【龔成問答信箱】（Q16301-Q16320）

Q16301：

老師，我係股票班學生，希望請教一下你認為香港鐵的客運業務，看EBIT 還是EBITDa 比較有代表性

另外，我見 2017 兩條新鐵路綫通車使折 舊及攤銷費用大增，導致 EBIT 下跌 35.6% 至 16.56 億港元。

在看港鐵的年報看到這一段，這是否反映建設新鐵路的成本十分高，帶來的票價收入增幅不足以抵銷攤銷成本，反映新鐵路單看票價來看的成本效益不高？

龔成老師：

由於當中有一定的資產，所以我地在分析時，會偏向運用「EBITDA」，代表性會比較高，同時，如果要比較外國的同業時，可比較性會較強。

當然，我地在分析時，EBIT都有作用，配合其他財務數據分析時，往往有更立體的分析。

其實鐵路的折舊一向好大，當成本大時，每年的成本都大，過往佢票價的升幅不少，可抵消不少成本的增長，但近年的情況分析，佢將來加價的力度未必有過往般強。

港鐵（0066）長遠的增長力，的確無過往的強，但仍有質素，仍可以平穩增長的。

------------------------------------------------

Q16302：

老師你好 聽聞朋友分析 由於中華煤氣 由以前集團將沿用多年的10送1紅股改為20送1 咁既情況下 朋友分析話月供股票 供夠1手就好停 襲老師你點睇呢? 我個人認為就唔應該停 始終都係一隻優質股票

不過我係唔會賣左依隻股票 依加係到煩惱緊 究竟供緊1手 就係咪唔供 放係到算? 唔該

龔成老師：

其實煤氣（0003）仍是有質素的股票，但增長力弱左，而佢改為20送1，反映增長力可能減少左，但不算差。

香港業務不強，但中國部分不差，中短期雖然較一般，但見佢的長遠發展力仍在，但就要耐心點。

由於佢一向都穩定派「相同股息」，在這情況下，反映派息的增長會少左。但整體來說，這企業仍是有質素的。

我睇翻佢近年在中國的投資，仍是保持進行的，每年都有幾十億，這些投資不會好快就見到收成，但這企業就仍是發展中的。我對佢長遠發展仍是正面，只是增長力的問題。

你仍可以供，只要合理佔你財富比例不要過多就得。

------------------------------------------------

Q16303：

龔成老師，如果要建一個投資組合，請問大約要選多少隻股票組成一個收息組合；

另外分注投入是要等待股票價格一次比一次低時入場嗎；

因為都是近兩個月才開始留意及學習投資知識，也對老師的投資理念產生認同感，請問如果我想購入老師的書籍學習，應該按那個順序去閱讀，謝謝老師

龔成老師：

首先，我地要建立一個長期的投資組合，當中都是有質素的股票，同時考慮自己的風險承受能力，去決定點設計。在股票數目上，如果金額不算大，可以5-10隻，如果當中有盈富（2800），數目可以減D。

至於買入技巧，分注就是分開多次去入，例如你將一筆資金，分或3次，每隔2個月入一次（這叫時間平均法）。

如果用「價值平均法」，例如現價買入一次後，每跌10%再入多一次，但要預早設定金額上限。

書方面，你可以睇《股票勝經》、《80後百萬富翁》。

------------------------------------------------

Q16304：

龔sir：你好呀！ 我是澳門住， 澳門月供股票係咪比較貴啲所以就唔好月供股票！ 本人今年44歲， 結咗婚， 月入三萬幾蚊一個月， 有一個仔，一個女， 有參加補習社三千幾蚊一個月～

兩個人， 星期六日有其他 興趣班 舞蹈班， 英文班！ 亦需要比錢！

本人而家供緊樓， 一個月供一萬蚊左右， 我唔係自己住層樓，層樓租咗出去每個月六千蚊， 我層樓係用嚟投資㗎！ 有一個工人每月4000元， 其實一個家庭 消費都好犀利， 私家車每月租2000元

電單車700元， AIA保險公司每年儲蓄 七萬幾蚊， 共五年等到退休嘅時候用， 現在供左工作三年， 仔女保險加埋自己大約一年六萬蚊左右, 一個月柴米油鹽 燈油火蠟！

一個家庭開支必須用呀， 我現在手頭上現金大約係八至十萬左右啦！ 其實我冇乜洗費呀！

啲洗費都係用係家庭開支呀！ 我覺得有家庭都好難話 儲得多錢因為家庭開支係必需嘅！ 我現在手頭上現金唔多點樣可以將啲現金 買股票滾大去！ 本人工作做多十六年！

60歲要退休！ 請龔sir比多啲寶貴嘅意見！ 指導下小弟！ 謝謝龔 sir的幫忙！ Thank you so much

龔成老師：

有負擔的確在儲錢上會比較難，不過，你現時只是44歲，離60歲仍有一段時間，你仍可以把握。

由於你本身有物業，因此在財富配置上，應該投資股票，如果澳門月供股票較煩，你可以自行分注去入。例如，你每儲幾個月錢，然他就入一手盈富（2800），如同儲盈富的模式，之後，當現金去到較多的情況下，就買入部分優質股。

銀娛（0027）、恆基（0012）、中銀（2388）、港鐵（0066）、煤氣（0003）、粵海（0270）、領展（0823）、港交所（0388）、希慎（0014）、太古地產（1972）等，你可以了解下這些股票，然後從中選股。

你利用16年時間，去盡力儲積一些優質股。

當我地進行人生財富累積，會運用「先增值，後現金流」作方法，初期應投資較多增值類資產，而較年長的，則應投資較多保守類項目。

例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。

其實，以你的年齡，財富仍有一定的增值力的，建議你多增加投資知識，在選股、企業估值、投資時機上落功夫，對你長遠財富有好大影響。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q16305：

成哥。請問

1)國泰有危機又面對破產時，香港政府出手救援，甘國泰會唔會似港鐵甘優質左，護城河又勁左。。現會唔會小注甘投資好?

2)巴菲特放棄航空，及現況以上處境，成哥你又點睇？

謝謝

龔成老師：

1）坦白講，國泰（0293）的質素只是一般，就算佢重組，得到新資金，只是比佢「捱過這一關」，並不是賺錢能力方面有改善，長期的質素仍是一般般。

這是一個長期的問題，航空業始終唔太好賺，加上風險不少，因此唔太建議，就算佢行業地位強左，行業本身唔賺錢，都無用。

2）我一向都唔睇好航突業，你見《50股》是無一隻航空股的。我相信巴菲特認為這行業的風險度增加，投資價值減少左。

------------------------------------------------

Q16306：

成哥：請你幫我睇一下。以下的股可以入嗎？1955莊臣控股，2822美高梅。0200新濠。本人有49萬。

龔成老師：

莊臣控股（1955），是香港的環境衞生服務供應商，主要提供以下類型的服務：（１）樓宇清潔服務、（２）公園及康樂中心清潔服務、（３）街道清潔服務、（４）院校清潔服務、（５）其他清潔服務。

睇翻佢的財務數據，生意增長力不強，盈利略有下跌的情況，獨特性不算好強，投資價值只是一般。

美高梅中國（2282）現價合理，有質素，可以投資，新濠（0200）都有質素，可投資。不過，你唔好將資金集中同一行業，一般來說，同一行業佔你組合3成已可以。

你可以再研究點分配資金，唔好急，資金要有效運用。

盈富（2800）、恆基（0012）、中銀（2388）、港鐵（0066）、煤氣（0003）、粵海（0270）、領展（0823）、港交所（0388）、希慎（0014）、太古地產（1972）等，你可以了解下這些股票，然後從中選股。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q16307：

