又反？！錦鯉反左肚未呀？

你完全將子華神的「魚蛋論」發揮到極致，我冇BNO，所以你都唔應該平權；下？！英國政府吹風俾300萬人走，我冇能力/走唔到，所以你都唔准走。或許在某個意義上，你才是最忠實的攬炒派信徒。我呢，有一個好美麗的誤會，我以為香港人大部份都係支持民主同抗共，咁如果我地連遊行都有200萬嘅先係「沉默的大多數」，300萬個名額點計都係同路人拎到較多，我方陣營獲利更多不好嗎？定係其實我地原來係少數？咁就算罷啦，小數服從多數，大家返屋企訓啦搞咁多為乜？

我只係引述英國政府考慮（吹風）俾300萬名額，就係離地。咁閣下在香港一個人對住熒光幕質疑英國人是否歡迎香港人，那就不離地了？你有「貼地」做了街訪嗎？好多野唔係我同你說了算，自己睇最後一張圖，同香港共存亡嘅朋友，民意呀，係咪你同我一樣在英國就唔識中文，連字都唔識睇呀？我離地也不要緊，畢竟我只是你口中的「垃圾」，但作為同香港共存亡的人，若果終日困在幻想的象牙塔世界，那問題就大了，世界正等著你拯救呢！

到最後，認真講句我除了在睡房以外，真係無試過在英國俾人X 「Chinese 乜乜XX」英國人對我真的很友善。我係上網先俾你呢啲「同香港共存亡」的香港人鬧垃圾咁囉 🤡 不過我相信你係咩人，就會遇到咩對手，例如你呢啲貨色，咪襯我呢啲唔識中文嘅垃圾囉。

最後，得罪講句，我同你萍水相逢，你都對我不依不饒句句侮辱，我其實有點理解點解你會在英國俾人指住鬧。入屋叫人入廟拜神，呢度我係主場你作客，一入屋就指著主人罵軟弱的，是很沒家教的行為，難為英國人要為你家教仔。這副德性，你還是留在香港吧，別來丟我們的臉了。

#利申
#香港大學中文教育系學士畢業
#所以真係唔識中文要你教
#小弟不才
#我講多一次唔好再鬥黃
#因為對方可能真係黃過你
#亦唔好隨便話人唔識中文
#呢度大把中文文學博士未出聲
#到時候你自己面黃ja
#無乜野今個星期唔更新架啦
#我入土為安
#一還陽就同人激情討論真係幾無謂
#下下星期再見

九龍城親子遊提案👪

上次遊完九龍寨城公園，說好了要再來拍一次。今次順便遊埋附近景點，大家可以考慮安排個半天遊。

🥪第一站：石屋家園
自從來過一次，就對這個地方很有好感，因為環境優雅，而且石屋冰室提供的食物，又好味價錢又實惠！有菇有芝士既奄列令人回味啊😋！令人放鬆的環境，歎杯☕️咖啡當然是指定動作。

食完野，記得參觀埋旁邊既文物探知中心，可了解昔日寨城歷史，上層仲有懷舊傢具，同我地既兒時玩意波子棋同圍棋呢。（太年輕的請略過童年回憶這句）

☘️第二站：九龍寨城公園
上星期來過，今次重遊，小火子仍十分興奮🤩。不斷要帶我參觀不同地方。公園面積很大很舒服，古色古香的亭台樓閣也非常好拍📸。小朋友可以看炮台，看十二生肖的石像，在湖邊有有機會看到🐢龜和錦鯉，不過上次龜和魚的數量有點少啊。

公園其中必去的打卡位當然是巨型的屏風，原來屏風背後的石屋內有互動展覽，透過聲音與畫面，呈現昔日寨城的面貌，其中一個展覽更可以與畫面互動，十分有趣。公園環境咁靚，當然要努力舉起相機周圍拍啦！

🎈第三站：賈炳達道公園遊樂場
遊完寨城公園，小朋友可以繼續去旁邊既兒童遊樂場放電，設施唔算新穎，但小朋友玩得開心就OK啦！

😎繼續玩：
賈炳達道公園入面其實仲有🚲單車公園，公園可以租單車，有比小朋友練車既位置，而單車場本身亦有可以急轉彎嘅單車徑，都幾刺激㗎！

想補給一下或者行吓街，又可以去九龍城廣場，當然九龍城本身已經係一個美食天堂，喜歡吃甜的，不要錯過老字號合成糖水啊！

香港其實也有很多好地方，我們一起慢慢發掘吧！

#九龍城 #親子遊 #寨城公園 #賈炳達道公園 #石屋家園 #文化遊 #文青 #貓町媽媽親子玩樂扮靚日誌

【Sharpe Law香港旅遊】

之前幾篇說到在港島區旅遊,
但不要忘記, 其實香港的魅力並不只在「鬧市」,
我們還可以在中環碼頭, 搭船去好幾個外島,
今次還是要介紹「長洲」, 不過集中在「食」。

歷史上的長洲曾是香港一個重要墟市,
不過今時今日社會發達,
墟市的作用旱已被網上購物及超市取代,
一些古老墟市亦早已轉型, 變成一般街市,
又或是把古老的建築改為商店食店, 吸引著遊人。

