Day 4 - 終於有job搵我喇 . hi，我係失業之子東東 @tungwood @onionghosthk . 今次分享啲同東東無關嘅部分作品。畫完《山海歷險》之後都冇咩嘢做，全靠舊老闆舊同事朋友們關照彈啲job畀我，開始接到啲動畫工作。 . 自己做freelance接job後，再冇同事carry住我，一個人要做晒storyboard/ 動畫/ comp片 etc（嗰陣我連After Effect都唔太識用🤡），真係驚到瀨屎。邊做邊學，有困難時又向其他人求救下。 . 對客又係一大難題，每次報價都係一場心理戰，未做之前又唔太知阿客要求有幾高。有時一條友去人地公司開會傾真係驚到瀨多幾十次屎，而家我仲學習緊點同其他人溝通。 . 好多時啲job都好趕（btw @onionghosthk 其他人都有提過製作時間經常都好短，但佢地又可以做到啲超高質動畫出嚟，完全感受到自己同大師們嘅距離有幾咁遙遠🥲），要迫自己短時間內學識AE🤡（雖然都係基本嘢） 又要訓練下自己諗野全面啲，畫storyboard時就要諗定之後動畫要點實行（又要諗下自己做唔做到，能力有限🤡），再唔似之前返工咁淨係focus一個shot。 . 雖然出過幾本書又呃到少少like，但其實之前我係冇乜job的🤡 反而開始畫動畫之後就慢慢有，有job有收入係幾開心，但呢啲job都係畫其他公仔，比較少以東東作為主角，又好似覺得自己嘅發展有啲停滯不前🥲 . 圖1-2：康文署有個《一個人一首歌》嘅project，搵咗啲音樂人作咗十首歌去講十個手工藝人嘅故事，再搵唔同創作人去畫動畫mv（我係其中一個） . 圖3：恆生銀行嘅小故事（有花師奶配音😂） . 圖4-5：幫食物安全中心畫動畫，模仿電影講啲食物安全知識（呢個係學九品芝麻官😂）故事劇本對白由另一間廣告公司諗，我淨係負責動畫部分 #呢個job係朋友介紹 #原因係話我夠鳩🤡 . #香港動畫 #hkanimation #onionghosthk #木田東 #tungwood #東東小動畫