龔成老師，我早前買左9988阿里巴巴，買入價207蚊。請問老師覺得9988係優質股嗎？可長期持有？

有朋友話阿里巴巴早年私有化事件。如今再上市係老千股。老師又有咩睇法？謝謝。

龔成老師：

阿里（9988）有質素的，有增長力，當年佢私有化再上年，當然會扣分，但這類財技，最大的效果是高價格上市，低價私有化。

只要利用合理估值，不要在上市後立刻入，就無問題。這股的合理價在$180以下，你買入價略貴，但如果注碼不多，可以守住先。

之前我寫過在這股的分析文，你可以睇睇：

【阿里巴巴的投資價值】

簡單來講，阿里巴巴可以話有4大業務部分：

1）商業業務
2）雲計算
3）數字媒體及娛樂
4）創新業務

阿里巴巴不少業務都處於有優勢的地位，同時擁有一個超大龐大的客戶群，可說擁有很大的業務優勢。可說在不少範疇，處於一個壟斷的地位，這點令企業處於很大的優勢局面。

另外，業務仍處於一個增長階段，加上本身擁—個龐大的客戶基礎，這對於延伸業務的發展十分有利。

當手持龐大賬戶，就是擁有了巨大的客戶基礎，擁有了大數據，無論發展增值服務或其他服務，也有很強的優勢，而這些延伸的業務，正是價值所在。

--4大業務理想--

就阿里的4大業務來講，仍然處於一個增長階段，商業業務為企業的最大貢獻部分，而這部分擁有的客戶基礎及數據，則會為餘下的3大業務，產生持續的增長。

只要最核心業務保持優勢，其餘業務發展就理想。就過往的財務數據來分析，商業業務仍處於增長狀態，同時有一定的現金流，同時已建立一定的優勢，地位不會動搖。阿里的確有一定的優勢，同時仍有增長能力。

不少延伸部分仍有很大的潛力，而核心業務部分，相信會保持增長一段時間。因此，這企業是有潛力的企業，同時本身有質素。

--財務數據理想--

整體來說，阿里的財務數據不差，業務仍處高增長狀態，加上有實際的盈利，有理想的現金流。

整體來說，阿里都處於理想的增長狀態，收入、經營利潤、盈利，都保持理想增長，這點雖然利好，但投資者不能盲目認為企業會超高增長，同時要理性分析財務數據。

大家要留意，在招股書公布的第二季業績顯示，盈利十分強勁，比去年同期倍升，不過，當中包括左來自螞蟻金服33%股權的特殊收益近700億元人民幣。如果扣除了這些一次性後，盈利約為329億元人民幣，按年上升4成。

--投資策略--

整體來說，阿里的業務層面，擁有相當的優勢，不少業務處於壟斷狀態，同時增長理想。加上正不斷發展延伸業務，這都會成為企業增長的潛力，預期增長會持續，這是阿里最大的賣點。

以企業的長期發展計，這股的確優質，但在現價略貴的情況下，投資值博率只屬中等。

當然，這股增長力強，只要業務與盈利大增，之後就算股價不變，都會慢慢調整到合理的估值區域，所以，這刻不是全無值博率，只是值博率不算好高。

對於這類優質、有發展，但現價略貴的股票，小注投資是較好的方法，算是平衡了風險與增長的考慮。這股可以長線投資的。

------------------------------------------------

Q16308：

龔sir你好，我是投資新手，現持有3手金莎（1928），想選擇多一兩隻股票，再投資一兩手，現時以有升值潛力的收息股為選擇條件

打算最少持有兩至三年，想問一下以下股票哪些可以作考慮？謝謝解答！（0001，0012，1038，2800，0010）

龔成老師：

金沙（1928）你可以長線持有。

之後要再加股，你首先應該加入盈富（2800），因為這是一個組合，可以平衡你的風險。另外，你可以考慮加入恆基（0012），這是不差的收息，長遠有基本增長能力，相信是適合你的。

------------------------------------------------

Q16309：

老師你好，剛開始留意你的page
有問題想請教下

本人26歲 儲蓄約有8萬現金 月入約2萬多 一個月約儲9000$ 應該月供 定 一手手咁買呢？

本人希望於30歲時 儲到70萬（或更多） 去買樓及結婚。 買平穩股 還是 潛力股？

比例分配如何較好？
謝謝老師

龔成老師：

你這個年齡，是財富增值的黃金時期，要好好把握，盡你一切的力量去儲蓄、投資、學投資知識。

你可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先。

如果你無乜投資經驗，做月供股票較好，較有分散風險的能力，每月$8000。而現金就唔好動用住。

你可以考慮盈富（2800）$4000。

另外再加2隻（每隻$2000）：銀娛（0027）、恆基（0012）、中銀（2388）、港鐵（0066）、煤氣（0003）、粵海（0270）、領展（0823）、港交所（0388）、希慎（0014）、太古地產（1972）等，你可以了解下這些股票，然後從中選股。

如果你不懂股，就集中供盈富$8000。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q16310：

老師，其實自從留意你的網站和睇你的書（除咗最新那本未買，不過50系列和年報勝經尚未睇），自己的而且確係對買股票安心咗，但當聽到滙控這大藍籌股的震撼消息，心真係痛。那些垃圾股輸了是抵死的，但有實力的都會這樣就好擔心，開始動搖自己的投資方向。

雖然我都有一定「股齡」，但每次都係聽朋友講number，結果合股⋯⋯全軍覆末。

舊年睇完老師的分享，開始買老師建議的股票，都是優質，心定。所以我見到低價時都入一手儲備，我相信將來一定有回報的。

我的朋友加按自住樓來炒股，佢話隻376 平平地係3-5元上落，好炒。我睇佢年報過去無業績，雖然評語無問題，但我話輸不起，不再考慮，因我知道佢係5X入咗滙控，近期唔開心。但我鼓勵佢睇老師的書，了解投資世界是要平穩保証才最見效。

我係進階班學生，最後一堂老師的心聲分享對我好大感觸，老師都是慢慢累積經驗來豐富自己的資產。我才鼓起勇氣臨走之前都要親自多謝老師，因為你不是在吹水，好多分析員講完就算。

我一定keep 住1177，再不會只賺一倍就放，我期待將來倍升的豐收。謝謝您。

龔成老師：

所有股票都有風險，點解我話要建立一個平衡的組合，每隻個股唔好多個過15%佔比，就是大企業都會出現我地難以預計的風險，只有建立平衡組合，先可以減少相關風險。

當然，都要學會選較優質的股票，建立強的組合。每個人都要不斷學習，不斷進步。

希望進階班可以幫到你，當中內容我用半年時間建立的，你要溫書先有效發揮到裡面的要點，並加以運用。這是一個不斷學習的過程，祝你不斷找到倍升股！

------------------------------------------------

Q16311：

背景資料:
23歲
40萬股票，10萬現金
每月儲8千
不想月供，只在合理價底部和便宜區買，有耐性
五年後可以有多少合理回報？

比亞迪: 平均37.5，6手
金沙: 平均31.3，5手
港鐵: 平均40.4，3手
領展: 平均68.1，3手
恆基: 平均35.1，1手
盈富: 平均25.2，2手
恒生: 平均160.1，1手
中銀: 平均24.8，1手

請阿Sir有時間幫手睇吓我嘅分配是否正確？

雖然學了很多，但落手實行的時候都是心態亂了點，雖然是合理價，但如果能在便宜價才入就更好，耐性不夠好。
銀行股和恆地不會再買，
因為恆基少了10送1，
不想把錢分太散，
所以不再買銀行股。
阿Sir可否給一些建議？
(正在儲錢再上堂)

龔成老師：

你23歲，可以進取少少。

上述的持股，基本上都是有質素，可以長線投資的股票，你長期持有就得，希望5年後有60%-100%的回報。你可以增加潛力股的比例，但就唔好只集中在比亞迪（1211）。

銀行股不是無質素，但增長力及賺錢能力不及過去，所以，不會持有太多。

恆基（0012）仍是有質素，當然，增長力減少左，預期佢中短期都是弱，不過，這股是睇長線及超長線的。

至於無左送股，其實對企業本質無影響，只是左手右與右手數的問題，不過，這反映佢增長力方面弱左。

這股不是無質素，單計佢手持農地是全港最多的發展商，就明有一定的價值，當然，農地要發展要好長時間，所以先話這股要好長線。

你現時持有$10萬現金，在比例上不算多，暫時入貨唔好急。

你唔月供股是可以的，但要懂得自行分注去入，同時留有一定的現金。

另外，以你的年齡，財富仍有一定的增值力，建議你多增加投資知識，在選股、企業估值、投資時機上落功夫，對你長遠財富有好大影響。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q16312：

