你哋有冇遇過一啲好臭脾氣嘅同事？正確嚟講，係好臭脾氣但係冇料嘅同事。

以前做報館，有個美術部同事好臭脾氣，簡單嚟講就係唔想做，你pass啲相過去畀佢「退地」，無論係畀1張定係20張，佢都會黑口黑面，因為你阻住佢打機同睇片，不過佢個職責真係「退地」吖嘛，我哋啲相唔畀你畀邊個啫？

同埋佢處理啲相都好正㗎！一係「退地」退唔晒，一係唔知點解cut咗隻手（當時係體育版，好多球員嘅action相），我對於公司要養廢人就冇意見嘅，最慘係有時要part住佢做嘢。

做親嘢都拍枱拍櫈，屌呢樣屌嗰樣，我哋司空見慣㗎喇，有一日佢「退地」又退到球員個頭冇咗一忽，因為當時好趕，我阿頭就行埋去叫佢退多一次：「咁唔掂喎師兄，退到球員個頭起角嘅，好似『大家食』個老細咁款。」

（註：唔知道「大家食」老細個頭點起角的話，不妨用google搵一搵）

我覺得阿頭客氣咗，坦白講個頭退到似海綿寶寶多啲。

當時臭脾氣同事用部手提打緊機，只見佢好唔耐煩咁擺低部電話：「咁麻煩㗎你哋，搵第二個搞啦！」

於是我阿頭同佢阿頭投訴，又因為佢阿頭一直都知咩事，所以就同返呢位臭脾氣下屬講聲，叫佢以後做好本份先，咁咪唔使同其他部門咁多嗌霎。點知臭脾氣同事上晒身，話咁麻煩寧願唔撈，轉頭交埋辭職信，佢阿頭簡直係「欣然接受」，九秒九請埋個新人返嚟，不過臭脾氣同事唔肯教新人，繼續日日擺款，差啲迫到個新人走埋，最後要佢阿頭親自教。

臭脾氣同事原來去咗另一間雜誌社工作，唔夠一個月就唔做（定唔知畀人炒），搵返佢阿頭問仲有冇位？又問個新人掂唔掂？如果新人未過試用期不如請返佢......佢阿頭梗係即時落閘啦！

頭先因為見到海綿寶寶諗返起呢件事，其實每個人都可以有脾氣，但係唔好畀自己嘅脾氣大過自己嘅能力，更何況搵食已經夠艱難啦，同事之間又何必黑口黑面畀氣人受呢？大家都係打份工啫。

公司之前請咗個好負能量嘅人，呢位同事每一日都怨公司、怨老細、怨同事、怨影印機jam紙、怨上網慢、怨廁紙太薄、怨公司location唔好……三日唔埋兩日就話要辭職。

我哋呢啲做咗好多年嘢嘅人都還好，頂盡畀佢影響下心情，但部分新人真係會嚇親，以為公司好多問題，未過試用期已經遞信走。

你可能會話，做嘢叻嘅人通常都恃才傲物，問題係呢位同事做嘢本身好唔掂呢，留低爛攤子畀我哋收拾嘅人係佢，聲大夾無準嘅人係佢，零生產力嘅人都係佢，係咪好funny呢？

不過做咗一年之後，呢位負能量同事真係辭職喇，我公司嘅傳統係每次有人遞信resign，team head都一定會盡力留人，例如同佢入房傾下心事，睇下有冇得掹，偏偏呢位同事辭職，佢team head冇咁做。

我：「喂，你哋唔留人嘅，做下樣都要喎，佢好似等緊你叫佢入房傾。」

佢team head：「傻㗎咩，大好機會，啲毒素排到出去就排啦！一陣先發現原來佢跳草裙舞，最後收返封辭職信咪大鑊。」

我：「哦，原來玩自然排毒。」

其實一個負能量嘅同事，同你身體嘅毒素真係一樣，我哋每日嘅生活同埋工作已經夠晒忙，夠晒大壓力，有啲嘢仲要冇得揀，例如客人冇得揀，請咩職位冇得揀，出去食lunch都冇得揀，冇時間就唯有趕頭趕命去公司附近啲餐廳填飽個肚，生活一早失衡，身心都積滿毒素，如果可以排走，咁當然唔好留啦！

