有靈魂的劍（下）
　　
上集：https://bit.ly/3gl3QQ6
　　
按照慣例，我劍法大成後，就應該去江湖歷練。

一個月黑風高嘅晚上，我偷偷拎住包袱，離開山莊，希望避開神劍。

但呢個好明顯係奢望，我同神劍已經滴血認主，神劍隨時追蹤到我。

所以，當我喺客棧瞓醒，我見到神劍就喺床邊。

歷代祖宗好興奮咁討論：「風兒終於出江湖歷練啦，令我諗起我當年……」
　　

我走唔甩，唯有帶住神劍行走江湖。

我承認，神劍嘅威力真係幾強大，同人比武鬥爭嗰陣，神劍鋒利無匹，加上我哋人劍合一，神劍清楚我嘅一招一式，予以配合。

冇幾耐，我喺江湖上就建立咗「神劍少俠」嘅威名。
　　

闖蕩江湖，除咗行俠仗義、振興家族名聲之外，當然要追女仔。

相遇、相識、相知，我同江湖第一美人龍小雪情投意合。

喺一個浪漫嘅晚上，我哋一齊仰望星空，然後我攬住小雪，我個嘴漸漸靠近佢嘅紅唇……
　　

「嘩，錫佢！錫佢！」

「呢個就係我未來嘅曾孫新抱？等我睇真啲先，唔，身材穠纖合度，應該幾好生養。」

我一手將外袍丟出去，蓋住神劍。

但係神劍一旋身，又從外袍中鑽出嚟。
　　

佢哋繼續爭論：「阿仔，子曾經曰過：『非禮勿視。』唔好咁多事啦。」

「話雖如此，但呢位姑娘好可能會成為『劍神山莊』嘅長媳，生出下一代繼承人，我哋當然要好好把關。」

「啊啊啊！夠啦！」我忍無可忍，怒吼一聲。
　　

小雪呆咗：「風哥，你做乜嘢？」

係喎，只有我同神劍血脈相連，小雪根本聽唔到我嘅歷代祖宗講嘢。

但係，就算我同小雪結咗婚，我都要日日夜夜生活喺祖宗嘅監視下，咁樣嘅人生邊有意義？

諗到呢度，我忽然萬念俱灰，連追女仔嘅動力都冇埋。
　　

我嘆氣：「對唔住，小雪，我襯唔起你。」

「我哋明明幾好㗎，做咩突然咁講？」小雪嚇咗一跳。

喺佢嘅追問下，我只好將我同神劍嘅瓜葛講晒出嚟。

小雪若有所思：「其實神劍都幾好，又教你練武功，又保護你闖蕩江湖。」
　　

「我唔係話佢哋對我唔好，而係……我唔想下半世都係咁啊。」
我好困擾：「我更加唔敢娶你，我自己都唔快樂，我點畀到快樂你？」

小雪沉吟咗一陣，居然講：「為咗你下半生嘅幸福，你更應該娶我，儘快娶我。」

「吓？」我唔明。

小雪細細聲喺我耳邊講咗一句說話。
　　

冇幾耐，我就同小雪結咗婚，好快生咗個仔，叫做阿武。

阿武細細個嗰陣，我就成日同佢講，我哋劍神山莊祖祖輩輩行俠仗義嘅故事。

阿武好想練武功，好想成為一代大俠。

終於有一日……

「武兒，今日我就將祖傳嘅神劍交畀你，神劍凝聚咗歷代祖宗嘅靈魂，每一個都係劍術宗師。希望你可以好好練劍，將『劍神山莊』發揚光大！」
　　

上一代總係對下一代寄予厚望，

只不過，有時上一代嘅厚望，係佢哋自己都做唔到；

有時佢哋做到，不過唔係好想做。
　　
－完－
　　
將專頁設定為「搶先看」/ "See first"，最新故仔馬上睇！
　　
親生阿媽大戰養母：https://goo.gl/i6MyDL
我個囡唔係我生嘅：http://bit.do/eRRyj
　　
#短故 #短篇 #小說 #陳美濤 #廣東話 #粵語 #tomatochan #有靈魂的劍

陽廟、陰廟小百科噢！(#孟孟仔)

影片授權：Cheap
完整影片：https://bit.ly/342e8hY

#即新聞
☛即新聞有YouTube啦！訂閱我們看更多
http://bit.ly/2H6SArA

陽廟、陰廟小百科噢！(#孟孟仔)

影片授權：FB@Cheap
完整影片：https://bit.ly/342e8hY

#即新聞
☛即新聞有YouTube啦！訂閱我們看更多
http://bit.ly/2H6SArA

#神魔之塔 #巴比倫
如果喜歡我的神魔影片可以訂閱我的頻道哦，
以下是我的粉絲團，
歡迎按讚追蹤更多動態！https://www.facebook.com/WeAreSBY/

#巴比倫主神 #神魔之塔
如果喜歡我的神魔影片可以訂閱我的頻道哦，
以下是我的粉絲團，
歡迎按讚追蹤更多動態！https://www.facebook.com/WeAreSBY/

#巴比倫主神 #神魔之塔 #聖鬥士星矢
如果喜歡我的神魔影片可以訂閱我的頻道哦，
以下是我的粉絲團，
歡迎按讚追蹤更多動態！https://www.facebook.com/WeAreSBY/