【 伍家朗再獲品牌邀請推廣產品 】
_
還記得七月底東京奧運開幕後不久，我寫了一篇呼籲讀者要關注港隊運動員Instagram帳戶的文章嗎？那時因為爆出羽毛球手伍家朗無辜遇上「波衫事件」的新聞後，感到異常氣憤，覺得與其花時間去責罵、去攻擊那些故意製造事端的無聊人，倒不如集中火力支持本地運動員，以實際行動改變大數據演算，吸引品牌注意，從而帶來更多曝光，提升他們的商業價值，重新緊貼世界潮流 ── 知名運動員的身價和叫座力本應媲美當紅藝人，獲不同品牌青睞。
_
結果港隊不負眾望，奪得一金、兩銀、三銅，創出歷來最佳成績，令一班默默努力奮鬥堅持，卻寂寂無名的香港運動員，終於迎來港人空前關注，無論「有牌」抑或「冇牌」皆齊齊「彈起」，像羽毛球混雙「左手配」 #鄧俊文 與 #謝影雪 ，早前頻頻出席公開活動，包括為ViuTV擔任《力圖打排球》的嘉賓和現身商台節目《口水多過浪花》接受「Do姐」 #鄭裕玲 訪問。而即將在中國內地參加全運會的「花劍隊大師兄」 #張小倫 ，亦因為擁有「奇特體質」而獲TVB跟ViuTV邀請上節目講鬼故，其師弟 #吳諾弘 （Lawrence），則獲邀與「馬拉女神」 #林明禎 一同出席DESCENTE新店開張活動。
_
至於本屬「獎牌希望」的伍家朗，雖然於東京奧運羽毛球男子單打分組賽止步，但人氣有增無減，截至周二（14/9）下午一時，他的Instagram追蹤人數已多達26.5萬，絕不遜於「另一個家朗」（金牌得主張家朗追縱人數為41萬），是香港少數IG粉絲數目能夠突破20萬大關的例子（何詩蓓與江旻憓等亦在此列），故順理成章獲品牌邀論合作，除了跟體育有直接關係的品牌外（如健康食品、健身中心等），餐飲品牌亦對他感興趣。
_
繼早前與 #貴花田 及 #王耀祖 一同亮相「Holly Brown Channel」拍攝40分鐘訪問長片之後，伍家朗周二（14/9）與「ViuTV一哥」強尼和「滑冰女神」馬曉晴（Maisy Ma），一同出席「譚仔三哥米線」在旺角舉行的傳媒試食活動，擔任全新產品螺酸湯米線配海螺片及麻辣豬皮、椒麻涼拌魚爽肚和鳳梨藍碟花香梳打的推廣大使，事關家朗一向嗜辣，吃辣而爆汗帶來的感覺，跟自己在球場上盡力揮球爭取得分後一樣暢快。
_
對於首次獲邀擔任餐飲品牌的推廣大使，伍家朗受訪時承認，自己尚要一段時間調整心情。「都會有少少唔慣嘅，因為始終（一直）接觸嘅都係體育範疇，或者喺球場上面出現會多啲，少啲出現喺商業活動，所以剛才（活動）個流程自己都需要啲時間去適應，希望未來如果真係再有呢啲機會嘅話，都相信自己係會愈來愈表現得更加自如。」
_
伍家朗坦言，因為港隊在東京奧運獲得好成績，讓香港人認真關注本地體壇，令他與整個奧運代表隊都受惠，獲商業品牌洽談合作，這種情況是他成為全職運動以來首次出現，「我覺得係（有幫助）㗎，可能係張家朗喺東京奧運攞到獎牌，接連大家又有好多好成績，大家都愈來愈鍾意睇香港嘅運動員比賽，成個關注度大咗，自然會令到一啲商家，譬如今日譚仔三哥都會留意到呢樣嘢（邀請出席），之後就算有啲關於商業嘅嘢（品牌），可能唔會淨係請藝人，或者請明星，請KOL，都會考慮埋運動員呢一個範疇。」但他強調，只有在不影響訓練和比賽的情況下才會應邀出席活動。
_
強尼因擔任《全民造星》主持而入屋，年僅21歲的靚女Maisy於2016年在冰島的Reykjavik International Games中得到花樣滑冰女子單人滑銀牌後開始受注目，再加上在羽毛球場上為香港博到盡的伍家朗，這個「三人組合」看似隨意，其實反映活動策劃者的想法：今時今日除了「紅到癲」的MIRROR與ERROR十六子是產品推廣必然之選外，本地運動員亦已漸漸成為商業品牌眼中的「潛力股」，相信日後他們出席這類宣傳活動的情況只會有增無減。
_
【 延伸閱讀 】
許賢 ╳ 劉榮業 ╳ 梁能仁 ── 足球自救企劃：
https://bit.ly/2WBuFLe
「橫睇掂睇」 ── 開電視直播奧運食糊之後：
https://bit.ly/3gny07k
「橫睇掂睇」 ── 無綫直播奧運以綜藝凌駕專業：
https://bit.ly/3itG5sX
開電視直播女單羽毛球決賽創開台收視新高：
https://bit.ly/3iiGhuM
開電視最大弱點變成直播奧運最強賣點
https://bit.ly/3zRKvzy
香港運動員IG足本名單跟住Follow ：
https://bit.ly/3iLEs8F
_
緊貼「游大東影視筆記」最新資訊：
▇ facebook專頁： 游大東【鴻鵠志－影視筆記】
▇ instagram： instagram.com/yautaitung
▇ MeWe專頁： mewe.com/p/yautaitung
▇ Telegram：https://t.me/yautaitung
▇ Medium：https://yautaitung.medium.com
_
（15092021）
_
#游大東 #游大東影視筆記 #伍家朗 #強尼 #馬曉晴 #譚仔三哥 #東京奧運 #香港運動員 Ng Ka Long 伍家朗 強尼 Maisy Ma 馬曉晴 譚仔三哥米線 丹尼爾 vs 陳恩能 仙道彬手記 Guts 運 Fitz 做乜膠睇電視 浪遊旅人 Pazu 薯伯伯 William on the way

【 Secured！／Agent.L單飛拍廣告 】

香港真的變了。

以前邊會諗到，去中環老蘭夜蒲後，竟然係去食米線做宵夜？

以前邊會諗到，一個電視節目爆紅，竟然紅到連導演拍廣告？

這就是眼前的新香港了。

前身為翠華餐廳，位於中環威靈頓街15-19號香港工商大廈的舖位（即鏞記酒家對面），將於下周五（9/7）變身新為 譚仔三哥米線 （TJSG）的全新旗艦店，亦是同一品牌首次在中環「插旗」。據報道指，該舖位（地面和地庫）面積4,000呎，母公司「譚仔國際」以每月45萬港元租用上址。

雖然距離開店尚餘不足一星期，惟品牌早前已率先邀請因為ViuTV節目《ERROR自肥企画》而人氣急升 Agent.L 、亦即導演曹梓冲（Alfred）出動，來到仍然有裝修圍板遮檔的店門外拍攝硬照，扭轉以往拍廣告「乜都唔理就係要靚」的態度，這亦是Agent.L繼外賣品牌Deliveroo的《熱到除3》之後 （https://bit.ly/3qMPMVU） ，首次單飛拍廣告，聲勢上絕對拍得住「格仔導演」劉諾衡（Mike）。