我覺得身體嘅毒素容易搞啲，起碼可以借助日本大熱 [#綠之習慣]，佢含綠蟲藻，係排毒嘅高手，綠蟲藻唔單止可以幫腸道，血管，同埋肝臟全面排毒，仲可以減少腹部脂肪積聚，另外含有59種全面天然營養，包括維他命、礦物質、不飽和脂肪酸，同埋胺基酸等等，補充繁忙都市人嘅營養失衡，只要養成每日都食呢隻Super Food嘅[綠之習慣]，自然可以毒素Out營養In，保持最sharp醒嘅狀態。

至於公司啲毒素就比較難搞，好在呢位負能量同事自己遞信，以後天下太平，唔使再聽佢怨天怨地，希望每間公司嘅毒素都可以自然排出，冗員Out，做得嘢嘅人In！

#廣受日本人追捧 #SUPERFOOD #毒素Out營養In #冗員Out做得嘢嘅人In #排毒 #綠蟲藻 #日本製造

綠之習慣 - 日本沖繩綠蟲藻

今早死臭飛訓到朦朦朧朧既時候，收到朋友的whatsapp，睇完之後，笑而不語

原本都由佢，因為謠言止於智者，但提及死臭飛最尊重既老母，不得不出聲

相信見過死臭飛，認識死臭飛既朋友，都會好清楚佢為人，因為睇呢個專頁既，有的是死臭飛朋友，有的是巴士迷，有的是以前工程部既同事，以至死臭飛係香港討論區以90後巴士佬身份寫遊記既粉絲

其實like呃黎其實無咩用，又唔係有錢分，而死臭飛以前唔知佢自己係討論區有好高既知命度

曾經有人叫過死臭飛唔好亂寫野，因為有高層會睇，但死臭飛唔怕，永遠以第一身既感覺寫出黎

有一個車長返工，只會買兩個包，一個自己食，另一個就是收工時，俾家中3隻寶貝，但這個站長要食，死臭飛都會俾佢

而大家應該都知，死臭飛去柯打290A前，會有大把休息時間去買野食，而燒賣是不是死臭飛買，就由大家定奪，真的假不了，假的真不了

而死臭飛離開工程部既原因，有的會覺得係為左一個台灣女仔，有的會覺得死臭飛未玩夠，其實當時死臭飛係廠內都已經被認定為未來接班人

升師父時，死臭飛去問廠主任，幾時授權揸車，得到既回復係，半年試用期後，但最後點解半個月後，主任會授權死臭飛揸車，及後更做埋工程部兼職車長

死臭飛暗地裏付出左好多，但最後因為太多機票係手，也不甘心困於廠內，所以就忍痛辭職，有人會覺得這是很傻的做法

係工程部最後一日，死臭飛並無周圍去同人影相，反而平淡地度過，係離開工程部後，就算回廠，在廠內既師父見到死臭飛都會笑住叫佢，同佢傾偈

車長這個夢就此完畢？不是，因為死臭飛離職，上車務部，同經理說出自己既想法，最後得到經理幫助下重回九巴做兼職車長，繼續實踐自己既夢想

也要多謝派更部同車務部既容忍，先令到死臭飛有咁多假去旅行，放眼看世界

不經不覺就此就黎一年，死臭飛去留也是一個問題

也可能死臭飛不善拒絕，所以引起其他人誤會，因為一個認識左半個月既人，令到死臭飛放棄一個自己鐘意左3年既人，死臭飛只知道，一日呢個女仔係佢女朋友，也不會瞞住佢，做啲對唔住佢既事，唔想帶給佢希望，最後換來失望

有果句講果句，呢個不就是你們所認識的死臭飛同90後巴士佬嗎？

最後多謝中傷我既人幫我充一啲無價值既人氣，所謂既like，我老母在家很好

當初家中父母也不同意死臭飛做車長的，但這是死臭飛的夢想，夢，不去實踐，永遠也只有想字，做人最緊要對得住天地良心，唔好做啲違反原則既事

呢篇野，死臭飛用左足足兩個鐘寫，應該都有130蚊，霞姨，有無飯盒呀？