在專科門診看症，病人拿出一張自己在社區中心所做的認知能力評估結果，問我能否幫他跟進。

我說可以啊，這就為你寫一張轉介信。醫生寫一封信很簡單，但病人要看到專科醫生，卻一定要先獲取醫生的一紙寥寥數語。

「唔駛喇，我已經係蝦膏上面搞掂喇。」病人一臉自信地回答。

「下？」

病人拿出家庭醫生所寫的轉介信來，再說：「我係蝦膏上面交左封信，已經有覆診期添喇！」

我頓時明白了⋯⋯原來病人說的是那個用來約新症期的電話程式HA Go，我倒是第一次聽到有人稱呼其為「蝦膏」。長知識了😅

「Could you tell me the reversible causes of cognitive impairment?」我問坐在面前的醫學生，有什麼認知障礙問題是有機會逆轉的。

這是早上的記憶科門診，今天有三位同學到來跟我應診，學習如果診治和處理長者的認知障礙問題。被「抽書」是醫學生臨床學習必經的階段，被前輩「抽書」後不懂回答的尷尬，是回家後讀書最大的推動力。故此每次跟醫學生上課，我都會不斷逐一抽問他們。

不過放心，師兄我是非常 benign 的，只會抽問，卻不會責備同學的。Benign 又是內行術語，其相對就是 Malignant。

問過問題，我便轉身回到電腦前。畢竟今天病友也不少，應診才是這個門診最重要的目的。

「點呀婆婆，最近記性好唔好？」一位婆婆慢慢推門而進，跟隨在她後面的應該是女兒。 根據紀錄，婆婆今年76歲，獨居，這是我第一次見她。

「醫生我點呀？我係唔係好差呀？」婆婆未回答我的問題便搶先問。

「點解咁問嘅？咁你自己覺得呢？」我的問題也合理呢。

「有時唔記得啲嘢，要諗好耐先記得番囉。上次個醫生話我好差，要叫埋屋企人嚟呀嘛。醫生，我點呀？」婆婆顯得有點擔心。

我翻看電腦資料，原來婆婆五月份做了一個認知能力評估，分數比上年差了5分，故此同事叫婆婆下次覆診時與家人同來，以討論如何跟進。話說在記憶門診覆診的病友，每年都會被安排做認知能評估，以作比較。

「咁你平時生活有無俾記性唔好影響到？」我再問。

「咁又無。。。自己落街買餸煮飯，同以前差唔多啦。」婆婆扁着嘴。

「呀女你覺得呢？」我轉身問女兒。

「其實記性都差唔多，一個人住都仲可以。」女兒說。

「生活有攪得掂，樣樣都幾好，咁你做乜咁驚差咗嘅？」我又再問。

「上次個醫生話我好差呀嘛，仲寫咗張紙叫我個女嚟，咁緊係好差先會咁。。。醫生究竟我有幾差呀？」婆婆狀甚擔憂。

「寫咗張紙？」我有點疑惑。

「嗱，攞俾你睇吓。。。」婆婆從手袋拿出一張對摺的白紙。打開一看，裏面寫上: 「記性差了，請女兒下次覆診一起來討論開藥」。

原來上次同事見婆婆認知評估分數低了不小，女兒又剛好不在，為了更確切知道婆婆在家中的表現和情況，又怕她忘記，便貼心地寫上紙條提醒婆婆下次覆診時與女兒同來。

可惜婆婆把「記性差了」誤解為「記性好差」，白白擔心了好幾個月。

「咁你樣樣都幾好，又生活正常，最緊要係咁啫。我地再觀察住呀。」我解釋。

「咁就好啦。」婆婆面露一點笑容。

我經常說，ㄧ般認知能力評估只能用作參考，分數高低會受很多因素影響。長者日常生活的情況和表現，才是最值得關注的，故此家人平時的觀察也是非常重要，而我們亦建議家人與長者一同到來覆診， 讓我們更加了解老友記的狀況。

