🐟漁舍 🔍北角渣華道123號北角匯2期1樓112號舖 ----- 平日約朋友食飯，總係喜歡揀近地鐵🚇嘅餐廳，呢間餐廳位於喺北角地鐵站對面嘅北角匯，地理位置perfect池。 餐廳裝潢以木色為主打，光亮而不刺眼嘅微黃柔和燈光，感覺幾舒服，見到唔少街坊踢拖過黎用餐。 🥢晚市定食套餐（$108） 呢個套餐可以自選材料、湯底同主食。B仔同友人就揀選左丹麥豚肉蕃茄淮山麵，再另外追加東北餃子、菜肉雲吞、麻辣豬紅、萵筍同枝竹等等。整體基本上就係一個行Fancy高級版路線嘅車仔麵，下面仲會有蠟燭一路不斷加熱。淮山麵細膩柔嫩，不過質地比較軟諗，中唔中意就見人見智。丹麥豚肉豬肉味濃，麻辣豬紅香麻帶辣香，菜肉雲吞相對皮厚，東北餃子就較為皮薄，個人最中意係頭兩款配料（豬肉、豬紅）。 🐟鮮魚片（$248 - 900克） 魚片滑溜但有一夾即散嘅狀況，湯底可以揀酸菜湯、水煮魚、蕃茄湯，相對黎講個人更加鍾意佢哋嘅香甜🍅番茄湯，而酸菜湯底胡椒味就會較重，B仔唔係胡椒Fans，不過朋友就幾鍾意。魚片份量唔算多唔算少，不過配料如寬薯粉、蓮藕、萵筍片同豆芽等等，就俾得幾重手，當中非常煙韌彈牙嘅寬薯粉就係我嘅飛佛。 ----- 👶🏻B仔整體評價：6.7/10個👍🏻 👶🏻B仔抵食程度：6.5/10個👍🏻 👶🏻B仔環境評分：7.5/10個👍🏻 👶🏻B仔味道評分：7/10個👍🏻 👶🏻B仔回頭機會：6/10個👍🏻 ----- #swallowhongkong 跟住我一齊吞食香港啦！🤤 #swallownorthpoint

🐟抵食酸菜魚套餐Giveaway🌶 - 同大家講返聲，終於30k喇，多謝大家嘅支持同欣賞，之後還請多多指教♥️ 作為30k頭炮giveaway ，今次好開心同到主打酸菜魚嘅餐廳 @thefishhouse.hk 合作，送出價值約$400嘅晚市套餐，一次過試匀佢哋嘅招牌菜式，仲可以帶埋朋友一齊去食返餐，快啲叫埋佢哋一齊參加啦！ - 主菜可以選擇 酸菜/水煮/番茄湯 配 石斑魚/鮮魚片/毛血旺/美國牛肉。另外仲包括一款自選涼菜+小菜，椰香BB鴿一隻 以及 白灼時蔬，一共五道菜🤩 - •酸菜鮮魚片 ($388/半份) 金湯酸菜魚嘅魚片夠哂嫩滑夠鮮味，可惜帶少量魚骨，食嘅時候要小心啲~ 配料方面有水晶粉，窩荀，蓮藕，豆皮 同酸菜。湯底叫左中辣都過到下癮，酸味可以再出啲🥢 酸菜魚用上火爐盛載，可以保持溫度 * 泡椒鴨舌 超重泡椒香，鴨舌爽彈入味，係偏鹹左啲 * 蒜蓉烤鮮鮑魚仔 一碟6隻，單點都要$118! 鮑魚夠新鮮，火喉啱啱好夠彈牙。上面放上蒜蓉再烤過，表面焦脆，夠惹味😋 * 椰香BB鴿 用上椰子油燒，所以有明顯嘅椰香🥥 乳鴿皮脆肉嫩，唔錯 * 白灼時蔬 * 扙絲香醋豬肉柳 ($98) 酸酸甜甜嘅下飯開胃小菜✨ - 📅抽獎日期: 28/8/2021- 1/9/2021 (23:59) 🥇 頭獎x3：晚市2-3人套餐 x1 - 📍換領地點 漁舍 (北角) 北角渣華道123號北角匯2期1樓112號舖 - 參加方法: 1.Follow @thefishhouse.hk @foodcafealcoholic 2.Like依張相❤️ 3.