成哥想問之前睇個本書，百萬富翁第一隻，書有一頁提及怎樣選股，有一條公式市盈率除唔記左係咩？

之後就細個一個數值同埋roe每年keep住20以上，想問可唔可講返條公式我睇下，我想搵定d有潛力股票又合符標準，因為我以下發掘過聯想， 蒙牛乳業，華潤置地呢3隻

指標大過1可以作參考？

龔成老師：

你最好睇一次《股票勝經》，當中會更詳細教你選股及一些基本的購務比率。

當我地選股時，ROE（股本回報率）是其中一個指標，這指標愈高，反映企業賺錢能力愈強，我地一般要求有12%，唔好止睇一年數字，要睇5年。

至於你所講的市盈率大過1，這個叫做「市盈增長率」（PEG）。

公式：市盈率÷每股盈利增長

例如市盈率是20倍，平均的每股盈利增長是10%，PEG=2

當指標大過1時，就是貴。

這公式有兩點要注意，第一，只適用於高增長股，第二，只是輔助的估值方法，只作參考，不是估值的核心，一定要同時用其他估值方法作核心。

------------------------------------------------

Q16313：

龔sir, 在你的著作股票勝經中，有提到主動式買入策略包括時間分注，在恐慌期分注及價格分注

1)請問時間分注除了以分，例如每三個月就買入一注，另外以月供分注(即將資金平均在12個月用月供的形式買入)可行嗎？

2)請問恐慌期分注的具體做法係點，與時間分注同價格分注有咩分別？
雖有書提到金莎例子，但請問買入的考量係咩？

3)你有提到金字塔式的買入，越平買越多手數，但有啲股票一手很大，應該買唔到咁多手，咁應該如何調整呢？

4)以現時市況，你的買入策略會係點？

5)你亦有提到股市週期，以你經驗，請問係咪每次都會完整經歷一次呢。即係熊一，二，三之後先會牛一，有冇可能熊一，二之後就轉牛一呢？謝謝！

龔成老師：

1）將原本一筆的資金，分成多次，每隔相同時間買一次，例如月供，又或自己每隔2個月入一次，都是時間分注法。目的是減少個人主觀的分析，將買入價平均，減少風險。

2）在正常時期，會一邊買股票，同時一邊留現金，又或唔買股票只留現金。

恐慌期，就是除了正常的買入股票外，還會動用「儲備」去入市，加大力度去掃貨。要睇翻到時的市況，自己的資金，簡單來說，就是加大力度去入，可能都會分注，但每一注的資金較大。

3）這類股要月供，利用控制金額先得。

如果唔月供，要利用這些方法分注較難，因此要等跌多少少先考慮。

4）現時大市處合理區，入貨的力度唔會好似之前咁大，慢慢分注入就得，但就要同時留有現金。

5）在過往，正常經濟運行年代，的確是熊一，二，三之後先會牛一。但到近代，情況已不同，因為人為的影響太大，例如政府的影響，所以，熊一，二之後就轉牛一，可以。

------------------------------------------------

Q16314：

你好老師！如果想要買一隻穩健的收息股，港燈和中電哪一個較好？股息率分別到多少才值得貨？

現在還有其他高息藍籌值得推介嗎？謝謝！
想要至少4-5%息率，謝謝！

龔成老師：

兩隻都是不差的收息股，中電（0002）增長力比港燈（2638）高，而港燈股息方面會較穩陣，所以要睇你要D乜。

如果要其他高股息，可以考慮：金沙（1928）、恆基（0012）、長建（1038）、置富（0778）、陽光（0435）、香港電訊（6823）等。

------------------------------------------------

Q16315：

龔成老師,你好....我係投資BB班,啱啱先開始睇你的<<股票勝經>>(未睇曬,去到Ch.5)....想趁呢次肺炎危機入市, 但嗰市好似開始升返,我怕等我睇完曬 你的<<股>>, 2本<<50>> 先開始入市會錯過咗今次機會, 請教點做好?

我想即使未讀都做住月供股票先...打算供2800, 435....我目前得5萬現金可用, 係咪好弊?

我簡介一下, 數年前我有一份月薪30000的工, 每個月儲到8k-10k...唔識投資,最多做定期1年收2-3厘息.....
本來都儲到50萬....點不知由於某些原因, 我失去9成我嘅儲蓄,而且屋漏兼逢夜雨, 連嗰分"優差"都失去埋, 而家份工月薪比嗰時足足少咗10k !

有冇方法可以喺短時間例如 (3,4年內)可以將我唔見咗嘅搵返返嚟?

可能好長,老師你未必有興趣了解..但我自己感到以上悲劇(失去積蓄,較高薪工作,年紀變大(30 going to 31)....我好想收復失地, 之後再攞嚟投資落去, 求你advise指教應該點做?

Thanks for take time to read it.

龔成老師：

每個人都有唔同的經歷，你唔好太著重過去，要睇前面！

你30歲，仍是一個好黃金的年齡，我收好多讀者問題，佢地的情況遠比你差，但都會好努力做好理財，希望可以追翻時間！唔好停在過去，你只要而家努力，將來可以變得好強！

你先做月供股票，只要每月用部分資金，一邊月供，一邊儲現金就得，無人知大市之後會升翻定大跌，但現時做月供，是可以。只要你同時有一定的現金剩就得。

你現時現金$50000，唔好動用，大跌市先出手。

同時，你可以做月供股票，每月$7000。

你可以考慮盈富（2800）$2000。

另外再加2隻（每隻$2000）：銀娛（0027）、恆基（0012）、中銀（2388）、港鐵（0066）、煤氣（0003）、粵海（0270）、領展（0823）、港交所（0388）、希慎（0014）、太古地產（1972）等，你可以了解下這些股票，然後從中選股。

如果你不懂股，就集中供盈富$7000。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q16316：

老師我仲有7年退休,現有股票3号煤氣可惜17元入 另外有939, 1093三隻股票 ,想請教老師我現在月供股票可以嗎？

經常聽老師月供最少5年以上,我想在我退休之前可以增加我嘅財富 本人現金可動用4O萬,請老師指教我供那幾隻股票好,謝謝

龔成老師：

現時你持有的，都是有質素的類別，你長期持有就得。

由於你有7年就退休，這刻應該開始準備，你應該集中投資「收息股」。

你現時的$40萬，可以投資收息股，目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、匯豐（0005）、置富（0778）、陽光（0435）都可以。

如果你無投資經驗，就可以用月供的方法，每月供$8000-$10000，原理是將你手上的$40萬，以月供模式分段去入市。

如果你對投資有基本知識，就可以自行將$40萬，自行分注去入。現時大市處合理區，可以一邊投資一邊留現金，而餘下現金的運用，就是等大跌市時出手。

------------------------------------------------

Q16317：

成兄，澳門股想入返啲長揸，睇左六大賭股嘅數字，揀左三隻金沙/銀河/新濠。

好多時見你推介金沙/銀河，但好少見係推介新濠。

我想買新濠，可否俾啲意見？
如果三揀一，買邊隻好？

龔成老師：

其實6大博彩企業，本身都有一定的質素，只是金沙（1928）、銀娛（0027）最睇好。無論是穩健度，風險，長遠的增長力，銀娛都是較好的。

至於新濠（0200），都是正面的，但增長力就唔算好強，現價仍是合理的，你都可以考慮。

------------------------------------------------

Q16318：

我今年29歲 其實我組合左個餅 我有150萬
我想月供10000元盈富

2000中生製藥
2000比亞迪
2000中國鐵塔
2000阿里巴巴

以上係我知道年輕時要較多增長資產

另外我亦想一手手入既平穩增值股 每2至3個月入一次 但有好多我都有興趣 吾知會吾會太分散全部股票

中銀香港、銀河娛樂、港交所、港鐵、粵海、煤氣、恆基、領展

以上所有都有想入 請問我呢個餅全部加埋有13隻股 會吾會太過分散？謝謝你

龔成老師：

上述都是有質素的，方向正確，而我會建議你優化少少。

第一，加入盈富（2800），這基金可助你組合平衡，要保持長期進供。另外，你29歲，進取少少都無問題，但你要明白當中的風險，你想加入的4隻股，都是有潛力的，如果每隻供$2000無問題。如果見到大跌時，可以一手手模式入。