婆婆與女兒離開門診，我轉身對同學們說: 「你地記住第時做咗醫生，一句說話可能已經對個病人有好大影響，所以記住講嘢要謹慎啲，解釋得清楚啲呀。」

相信醫學生在病房和門診的親身經歷，一定會有不少體會，日後成為真正醫生時，就要好好把學到的運用出來，幫助有需要的病友。

【紅衫魚，泛濫了！】

她，74歲，身體健康，沒長期病，步行穩健。

只是，最近記性好像有點問題，曾忘記赴朋友約會、經常重覆動作，尤其往街市買魚，她常對人說：「我女兒最愛吃魚！」

她，有一子一女，青梅竹馬的丈夫早於四十年過身，那時兒子五歲，女兒三歲。

自此，她母兼父職，一邊幹活一邊帶孩子，旁人勸她另找伴侶，她斷言拒絕，聲稱一生只能愛一個！

兒子已婚早已遷出，女兒未婚和她同住；她盼望女兒結婚有個好歸宿，女兒則表示單身生活輕鬆自在；女兒一生同樣只能愛一個，而那個，就是她！

女兒每天出門上班，她就自行往找節目，到公園做運動、和街坊唱粵曲、再往街市買餸、回家準備晚餐，靜待女兒放工…

她最拿手煎紅衫魚，女兒亦最喜歡吃，每次有紅衫魚菜式，女兒可吃兩碗白飯！

可是，不知從那時開始？女兒發現天天有魚…

過了一段時間，發現魚的味道千變萬化，時鹹時淡、時軟時硬…

再過一段時間，發現雪櫃經常有魚，不是一條，是三四條…

發現六條當晚，她向朋友訴苦，她朋友致電我！

「阿肥，我同事個媽媽最近記性好似有啲問題，妳可唔可以幫吓佢？同佢傾吓？」

「冇問題！妳俾佢電話我！」

和她聯絡過後，我坦白告訴她，我懷疑她媽媽可能患上認知障礙症…

在本港，要確診，一定要經註冊西醫，假如她媽媽不想看醫生，可先在坊間找一些專做認知障礙症服務的機構，約見職業治療師進行認知能力評估，費用通常數百元。

評估後通常有份詳盡報告，假如治療師認為她媽媽患病機會頗高，她可拿著報告帶媽媽往政府診所排隊見醫生，醫生會再按情況，轉介她媽媽看老人科或精神科！

或者，她可直接帶媽媽往看私家醫生，建議找老人科、腦內科或精神科醫生較為適合；但看私家專科醫生的話，收費方面一定要有心理準備！

認知障礙症雖不能完全根治，但醫學界有很多藥物對改善徵狀、延緩記憶力衰退方面有明顯幫助！

除藥物治療外，適當的環境設計和活動訓練也不可少！

環境設計方面：除了著重安全、足夠的光線、易明的標籤(簡易的圖畫、照片或文字)缺一不可！

活動訓練方面：分補習和自修，補習就是付款讓媽媽參加機構舉辦的認知訓練班；自修則是自行設計替媽媽進行，簡單至陪她逛街市，看她購物找贖情況，已是很好的認知訓練！

她內心的擔憂和疑問還有不少，我安慰她先不要想得太壞，過往我曾接觸過很多不同狀況的認知缺損長者，我第一份安老服務工作，就是在2000年，於院舍推行政府撥款資助的《老年痴呆症單位先導計劃》！

我告訴她，如她日後有需要，可隨時找我！

她害怕天天吃紅衫魚，但更害怕從此再吃不到紅衫魚…

那一年，是2009年冬季…

我剛離開了專做認知障礙症服務機構不久，來到現時這間機構，擔任外展社工隊隊長！

#三立新聞 #消失的國界 #李天怡
➲ 深度節目及國際時事都在這裡 【從台灣看見世界的故事】
➲追蹤消失的國界粉絲團：http://bit.ly/SETBorderlessWorld

#podcast
在進行目標與決策時，我們說要「盤點現況」；因此如果你想要達成個人目標，盤點自己的能力就是一件很重要的事，那就是我們擁有的資源。
天賦就是指我們出生時的天生技，我們可以不在乎自己的天賦，但必須認知自己擅長的是什麼，那就是我們能運用的資源。
如果熱情可以化為有意義的目標，並且是我們有能力達成的事情，那就能獲得巨大的成長與成功。

📌天賦很重要，認知自己擅長什麼更重要。
📌熱情很重要，尋找自己的意義更重要。
📌意義是可以主動賦予的；看事情的角度不同，沒意義的事也可以變得有意義。
📌人一定有天賦，但不一定有自信。自信是感性問題，跟尋找天賦是不同議題。
📌目標是有意義的事，評估它需要的能力，想辦法培養對應的能力來達成，這才是成長的秘訣。
📌人生沒有意義，是會無聊死的。
💰支持小戴的推廣行動 https://moke.tw/donate/

#隨意聊果然結構差了些
#經常被老公嫌棄不知所云你到底想說啥
#反應慢的人就是這樣
#所以視覺化輔助檢查邏輯真的很重要

📚 延伸閱讀
目前最細思極恐的一期，二十五號宇宙 | 老高與小茉 Mr & Mrs Gao
https://www.youtube.com/watch?v=htz2xCJb3Lc

https://button.like.co/yenru606

史丹福大學知識分享: 做生意的九大元素 - 《Business Model Canvas 商業摸式圖》

如何定立及優化你的 Business Model Canvas 商業摸式圖?

