［今日只睇一單新聞］創辦人譚氏家族近年在賣盤之後，就如不少香港家族，成賺得第一桶金之後，就紛紛將資金「買磚頭」，轉為購買九龍塘洋房、市區豪宅。

同場加映：點解當年LTCM爆煲搞到聯儲局都要開會書都寫幾本，而家韓仔爆煲明明史上最大損失勁過LTCM，大家一個星期已經唔記得？

經濟原文：【譚仔上市】創辦人譚氏家族賣盤後 套現「買磚頭」掃九龍塘洋房、億元豪宅 （https://bityl.co/6XZ1）

TLDR：香港精神，唱歌好搞Startup好賣點心好賣米線好做雞都好，搵到錢，梗係買樓買樓再買樓啦。姜B都睇樓啦喂，話夢想買樓收租呀，新一代唔重視物質呀可？

＝＝＝＝＝＝＝＝＝＝＝＝＝＝
2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝
1. 正如我舊文講過，香港人十分擅長聽一半唔聽一半，甚至聽一成唔聽九成，只揀啱嗰一成出嚟無限放大。記唔記得曹仁超作古，好多人回帶講嗰句「唔好畀500呎綁住青春」，被人理解為勉勵年青人追夢，唔好只係追求財富，唔好做樓奴云云

2. 有片有真相，自己睇當時曹仁超講乜（https://youtu.be/e5oiaB4TuqI）。3:20秒，曹仁超冇錯係叫你唔好買500呎樓，不過佢係講「唔該你地志願大少少」「成條街掃晒佢」。See？都話你睇嘅，好多都係人云亦云嘅垃圾，基本FC下都唔會

3. 正如舊文講，香港地嘅嘢，行行出狀元，但殊途同歸，搵到錢後，全部係買樓買樓再買樓，Issey Miyake個朋友，一生三宅。搵到錢有乜留畀個仔？蘇依時，留返三個太古城單位畀佢，一個住一個炒一個收租。「咁佢就可以去追夢搞Start Up 做 YouTuber Pornhuber 電子雞啦」

4. 你見真係咁架喎，藝人固然係咁，光頭佬阿Bob 又話買十層樓，Beyond呀家強都係多得又寫字樓又幾個單位收租先可以日日「我是憤怒」。由Ben Sir到莊太量都係話你知，買樓買樓再買樓，有辣稅就用埋老婆老母人頭，用晒就買外國樓，英國日本緬甸柬埔寨。你老母我連保加利亞樓盤都見過！在坐邊位去過保加利亞？（我就去過啦！）。

5. 即係，馬榮成固然有才華，但，佢同黃玉郎最大分別係乜？就係馬榮成一早買山頂，而家咪上等人。黃玉郎就幾廿歲人仲要又加密幣又NFT 又天子傳奇

6. 咁你話，high tech 揩嘢 low tech 撈嘢。咖啡兄弟（部機搞成點？）固然拎咗你啲錢去買樓。正經生意人，一樣係咁。添好運點心師傅搵到錢一樣買樓，咁譚仔嘅譚生買樓，合理不過。

7. 呢，你睇，北角單雙屍案，大家最關心，真係人間悲劇—個單位變兇宅！仲要兩條命添，應該折讓再折讓（亦有研究做過！我舊文都寫過！）

8. 本人就冇投資物業，自住單位一個（＊），但，說好了的外資切尼人人沽貨呢？Where is the crash？唔好忘記而家仲要係限制晒外地人（essentially 大陸人）買樓，本地人嘅炒賣成本都已經加大咗好多。

9. 不過，有冇人話你知，聯儲局嘅資產負債表，就快突破8萬億美金？咩概念呀？2008年，所謂開水喉，「伯南克水淹七軍」，都只係放咗1萬億美金，資產負債美由9000億加大到2萬億。即使唔計後來嘅咩QE2 QE3，只係計疫情期間，都已經放咗4萬億美金—「仲未計之後全民派錢」

10. 亦都係咁，你見啲咩金融危機，咩瑞信野村韓仔基金Archegos爆煲史上最大Trading loss（是真的），係當年咩LTCM 爆煲嘅一個開。但當年搞到要緊急會議又乜，而家？一個星期已經冇人講。點解？因為個金融系統大咗好多，好多，好撚多。