至於其他股，你可以選3-5隻，恆基（0012）、銀娛（0027）、港鐵（0066）、港交所（0388）、領展（0823）都可以考慮。

另外，以你的年齡，財富仍有一定的增值力，建議你多增加投資知識，在選股、企業估值、投資時機上落功夫，對你長遠財富有好大影響。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q16319：

老師請問1708如何？
老師見你推薦1686現價5個幾可入？

2388同3968兩隻詳價入邊隻好d長持有

龔成老師：

三寶科技（1708）主要係中國為智能交通與海關物流等應用領域，提供基於視頻識別及射頻識別技術的解決方案。

業務不是差，但股價太過波動，之前估值太高，同時規模不是好大，怕佢的技術較易被取代。整體質素算是中等。

新意網集團（1586）$5是合理區的中上部，$5以上小注好了。

中銀（2388）現價可分注，招商銀行（3968）都是，兩隻都有質素，招商長遠增長力略高。

------------------------------------------------

Q16320：

老師，小弟以前不懂投資，過往經常炒一些窩輪，一心想炒到一筆首期，結果當然無啦。

雖然我現在43歲，但我有一個目標是能夠買樓，而且在60歲可以供滿層樓。

其實我怎樣才可以買樓呢？物業budget500萬，現在有10萬現金，好像有點難道，希望龔成老師能解答小弟的問題

龔成老師：

財不入急門，你之前太急，所以有反效果，現時都唔可以急，要一步步，合理地進行理財。

你可以由最基本的儲蓄開始，因為你這刻本金不多，要強行投資高風險產品滾大首期，並不是正確方法。

你只有想方法增加儲蓄，同時合理投資，建議你投資平穩增長股，例如盈富（2800）這類別。我反而建議你想方法「增加收入」，兼職、小生意、轉工等，都是你的方向，你43歲，事業仍有最後的突破機會，好好想清楚。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

［國企唔國企，其實有乜分別？］真的。國泰由頭到尾都唔係純私人公司吧。邊個話你知係？少年你咁年青？

Link : https://www.scmp.com/news/hong-kong/hong-kong-economy/article/3088130/trading-cathay-pacific-halted-hong-kong-stock

1. 趕住食飯。快寫。國泰400億重組，政府出300億。有借錢有入股

2. 未出詳細，但大約估到。首先政府借錢，合理亦意料之內。但另外，政府會入股。嘩．

3. 國泰停牌前350億市值。咁政府出300億，唔知幾多係借幾多直接入股。但正路計，應該個stake都唔少。未必係低過5%嗰種 undisclosed stake

4. 仲話政府會捉兩條友入去。但只係observer，唔係董事局。應該避免觀感上太過干預（有啲人以為嘅）私人公司吧？當然，你有一大個stake都可以唔提名董事的。你有權啫，但你可以唔派

5. 正路地，太古同國航都會跟機？不過似乎係跟得少？就係剩返嗰100億？

6. 人人都係海洋公園咯，即係，國航同太古冇錢咩？肯定有。但就夾政府做冤大頭了。

7. 留意嘅係，08年金融海嘯嘅少少教訓。當年見到歐美好多公司，都用咗公帑打教私人公司。都算。但之後啲高層花紅照出啦，炒啲基層員工啦，就令到大眾好不滿

8. 所以你見早輪美國啲公司傾政府打救，議員都講明，救都得，但你拎咗政府錢，就不能再出高層出花紅炒低層呀之類了。

9. 亦因為咁，好多公司真係點都頂住唔畀政府入股—借錢可以，或者自己在市場借。但死都唔畀政府入股。因為一入嚟，高層啲花紅就冇晒。佢地唔制

10. 例如你見波音，之前死咁滯，但都唔畀政府入股（應該冇記錯）。就係因為呢個原因。寧願政府用其他方法救。借錢可以，幫航空業可以，聯儲局直接買債可以。但唔畀入股！一入股就係金鋼圈！綁住冇得玩肥上瘦下。

11. 亦同樣地，匯豐渣打，08年都冇受政府打救，都係咁上下原因。你變咗RBS之類嘅國企，之後就唔多好玩

12. 但我就係想講匯豐嘅例子！好頂癮。咪話明明冇拎政府錢咯！但之前英國政府一樣唔畀佢派息！哈哈哈。而我只見啲KOL呀議員呀在香港嘈，去屌證監屌金管局，好似冇人去英國嘈喎。

13. 想講係，積尼高遜（無間道風雲）話齋：好人壞人，差佬定賊，你畀人拎支槍指住，仲有乜分別？（大意係咁）

14. 埃汾話你聽：你畀人渣住個春袋，國企唔國企，有乜分別？

15. 不一一細數。但國泰，從撚來都唔係完全嘅私人企業。英殖年代亦都唔係，回歸後有一輪好似自主（同我之前寫地產霸權差不多），但借來的地方借來的時間，差不多響鐘就夢醒啦

16. 唔講咁多政治，但之前種種東西都見到。就算唔係政府入股，國泰因為要飛大陸，根本就點都受政府拉住。就當你唔飛大陸，其實都係一樣。信唔信？

17. 咁而家拎咗政府錢，只係更加名正言順啫

18. 至於國泰空姐係咪變公務員？其實冇乜所謂。你見SQ都係咁玩。坡航叫啲空姐去醫院執屎添。Qantas啲空姐一樣去超級市場做親善大使。咁我估國泰啲空姐唔會去華潤萬家抬蒙牛上架掛？

19. 對，SQ都係一個例子。表面上唔係國企，但，有乜分別？呢排咁鍾意打新加坡飛機，個個強人狂人政治鍾意侵侵，不妨重溫下當年李光耀點對府所謂私人公司SQ罷工（https://bit.ly/37fQn8t）。

20. 唔識聽英文嘅，幫你譯：罷工？罷你老母。拿，有民主有法治，金融中心呀。聽講

21. 唔使半個鐘寫完，貫徹本人寫得好不如寫得快嘅中指。好，食飯。

———————
版務：收費專欄已減價。支持埃汾高質文章。
一星期三篇，$175睇到6月22號，加埋過去兩個幾月所有文章。

請去呢度訂：bit.ly/2wVXndj
課程編號填: CC01
報完會有email通知，繳費後有Login及Password
逢一三五入去 homebloggerhk.com （入到去就睇到《事先張揚》）
亦睇得返以前嘅文。一般我都係會黃昏出文嘅。

【龔成問答信箱】（Q15281-Q15300）

Q15281：

Hi 龔成老師，我26歲，月入6萬，現金儲蓄120萬，暫時放8成儲蓄落銀行做3個月定期，每隔3個月做一次。不知按現今社會情況和未來變化，最明智的做法是什麼？

幾年前買過幾隻股票都蝕錢離場，不太敢再買股票，如要令財富增值，應該從何入手？thank you! 祝身體健康！

龔成老師︰

你過往失敗的投資，很大可能是跟你投資知識不足有關。

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

以你年紀計，應以增值為主。定期雖然可以賺取利息，但利息回報也不高，所以唔係咁適合你。

現在你每月儲到的錢，可以5成去做月供，其餘先儲起，用一邊月供一邊儲蓄的策略。

月供方面，你可以選擇投資在平穏增長股︰盈富（2800）、金沙（1928）、恆基（0012）、中銀（2388）、港鐵（0066）、煤氣（0003）、港交所（388）、長建（1038）、粵海（0270）、領展（823）、深高速（0548）或潛力股︰比亞迪（1211），中生（1177）或福壽園（1448）。

但如果你無信心選股，你可以月供全數在盈富基金（2800），佢係一隻包括50間質素不錯上市公司股票的組合，有效平衡組合風險。到你有能力選股，才加入其他以上提及之優質股。

