📍2DP (尖沙咀) 🔍尖沙咀厚福街12至12號A藍馬商業大廈地下 ----- 素食比人嘅感覺，一直係乏悶嘅。但最近就比我遇到一間令我對素食完全改觀嘅餐廳，原來食素都可以食得令人咁滿足。呢間位於尖沙咀厚福街嘅素食店，簡約時尚嘅舒適裝修，加上有主食又有甜品，令人輕易就可以喺度與三五知己坐上一晚。 ✨牛油果扁意粉配烤羅馬蕃茄（$ 110） 佢哋嘅素食種類分得非常仔細，餐牌上會列明係咪五辛素、蛋素或奶素，令唔同嘅素食者都可以有選擇。例如如果你係唔食奶嘅素食者，就可以將呢款意粉轉為純素豆乳，非常貼心。味道方面，意粉入口啖啖香濃牛油果香氣，加上有羅馬串串蕃茄、秋葵、珍珠筍、合桃及杏仁片等作為配料，整體感覺非常豐富，豪不單調。 ✨經典impossible漢堡（$128 +$12 轉純素芝士） 香軟綿密嘅漢堡包🍔，配搭新鮮大番茄、嫩口嘅impossible meat及味道幾可亂真嘅純素芝士🧀，整體無可挑剔，係暫時食過最高質嘅素漢堡。 ✨普羅旺斯燉菜薄餅（$128） 材料有羊奶芝士、薯仔、意大利青瓜🥒、蕃茄🍅、迷日香、芝士🧀及蕃茄醬等。薄脆批底咬落去脆到有種食薯片嘅感覺，啖啖都有大量芝士，非常真材實料，邪惡得黎，由於係素嘅關係，又唔會令人好guilty。 ✨蜜瓜豆乳刨冰（$108） 本身係牛乳🥛底，但由於同行朋友對奶製品敏感，所以我地就轉咗豆乳。濃濃豆香加上蜜瓜波波山🍈，無論顏值定味道都令人非常滿意。 👶🏻B仔整體評價：8/10個👍🏻 👶🏻B仔抵食程度：7.5/10個👍🏻 👶🏻B仔環境評分：7.5/10個👍🏻 👶🏻B仔味道評分：8.5/10個👍🏻 👶🏻B仔回頭機會：8.5/10個👍🏻 ----- #swallowhongkong ☺️快D跟住B仔一齊吞食香港啦！🤤 #swallowtst