11. 所以有問題嘛？印錢咪解決到。咁但凡事總有代價，咩人埋單？你話呢？

12. 呢啲，真係Patreon成日講咯。咁買樓你又話戇鳩，買港股又話唔升，買美股又話貴，咁想點？

（＊）當然唔可以話冇受惠，首先唔使交租，二來，賣咗佢你咪搬去馬達加斯加日日食云呢拿咯。所以唔好信咩「自住樓千萬富豪只係紙上富貴」，大佬呀，你可以賣咗層樓去台東，人地成世都搵唔到咁多錢。

＝＝＝＝＝＝＝＝＝＝＝＝＝＝
2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝

譚仔成功的背後

一般人講譚仔的成功，只會評論碗米線好唔好食。從生意角度，產品的成功只是「第一關」，而一門生意要成功，起碼要連過三關。我在一篇名為「做生意的Golden Rules」的文章分享過，做生意主要有三大法則。有興趣可到以下連結重溫。
http://starnman84.blogspot.com/2017/02/golden-rules.html?m=1

一門生意的成功，其最大的價值往往在於「商業營運模式能駕馭的規模」，上市只是將價值體現於資本市場，而上市時的PE就取決於其「再擴張能力」。

譚仔的毛利率73%，即食物成本27%，毛利水平在飲食行業不算高。人工佔營業額30%，租金佔21%，稅前淨賺19%左右，從財務角度僅處合理水平。

至於產品方面，論質素，譚仔米線在市場上並不算太標青，講好味的有香車街街市的老闆娘米線、荃灣四坡坊的唯一雲貴川，幾時輪到譚仔。食譚仔除了情義結，最主要就是因為就腳，好似老麥咁區區都有。一句講晒就是有「網點規模」。

然而，譚仔係叻既，因為由小店做到有如此規模的大型連鎖真是萬中無一。當中難度最高的是在擴張規模下，產品質素仍然能夠保持，至少能夠做到水準大至上保持，已經非常了不起。這講求食物供應鏈和生產流程的中央化管理，而這亦是譚仔最值錢的部份，也是為何丸龜母公司東利多願意以20億港元收購兩間譚仔集團。別忘記，邏輯是先有這種水平的中央化管理，才能支持過百間分店的日常運作，而產品質素能夠保持，說易實難。

然而，只要能夠做到有這種規模，採購、生產、系統、宣傳等的平均成本便能大幅降低，使產品在同一質素上更有競爭力。

做食店，絕對是規模為王。但如何能做到一年煮幾千萬碗米線而質素保持就是其商業價值所在。要成功做得到，中央工場和完善的中央作業流程管理是必須亦是關鍵。由工場負責前期生產，由於已經是半製成品，湯底亦煮好，去到舖頭就牽涉阿姐煮工，當然間間舖總會有落差，但尚能接受。這種中央化的統一生產工序的設立，必須由創辦人一手一腳建立，而大多數食店老闆煮野食叻，管理未必有這樣的能力，兩者都有就抵佢發達。

作為當年的收購方多利多就是看中了「三哥」和「譚仔」兩者本身有後勤整合的潛在空間，即將兩者的本已做得出色的後勤中央化流程更進一步整合，二合為一後將達到更有效率的經濟規模，然後才上市讓資本市場進一步體現其價值。

一個人、一門生意之所以能夠成功，必定有其原因。很多人一聽到譚仔上市，即時衝出來說譚仔難食，呢樣唔好果樣唔好，憑甚麼市值幾十億？要知道，每一個成功故事背後都有原因，都有其價值，「台上一分鐘，台下十年功」。在譚仔身上，你看到的只是一碗米線，還是背後的種種？前者靠的是味覺，後者靠的是腦袋。

Starman投資世界（Blog）
http://starnman84.blogspot.com/2021/04/blog-post_18.html?m=1

#上一篇講完情意結
#今次講番生意

是去是留，相信是近年香港人經常思考的問題...
#港區國安法 #移民 #譚仔三哥 #譚震邦 #台灣 #米線