一如既往，Agent.L來到店外，在攝影師的要求下，不斷Chok出「Secured！」的「有聲」甫士，完全做到荷李活電影或者美劇裏出現的夜店門外Bouncer那樣，超有型勁搞笑，是故硬照一出，一班「無制限」忠粉紛紛「硬撐」，在社交網絡瘋狂洗版，成功引起討論，假如開店後，店外擺放Agent.L的人型紙板，唔使問花姐都知，此處必成中環打卡新景點。

既然是旗艦店，又座落中環商業區核心，店面裝修當然不會跟公屋商場或普通街舖分店一樣。據品牌提供的資料指，中環新店是同集團首次採用國際版店舖設計，以「紅、黑」的品牌顏色作主調，再配以富有香港街頭氣息的的霓虹燈箱招牌，大大隻字顯示譚仔三哥和英文譯音「TJSG」八個字，黃底配黑字或紅字，十分顯眼。至於店外正門設有長方型玻璃窗，白天直接採光，夜晚則會亮起包圍窗邊的燈帶，凸顯立體感和空間感，更形成一個「Activity Showcase」，讓行人經過或者等候入座時，都會見到店內的情形。

【 ERROR ╳ 格仔導演系列報道 】
Rain P埃豬憑「自肥效應」破萬：
https://bit.ly/3gmQMeu
ERROR出道作《404》MV點擊破百萬大關：
https://bit.ly/3iALor1
「格仔導演」終於都開fb專頁！
https://bit.ly/2Squ6Sc
《ERROR自肥企画》最後一集最後一節想講甚麼？
https://bit.ly/3oXSTcv
《睡到三點》的創作理念：
https://bit.ly/3ynR2lw
《無制限OT編集団の行動綱領》MV點擊突破150萬：
https://bit.ly/3oDoNL3
「無限制OT編集団」的社會責任：
https://bit.ly/33XZ5Y9
「Mike導」承認兩年半前已構思「鳳凰不死鳥整蠱大計」：
https://bit.ly/3wixIo5
自肥可恥，但很感動：
https://bit.ly/2QiqUY4
「Mike導」IG暴升：
https://bit.ly/3eE91wd
「Mike導」親解《ERROR自肥企画》主題曲原因：
https://bit.ly/3xYwK22
《美女郊遊遊》第十集以山步行呼應亂世：
https://bit.ly/3wcjq8v
《花姐ERROR遊》的神奇魔法：
https://bit.ly/2QWOgTv
「格仔Mike」執導《我們很帥》MV兩萬蚊搞掂？
https://bit.ly/2QPvjCl
睇完開開心的《美女郊遊遊》：
https://bit.ly/2SNGb41
《美女郊遊遊》之陳欣妍係「保錡2.0」？
https://bit.ly/2RSrBb2

（03072021）

＃游大東 ＃游大東影視筆記 ＃ERROR自肥企画 ＃格仔導演 ＃劉諾衡 ＃格仔MIKE #AGENTL 劉諾衡 Mike Lau 格仔mike導絕對應該有應援會 做乜膠睇電視 港人講電視

【龔成問答信箱】（Q21401-Q21420）

Q21401：

龔SIR你好!首先要感謝老師教懂我如何選擇一隻好的企業。

自從成為你學生後，我的成績確實有增長，雖然仍未到目標，但確實前進中。多謝老師既教導。

但近期估值課題上有一個疑問，就是「預測市盈率與自行計算市盈率之間的決擇?」

以創科實業為例。根據過往十年數據，利用堂上所學。
合理市盈率應是21.88-23.12,
平均最新5年EPS是2.41。

因為我發現它每年EPS都有增長，自己計算大約是11.5%至29.8%不等(平均數是17.7%)

所以，我打算利用2.41X1.177= 2.84 作為有代表EPS
所以，合理估值應是2.84X21.88- 2.84X23.12再+/-10%，即是55.9-72。

根據自己計算範圍55.9-72 明顯與現時大市有一大距離。此時，再發現中銀既預測市盈率是36。如果用 預測市盈率計算2.84X36=102.24，那麼合理區 再+/-10%，即是92-112.46。則比較接近大市。

因此，我想請教老師2個問題
1.遇到這個情況，應該如何決擇?還是我的計算出左問題?
2.預測市盈率是市場給予的，是否較自己計算的市盈率更重要呢?

知道老師忙碌，問題唔急的，感謝老師的指導。

龔成老師：

你在計算估值時，不能公式化，要「意義化」，你先要了解創科（0669），佢過往的業務情況，品牌、發展，為甚麼過往的營業額有這樣的增長，點解盈利會這樣，是市場不斷擴展，產品的類別增加，定加價，還是其他原因。

你要睇翻5年年報，有具體了解後才有答案。

然後，你要分析這企業之後面對的經營環境，如果市場環境對佢有利，這樣增長就可持續，而你推算EPS時，不能只用平均數，這是一個入門的方法，你要更正確推算，之後的盈利怎樣。

如果你用我第五堂教你參考機構評級的方法，你會見到大行預期盈利接下來幾年平均為0.6美元，即是港幣$4、$5，你就要小心分析，你用2.84 作為有代表EPS，是否保守左，大行點解估到$4，背後咩原因。

你要了解企業之後的情況，從而找出答案。

另外，你在衡量佢市盈率時，如果企業無一些核心的改變，你照用過往的較好，然後再加少少自行的調整。

------------------------------------------------

Q21402：

阿Sir，我自己計咗幾隻股合理價，可唔可以麻煩你幫我睇吓我嘅計法啱唔啱：

新地（16）
行業市盈率 ：6.26-10.5
過往五年平均每股盈利 : 14.8
新地市盈率 : 7-11
合理價: 103.6-162.8 (好似個range 好闊🤔）

雅生活（3319)
行業市盈率 ：27.5-41
過往五年平均每股盈利 : 1.042

雅生活只搵到近三年市盈率，有一些股票如352，1895甚至找不到市盈率資

領展 （823)
行業市盈率 ：5.5-13.18

過往五年平均每股盈利 : 11.63
新地市盈率 : 6-10
合理價: 69.78-116.3 (好似個range 好闊🤔）

龔成老師：

新鴻基地產（0016），要留意，佢這類地產企業，每年的盈利都有物業重估，因此盈利及過往市盈率數據，都要調整翻，所以，計算過程有點複雜的。

你預新地現價合理區中間。

雅生活（3319），當你進行行業比較時，盡量找一些營運模式、規模等接近的，同時，會參考佢自己過往的市盈率。而這股不會比到太高市盈率的，去到30已是太高，20倍會較有代表性，再以這為基礎這行調整。

至於盈利方向，由於佢盈利增長中，因此盈利數字不應只用平均數，要調整。所以，你預現價為合理區中上部。

至於領展（0823），由於每年的盈利都有物業重估，以及先年的市盈率都會因為物業重估因素令盈利變左，所以市盈率的參考價值都減左，因此，你要調整翻先能夠分析得到。你預現價合理區中間至中上。

------------------------------------------------

Q21403：

龔老師 你好 最近見你也對樓市有研究 ，真心想請教 唔想再走冤枉路

現時有一層 216 呎 長沙灣樓
樓齡 1年 （但已過3年 樓花期買）
出租（死約） 10500
按揭連管理費 16000每月
買入時 499 萬 想放570 萬