長洲碼頭對著的廣場有家「甘永泰魚蛋」頗為出名,
許多雜誌報章都有介紹,
這店有很多不同材料製成的「蛋」給大家選擇,
比如墨魚丸, 三文魚芝士丸(鮭魚起司丸),
蝦丸, 鯪魚球, 魚片及魚片頭等,
可以一串串賣即場食 (HKD 10-15/串),
也可以按斤計買回家自己烹調,
味道是不錯的, 不過店舖大姐態度甚差
(很典型的香港服務業姿態),
而且原本應該加熱多一點,
從而令到魚彈串更熱辣辣的卻沒有做到,
失敗中之失敗。

這個小廣場內還有好多不同的街頭小食可以找到,
不過都是典型港式的,
比如牛什(牛內臟雜錦), 串燒, 炸羊架等,
也有港式甜品店, 販賣不同口味的大菜糕,
又有「炸雪糕」(把極度冷藏的硬冰淇淋放到油中炸成),
而廣場的小公園內有些椅子, 很方便遊客坐下來食用。

說到甜品, 長洲有個「從來不明白為何會出名的」甜品:
就是「長洲芒果糯米糍」是也,
最出名的店有在海鮮街附近的「長洲平記糯米糍」,
而上面提及的小廣場也有幾家。

而作為昔日香港知名的漁村,
在北社海傍路也就是長洲海鮮街所在,
街道兩旁都排滿了餐桌, 特別是向海的一邊,
可看著停泊著的漁船甚至是日落景色(向西方), 頗有風味,

這裡的海鮮街跟三聖, 流浮山, 鯉魚門等不同,
沒有太多的海鮮檔提供給顧客自行買海鮮食材,
再自行拿去餐廳加工烹調,
這邊的海鮮餐廳大多數都已經定好一些套餐,
或是在菜單上隨意點, 而按碟數來算價錢,
價錢尚叫公道, 雖然不知道海鮮是否最新鮮的了,
但也一吃無妨的。

http://www.sharpelawtravel.com/?p=24366

#sharpelaw #travel #travelblogger #italy #意大利 #義大利 #旅遊 #香港

---------------------------------------------------
我的博客網誌: http://www.sharpelawtravel.com
我的臉書專頁: https://www.facebook.com/adessoefuturo/

如果喜歡我的文章, 喜歡意大利, 喜歡旅遊,
歡迎大家Like & Share給更多的朋友認識。

提起重慶麻辣火鍋，這間人氣店你試過未？分店遍佈美國、澳洲、日本、韓國、杜拜、法國等，來香港銅鑼灣開首間分店時，更找來蔡瀾先生拍攝短片介紹，人氣超強。最近她們終於到旺角開設旗艦店，為全球第1,088間分店，三層佔地12,000呎，起碼60張枱，裝修與銅鑼灣店一樣走古色古香風格。

除了地方大一倍，亦加了很多食物款式，先有兩款新湯底：港式特濃沙嗲鍋和花膠響螺雞湯。沙嗲鍋用上大量花生和麻醬製成，味道特別濃郁稠身。另新設刺身吧，刺身即叫即切，新鮮，有赤貝、龍蝦刺身和北韓海膽等等；串燒也是新推出，川味霜降牛肉、川辣牛舌串味道不錯。

全新的火鍋配料有澳洲和牛，要是不喜歡日本和牛太多油脂的感覺，這款肉味較濃郁，M4/5 和牛牛小排夠嫩滑；M9和牛牛丸肉汁很多，必試。惟價錢較貴，要是四個人分享$1,188拼盤或許不夠喉呢。海鮮也是必點，火鍋海鮮盛D性價比最高，$568有齊鮑魚、貴妃蚌、龍躉片和蝦，鮑魚上菜時還在動。


特別的新款式則有新豬肉孖寶，素食，優點是無膽固醇、無抗生素和無激素，主要用豌豆、大豆、冬菇和米做成，口感與免治豬肉好相似，即使不是素食者都值得一試。另外一款「老闆天梯」有很多丸類選擇，名字有趣的吉祥錦鯉，其實是雞蛋白加雞蛋黃混合而成，嗜辣人士必試，因為非常索湯，食盡麻辣精華。

採訪：廖希玥
攝影：王瑋彤

重慶劉一手火鍋
地址︰旺角亞皆老街16號旺角商業大廈2-4樓
電話︰2111 1333/ 2802 9688
營業時間︰星期一至日 11am-2am
詳情： http://bit.ly/2EfHIbs

===================================
立即Subscribe我哋YouTube頻道：http://bit.ly/2Mc1aZA (飲食男女)

新店食評，名家食譜，一App睇晒！
立即免費下載飲食男女App： http://onelink.to/etwapp

《飲食男女》Facebook：http://www.facebook.com/eatandtravel

飲食男女網站：http://etw.hk

Follow我哋Instagram，睇更多靚片靚相：http://bit.ly/2J4wWlC (@eat_travel_weekly)