做生意，你要認識你嘅 Business Model Canvas 商業模式圖，有九格。

肺炎第四波開始有減退嘅跡象， 等佢過咗之後，一連幾場星期六，我會在 Paragon Co-work Space 搞下做生意分享早餐會，大家交個朋友???? 互相俾下意見睇下盤生意有乜可以做好啲。

地點是觀塘 Paragon Co-Work Space。約3小時。

對象: 管理層/生意經營者/創業者，每場限4位。

有興趣參加的話，請 whatsapp 你的名片給 Suki (我助手) 5566 1335。肺炎第四尾聲後，她會再聯絡你。

免費 (我不是靠這行搵食?)。我請食早餐 ? Be friends ..... 多謝! 李根興 Edwin

www.edwinlee.com.hk
www.paragonasia.hk，
https://www.facebook.com/paragoninasia/

#paragonasia #做生意的九大元素

全文內容:

做生意，你要認識你嘅 Business Model Canvas 商業模式圖，有九格， 逐個逐個同你講。

肺炎第四波開始有減退嘅跡象， 等佢過咗之後，一連幾場星期六，我會在 Paragon Co-work Space 搞下做生意分享早餐會， 其中一場會講 Business Model Canvas，人少少，4位，大家交個朋友。講下你盤生意點善用 Business Model Canvas 嘅九格。

我2016及17， 連續兩年代表Cyberport 帶團去 Stanford Business School 有個創業 bootcamp ，教授 Baba Shiv and Sarah Soule 話創業做生意，你要了解自己嘅 Business Model Canvas.

(1) Value Propositions 價值主張

做生意，你先要知道你幫到人啲乜? 你有乜樣好過人? 點解人哋要揀你? 新啲? 快啲? 平啲? 靚啲? 型啲? Why you?

我做商舖基金，就係幫人哋用少啲嘅資金， 分散風險， 買舖唔使煩，提升回報。

Paragon Co-Work Space 就希望係東九龍集中火力，以幾個center 發揮協同效，提供畀創業者最優越嘅營商空間。

記住，想租 Co-Work Space 可聯絡 Samuel Szeto Tel: (+852) 6215 0550
www.paragonasia.hk，[email protected]

你呢? 你嘅 Value Propositions 價值主張係乜呢?

(2) Key Activities 關鍵活動

要帶出以上嘅價值主張，你每日應該做緊啲乜? 生產? 研究? 客戶服務? 解決問題? 建立平台聯繫客戶， 由佢哋自己交易? Whatever...

記住喎，你做嘅嘢，應該係帶到價值主張 key value preposition 畀你嘅客人。而唔係講一套做另一套， 花咗啲時間係無聊，人客都唔care嘅活動上。

Now you know why 我日日拍商舖片，已經拍咗二千幾條， 因為我最重要就係日日要睇舖。

(3) Customer Segment 目標客群

邊個係你班客呢? 大眾市場? Niche market? 男人/女人/成年人/學生哥?

個個都可以係你嘅客，but who is your primary customer? who is your most important customer? 主要及最重要客戶? 你要搞得好清楚，when in conflict，邊個利益行先?

我成日都話如果你係揸住港幣八百萬以上流動資產(非物業)，能夠投資最少三百萬以上喺商舖基金，你就係我 primary customer 你嘅利益行先。

你盤生意呢? Who are your customers? Who is your primary and most important customer?

(4) Channels 通路

你點樣搵到、掂到你班客呢? 班客又點識你、點搵你、點俾錢到你呢? 分五個階段: (1) 認知 Awareness (佢先要識你)，(2) 評估 Evaluation (再諗過計過), (3) 購買 Purchase (俾錢), (4)傳遞 Delivery (你提供產品或服務)，(5) 最後，售後服務 Aftersale Service，希望滿意回頭再幫襯。

你盤生意嘅掂到個客嘅Channel 係乜呢?

(5) Customer Relationships 客戶關係。

你點樣同你個客戶保持關係呢? One-on-One? 或 ATM 咁， 機械式，用電腦? 建立個客戶 Community 社群 ， 或者大家一齊俾 idea 共同創造 co-creation?

好似我咁，做咗我嘅商舖投資者，全部都會同我one-on-one有個whatsapp group，任何問題，我都即時回答。任何商舖最新發展， 內幕消息，同埋我哋買咗乜舖沽咗乜舖，我都會即時同佢溝通。 唔單止舖，佢哋好多個人投資同生意，得嘅話我都會提供我嘅意見及幫助。 佢畀得錢我使，我梗係第一時間幫佢。 Paragon co-work space 老闆都係我投資者之一， 佢幫我，我幫佢，當然我都想幫佢宣傳下Paragon Co-Work Space ?

你同你班客嘅關係又係乜呢? 會唔會幫襯咗你，其實你都唔知佢係邊個，大家根本冇溝通過呢?

