- 此時此刻，深水埗又再發生警民衝突，明天警察和一眾黨媒又可以大造文章。 今日記者會，警察不斷喺度講如何如何控制暴力，有個用英語發言嘅記者問咗條好精警嘅問題：你哋咁強調社會秩序，係唔係認為單憑警察，就可以回復社會穩定？ 讀過下書嘅警犬都呆一呆，然後又講啲官話。 其實全香港人都知道，林鄭已經完全放棄用政治方式解決政治問題，反而是不斷利用武力鎮壓，企圖滅聲，亦當然不斷激起民憤。政治問題得不到解決，警隊變咗軍政府咁，橫行無忌，見後生就打，總之就係要打到你怕，射到你驚，不斷挑釁，唯恐天下不亂。而且，牠們完全遊走法律之上，headshot、亂放催淚、圍毆落單市民...一切知法犯法的暴行，也毫無後果。這叫尊重法治嗎？ 大學生買雷射筆，癡L線，講成雷射槍，用五個反黑組，當場叉頸拘捕，罪名係「藏有攻擊性武器」，好似好威威咁，成功撲滅罪案。喂你班反黑組，當日元朗黑社會攞住大大支鐵通打人，仲同你地有傾有講，你地唔係話「見唔到任何攻擊性武器」咩？尋日荃灣北角黑社會走晒出嚟斬人，攞刀攞棍，唔見你哋咁威嘅？無曬影嘅？ 警察的解釋，更是完全不合法。根據案例，即使一件物品具攻擊性（案中物件是小刀），控方也要證明被告有意圖使用此物品作攻擊用途，唔能夠話物件具攻擊性就拉人。雷射筆明明不是攻擊性武器，亦無任何證據證明學生買來作攻擊用途，叉頸拘捕做乜春？仲言語恐嚇他，叫佢唔好搞大件事？白色恐佈？遲下買鉛筆都可以拘捕了？ 出糧俾你地服務市民，需要你地嘅時候就刻意消失，需要寧靜嘅時候就射射射，喺度攻擊市民。香港警察，蓄意謀殺。 施政失敗，就用武力鎮壓，然後就警黑合作、濫權濫暴。 呢個係乜嘢社會？？？今晚又不知到要放幾多催淚彈，街上嘅流浪動物又隻隻淚痕滿面。 沒有施政錯誤，就沒有和平示威。沒有濫暴濫權、裝聾作啞，和平示威就唔需要升級成暴力衝突。在此刻還在怪罪示威者的香港人，我相信你地眼睛是雪亮的，你地還有良知的，睇下呢個社會嘅不公義吧。