至於那120萬，同樣可以將一半以分注形式，慢慢買入盈富基金。例如每個月1號，不論價格高低，都用當日價格買入2手，直至這60萬用盡。

而餘下60萬和每月儲到的資金就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。

記住2個投資重點就係，買入必需是"優質股"，並"長線持有"，這樣才會對你最有利。

------------------------------------------------

Q15282：

龔老師，請問滙豐現價可買入，長期收息？
thx

龔成老師︰

匯豐（0005）作為一間大型企業，有一定規模和品牌。

但這企業的賺錢能力比過往年代已減，這刻只是一隻收息股，不要對股價增長有太大的期望。

現價計佢股息率在6.5%以上，以有長線投資價值，已可以買入。但只是收息股。

------------------------------------------------

Q15283：

Hello，師兄你好。我自己比較睇好836華潤電力，至今已經喺唔同階段入咗10萬股，平均價$10.984。

我打算喺嚟緊預計3月22號出業績之前繼續收集，想聽聽你嘅意見。

買入嘅原因如下，
1）500億市值
2）雖然2019改policy後大跌但反饋歷史其實依然每年穩定派息。根據#4，末期派息應有$0.425，因此全年派息實際超過6厘，PE全行之冠

3）以六個月平均價來説屬於低位

4）雖然每一年發電量下降但因為煤炭價格下降，所以令到生產成本下跌，轉換成實際盈利大幅上升。根據計算應該最少可以有70%盈利增長。參考1071發表預測盈利增90%-110%。

根據以上資料，所以我覺得836嚴重被低估。假設我推算正確，只要三月公布業績，應該吸引投資者重新關注，反映到股價

以上大概是我個人分析，但我想聽其他人看法

龔成老師︰

你所講"以六個月平均價來説屬於低位"，這個並非有關企業本質的因素。我地投資股票，應該著重翻佢本身質素和前景，這些多少個月新高新低，唔需要去理。

至於佢最終派息多少、新一期業績會如何，我地現階段唔會知。就算跟你預期末期派息有$0.425，佢現時估價則等同6.25%股息率，但以其質素只算合理區。

再者，如果此股已佔你組合中不輕的比例，就算再平，我都唔建議你再投入資金，以免出現過度集中單一企業或行業的風險。

華潤電力（0836）其實佢本質不差，業務穩定，生意額保持增長，但就因成本問題，令盈利比較波動。其實2018年業績，生意額都有增長，但盈利下跌，加上派息大減，都是致命傷，相信佢中短期都會較弱。

另外，你預要耐心一點才有回報，同埋面對未來一兩年內，派息可能會較弱。

------------------------------------------------

Q15284：

龔成老師你好，看到你有篇黃金十年的文章，想請教一下以下問題:

如果我只做十年月供股票儲蓄每個月供$3,000合共用了$360,000，一直放在户口不動，利用複息效應滾存到20年后才取出來，比較我每個月供$1,500供20年一樣是合共用了$360,000，那個方法是回報好些？

盈富年息率是大約3.30%，想問怎樣可以做到每年有10%回報？盈富基金價格上落是跟恆生指數，是否當恆生指數上到30000點時便可以沽出一些盈富基金賺取利潤呢？
謝謝老師解答我的問題。

龔成老師︰

以年均回報率10%計︰
$3000供10年，再滾存20年 = 總回報約385萬
$1500供20年，再滾存10年 = 總回報約267萬

雖然投資資金一樣，但月供$3000計劃，累積成36萬本金時間較短，令總資金有較長時間享受複息效益，所以那個回報會明顯優勝。

買入盈富（2800）主要有兩個回報（分別是股價升幅，加上股息回報），股息不多，大約只有3%，而股價升幅，其實有升有跌，每年都會波動，但長期平均計，都有5%-10%，當然，這是不一定的。

至於沽出時間，當市場去到一個好貴架時候，我地會調整我地架持有現金比例，這些可以考慮沽出部份。至於平貴，盈富可以簡單用過往恆指市盈率來衡量，而過往主要在8-22倍區間升跌。

------------------------------------------------

Q15285：

你好~之前買左幾隻股跌左好多,要點步處?
1.閱文（772） 99.9 入左1000股
2.華南城 （1668） 2.5 入左58,000股
3.瑞聲（2018） 109入左1,000股
4.易鑫（2858） 7.7入左500股
5.中國龍工（3339） 3.08 入左54,000股
D股都揸左好耐,邊D需要止蝕走人? 邊D可以再注資? 謝謝!

龔成老師︰

瑞聲（2018）長線持有無問題。

易鑫集團（2858）則質素較一般，不斷燒銀紙，未知幾時先有較理想的盈利，對這股略有保留可考慮賣出。

中國龍工（3339）近2年生意不差，但以過去5年計，生意與盈利都有波動情況，這點不得不注意。而企業的賺錢能力算是中等，因此投資不能大注。

另外，你要留意翻閱文（0772）和華南城 （1668）雖然質素唔算差，但同中國龍工（3339）一樣，我都唔建議太大注。一來是質素未算最高，二來是資金過度集中在這3隻股票，都唔係咁理想。

你最好沽出部份，轉至其他優質股上。

------------------------------------------------

Q15286：

龔老師你好, 我今年25歲, 每月揾2.2萬, 扣除家用開銷可儲蓄到1.5萬。

我沒有投資經驗, 請問月供股適合我嗎?
每月投資1.5萬到股票市場適合嗎?會否風險太大?
感謝龔老師解答

龔成老師︰

如果你無投資經驗，唔識定平貴，月供股票就適合你。月供就係透過每月定額供款和長期進行，令買入價會自然地平均，從而減少因價格波動造成買貴貨架風險。

你尚十分年輕，是財富增值的黃金時間，投資策略應以增長力為主。但由於你無投資經驗，我建議你現時每月先用$7500去月供盈富基金（2800）。

盈富（2800）是包括50間質素不錯上市公司股票的組合，有效幫你平衡風險。而另外$7500就先儲起，到你有一定經驗才開始用佢來投資其他增長股。

同時間，你要去多讀投資相關書本、年報，新聞和課程。本人的【投資倍升股課程】適合初學者的，每一課後都會有指引比你，要你在一星期內找那些資料，溫那些內容，只要你跟著去完成，到你讀完整個課程後，你已能自己選股、投資、評估平貴，在投資上已掌握了一定的知識，對你未來投資會有一定幫助。

------------------------------------------------

Q15287：

成哥，想請問981有投資價值嗎？
咩價先係合理區？

龔成老師︰

中芯國際（0981）本質不過不失，雖然仍每年的生意都有增長，但盈利就有波動，反映雖然大環境的市場在增長中，但佢的成本與售價，就未必在佢掌握的範圍，最後造成盈利波動的結果。

雖然這股都有前景，但以佢面對的情況，但好難將佢定義為好優質的股票，只屬中等，但有潛在的增長力。

另外，此股近期升了不少，現時市盈率已經去到近70倍，明顯係貴的水平。此股質素和吸引力一般，你小注可以，但要等佢回落翻較多才好落注。

------------------------------------------------

Q15288：

老師，想問1212仲可長期持有嗎？現在這個時勢，同埋是否再等它跌多d?