留言tag一位朋友仔👫 - ‼️依家cap埋個post上自己story並tag埋我哋2個嘅IG page 即增加10次中獎機率！🍔會mark低你哋個名再入機抽‼️ - 留言次數不限，越留得多中獎機會就越大😍 截止後一個禮拜後會係IG story公佈結果！若中獎者必需顯示已follow 以上IG, 係通知後一日內未有回覆，將會重新抽過🙇🏽‍♂️ *中獎者需要係個人ig 上傳一個限時動態並tag返以上兩個page以表示已獲取禮物 - Foodcafealcoholic & @thefishhouse.hk保留最終決定權

【元朗特色小鍋米線🍜】 #阿祖食盡元朗 前排睇 #香港米線關注組 ，見唔少人介紹呢間位於元朗朗屏嘅米線小店，特登去試吓！環境就普通格局都幾迫，幸好店員算有禮。除咗招牌小鍋米線、呢度仲有好多特色嘅米線湯底，坊間比較少見😻例如昆明米線、九鄉米線、玉龍米線、成都酸辣米線等11款 。 🤍 沒有立場資訊 💁🏻‍♀️ #阿祖_米線 。 💕招牌小鍋米線 $47 就算唔點餸湯底都好多配料，餐牌寫到有雞肉、炸醬、酸辣肉碎、鮮菌、腐皮、芽菜、秘製甜酸菜，湯底係麻酸辣湯🌶湯底質感比較清，唔似其他地方咁成層油，就算就咁飲都唔覺滯。味道酸得來帶點麻香、後勁有啲孜然味，飲落似酸菜魚湯底，濃烈得來不油膩👍🏻加埋咁多配料口感好豐富，份量亦好大碗，唯一就係酸菜太甜。米線係幼身嗰種，質地普通咗啲，但湯底係正嘅 。 💕過橋米線 $46 呢款湯裏面就有金華火腿、雞肉豬肉，菇菌、腐皮芽菜、秘製甜酸菜。同上面招牌米線分別在於、佢唔係辣嘅，金華火腿同菇味比較重，有啲似上湯湯底🍲味道相對更加清，重口味人士就上面嗰款好啲 。 💕米線配料 配料選擇都幾多，特別啲嘅有煙燻鴨胸、豬頭肉、雞翼尖等，網上唔少人推薦南乳雞件+$8，蒜香雞扒+$8及粟米雲吞+$5，點咗嚟試吓😄南乳雞件同雞扒比期望中失色，質素一般、唔難食但亦唔突出😅粟米雲吞就得兩粒，裏面粟米份量幾多唔錯嘅 。 💕涼拌蓮藕 $28 呢度仲有好多款小食，連滷水三寶、五香牛展、醉香雞翼都有！蓮藕夠晒凍同爽口，辣汁亦夠多但就唔係好香，較為油膩🤣幸好分量還好 。 整體而言，雖然佢唔係最好食嘅米線、但一定係最有特色嘅米線之一，其他地方難啲食到！食完之後都覺得會回頭☺️招牌米線真心不錯，啱晒唔鍾意湯底油膩、想食清啲嘅人士👍🏻配料就麻麻。另外留意元朗有兩間小鍋米線，記住元朗西裕街先係正版！ 。 📍 小鍋米線 (元朗) 元朗西裕街金福閣 7 號及 10 號 ⭐️ 人均消費：$50 。 #joeiefoodie #hkfoodie #麻甩祖吃貨日常 #麻甩女子祖 #hkfoodie #hkeat #hkig #hkfood #hkgirl #香港美食 #元朗美食 #朗屏美食 #小鍋米線 #麻辣米線 #酸辣米線 #米線關注組