琴晚為姨丈送上遲咗一日嘅生日驚喜。 話說姨丈係呢個世界上，其中一個我覺得最温柔最温暖嘅人。我成日都同我啲朋友講：「我姨丈好似李東海！」我啲朋友睇完相會話「邊度似」，睇多幾眼會話「對眼有啲似嘅」，但對我來講，佢對眼似李東海，個笑容似李東海 ，內心更加似李東海！ 喺我兩三歲嗰陣，姨丈仲未係我姨丈，但佢已經參與喺我嘅人生。嗰時佢同緊我姨姨拍拖，拍咗七年結婚，2010年再生咗我表弟。細細個我已經好鍾意姨丈，到宜家都仲記得讀幼稚園嗰陣佢來接我放學嘅情景。由細到大我成日都嗌佢「XXX哥哥」，所以佢同我姨姨結婚之後嗰一年，我成日都唔記得要改口稱呼佢做我姨丈～ 姨丈嘅温柔真係好勁，喺我人生有意識嘅二十多年裡面，我真係好似冇見過佢發脾氣，甚至連惡少少咁講野都冇見過。明明我阿姨成日都好惡，就好似姨丈食飯可能只係細細聲講咗句「啲肉餅好似鹹咗少少」，我阿姨就會連珠炮發地講：「煮俾你食仲咁多野講，唔好味就唔好食，成日都嫌呢樣嫌嗰樣！」又或者有時阿姨叫姨丈估下某樣野幾錢，姨丈因為唔係師奶，冇咩對日用品價錢嘅觸覺，就成日都估得好平，阿姨又會窒佢：「你真係天真，以為啲野咁平，食嘅用嘅着嘅全部都係錢來架，blahblahblah（無限伸延⋯）」總之，姨丈成日無啦啦就會俾我阿姨狙擊，但佢從來都唔會反駁，只會笑笑下地繼續默默食飯。當面對我表弟嘅頑皮性格，我姨丈都好有耐性，就好似琴晚我地四個一齊玩overcooked，表弟成日都玩野推人落街，或者特登㩒掣夾死人，搞到我真心躁底；但我姨丈對住玩野玩得好開心搞到贏唔到嘅表弟，竟然係笑住咁話「咁都好玩嘅，傻豬」。 雖然我唔係成日見到我姨丈，但每次我去到佢地屋企食飯或者過埋夜，姨丈都會問候我嘅近況。佢會好認真關心你，聽你講野，會將你講野擺喺心。就好似好耐之前我去杜以辰fans meet，我輕輕問咗句「呢度去上環係咪地鐵最方便」，姨丈答完「應該係」，就問我去嗰度做咩，我答完佢佢仲好有興趣聽我講點解我會鍾意杜以辰🤣但我最impressed嘅位係到咗第二日（出發去fans meet之前），我同姨丈兩個人落街食lunch，佢一坐低就㩒手機。我嗰陣仲覺得佢掛住用電話唔同我傾計，點知佢下一秒竟然係問我：「你一陣去嗰度地址係上環邊度？等我上網睇下有冇車去。」其實上網查我自己都識，但嗰下好滾動嘅位係姨丈竟然將我前一日問佢點搭車去呢個問題放喺心，過咗一日我明明冇特別提起，但佢自己都記得，仲好努力想解答我嘅煩惱。 啊！！！我姨丈真係好好，好到我成日都同阿姨講：「點解妳咁惡死，都有咁好嘅姨丈鍾意妳🤣🤣🤣」但阿姨就係曬命地表示：「我都唔知點解，但妳姨丈份人真係算係好好，一齊咁耐都冇發過我脾氣，都係對我好好。」就好似今日姨姨收到乳健中心嘅電話，話佢上次去做乳房造影出來嘅結果照到有粒野，想約佢再上去中心做多啲檢查睇清楚。姨姨打俾姨丈講佢好擔心，聽日要再去做檢查，姨丈第一句係話：「聽日駛唔駛我陪你去？」嗰下我聽到又即刻融咗。 其實我識咗姨丈起碼二十年，都冇幾何寫生日卡俾佢（好似寫過兩次咁大把），更加唔好講買蛋糕同佢慶祝生日。但今年我覺得我大個女要出來做野，姨丈錫咗我咁多年，睇住我成長，俾咗好多愛同鼓勵我，我今年一定要做返啲野！於是琴晚就殺咗上佢屋企，佢開門嗰陣，見到我攞住點着蠟燭嘅蛋糕同生日卡，佢個樣好驚喜。入到屋，姨丈仲好可愛咁話：「可唔可以等我影張相先🤣」 多謝理想型姨丈喺我人生裡面成為我嘅姨丈，但人無完人，理想型姨丈唯一令我冇咁鍾意嘅位就係佢食煙同成日飲酒/_\仲要佢前排做完身體檢查，結果話佢膽固醇偏高，所以我真係好想佢可以戒咗呢啲損害健康嘅習慣。今日臨走前畫咗本書仔，叫咗阿姨幫我逼佢今晚放工返來要睇咗佢，哼。書仔內容係參考衛生防護中心嘅小冊子同肝病防治學術基金會嘅資訊，因為空間有限所以盡咗力將啲資料簡化同濃縮/_\ 重點：大家都要注重健康呀！男同女都要注意飲食，最好唔好去到膽固醇高先來改善生活習慣啦🥺🥺如果係女性，三十五歲開始應該每一至兩年去做下乳房超聲波等嘅檢查，而因為四十歲以上嘅女性乳癌發病率係比年輕女性高，四十歲開始真係要定期（專家就話每兩年）接受乳房X光造影！有咩問題及早發現，就可以及早治療。當然，我希望阿姨聽日再做檢查會係冇事啦/_\