龔成老師︰

利福國際（1212）正面的，佢有崇光的業務，同時持有了優質的物業，啟德地都是這公司的，我相信長遠有增長力。

2016年，佢以近$74億投得啟德商業地，利福國際計劃於該地興建兩幢大廈，當中包括建立新的崇光百貨店，連同其他商業、娛樂及飲食設施，以拓展崇光百貨的零售業務，以及持有作收租用途。新項目預期將於2022年前落成。

利福國際將繼續用地產加百貨的模式發展，購入有相當價值的黃金地段，將百貨店進駐其中經營，提高百貨店的品牌及生意，物業其餘部分用作收租，長遠享受物業價值的提供、百貨店在黃金地段的業務提升、租金收入的長遠升值。

簡單來說，就是地產加百貨，購入黃金地段，注入百貨業，而百貨業務產生品牌及人流效應，從而對持有周邊地收租的利福，產生亙相提升價值的效果，絕對是長遠增值的業務模式。

近期大環境因素，難免會影響到佢盈利能力。但相信影響只係中短期，長遠質素不變。但至於佢會跌多幾多，這個無人知。我地投資唔係"估走勢"，而係做"資金配置"。

現時價格已是合理區底部，已有長線投資價值，可以買入。

------------------------------------------------

Q15289：

老師你好！我今年31歲！儲蓄10萬！
月入1萬7千！今個月開始做月供6千供盈富基金和每個月儲蓄5千想做其他股票投資！

希望可以係8年之後可以做
財富增值到100萬
請問用那一款投資計劃可以令到自己增值更多

龔成老師︰

其實你現時策略己經可以，每月將$6000投入月供盈富（2800），而另外$5000我建議你先儲起，用一邊月供一邊儲蓄的策略。

現時大市只在合理區，你儲起的資金就等機會。當大市出現一定程度的下跌，就可以動用現金去投資，在平宜價加大力度掃貨，然後長線投資。

以恆指過去年平均回報10%計（連股息再投資），你每月投資$11000，8年後大約會增值至150萬，故這樣安排相信很大機會達至你的財務目標。

以下這些股票都適合你年紀︰
平穏增長股︰盈富（2800）、金沙（1928）、恆基（0012）、中銀（2388）、港鐵（0066）、煤氣（0003）、港交所（0388）、長建（1038）、粵海（0270）、領展（0823）
潛力股︰比亞迪（1211），中生（1177）或福壽園（1448）。

------------------------------------------------

Q15290：

龔先生你好，我係澳門的讀者 現在24歲。前幾日有見到你講月供股票的介紹，我都開始月供盈富基金（5000/月）

另外想揸多一隻進攻型股票，想問小米集團是不是都係一隻長期發展的股票？ 謝謝

龔成老師︰

小米集團（1810）其實有增長力的，因為佢的產品的確受歡迎，同時處於增長狀態中。

但估值是最大的問題，佢不斷在投資，同時無人知幾時先有較理想的現金流，大家都只是憑「將來價值」去推斷，因此股價一定好波動，市場估值經常處於不一的狀態。

所以，你要預佢將來慢慢會向好，但未有確定時間，因為佢的確這刻未有較好的盈利，如果你投資不多，可以當博下佢將會會發展得好好，因為無人知結果。

如果這股只投資不能太大注。佢前景都算正面，只是有較多不確定因素。

------------------------------------------------

Q15291：

老師，想問如果長缐持有的話，590 或14 會好d！
現價合理嗎？或我應該用月供方式持有。

現時已月供：
2800 $5000
0012 $3000
823 $2000
1211 $2000
謝謝！

龔成老師：

你現時月供的，都是有質素的股票，可以保持長期月供。

如果要加一隻，上述兩股都可以，都有質素，現價都有值博率。如果要2選1，希慎興業（0014）會略好，現時已可開始。

------------------------------------------------

Q15292：

龔老師你好。我係你嘅長期讀者。
想請教你一的投資問題。

講下自己嘅情況先：35歲。同父母同住居屋。父母有小生意。暫時唔使養佢哋。我自己有stable 收入。

每個月月入大約4萬頭。扣除家用，自己用費。一個月大約可以儲25k to 28k左右。有一百萬現金做左定期，2.1%回報。

另外有四十萬買左股票。目標係未來一，二年儲到二百萬左右可以買5m 左右嘅樓。請問有咩投資可做以早日達成目標？唔該你。

龔成老師：

如果你打算1、2年內買樓，就宜較多資金持有現金，投資方面亦唔好太進取。

因為投資股票就是買企業，就算優質企業成長都要時間，2年只是一個中期，未算長。因此，到時的股價就只反映當時市況，而無人知到時市況如何，因此，當中存有一定的風險。

現時的$100萬，建議大部分持有現金，最多動用$30萬投資收息股。目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、匯豐（0005）、置富（0778）、陽光（0435）都可以。

另外，香港經濟轉弱，未來1、2年樓價可能向下，但這可能只是中短期調整，因為香港樓長期供應仍唔夠，因此，長遠仍向上。

以你現時的財富情況，其實已經可以開始睇樓，只要見到樓價有多少少下跌，同時遇到一個心急業主，就是買平貨的機會。

------------------------------------------------

Q15293：

hi,龔老師，一直有留意你的FB,想你給點建議。

我月入4萬左右，老公也一樣，兩人加起共9萬左右。
現時開支是老公負責，供兩層樓，澳門一層(給父母住，共供100萬，供15年左右)，珠海一層(投資用，每月還款人民幣7000左右) ，保險(他與兒子)，給父母的家用，家庭及兒子使費，工人(一人一半，他出MOP2000)
我們自住的房子是父母全款買的，不用供。
我們是分開理財，老公負責所有支出。

我那份除自己基本使費與自己份保險及工人工資(與老公一半，所以2000)外都是存起來的，現在我手頭上有50萬左右人民幣，70萬左右港幣。

雖然基本開支也多，但老公一直以來理財意識不強，所以基本上他的那份工資沒儲蓄，由於他理財意識不強，(不會節約)我就選擇自己処理自己那份收入，其他開支也盡量要他出。

我有2個兒子，大兒子4歲，小兒子剛2個月。

我想離職，主要原因是我工作性質是服務性行業，休息時間(不是週末)及返工時間較忙，較多限制。這份工作不能兼顧兒子教育及沒自己時間。

離職後這段時間我會專注兩個兒子教育，及自我進修，如加強英文及投資理財技巧，及可以的話會做些兼職)
當我認為合適的時候，我會再出來工作的，但還未知是何時)

1.我離職是否合適，因自己沒有收入。
我能利用手頭上現金做些怎樣的投資(股票，房産我都不會)如果投資股票有什麽適合我？
及還有什麼理財適合我?或其他建議？

我一直也想投資做點小生意，我一直从事零售管理工作，所以有管理生意經驗，但自己去投資做生意卻无從入手。

補充一下，1.我現在事業也可以，得到上頭認可，再奮戰多一兩年也有昇職機會。

2.我未與老公商量離職事，我遲職老公應該不太同意，因以前我有提過離職，當時沒太深入去講。或者老公擔心他那份糧只夠開支，沒儲蓄.

3.但我認為這段時間對兒子很重要，尤其大兒子，由於一直沒太多時間專注他，他現在的性格較為任性，我想趁他還小時，多去引導他，陪伴他，令他有進步。

呢兩日盤點下銀行存款，原來我現金港幣有100萬左右，其中有60萬在做銀行定期存款，6月份到期，外幣50萬左右(上述提過的人民幣)

我本人雖對投資不是精通，但經常會留意投資，樓市方面資訊，如財經新聞，youtube視頻及一些書籍，這些我都會花時間看，也經常看你的FB,也有很大的收獲。

你推薦的書也會睇，除我講這些外，還有什麽方法可以提高自己投資，理財技巧?

関於股票，本人雖不懂分析其價值，但由於聽你講得多，我都有心水想買入，一直等機會，如金沙，中銀，盈富基金等...近呢幾個月是買入的時機嗎？具體何時可買入？應分別買入多少？我手頭100萬均可動用，除我所講的還有什麽適合我持有的?