想要連租約放售 如理想價 570 還完按揭 有170 萬左右

想跟你 學習 股價 覺得已前投資 cash flow 唔靚 供得好辛苦

有家庭 BB 出世 支出更大 同太太 （她都有follow 你Facebook)商量後 現時 層樓 每月都是支出多 不如賣左層樓 所得錢 跟你腳踏實地 投資股票 3-5 再買過一層

不知龔老師可否比意見 ？
謝謝你 祝生活愉快 身體健康

龔成老師：

從宏觀的財富角度分析，你這個動作，就是賣出現有的收租樓，將資金轉成股票，利用股票增值，再在3-5年買買入另一收租樓。

這個動作的考慮點，就是利用股票的增長，高過利用現有物業的增長。

在理論上，這類面積較細的樓，投資價值的確不算強，因為以一個基本家庭來說，去到250呎以上會較合理，因此，長遠增長力不及一般物業。

加上現時股市的平貴度較樓市平，所以在理論上，資金投入股市增長，會好過原有物業。

不過，所有事情都無絕對的，無人能準確預測到樓市，如果樓市在這幾年的升幅比股市多，你的計劃就會出問題，這是風險所在。

另外，香港買賣物業的成本貴，你一賣，日後再買，這是有成本，你都要考慮這因素。

因此，從方向上，這計劃是可以（因為投資不同資產的值博率與回報等概念），但實際上，你會面對上述所講的風險，你自己衡量是否承受。因為始終投資股票，都會有價格波動風險，穩健度比樓市差。

------------------------------------------------

Q21404：

老師想問下，我現在快20歲，有19000元現金，1000股煤氣，500股盈富、500股嘉里同400股小米。

煤氣 大概10元多買入，盈富大概25元入,小米22.8入，嘉里24.48入

龔成老師：

上述的股票，都有質素，無問題可以長線持有。

現金19000，由於不算多，所以持有就得。

小米（1810）我都有貨，雖然股價波動，但正面的，只要你不是持貨過量就得。

盈富（2800）可長線。

嘉里物流（0636）這股不差的，順豐入股後長遠發展更正面。

佢本身由嘉里建設（0683）分拆上市，係亞洲的物流服務供應商，主要從事綜合物流及國際貨運業務，亞洲、澳洲、歐洲及南北美洲的35個國家及地區設有逾400個業務點。

業務以第三方物流服務供應商身份為世界各地的製造商、零售商及其他客戶提供綜合物流服務，包括主要在亞洲提供廣泛的物流服務，如倉儲及增值服務、陸運及配送、退貨管理及各種配套服務。

另外，亦有從事國際貨運：提供的國際貨運服務絕大部份位於亞洲區內以及亞歐大陸之間，涉及空運、海運及跨境陸運服務。

現時的經濟及疫情，對佢都有一定的影響，而市場對佢的估值都會因而減少。

其實現價處合理區頂，以長線投資的角度，有值博率的，可分注。

至於0003，有質素，但你19歲，未必最適合你。

其實煤氣（0003）仍是有質素的股票，但增長力弱左，而佢改為20送1，反映增長力可能減少左，但不算差。

香港業務不強，但中國部分不差，中短期雖然較一般，但見佢的長遠發展力仍在，但就要耐心點。

由於佢一向都穩定派「相同股息」，在這情況下，反映派息的增長會少左。但整體來說，這企業仍是有質素的。

我睇翻佢近年在中國的投資，仍是保持進行的，每年都有幾十億，這些投資不會好快就見到收成，但這企業就仍是發展中的。我對佢長遠發展仍是正面，只是增長力的問題。

------------------------------------------------

Q21405：

老師想問下你 我睇你本股票勝經

用入面既方法計出3838 PEG 和3838的初步分析財務指標5年數據

得出的PEG 由2016-2020 五年間都是0.0x 低過合理價1很多

是因為每股益利增長很大的原因嗎？而這股每股益利增長咁大的原因是因爲澱粉價格而非純盈利嗎？這些指標對於此股有代表性嗎？還是我計錯數了？
請指教

龔成老師：

要留意，PEG只是一個輔助的估值工具，並不能成為企業估值的核心。同時，PEG只適用於高增長類企業，而這股增長力不強，生意增長不高，以及盈利未見有明顯增長，因此，並不適用。

中國澱粉（3838）主要從事製造及銷售玉米澱粉、賴氨酸、澱粉糖、變性澱粉、玉米製副產品及玉米深加工產品。

近年的生意都有增長，不過盈利就唔算強，同時有少少波動，反映佢都受成本等因素影響，產品價格自主力唔強。

整體企業質素，唔算高，但未算劣質。

現價雖然合理，但投資值博率唔高。

------------------------------------------------

Q21406：

你好 , 老師, 想請教你一些投資意見？

1. 如想用$10000投資月供股票計劃, 現階段應如何分配？ 當中想要有潛力股，但1211 已好高價位, 應買嗎？

還是有其他股比較適合？ 應該集中買兩三隻 ，還是分散買好？

2. 目標滾存100萬, 應以5年為期？ 如果想3年為期,每同投資幾多及如何分配比較適合？
thanks

龔成老師︰

1) 我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

因此，你在選擇應該投資那一類股票時，會係因應你人生階段、投資經驗和取態，去做決定。

假設你係年青至中年人士，你可以用「平穏增長股」 + 「潛力股」的組合。如果你係偏年青，比例大約可以去到各一半。

但由於「潛力股」有一定波動性，若你投資取態較保守、經驗較淺或者較接近中年，「潛力股」比重就要相對下調。

現在你每月先用5成儲蓄，即$5000做月供。其餘先儲起，用一邊月供一邊儲蓄的策略。

至於餘下的現金，就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。

至於你所講比亞迪(1211)都係有質素，勉強小小注月供好了。

而我地創建一個財富組合，除了要有質素股票外，平衡性都係好重要。

任何股票、任何行業，我們都不應太過集中，因為一個行業就算更有優勢，也有機會面對行業週期及突發風險，太集中會對你整個財富組合不利。

因此，你要建立一個平衡的投資組合，當中有不同的類別、不同的行業，這是最好的平衡風險方法。相同行業不可佔組合多於3成，而單一企業不要高過15%。

但盈富(2800)就不受此限，因為它是一個包含55間優質企業的基金，這些企業來自不同行業。因此，盈富(2800)就算在組合中佔較大比重，都唔會造成過度集中性風險。

所以，如果你組合有盈富(2800)，再只加1,2隻都無問題(只要這1,2隻，不超過以上比重限制)。但若無，你最好係加多幾隻，令組合更平衡。

2) 不同年期，組合都唔會有太大不同。但若年期較長，部份高風險的股票，可能你就要慢慢減個比重，換成較穏定的優質股。

我假設投資回報有10%（連股息再投資），你要每月投資$14000，5年後才會較大機會增值至100萬。

如果年期縮短為3年，就要最少每月$25000。但由於3年唔算長時間，會有機會出現波動，令你最終回報的不確定性增加，你要知這個風險。

------------------------------------------------

Q21407：

老師：您好！我想問6993前景如何？我16.92買，而家跌到落11蚊，應該看長線還是止蝕？

另2883同問，我10.7買。
謝謝

龔成老師︰

藍月亮（6993）有質素的。

佢有「中國P&G」之稱，成立於1992年，擁有衣物清潔護理、個人清潔護理和家居清潔護理三大系列共73個品種的產品。

佢係中國洗衣液有龍頭地位，加上毛利率高，賺錢能力強。睇翻佢之前的資料，以零售額計算，藍月亮在洗衣液市場、濃縮洗衣液市場及洗手液市場的市佔率均為第一，分別為24%、28%、17%。