身邊有朋友總係成日笑笑口，報喜不報憂。 就好似呢集網劇【活著Liver．乜都關肝事】主角鄭子誠個朋友杜大偉咁，有乙肝都收收埋埋！潘冬平醫生都話香港肝癌個案近8成同乙肝有關㗎嘛！ 有事緊係要攤出嚟，盡早諗方法應對！ 尤其肝都一樣係個沉默嘅朋友，更加要花啲時間主動關心佢，定期驗血留意住甲胎蛋白水平同做超聲波檢查，特別係高危一族啊！ 點知自己係咪肝癌高危一族又點樣預防？🎬記得睇晒條片啦！ 仲有更多有關肝臟健康同癌症治療資訊，馬上了解 👉🏻 肝癌不可怕RELIVER: https://www.reliver.com.hk/ 👉🏻 香港肝癌及腸胃癌基金會: http://www.hklcf.org/ #活著Liver #鄭子誠 #杜大偉 #潘冬平醫生 #香港肝癌及腸胃癌基金會主席 #肝臟健康 #沉默器官 #肝癌不可怕 #乙肝 #高危 #定期檢查 #RELIVER 以上健康教育資訊由羅氏大藥廠全力支持 M-HK-00000429 Valid until 30/06/2023 or until change is required in accordance with the regulatory requirements, whichever comes first. 安全報告免責聲明: 此平台並不旨在用於記錄或報告藥物不良事件資訊，如您懷疑有任何副作用，請向您的醫生或藥劑師諮詢和報告。

【一站式身體檢查 + 美容療程】 年紀都唔細，有時都會擔心自己嘅身體狀況，因為好多疾病早期都沒有明顯的病徵，所以定期接受身體檢查就可以了解自己身體狀況，及早對症下藥。 做身體檢查都唔可以馬虎，早前我就喺Trinity 全仁醫務中心，join咗佢地嘅「體檢醫美Day Pass」，佢哋有專業嘅儀器同註冊醫生，令我更加安心。Package包左1次詳細嘅身體檢查，以及任選兩項醫學美容療程，等我可以了解自己身體狀況之餘，keep住皮膚靚靚。 Trinity位於尖沙咀，交通方便，而且地方寬躺舒適，坐位旁邊提供了飲品及餅乾，非常貼心。而職員亦為我作出詳盡講解，非常專業。 #醫學美容 職員首先帶我進入獨立房間，房間十分整潔，有獨立的梳妝台。療程為八選二，我選擇了 香薰舒緩保濕面部按摩 及 Accent Prime 眼部緊緻去皺療程。洗臉後，美容師利用精油以人手為我臉部作按摩，手勢好好，整個過程都非常享受，舒服到仲差啲瞓着咗，做完已經即時見到皮膚比之前變得更有光澤同白淨。之後便進行眼部緊緻去皺療程，做完對眼望落firm左亦更有神。 #標準健康檢查 完成美容療程後，體檢人員便為我進行身體檢查，內容包括： 健康生活評估Life Style Evaluation 血液分析 Blood Analysis 糖尿篩查 Diabetes Screening 心臟病風險篩查 Cardiovascular Risk Screening 腎功能篩查 Renal Function Screening 肝功能篩查 Liver Function Screening 痛風篩查 Gout Screening 腸道評估 Gastrointestinal Screening 超聲波掃描 Ultrasound 佢為我量度血壓丶抽血丶量度體脂及心電圖，過程快又順暢，大約一星期左右就有報告，而且會有醫生作詳盡解釋。 提提大家，抽血前記得8小時要空腹，因為怕會影響血糖濃度，影響檢測結果。 #營養補充品 Tinity自己仲有出Supplement，近排成日訓得唔好，所以就試吓佢哋呢隻HealthGanics™️安睡適 - Natural Relax & Sleep。 產品選用多種專為紓緩壓力情緒而設的天然草本🌿精華，當中的天然香蜂草精華可有效減少壓力相關症狀及入睡困難情況。而且佢無麩質，無添加人造色素、香料及防腐劑，經美國FDA和cGMP認可，食用安全唔會造成依賴。 🔴現推出 Trinity 體檢醫美組合套餐 - 優惠價HKD2640，輸入我既專屬Promote Code 「TRINAPRIL」只需$1988🤗 優惠期由 3月1日至3月31日 @trinitymedicalhongkong @de_novo_group #全仁醫務中心 #TrinityMedicalCentre #全仁網 上商店平台 #全仁健康產品 #HealthGanics #安睡適 #身體檢 查 #醫學美容 #Beautydaypass #醫美全日通行證 #專業體檢 #denovopr #sohappy💛💟