#gfmurmur8340
我係一個幾獨立既女仔,中產家庭,自細坐爸爸開既私家車。見得多爸爸揸車,大個左我就覺得自己都要考車牌,女仔開車好型,又可以幫手載父母同老人家出入。於是我5年前考左牌,覺得真係好有用,例如載媽媽去買餸,載狗仔去公園,載公公婆婆去醫院覆診,假日載屋企人去街,唔使爸爸辛苦開車,去...
#gfmurmur8340
我係一個幾獨立既女仔,中產家庭,自細坐爸爸開既私家車。見得多爸爸揸車,大個左我就覺得自己都要考車牌,女仔開車好型,又可以幫手載父母同老人家出入。於是我5年前考左牌,覺得真係好有用,例如載媽媽去買餸,載狗仔去公園,載公公婆婆去醫院覆診,假日載屋企人去街,唔使爸爸辛苦開車,去外地自駕遊又可以同爸爸分擔開車時間。(我唔會買車,我係揸屋企既架車)
我未婚夫佢好好,但冇車牌。我覺得冇乜野,兩個人有一個人識揸車都夠。不過我父母覺得男仔應該要識揸車,係一技傍身,例如可以喺我有事無法開車時幫手,或者自駕遊可以一人一半冇咁辛苦。問題係我未婚夫好細膽怕學車,佢好肯定自己揸唔到車,覺得自己成日諗野會分心,同埋體質易累etc... 佢話等遲d無人駕駛普及就唔洗學車 😂 佢d男性朋友10個有9個都有車牌,個個都叫唔郁佢。
其實我真係冇所謂,只係父母有要求。我地原本諗住蜜月去冰島自駕遊,但因為未婚夫唔放心得我一個揸車而放棄。咁去旅行又唔一定要揸車既,咪揀第二d地方囉,揸少d車又可以減少排放二氧化碳... 我只係想問下大家對男人識揸車既睇法😂 (我意思學車唔係用來玩車兜風,而係實用地喺日常生活幫忙) 謝謝🙌
--
#hkig #couple #murmur