整體有質素與發展力，但你買入價係上市時較熱炒階段，現時回調只是回到較合理水平，不過現價依然唔平，只算是合理區頂。

若你持貨不多，你長線持係有可以。但較貨較多的話，只宜沽出部份，去平衡風險。

中海油田服務（2883）質素中等，未算強。

佢係中國近海市場最具規模的綜合型油田服務供應商。

佢的服務貫穿海上石油及天然氣勘探，開發及生產的各個階段。業務分為物探勘察服務、鑽井服務、油田技術服務及船舶服務。

雖然佢都有一定的規模，但卻不是最高質素的企業，這是由於佢的產品自主力較弱。

石油是商品，當中沒有差異性，佢地要將石油賣出，只能跟國際油價，這令佢地處於被動狀態。沒有價格自主的能力，這令佢地的獨特性有限。這類商品企業，都可投資，但就要明白不是最高質的企業。

由於質素中等，唔建議大注投資。若持貨不多，可以守。如持貨較多，則應該在反彈時，沽出一部份，去減低風險。

我見你2隻股票都有買貴貨情況，若你對點判斷平貴無乜概念。我建議你再投資時，改用月供，或者分注入貨模式，去平衡這個買貴貨風險。

同時間，努力學習投資，如何選優質股、定平貴等相關知識。對你長線投資發展，會有好正面的幫助。

------------------------------------------------

Q21408：

龔 sir ~ 小女子暫時手上得5萬港幣可買股票, 想高回報 ( 即是高風險啦 ), 是否跟著以下3067、9988、700、388、1810、2382、1177、1448, 便可以 ?

目前目標 ~ 每月儲 一萬港幣, 5年要有 100萬, 用來買私樓的首期。

請指教
暫時有 3067 有1000股 是蟹貨。

亞厘爸爸有700股, 其中200股是蟹貨。
1177 有 2000股, 亦是蟹貨。

是否再加貨 ?
還是買其他 ?
謝謝你

龔成老師︰

我地最重要是建立一個長期的「財富組合」，要優質，要平衡，要適合你的年齡與風險承受程度，新舊經濟各類股都要有。

同一行業不能太多，同一股不能太多。要平衡，建立後長期持有，不是買賣賺差價，而是成為你財富組合一部分。

唔可以單單集中晒係「潛力股」身上，佢雖然有增長潛力，同時風險都較高。

但風險高，不等如回報一定高，這是一個錯誤想法。如果成功，回報當然可觀。但由於佢波動性大，失敗時，損失也會較慘重。

所以，「潛力股」不宜持有過多，要平衡。若你係偏年青，可以佔5成。但若你較年長或投資經驗較少，要下調少少至3成左右。

你現時組合中股票，都有質素。雖然股票上係虧損，但只是中短期問題，你可以守。

由於你阿里巴巴(9988)佔比好高，個別股票不要佔組合15%以上，所以，你暫時唔好再加注。

將來時間，除了潛力股，你都要加大翻平穏增長股部份，令組合更平衡。

平穏增長股：金沙（1928）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）、長建(1038)

現時大市在合理區，每月先用$5000做月供，餘下$5000和5萬現金，就等大跌市才動用。

以大市過去年平均回報10%計（連股息再投資），你每月投資$10000再加上你現有20萬持股，5年後大約增值至100萬，能達成目標機會頗大。

------------------------------------------------

Q21409：

你好呀 龔老師，我啱啱先開始接觸投資，上年12月頭開左個富途牛牛戶口，然後聽朋友介紹下，我買嘅第一隻股票就係6618京東健康，果輪升得好勁然後就賺左d。

於是我喺高位就直接入多d貨，結果冇耐就一直跌，中間再溝過貨，依家已經蝕緊差唔多40%。

其實呢幾個月都有唔少朋友叫我走，我就係有d唔甘心所以一直擺，不過見到個虧蝕愈來愈多果陣都有啲擔心。

所以想問下老師你意見，我應唔應該del apps繼續擺落去？定係應該依家就止蝕離場？

龔成老師︰

京東健康（6618）係有質素，但問題是你投資知識不足，令到成個策略出左問題。

首先，京東健康雖然有質素，但由於新上市，估值難，不確定性大。本身就不應該持有太多。

另外，我地決定加注與否，要睇幾個因素，記住，並不是以「拉低平均買入價」為目的。

第一，要分析這股的質素，如果無質素，就再跌都唔加。

第二，這股的類別，如潛力或增長或收息類等，是否與你的財富組合匹配，比例是否適合。

第三，你要先計算加注後，這股佔你股票組合的比例會否太多，因為同一行業，同一股票。不能佔股票組合的比例太多。

第四，現價是否有投資價值率，要平，或起碼合理，不能貴。

第五，你要在加注後，仍有現金剩。

你明顯只是想盲目去「拉低平均價」，但完全無考慮成個組合配置和風險。

由於此股波動性風險大，你再入雖然真係會拉低左個平均價。但變相令佢佔你總資產比例又提升左，即係你同時拉高了自已的風險比重。

以你現時情況，若京東健康佔你組合比重較高，建議你沽出部份，先去平衡翻個風險。

此外，你在再投資前，建議你努力學好正確投資理念、資產配置、股票估計等知識，才開始會較好。

------------------------------------------------

Q21410：

老師，我今年應付完DSE會過嚟報讀你嘅課程學下估值，我係從我老竇推介先開始睇你嘅書（跟住就開始留意你平時facebook 同YouTube）

明白到金錢永遠貶值，銀行嘅體系對我哋有咩影響，同埋長線投資嘅威力。我今年年初開咗證券戶口，想你對我嘅投資組合俾啲意見： 我宜家手頭上有

兩手1810（24.35)
嚟緊小米造車可行性大嗎？
一手9666（63.25）

4月開始供1928（每月1000），每月會儲500現金，因為我阿爸都同我講可以學下你咁樣地獄式慳錢雖然我依家比起你嗰陣真係算儲得少

另外有18000現金係咪應該繼續儲等更好嘅機會？（考完試會再做兼職加大儲錢金額，想問吓到時應唔應該再月供其他？例如港交所？因為佢有壟斷優勢）

另外我想再問吓，舊年如果新經濟股炒得好犀利將好多企業嘅發展前景無限放大，估值過高，但係成日都係講話會回歸企業價值

咁老師你會點樣處理，如果面對估值過高係咪會減持，等佢回歸企業價值再買入？

最後，好多謝老師平時無私嘅分享，比起好多坊間嘅「專家」睇得出你嘅回應係好用心，好明白投資唔可以心急你嘅分享亦令到我踩少咗好多氹

例如唔會心急然後將啲錢去玩啲唔熟悉嘅衍生工具同埋做短炒。

龔成老師：

好，最重要是保持學習！

小米（1810）有潛力的，佢的產品性價比高，相信在全球好多個國家都會有市場，佢長遠只會進一步增長。

同時，佢建立的平台是佢長遠的增長動力，先賣手機，再利用手機的平台延伸銷售小米家電。長遠正面的。

這股可長線，現價合理區頂位至略貴，小注分注可以，但唔好入得太急，預佢股價仍波動。回多10%更有投資值博率。

佢將會造車的，但成功與否就未知，但我相信佢正面的，不過股價就可能有點波動。

至於金科智慧（9666）有質素。

佢係中國西南第一的綜合智慧物業服務商，如果按佢綜合實力計，集團自2016年至2020年連續五年被中指研究院評為中國物業服務百強企業十強之一，自2015年至2020年，連續六年西南地區排名第一。