(6) Key Partners 關鍵合作夥伴

你點叻都好，你自己做唔曬所有嘢。 你日常要同邊個多合作，改善關係，先能夠做到更好呢? 有效同供應商夾得好啲，生意會唔會易做好多?

我成日講笑咁講，我「真正」老闆其實係全港各大小地產經紀， 我日日都要擦佢哋鞋， 因為如果經紀唔畀荀盤我，我這行馬上唔駛做。Fit 馬都變跛馬。同經紀夾得好? Fit 馬變飛馬。

你呢? 你同 key partners 又夾成點?

(7) Key Resources 關鍵資源。

做你以上咁多樣嘢，你需要咩資源呢? 錢? 人? 知識? 廠房?

知道要乜，咁喺邊度搵呢? 點樣提高營運效率? 盡量用少啲資源，做多啲、做快啲呢?

如果我只是一個普通炒家， 大部分炒家都只係需要一個司機(揸佢周圍睇舖)，一個秘書(安排日常工作雜務)，一個會計(管理好盤帳，交少啲稅)，3個人就搞惦，炒幾十億貨都係三個就夠。

但一商舖基金嘅話， 受證監會監管， Responsible Officers 持牌人起碼要有兩個，Compliance Officer 又加多個，再加財務/會計監管，再加 License Representatives 又要考牌，年年續牌， 成立基今日要開曼群島 Cayman Islands 註冊， 律師/會計/基金行政費用一大堆，成本馬上大升。 咁你做生意就要自己計，值唔值得呢?

你呢? What are your key resources? 點搵? 無又點呢?

(8) Cost Structure 成本結構

你做生意嘅成本架構係乜呢? 你最貴嘅成本喺邊度? 大部係 Fixed Costs 固定成本? 或大部分係會隨着你嘅生意額上落 Variable Costs 呢 ?

老實說， 我公司同事們嘅老底(底薪)唔算高， 但佢哋嘅收入會隨著我哋嘅基金每季嘅表現 ，來分花紅。 因為我要班同事們及我哋嘅投資者大家利益一致。 基金賺錢，大家分多啲。基金蝕本，大家都無花紅。This is our cost structure! 你呢?

(9) 以上所有嘢都係支出，最後當然是收錢啦 - Revenue Stream 收益流。

你點收錢呢? 每件收? 每月收? 每次使用收?月費、年費? 版權費、 顧問費 、廣告費、利息、佣金? 係預繳、現金交收、或做完先收數? 會唔會有難尾? 送貨如送米，收數如乞米? 收入係唔係個個月都要有? 重複性購買? 或餐搵餐食餐餐清? 你係做緊農夫定獵人?

我自己嘅商舖基金會收首次認購費， 每個月會收管理費， 同埋間舖賣咗出街之後賺錢，會收表現分紅 performance fee. 賺就收，唔賺就唔收。 之前嗰兩項叫做「維皮」， 表現分紅先至係我哋嘅肥豬肉。你呢? 錢從邊道嚟，點嚟呢?

記住做以上12345678一啲都唔難， 免費嘅話，十萬個人搵你做。 最難嘅係第九，收錢。 但其實收錢都唔難。 你可以支出100蚊，收得廿蚊。蝕80蚊，咁你要繼續的話可能要不斷地「籌錢」， 吹水吹到以後個餅好大， 希望有投資者畀你錢繼續燒。咁下期你可能支出200蚊，收入80蚊， 感覺收入大升，但其實可能仲蝕多咗。 今時今日，好多初創企業就係咁。 收入係多咗，但蝕得更多。

無話對與錯，大有大做細有細做，做生意你可以專注「籌錢」，亦都可以專注「賺錢」。我選擇「先賺錢、再籌錢」，因為賺到嘅錢係自己嘅，籌錢嘅錢係欠人嘅， 感覺真係好唔同! 我自己做商舖基金，就係exactly 「先賺錢、再籌錢」， 如果憑我自己能力都未能夠賺錢，我邊有資格去籌錢，幫客人搵更多錢呢?

記住，最好嘅生意應該係收入多過支出， 而且多過好多，持續地多， 咁你就本事! I like this business.

有興趣以上九個做生意嘅元素，Business Model Canvas 的:
(1) Value Propositions 價值主張
(2) Key Activities 關鍵活動
(3) Customer Segment 目標客群
(4) Channels 通路
(5) Customer Relationships 客戶關係
(6) Key Partners 關鍵合作夥伴
(7) Key Resources 關鍵資源
(8) Cost Structure 成本結構
(9) Revenue Stream 收益流
肺炎第四波後嘅星期六，我一齊同你小組分享下， 度下你們生意點做好啲。有興趣 send 卡片畀 Suki， 喺 Paragon Co-Work Space 呢度見啦!

Business Model Canvas Download https://upload.wikimedia.org/wikipedia/commons/1/10/Business_Model_Canvas.png