我儲蓄意識很強，所以一直有儲蓄習慣，而且也會記帳清楚自己現金流向。

關於離職與否，本人十分矛盾，離職因舍不得薪水，繼續這份工作又會錯過教育孩子的黃金時期，是否可以透過購入股票增值，从而彌补工作薪水。

若沒工作，沒收入，本人覺得十分無安全感這，就是我一直工作的原因。

龔成老師：

1）如果將資金投資收息股，目標是6%股息的類別，例如港燈（2638）、深高速（0548）、香港電訊（6823）、工行（1398）、匯豐（0005）、置富（0778）、陽光（0435）都可以。

你現時現金數約$150萬，如果投資收息股，6%，平均每月收息$7500，你要自己衡量，如果無左正職，而單靠這個收息數目，能否令你安心。

單從財富的角度，這刻的財富應該未足以令你財務自由，不過，你這刻如果有家庭需要，就要自己衡量，無絕對的標準。同時，你可以計下，能否達至「每月收支平衡」，作為決定點。

另外，你有一層投資物業，要睇下有無方法產生正現金流，幫助你的情況。

2）我建議你與先生，計下每月的消費金額，更了解現時的情況，計算每月的平均基本支出。然後計算下，減少了你的工作收入，以及增加了$7500利息後，能否達至收支平衡，這就是你重要的考慮點。

人對未確定的野，總會有較大恐懼，你地盡量將事情確定，收入，支出，能否收支平衡等。

3）其實你可以考慮做兼職，如果你能找到，增加收入，計數後家庭每月有收支平衡，可能可以做到。

這些問題無絕對的答案，從財富角度，你在年齡唔大時盡力儲錢當然最好，但小朋友的成長都不能忽視。因此，你只能想方法取平衡。

------------------------------------------------

Q15294：

中手遊（00302）點睇佢。我3.13買入。

龔成老師：

中手游（0302）主要於中國從事手遊發行及遊戲開發業務。佢提供多種類型的手遊，包括ＣＣＧ（可收集卡牌遊戲）、ＲＰＧ（角色扮演遊戲）、ＭＭＯＲＰＧ（大型
多人網絡角色扮演遊戲）、ＳＬＧ（模擬遊戲）等。

過往生意不差，有持續的生意與盈利增長，財務數據初步正面。

不過，上市年期不算長，這會令財務數據代表性較低，同時，行業業務波動，不確定性大，都令這股造成風險。這股如果你投資不過多，持有無問題，始終不是無質素。

------------------------------------------------

Q15295：

你好!
我99.85入了美團點評,請問前景怎樣?
謝謝!

龔成老師：

美團點評（3690）我唔敢睇少佢的業務，因為真的業務巨大，同時增長快，不過，佢仍是有危有機的股票。

業務較新興，但佢現時仍在燒銀紙狀態，我比較怕這類企業。這類企業不是不可投資，而是不能大注。

因為無人知佢燒銀紙燒到幾時，因此市場對其估值都是「估估下」，這一定會帶來股價上的波動。你投資小注可以的，長期持有無問題。

------------------------------------------------

Q15296：

我之前股票 佔太多騰訊，依家沽一半，睇好亞里，但買亞里會否同類比例太多?

龔成老師：

都是同類的股票。

我地理財，就是要進行財富的配置，在各方取平衡，同一類別唔應該佔組合比例太多。

你將部分騰訊（0700）轉為阿里（9988）是可以的。但你最好計算打算合共持有的比例。你最好同時持有其他類別的股票。

------------------------------------------------

Q15297：

龔生，本人是年過五十一事無成的C9。兒子升上中學後本想找工作幫補家計，但近年社會動盪加上今年疫情突襲，至今仍差跎光陰，自覺十分失敗。

龔生你年青有為，想知你對香港的前途有什麼看法，還值得你留低嗎？

龔成老師：

成功無絕對的定義，你令兒子成長，已經是成功的地方，更何況，每個人追求的都不一樣，不是每個人都一定要成功的。

香港的優勢，的確比過往弱左，但當中的獨特性仍在，因此，仍有留低的價值。中短期香港一定會差，但長遠來說，又會慢慢好翻。

如果有時間，就多睇書及上堂增值自己，外在環境我地不能改變，但就可以先改變自己，加油！

------------------------------------------------

Q15298：

老師，金界控股的潛力是否比澳門賭業股大？9蚊入是否便宜區。有冇長線投資價值

龔成老師：

金界控股（3918）有質素的。佢是柬埔寨最大的酒店、博彩及娛樂運營商，旗艦NagaWorld是金邊市唯一的綜合式酒店及賭場娛樂城，持有為期達70年至2065年的賭場牌照，NagaWorld僱員人數超過5500人。

賭業本身是高毛利行業，而金界壟斷了金邊的業務，加上業務平穩，財務穩健，沒有未償還借貸及債務，企業有一定的質素。

但要留意，金界所發展的是較新興的市場，若然比較澳門的賭業股，金界的增長及潛力較大，但當中的風險同樣略高，因為業務難免存有不確定性，這點你要明白，亦因為這原因，若投資此股，在注碼上不能去得太盡。

$9只是合理區中下部。

------------------------------------------------

Q15299：

Hi~龔sir！最近疫情關係，加上股市情況，令我有少少有感而發。之前武漢肺炎消息一出冇耐，就話好大機會預測股市會下跌，但真係好奇怪，股市真係預測唔到。呢段時間我喺度睇個恒生指數，諗住睇下會唔會有機會低價入優質股，點知係不跌反升！

而呢段時間真係有種歷人性嘅貪婪同恐懼的感覺，有好多股票係呢段時間熱炒，多咗人買入，其實我自己都心郁郁，不過真係好在上過你堂！

同埋真係吸收唔同嘅書，加上在家工作的關係， 見到股價升得好快，有時會有感覺好似蝕咗咁， 後來理性小小睇，係短炒嘅風氣，應該要避開。

雖然可能真係會錯過賺差價嘅時候，但我相信價值投資係要避開呢樣嘢，要抵擋到貪婪的欲望。反而股市咁動盪更要留意，估計分分鐘出現警號。

感覺上恆指係咁升，背後可能有大莊家或者中央出手，個背後目的令人好多遐想，我喺呢段時間就重溫嗰陣時上你投資課程既內容

仲有睇不同嘅思考、投資書，坦白講，真係幾難同辛苦，但我相信我一定係會成功，謝謝你一直以來的分享，同埋你嘅股票班，嚟緊嗰期進階班我會再睇下時間啱唔啱，上到我就會上。期待那天分享成功的一刻！

龔成老師：

所以點解我一直強調「唔好預測中短期市況」，因為當你有翻多D經驗，你就好明白，股市根本無得估！

好多投資大師都有講，唔好預測股價走勢，我地只是投資優質股，長線，就是這樣。

另外，學識「平常心」面對股價上落，都是好重要的，成功投資者，一定要理性，無持股股價上左，唔會「覺得蝕左」，持股股價下跌，要平常心面對，再理性分析企業。

你上完初班，知識上已打好基礎，反而要訓練心理質素，相信近期的市況，都是一個很好的學習。

好，希望遲D進階班見！

------------------------------------------------

Q15300：

老師，我今年37歲，打算15年後退休，現在想儲退休的積儲，可以每月儲1-2 萬，想供十年，10-15 年後進入退休生活，屆時每月有2萬收入，請要如何報署和應買什麼月供股票

龔成老師：

當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。

例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。

如果你未有選潛力股的能力，未有掌握投資時機的能力，就可以簡單地投資盈富基金（2800），利用月供模式都得。跟據過往恆指過往的數據，連股息的複息回報有近14%。

現時，我地保守一點，假設回報為10%（你要將股息再投資）。

如果每月供$15000，供15年，10%回報，15年後預期會滾存到$$570萬。到時進行「現金流」部分，即是集中投資收息股，目標6%股息，每月收息約$28000。

----------------------------------------------

多謝各位提問，若然你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網的，當然，會將發問者的身份，以及有關個人的部分刪去。

另外，由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

↓Click For More Info↓
THIS YOUTUBE VIDEO ABOUT "我的夜間保養 | 2019"
(問問題之前，先打開看看有沒有答案吧！)
-
今日影片是我的夜間保養

希望大家喜歡這個影片 
p.s.影片有英文用法錯誤請見諒
and
如果覺得影片不錯也請幫我按個喜歡
有任何問題或想知道的 都很歡迎在下面留言給我唷！

INSTAGRAM/SPOTIFY
Instagram｜@am_____ber https://www.instagram.com/am_____ber/
SPOTIFY ｜AMBERS MUSIC TIME https://goo.gl/Pz2Ixn

_______________________________________________________

夜間保養步驟||

卸妝&洗臉
BIODERMA 貝膚黛瑪 舒敏高效潔膚液
洗面乳產品請看三月最愛～

化妝水
SKINFOOD黑糖光采肌底精華(潤亮) http://bit.ly/2Thi8Ws
IPSA 機能水 https://www.ipsa.com.tw/

保養精華乳液
* BFFECT 【2%多重玻尿酸+1%寡糖胺基酸】： https://lihi.cc/BF41Z
* BFFECT【10%果酸＋0.5％水楊酸衍生物】：https://lihi.cc/uMR9N