收益主要來源於四條業務線：物業管理服務；非業主增值服務；社區增值服務；及智慧科技服務。

包括各類住宅及非住宅物業，包括但不限於中高端住宅、商業樓宇、產業園、政府公建、高校醫院等其他物業。

生意與盈利都增長理想，暫時睇佢都有投資價值，但負債高會係一個扣分地方。此股投資係可以，只要唔好太大注，咁就無問題。相信長遠有發展的。

至於你月供股票，金沙（1928）可以，而你年輕，可以加入一些潛力企業去供，例如小米都得。港交所（0388）都可以。

至於現金$18000，由於金額唔算好多，因此暫時留現金先，等跌市先考慮動用。

至於企業價值，首先，新經濟股估值難，所以在投資會相對控制注碼，若果到貴的時候，有機會減持的。但如果好高質，就唔會賣晒，因為你唔知賣左後，能否買得翻。

在理論上，股價長遠會回歸合理價，但如果一間企業價值增長得好快，股價就算這刻貴，都未必跌。

加油！你年輕，只要能擁有投資知識，長遠財富會不差的。

------------------------------------------------

Q21411：

老師你好！
現在持有

6618京東健康 500股 $180
9633農夫山泉2000股 $55
305 五菱汽車20000股 $2.57
175吉利汽車1000股 $33
6993藍月亮1000股 $16.9

9666金科服務500股 $73.5
2013微盟集團2000股18.62
1833平安好醫生100股 $133
1772贛鋒鋰業200股 $101

我高追左以上股票、大部分坐緊艇。好彩小米$16.5仍然持有。

1.以上的股票會否升返上去？

2.以上的股票有冇要放棄？

3.組合可否俾意見？
多謝老師

龔成老師：

基本上，你持有的組合不是無質素，但我見到你投資的，大多是之前較熱炒或焦點股，又或是新經濟類股，這會令你的組合風險較高，要注意翻。

五菱汽車（0305）、金科服務（9666）、微盟集團（2013）、平安好醫生（1833）、贛鋒鋰業（1772）雖然都有質素，但股價上落略高，同時行業仍有變化，因此，唔建議持有過多，不過你如果計翻佔組合%不過量，其實無問題。

整體上，你持有整個組合，基本上都可以守，質素是有的，相信是你未能掌握平貴，在貴的價位買入。你要計下佔組合比例，如果單一股票佔比不過多，就守住先。

你應該在之後，加入一些較為穩健類的股票，平衡翻個組合。

我地最重要是建立一個長期的「財富組合」，要優質，要平衡，要適合你的年齡與風險承受程度，新舊經濟各類股都要有。

同一行業不能太多，同一股不能太多。要平衡，建立後長期持有，不是買賣賺差價，而是成為你財富組合一部分。

------------------------------------------------

Q21412：

你好龔成老師，我係你的澳門粉絲，一直有Follow你Facebook，期待你黎澳門開班

我38歲，已婚，有一個3歲小朋友，我從事保險行業，收入還不是太穩定，暫不需要供樓。

以家有如下資產：

銀行及儲蓄：
20萬現金放銀行作現金流
40萬收緊3%利息的每月理財產品
50萬派息基金，收緊6.5%利息（本金會有浮動）

月供股票：（今年3月份才開始供）
盈富（2800）：月供2000
金沙（1928）：月供1000
比亞迪（1211）：月供1000
港交所（388）：月供1000
騰訊（00700）：月供1000

股票：
吉利（175）：1000股@28.8
領展（823）：100股@73.5
長江（1038）：500股@41.4
小米（1810）：200股@27.5
泰格醫藥（3347）：300股@165
美團（3690）：300股396
阿里（9988）：200股241.6

想可以做到最大化的財富增值，聽過老師話選擇優質股長線持有的概念，但因為以家手持的好多都係跌，心有擔心。希望龔成老師百忙之中幫我分析一下合理嗎？需要做些什麼調整較適合？會唔會持有太多種類？十分感激

還有一個問題想問
聽人講可以買銀行股來代替銀行定期收息，亦相對其他股票風險較低，你建議嗎？耐心等待老師回答

龔成老師：

最重要不是睇「賺蝕」，不是睇「買入價」，而是睇質素。質素不好，增長力弱，就有可能賣出，蝕都要賣。

你要分析「之後的組合情況」，不是過去，是將來。應該持有那些優質股，比例如何，能為你帶來怎樣的長期財富。

你要分析你的投資目標，你想潛力股的比例多少？平穩股的比例多少？組合風險程度如果？

即是你想設計一個怎樣的投資組合？長期、優質、平衡、適合你。

其實你現時持有的，基本上都是有質素的，只是你在貴的價位買入，如果你未有捕捉時機，以及企業估值分析的能力，就建議你用月供或慢慢分注的模式投資，會較適合你的。

現時你現金在保守類產品較多，股票就較少，可以慢慢提高股票比例，以你的年齡，財富仍有增長力，加大比例可以的，只要不要太集中在潛力股類別就得。

現時月供的股票，都可以。只要長期進行就得，比亞迪（1211）現價略貴，勉強可以供，但就不要再加大金額。

至於持股方面，都有質素的，泰格醫藥（3347）佢係中國的綜合生物製藥研發服務提供商，主要經營臨床試驗技術服務，例如提供臨床試驗運作服務，包括藥物及醫療器械臨床研究，業務發展都唔差，同時都有一定的規模。

生意與盈利都有理想增長，賺錢能力唔差，不過上市時間唔長，數據的參考價值會減。

質素都有，長遠發展正面的，不過股價潛在波動較大，加上上市時間唔算長，唔建議投資太多。唔建議你加注。

至於美團（3690）有質素，但股價略為波動，業務有變數，你現時持有比例已差不多，不要加注，原有貨就持有。

至於其他持股，基本上無問題的。

你現時的現金$20萬，暫時可持現金，等機會。

反而每月應加大投資股票，例如加大月供，可同時加入平穩增長股及潛力股去月供。平穩增長股如盈富（2800），潛力股如恆生科指ETF（3067）都得。

至於銀行股同銀行收息，是兩回事，銀行股的股息會較高，但就有風險，你要因應自己的風險承受程度，以及投資目標，去決定。

------------------------------------------------

Q21413：

老師 想問物業股哪一個增長力最強 值得投資？873、6666、6098、3319？

龔成老師：

碧桂園服務（6098）及恒大物業（6666）的增長力，算是較強，當然，風險度會高少少。

先講恒大物業，有質素，有長線投資價值。

佢係物業管理服務運營商，佢係中國物業服務百強企業中，以項目所覆蓋城市數目計，佢排名第二，如果以總收入、總毛利及總淨利潤計，排名第三。

類別為中高端住宅物業、寫字樓及商用物業，並已訂約管理其他物業類型如主題樂園、產業園、康養項目、特色小鎮及學校等。

佢絕大部分物業管理服務收入，來自集團控股股東恒大集（3333）所開發物業提供的服務。

不過，現價少少貴，如小注投資持有都可以的。

碧桂園服務（6098）由碧桂園（2007）分拆上市，主要於中國提供物業管理服務等服務。

例如包括保安、清潔、綠化等，物業管理組合涵蓋住宅物業、商業物業、寫字樓、多功能綜合樓、政府及其他公共設施、產業園、高速公路服務站、公園及學校。

佢無論在業務本質、規模、品牌、財務數據、前景，都是理想的，反映這企業有一定的質素。加上有一定的現金流，背景發展等，投資價值絕對有，相信這企業的前景不差，有長線投資的價值。

但要留意，行業有時會有較大的炒作，股價上落大，要注意風險，而整體是有長線投資價值的，這股不少時間都在合理區頂至略貴的水平，投資唔好太大注，要慢慢分注入。

------------------------------------------------

Q21414：

我想請教一下⋯ 我之前錯誤地購買了6123 平均價8.8 有6000
最近股價都在$5 徘徊⋯

我應該點做？
繼續持有還是沽貨止蝕好？

龔成老師：

圓通速遞（6123）本身係一家以香港作為總部的國際貨運代理服務供應商，業務已擴展至多個國家，並在亞洲、荷蘭及北美設立了幾十個辦事處。

佢主要經營以下四項業務：空運及海運貨運代理服務、總銷售代理、配套及合約物流服務。

早前阿里巴巴（9988）入股增持，令股價大上大落，這的確會令企業有更多發展，前景正面，不過，估值方面已難。

因為這刻根本無法計算佢，之能賺多少錢，企業發展情況如果，只可以話好多不確定性，但股價就反映大部分利好因素。

因此，這股雖然有發展，但同樣股價上是有風險，相信之後的股價仍會波動。只可以話，這類股小注持有不是不可，但要明白風險因素。

如果持貨較多，可以考慮減少少，餘下就守，這股不是無質素，但相信你買入時炒作較多。

------------------------------------------------

Q21415：

老師，想問問根據分段買入優質股的方法，咁什麼時間應沽出部份股票獲利呢？以前一直大都只懂買入股份後多年沒有理會以致錯過獲利機會（例如：滙控）

是否要密切留意市況，例如什麼時候會出現牛三而進行沽貨呢？

龔成老師：

首先，我地只買入優質股。

另外，要衡量現時的平貴，自己組合情況、現金，去設定適當的投資策略。

如果升到貴的水平，可考慮賣部分，但如果企業優質，我會建議點都有一定的貨在手，不要盡賣。

另外，當大市處狂熱期，例如牛三全民皆股時期，就同樣可考慮賣出。

你之前的投資經歷，如果忽視了兩點，第一，你無計平貴，可能錯過了貴賣出時機。第二，匯豐（0005）及其他銀行股，都有一個情況，就是賺錢能力，比過往年代弱左，我過往都在銀行工作的，好明白佢地的賺錢能力，已不及從前。

當見到一間企業的質素及增長力下跌時，投資者都有可能作出賣出的動作。

------------------------------------------------

Q21416：

你好成哥，首先感謝你一直熱心解答我地問題，咁多年來除左教識我投資的正確觀念之外，亦都令我培養到一個波瀾不驚既心理質素。

想問下譚仔準備上市，你點睇佢既投資價值？

本人由細食譚仔食到大，對呢間公司有情意結，而且覺得佢連鎖化之後係管理同marketing都有進步，手上亦無類似版塊的股票，想問下值唔值得投資？

龔成老師：

初步分析，譚仔有質素的。

佢有品牌，有規模，以及有穩定的顧客，現金流強，整體不差的。不過，香港飲食業競爭大，同時入行不難，對是對佢扣分的地方，加上香港人好貪新鮮，因此佢都不能一定話品牌永遠穩固。

睇翻佢資料，譚仔及三哥品牌擁有超過二十年歷史，合共經營148間餐廳，包括覆蓋港九新界18區的72間譚仔餐廳及72間三哥餐廳、中國內地深圳的1間譚仔餐廳及新加坡的3間三哥餐廳。

根據2019年的餐廳數目，調查機構歐睿將譚仔列為香港亞洲粉麵專門店的第1位。

假設顧客每光顧譚仔100元的生意，食材成本佔22.9元；有31.1元是員工；約23是租金及折舊，扣除其他開支後，譚仔的純利仍有19.7元，扣除所得稅開支後，亦有17.8元的淨利潤，以香港經營食店來說，是高利潤的（不過，數據都是上市前的數據，所以不排除會執靚盤數上市）。