**優惠碼活動**
任一訂單只要輸入：NEWBOGO 即贈送一隻新款玻尿酸
優惠活動截止至5/31

Aesop 香芹籽抗氧化精華 https://reurl.cc/bmx83
*雅漾 舒敏修護保濕精華乳 https://reurl.cc/GNDyG
倩碧 平衡修護奇蹟乳 https://reurl.cc/9nyNY
HAKU驅黑淨白 美白美容油 https://reurl.cc/VWeOy

其他
ElizabethArden 八小時潤澤霜 https://reurl.cc/axzY9


?常問問題?
1.剪接編輯軟體：Adobe Premiere CS5/CS6
2.照片編輯軟體：Adobe Photoshop CS5/CS6
3.影片開頭結尾等圖片都在哪裡找：Pinterest、tumblr、google (png檔)
4.Instagram影片怎麼下載的：
↓教學在此↓
https://goo.gl/k3P2n8 (Andiord)
https://goo.gl/YpgQSf (IOS)
5.相機使用哪一台：CANON G7X
6.光療指甲哪裡做：
美甲師：Polly LINE：yanping0628


e mail : [email protected]
Age:22

*代表公關品
FTC: This video is NOT sponsored.

#夜間保養步驟 #剪髮 #保養

↓Click For More Info↓
THIS YOUTUBE VIDEO ABOUT "2018年度最愛保養品"
(問問題之前，先打開看看有沒有答案吧！)
-
今日影片是2018年度最愛保養品
希望大家喜歡這個影片 
p.s.影片有英文用法錯誤請見諒
and
如果覺得影片不錯也請幫我按個喜歡
有任何問題或想知道的 都很歡迎在下面留言給我唷！

INSTAGRAM/SPOTIFY
Instagram｜@am_____ber https://www.instagram.com/am_____ber/
SPOTIFY ｜AMBERS MUSIC TIME https://goo.gl/Pz2Ixn

_______________________________________________________



2018年度愛用保養
以下產品都使用原價單價計算


卸妝產品
Biore
頂級深層卸粧棉
(水嫩保濕型)
NT$59

BIODERMA 貝膚黛瑪 舒妍高效潔膚液 NT$1,999/4 (COSTCO)

前導
雅漾 全效保濕超導精華露200ML NT$960 https://reurl.cc/5889y
SKINFOOD 黑糖光采肌底精華(潤亮) NT$1,200 http://bit.ly/2Thi8Ws

化妝水
IPSA 美膚微整機能液 NT$1260 http://bit.ly/2TjQd8E
Avene 雅漾舒護活泉水 NT$600 (買一送一)

精華液
BFFECT 2% 多重玻尿酸 + 1% Na-PCA 30ml NT$320 https://reurl.cc/x9DkE
嘉丹妮爾 積雪草修復緊緻精萃 NT$980 http://bit.ly/2ThdebZ
(打廣告~折扣碼輸入AMBER就有85折優惠喔！)
DUCRAY 護蕾 淨化毛孔精華 NT$ 700

乳液
CLINIQUE 倩碧 平衡修護奇蹟乳 NT$1,500 http://bit.ly/2Tfb7Wl
Avene 雅漾 舒敏修護保濕精華乳 NT$1,280 https://reurl.cc/rZZOb

眼霜
AHC 全能修護植萃無瑕眼霜 NT$600

霜類
CLINIQUE 倩碧 水磁場72H超循環保濕凝膠 NT$1,500 http://bit.ly/2TdZor2

油類
BFFECT 100% 有機純植萃角鯊烷 NT$380 https://reurl.cc/anl7G
MISSHA 蜂花粉賦活精華安瓶 NT$638 http://bit.ly/2TdZmiU


?MUSIC?
Lauv & Troye Sivan - i'm so tired...
https://www.youtube.com/watch?v=fvjpE_wFL5A



?常問問題?
1.剪接編輯軟體：Adobe Premiere CS5/CS6
2.照片編輯軟體：Adobe Photoshop CS5/CS6
3.影片開頭結尾等圖片都在哪裡找：Pinterest、tumblr、google (png檔)
4.Instagram影片怎麼下載的：
↓教學在此↓
https://goo.gl/k3P2n8 (Andiord)
https://goo.gl/YpgQSf (IOS)
5.相機使用哪一台：CANON G7X
6.光療指甲哪裡做：
美甲師：Polly LINE：yanping0628


e mail : [email protected]
Age:22

FTC: This video is NOT sponsored.

#年度最愛保養品 #木昜

年末空瓶來分享全身到腳我用光光的產品們！！
我手邊產品很多，基本上會用完的都是水準之上的好物！
有些會回購有些可能不會！一次跟大家分享完我終於可以把他們拿去回收了XDDD

週一&週四 晚上6:00PM上新影片喔！
訂閱我的頻道 ➡️ http://bit.ly/nancytsaiyoutube
別忘了把「🔔」打開喔❤️


♥More information about this video ♥
‧彩妝 0:44
shu uemura 3秒魔法眼線膠筆
Dior 癮誘粉漾潤唇膏
Maybelline 挺飛翹纖長防水睫毛膏

‧香氛蠟燭 2:42
Jo Malone 英國梨與小蒼蘭 香氛蠟燭
Jo Malone 法國青檸花 香氛蠟燭

‧臉部保養 3:31
-卸妝
Shu uemura 植物精萃潔顏油
EVE LOM 全能淨潤卸妝凝霜
DIOR PRESTIGE 精萃再生花蜜卸妝霜
-清潔
LANCOME 菁萃亮妍潔顏露
DIOR PRESTIGE 精萃再生花蜜洗面乳
-精華液
LANCOME 超進化肌因活性安瓶
SHISEIDO 紅妍肌活露
VICHY M89火山能量微精華
CLARINS 水潤奇肌保濕精華
su:m37° 青春奇蹟活酵肌秘露
POLA B.A化妝水
-眼霜
Estee Lauder RE-NUTRIV 白金級絕世煉金花秘眼霜
L'OCCITANE 蠟菊精華眼霜
-乳霜
DIOR PRESTIGE 精萃再生花蜜乳霜

‧身體保養 11:11
Aveeno 燕麥保濕乳
Cetaphil 溫和乳液
DR.WU 玻尿酸保濕精華乳
Bio oil 百洛專業護膚油
L'OCCITANE 玫瑰皇后身體乳
L'OCCITANE 玫瑰皇后沐浴膠
L'OCCITANE 馬鞭草沐浴膠
Sabon 死海晶礦身體乳液
Repetto 香榭芭蕾淡香水身體乳
Dr.Bronner's 廣霍香萊姆嫩膚乳液
ORIBE 沐浴乳&身體乳
CLARINS 牛奶果美胸霜
DOVE 薰衣草舒緩沐浴乳
DOVE 清爽水嫩沐浴乳

‧頭髮保養 17:33
PURE 純戀精油洗髮精
SHISEIDO 舞波瞬柔洗髮精
AVEDA 蘊活菁華潤髮乳
L'OREAL 金緻護髮精油玫瑰髮膜

📷 Camera：Canon G7 X Mark II http://bit.ly/2H4Fbgi
📹 Edited using Adobe Premiere
🎵Music：Times Square - Onda Norte




♥徵求中英文字幕 Subtitle Wanted♥

上字幕教學➛ https://goo.gl/iURCeD (頁面裡有影片教學)
如果你有提交字幕, 麻煩來信nancy_blogger@hotmail.com 通知我～第一位完成的人我會寄送小禮物給你喔！

More Nancy over here 👇👇👇
📌W E B S I T E ➳ http://www.ksnancy.com
📌I N S T A G R A M 🔍 ntsai25
📌F A C E B O O K➳ https://www.facebook.com/ntsai25/
📌小 紅 書 ➳ 🔍ksnancy
✉️ Business Inquiries: nancy_blogger@hotmail.com



🚩This Video is NOT sponsored.