整體上，這企業都有質素，但不能定為最高質類，同時，增長力不能說是好強，這股如控制注碼，都可投資的。

------------------------------------------------

Q21417：

阿sir, 昨日我經過黃竹坑地鐵站，影左幾張樓盤上，立刻有兩個女門神企我左右隔離
有個仲追住塞咭片
黃竹坑地鐵上蓋

我覺得呢度最有投資價值
因為正頭喺地鐵隔離
而且除地鐵外其他交通都方便
附近都多野食

景我唔知望唔望到海
阿sir你有錢不如買下

我想買但冇錢
我喺黃竹坑做野睇住佢變
發展潛力好高

而且仲要喺南區
不過先睇埋佢開售呎價先

問左至少30000

龔成老師：

《5年買樓4部曲》都有講，黃竹坑係我其中一個睇好的地區，長遠一定有價值，不過，新樓的確好貴，唔會考慮，其實果度都有少量二受樓的，都可考慮。

我自己都是南區大，都見證當區發展，地鐵站，兩個站能金鐘，加上南區密度較低，工廈變商廈，價值一定有。

但我對新樓興趣不大，因為一般都有溢價。

------------------------------------------------

Q21418：

Ah sir，想再問下我現時持有3.43粒Bitcoin，現市值約160萬，計劃呢2-3個月內賣出一半或全部，套回現金後應該點樣部署投資？

我想5-8年內儲到1000萬移民，會唔會aim太高？

我30歲，現金大概10萬，有15萬喺投資收息保險基金(收每月約$900息)，約有20萬錢喺股票。

做零售生意已4-5年，銷售額穩定但唔算太高，每月七除八扣約賺2-3萬。

另外有份半職收入約15000(但計劃做到9月就會quit)，有個牌可隨時入返行。

但我負債較高，連公司借貸約仍有100萬未還清，每月大概還緊3-4萬。

我理財能力好弱，成日唔識點計好啲錢。

多謝你耐心回答

龔成老師︰

如果你要5-8年內，透過股票將資金翻幾倍，其實係好難。

假設投資回報有10%（連股息再投資），若你每月投資$10000 + 100萬本金，8年後大約會增值至350萬。這個回報程度，會相對合理。

在進行投資增值前，你要先審視負債部份。如果你負債利率係太高，我建議你先還清相關債務，才開始投資。因為高債息，係會好影響你長線回報。

收息保險基金，回報都有7%以上，勉強算係可以。但你要留意，這個回報率是否保證，將來係唔係一直維持到。

另外，Bitcoin本質來說，這是人為創造出來的，絕對不是「資產」，有沒有真正的價值。不過，佢可能有交易價值，但這個價值有多少，無人知。

所以結論就是，佢的波動會十分大，而你現時好集中在這項目，這會有好大風險，因此從整個財富的配置角度，宜減持。

將來贖回Bitcoin後，這些資金可以投資一些增長型股票。同時，你若每月有閒錢，都建議你用來月供優質股。

但潛力股波動性和風險會較高，若你係投資經驗較少，最多只可佔3成。到較大經驗，才升至5成左右。

現時大市在合理區，現金和股票比例，最好各一半。你每月閒置資金，可以先用一半做月供，其餘儲起。

將來有新資，如贖回Bitcoin後資金，都可按這個比例配置，去慢慢分注入貨，並長線持有。

但緊記，你做生意可能需要較多流動資金，作配置時，要先考慮生意部份。因為佢係你主要收入，必需排在其他投資項目之前，去優先處理。

------------------------------------------------

Q21419：

阿sir，近排開始了解債券，唔知阿sir有冇投資債券？

我見銀行可以買內房或其他公司的債券，自己研究左，想買雅居樂的內房債，出資和貸款5:5，利率大約有6-7%，你了解風險高嗎？

有些內房債(佳兆業)可以做到有11%，但有點怕所以唔考慮，怕佢違約。

之前睇左你的片，每月存1萬，5年可滾到100萬，真係好西利。

我計過下，要每年平均有10%回報先做到，請問當時你係投資咩？月供股票嗎？每年有10%回報都幾難

龔成老師︰

債券，這其實只是「產品」，物業、優質股是「資產」，所以從財富本質上，我地應較集中持有「資產」，才對我地最有利(你可以睇睇《財務自由行》一書。

我從財富本質上，講述了當中原理)。同時，現時息口低，但未來有機會重回加息週期，債券未必是最好的投資工具。

而且內房負債偏高，係一直都存在的問題，所以投資這行業的債券，係有一定風險。你要睇翻每間公司，佢現時的財務情況，以及該債券的評級，違約的風險。如果評級A，都可考慮，去到B級，就要小心。

而我自己無買債券，主要透過有優質股，好似比亞迪(1211)、金沙(1928)、中生(1177)等等，在合理，甚至平宜區時儲貨，之後長線持有，才累積到的成果。

當然，我組合未必每年都有10%增長。但我地投資係長線，當你拉長用多年來計，就會得出這個回報。

------------------------------------------------

Q21420：

我見你話「同一行業不能高過3成、同一股票不能高過15% 」，點計？(股票投資總額)計算, 是嗎?

龔成老師：

在股票組合內的比例，同一個行業，不宜多過30%，而同一隻股票，佔比不能高過15%。

方法是以長期的平均股價計算，例如過往一年的平均股價，再乘以你持股的數目，以每一隻股票你擁有的市值計。

不過，你唔需要執著每一個%，大約數就得，不用一過少少%就立刻賣出，因為這只是一個指引的參考大方向。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

【元朗$99石燒龍蝦+特厚16mm豬扒】

專門做15cm大豬扒，16mm厚Juicy多汁
晚餐新出$99食曬石燒龍蝦+厚豬扒
性價比超高!!!!! Hoegaarden大大杯仲有半價～
去Facebook Page留言「Forever520」，即拎半價優惠
====記得剔「搶先看」=====
午巿：
豬扒脆豬+沙律餐+飲品 $42
沙爹牛肉麵+丹麥多士+火腿奄列+飲品$46

晚餐：
石燒波士頓龍蝦伴招牌厚切豬扒$198
(留言優惠半價$99)

石燒波士頓龍蝦伴澳洲西冷牛扒$238
(留言優惠半價$119)

石燒波士頓龍蝦伴英倫皇室牛柳$258
(留言優惠半價$129)

加$15可跟飯/意粉
加$28 餐湯、丹麥多士及飲品

啤酒$88(留言優惠半價$44)

Forever 520
地址：元朗西菁街10號好順泰大廈地下57-58號舖
電話：39967782
營業時間: 星期一至日 07:00 - 23:00


＋本片只反映餐廳當日品質,價格及優惠＋
* 食得曬先至好嗌*
==================
逢星期四晚上8點 ✿雅軒漫遊食盡香港18區✿
星相占卜► ► 雅軒女生二三事 https://fb.me/NgahinDaily/
====鍾意食嘢記得剔「搶先看」=====
► 自由身演員、主持、Vlogger
【FB專頁】 http://fb.me/Kinkikblamngahin/
【I.G.】 https://www.instagram.com/ngahin_kinki
【YouTube】http://www.youtube.com/c/KinkiKBLam
【Twitter】https://twitter.com/NgahinKinki
【TripAdviser】https://tripadv.sr/Kinkiblam
===============================
► 如果想Keep住睇雅軒嘅最新飲食資訊 ，記得剔「搶先看」，唔係就好易睇唔到雅軒嘅Post架啦

葵廣實況?1成吉舖 新店推介！▲雅軒漫遊食盡香港18區[[中字]]
https://youtu.be/H916xKtS66U

五分鐘自製譚仔三小辣湯底▲雅軒不專業廚房
https://youtu.be/JaIClUypjXg

月餅推介2020 最出色奶黃小店 ▲雅軒試食報告 [[中字]]
https://youtu.be/RQbCBTJXrbc

明將級紅豆薄餅！劣食外賣隊發現！ ▲雅軒試食報告 [[中字]]
https://youtu.be/0_pOpZxuXd4

街市精選 即點即去骨~超大隻豬手 勁大份!!! ▲雅軒試食報告 [[中字]]
https://youtu.be/tknliFc4_IQ

茶餐廳精選 簡易沙嗲牛公仔麵做法▲雅軒不專業廚房
https://youtu.be/D_ATQ2uSiTY

超舒服升Cup無鋼圈內衣推介 ▲雅軒女生二三事 [[中字]]
https://youtu.be/_b7BWZiNR54

元朗任飲芝士奶蓋 日式火鍋放題！ ▲雅軒試食報告 [[中字]]
https://youtu.be/LStYANeSHZo

銅鑼灣5Hrs啤酒任飲!!!酒店式海鮮火鍋放題▲雅軒試食報告 [[中字]]
https://youtu.be/5_JCcQURFhY

女士必備小確幸 自製悠閒風下午茶 ▲雅軒Vlog[[中字]]
https://youtu.be/q_yKgPjtZzA

觀塘$188自助串燒放題～多海鮮～▲雅軒試食報告 [[中字]]
https://youtu.be/10s5Kx0a6YA

荃灣$208任食3小時火鍋放題自助餐 ▲雅軒試食報告 [[中字]]
https://youtu.be/Xt5B3DCYuUs

新野!!!!譚仔三哥新菜單+隱藏食法 ▲雅軒平民食堂 [[中字]]
https://youtu.be/0kEfe6LnxWI

油麻地$98龍蝦海鮮泡飯 極足料 ▲雅軒試食報告 [[中字]]
https://youtu.be/xa-N4995gos

香港製造!!!3分鐘自製專業級 巨型鮑魚蝦籽麵!!!!! ▲雅軒Vlog[[中字]]
https://youtu.be/Jk41z7KEiv8

旺角任食一口蟶子廣島蠔+M5和牛火鍋放題 ▲雅軒試食報告 [[中字]]
https://youtu.be/jbQhorSYaao

沙田$215 海鮮King Size 零味精粥底火鍋餐▲雅軒漫遊食盡香港18區[[中字]]
https://youtu.be/Qs6bfurn9sI

必敗!!!我的空氣清新機~入手選擇分享▲雅軒Vlog[[中字]]
https://youtu.be/Rc37EB3yhEM

#厚豬扒 #龍蝦 #Forever520

#2020月餅 #月餅 #黃店月餅
【2020月餅推介 最出色奶黃小店】
正所謂高手在民間！唔同口味有唔同推介
一片介紹曬各小店品牌月餅推介
仲有試埋台灣直送鳳梨酥奶黃月餅～
留言「小店推介」即拎過百間月餅介紹網站
====記得剔「搶先看」=====
黃店月餅系列
https://charleywong.giffon.io/page/mooncake2020

＋本片只反映餐廳當日品質,價格及優惠＋
* 食得曬先至好嗌*
==================
逢星期四晚上8點 ✿雅軒漫遊食盡香港18區✿
星相占卜► ► 雅軒女生二三事 https://fb.me/NgahinDaily/
====鍾意食嘢記得剔「搶先看」=====
► 自由身演員、主持、Vlogger
【FB專頁】 http://fb.me/Kinkikblamngahin/
【I.G.】 https://www.instagram.com/ngahin_kinki
【YouTube】http://www.youtube.com/c/KinkiKBLam
【Twitter】https://twitter.com/NgahinKinki
【TripAdviser】https://tripadv.sr/Kinkiblam
===============================
► 如果想Keep住睇雅軒嘅最新飲食資訊 ，記得剔「搶先看」，唔係就好易睇唔到雅軒嘅Post架啦

女士必備小確幸 自製悠閒風下午茶 ▲雅軒Vlog[[中字]]
https://youtu.be/q_yKgPjtZzA

觀塘$188自助串燒放題～多海鮮～▲雅軒試食報告 [[中字]]
https://youtu.be/10s5Kx0a6YA

荃灣$208任食3小時火鍋放題自助餐 ▲雅軒試食報告 [[中字]]
https://youtu.be/Xt5B3DCYuUs

新野!!!!譚仔三哥新菜單+隱藏食法 ▲雅軒平民食堂 [[中字]]
https://youtu.be/0kEfe6LnxWI

油麻地$98龍蝦海鮮泡飯 極足料 ▲雅軒試食報告 [[中字]]
https://youtu.be/xa-N4995gos

香港製造!!!3分鐘自製專業級 巨型鮑魚蝦籽麵!!!!! ▲雅軒Vlog[[中字]]
https://youtu.be/Jk41z7KEiv8

旺角任食一口蟶子廣島蠔+M5和牛火鍋放題 ▲雅軒試食報告 [[中字]]
https://youtu.be/jbQhorSYaao

沙田$215 海鮮King Size 零味精粥底火鍋餐▲雅軒漫遊食盡香港18區[[中字]]
https://youtu.be/Qs6bfurn9sI

必敗!!!我的空氣清新機~入手選擇分享▲雅軒Vlog[[中字]]
https://youtu.be/Rc37EB3yhEM

銅鑼灣$2xx任食磯燒海鮮＋流水蝦放題!!▲雅軒漫遊食盡香港18區[[中字]]
https://www.youtube.com/watch?v=1JtsK0GMYqk&feature=youtu.be

原條象拔蚌刺身$288!!外賣火鍋餐極抵食!!!!▲雅軒漫遊食盡香港18區[[中字]]
https://www.youtube.com/watch?v=pEoLPpUhNkI&feature=youtu.be

貓咪咖啡卷蛋~♥雅軒不專業卷蛋教學▲雅軒Vlog[[中字]]
https://youtu.be/fQdKgP5gbgg

居家減肥必備 即食雞胸比較▲雅軒Vlog[[中字]]
https://youtu.be/tzz4JEHLEw0

觀塘$104任飲任食自助餐+火鍋▲雅軒漫遊食盡香港18區[[中字]]
https://www.youtube.com/watch?v=_OHfUbUat0s&feature=youtu.be

九龍灣抵食茶記 黑椒牛堡激濃肉香▲雅軒漫遊食盡香港18區[[中字]]
https://www.youtube.com/watch?v=WTiHs8s9P40

我YouTube 突破左6000訂閱了??（其實我剪太慢今日見到已經突破左7000了?）衷心多謝大家一直嘅支持！雖然返工放工拍片剪片真係好攰?有時真係好想放棄，但係眨吓眼就堅持左兩年幾，同埋你哋嘅支持係我最大嘅動力，多謝你哋!!我會繼續努力?

不好意思最近比較忙和心情有點SAD／_＼，所以遲了點出片～不過我會好好休息重整心情再出發的～大家都加油！！

今次新片為了慶祝6000訂閱而拍的大食片～是吃我最愛的深水埗添福小食漢堡全餐+小食^^樣樣都好好食呀～宜家又想食呀～點算好？？！呢D有良心又好味的香港小店，大家經開深水埗都不妨去多多支持他們吧：

店名：添福小食
地址：深水埗長沙灣道80-82號文海樓地下A1舖

另外都多謝大家一路咁支持我呢個懶鬼YOUTUBER，成日諸多藉口唔剪片唔出片，攰又唔出心情唔好又唔出，係出片咁唔穩定的情況下仍然得到你們支持，真心超感激大家！！我會繼續為大家介紹香港好食有特色的食店，大家亦請繼續支持呢D 香港人的店鋪，相信我們香港人好醒，係時候BE WATER變陣了，縱使被禁言但一切在心中，我們要繼續堅持做自己覺得正確的事，相信光明總會到來！大家加油～5201314！

____________________________________________________________
◎其他大食小樂系列◎
⊿吃貨挑戰食生命麵包｜一共可以食到多少片呢？食生命麵包一D都唔慘仲好正添
https://youtu.be/ML1S6oihEqk
⊿今次吃貨要食100粒魚蛋燒賣｜渣哥一九九六｜良心食店｜懲罰黃店系列
https://youtu.be/5P93ZuqcUbo
⊿入元朗挑戰食泰式船麵｜成為四月份冠軍兼破店家紀錄！究竟吃貨吃到多少碗呢？？
https://youtu.be/QQRJHvg3NEI
⊿今次吃貨要挑戰吃2個大批｜食PIZZA HUT和飲寶礦力｜支持良心店鋪｜香港人加油！！
https://youtu.be/PsqHIC1na-s
⊿吃貨挑戰8吋巨型漢堡！大過我個頭｜40分鐘內完成免費｜究竟我可否成功呢？？？
https://youtu.be/h6su9BQB9Hc
⊿賀YOUTUBE破2000訂閱！！吃貨一次過吃六份百里香皇牌燒雞餐｜觀塘性價比超高隱世小店
https://youtu.be/oGHVp6CCBZ8
⊿我的YOUTUBE CHANNEL終於突破1000訂閱了！吃貨挑戰食100隻餃子賀賀佢啦！大胃王挑戰又來了！！
https://youtu.be/V4Br7FtwvIg
⊿今次大胃王要挑戰99件麥樂雞！我自已都好奇究竟我食到幾多件呢?！
https://youtu.be/SN8pDXFkpkA
⊿挑戰丼丼屋MEGA唐揚雞丼｜4KG要在15分鐘內完成就免費並有200元現金券！有人食到想嘔！能成功嗎?
⊿今次我要挑戰食五碟我至愛的叉燒滑蛋飯啊！
https://youtu.be/gppIemYz_uY
⊿大胃王挑戰食三碗「譚仔三哥」的特大過橋米線！一般兩人會分一碗來吃｜究竟我食到幾多碗呢？
https://youtu.be/ncTDTuASnjI
⊿大胃王挑戰超大丼丼屋MEGA海鮮丼｜限時15分鐘內完成！究竟我們能否贏到現金券呢？
https://youtu.be/FbU9ttv0lsU
_________________________________________________
◎Facebook: 吃貨玩樂foodielok
https://www.facebook.com/foodielok
◎IG: Foodie_siulok
https://www.instagram.com/foodie_siulok/
#吃貨玩樂