.
【9月 電影推介】
.
《撲克神算師》入圍威尼斯影展最高榮譽「金獅獎」，馬田史高西斯監製，《的士司機》編劇保羅舒里達自編自導，聯手《星戰》系列型男奧斯卡伊薩克、《挑戰者一號》荷里活人氣新生代男星泰舒利頓、金像級影帝威廉達福、《波士鬥腦細》黑珍珠笑匠蒂芬妮夏迪舒，在賭檯上殺出罪與罰。

退伍美軍威廉出獄後成了職業賭徒，無法原諒自己的他，化身撲克神算師，於賭檯上虛度人生。直至他遇上憤青寇克，二人得到神秘性感的金主支持，以賭博之名踏上復仇血路。世界撲克大賽終點在望，威廉卻被過往駐守伊拉克的陰霾再度纏繞，逐步邁向崩潰邊緣……馬田史高西斯、保羅舒里達再度合作，影迷翹首以待！疾呼邊緣人的絕望與憤怒，於傷痛中尋找自我與救贖。

電影將於9月22日上映，有興趣的影迷朋友不妨多加留意。
.
#撲克神算師 #TheCardCounter #藝文青 #asartisticasyou

【不是廣告🪧】

自從疫情出現都未入過戲院睇戲，見英皇戲院星期一至五用滙豐Visa Signature卡有買一送一咁抵就去睇尚氣(怒火下次睇，今日借嚟打卡❣️)

梁朝偉真係好型😍，法拉都好靚女👍🏻好開心見到香港演員出演荷里活大製作🎬仲要係我一直好鐘意嘅Marvel英雄電影❤️

#emperorcinemas #shangchiandthelegendofthetenrings #marvel #ootd #ootdhk #英皇戲院 #尚氣與十環幫傳奇 #好戲推介

［金基德回顧展：慾海慈航/援交天使/Samaria］實趕客，但話知佢，自己想寫

1. TLDR：你地邊個冇罪嘅，就搵石頭掟佢吧！留意「石頭」係套戲嘅重點之一。今晚大館仲有一場7:30，仲有飛賣。去睇吧，雖然網上你都搵得到足本重溫嘅。順手講埋我一路嘅核心信念：戲係要成套咁睇的，正如書係要成本咁睇，否則你永遠都學唔到嗰種神髓，呢啲嘢全部要「浸」出嚟。你去睇Youtube睇都可以15分鐘知晒啲劇情有人解埋，但點解我要走出去睇多次？我唔識用Youtube？電影，同多嘢一樣，個神韻唔係懶人包，唔係fact，唔係橋段重點，而係你要用心感受。

2. Medium版就有埋相咁咯（https://lkdin.io/3VYo）

簡介劇情
簡評
詳細分析劇情—第一幕
詳細分析劇情—第二幕
詳細分析劇情—第三幕
套戲攞獎好合理
石頭 as a metaphor
最後講講金基德

3. 是咁的，我冇工返都仲好忙，況且而家好多時三四點先起身。但為咗重睇呢套戲（以前睇過一次），我都仲係星期六爬起身，極速在樓下用3分鐘食完碟海南雞飯，然後走出去灣仔睇呢套戲。可見金基德有相當大吸引力。

4. 留意呢套戲2004年，剛剛好係佢中期嘅作品，開始成熟，亦都係呢年佢在歐洲攞獎聲名大噪。金基德未必係好計算嘅導演（邊個話商業片先要計算？），但事後睇返，你睇到好啱啲評審口味，攞獎合理之極。

5. 呢套我相信亦係佢最出名嘅兩套戲之一，另一套當然後後來嘅《聖殤》，後期作品，隱居三年後復出嘅顛峰之作，亦係好啱評審口味，但我個人鍾意呢套《慾海慈航》多好多。

6. 兩套嘅共通點，都算係雅俗共賞，唔會好難明好古怪要好多演繹．兩套都畫到出晒腸，好適合文青用嚟示範咩叫「好電影」，有啲內容嘅電影（come on，唔係荷里活商業片嗰啲”message”．

簡介劇情

7. 順手一提，我覺得劇透係冇乜問題的，即使扭橋戲或推理劇都係。「好」嘅電影唔應該只係靠一條好橋，橋段人人有，但execution先難。好多戲知咗結局我都可以睇多次，即使係扭橋戲或推理劇，你都可以睇多次導演點佈局點誤導你點畀提示你。若果只係靠最尾一下扭橋，只係低手。

8. 講返，劇情不複雜，重要人物三個講晒。女一，女二，女一老豆。亦都係一個好典型嘅三幕劇（間場出埋title添，慌死你唔明，所以套戲唔難明）。

9. 第一幕：女一女二高中生，好友（兼戀人？），想儲錢去歐洲（我懷疑《過春天》就係抄佢，但當然爭好遠），於是女二下海，女一做中介人，女二全不覺得係苦差，但留意開場冇耐女二已經意外（？）跳樓死埋。

10. 第二幕：開始「金基德毀三觀」，女一明白女二苦心，繼承佢遺志，約返啲恩客出嚟，唔收錢仲畀返錢佢地！但然後畀老豆發現咗，老豆去搵返啲嫖客出嚟，打，鬧，殺。

第三幕：當年第一次睇覺得呢部份戲味爭啲，而家睇返發現呢部份先最重要！兩父女返鄉下，拜死鬼老母，最後都係冇開口講。老豆自首，完。

簡評

11. 之前睇過金基德早期啲嘅《收件人不明/打回頭的情書》，我有講話睇到仲係幾幼嫰，太多狗血（甚至有真狗血！），枝節多。去到呢套《慾海慈航》，就真係斬走晒啲無謂嘢，冇乜邊部份係多餘嘅。正如米開蘭基羅話頭，只係將唔屬於大衞像嘅嘢拎走，呢套《慾海慈航》真係做到去蕪存菁

12. 援交電影，我睇咗嘅都幾十套，拍埋你就睇到分野。金基德做到「不落俗套」。何謂俗套？正如啲人講，十分「TVB」嘅對白同情節，唔好笑，好多荷里活片港產片都係咁。金基德唔係獵奇，唔係賣弄色情（至少呢套唔係），甚至唔係探討社會問題（至少呢套冇乜），講嘅始終係佢最擅長嘅：人性，慾望，救贖，宗教，倫理，道德。

詳細分析劇情—第一幕

13. 角色同情節設定，都係相當精彩。固然你諗真啲，有啲劇情犯駁，唔合理，只係為咗推進故事，但瑕不掩瑜。

14. 先講女二，背景資料極少，屋企人或其他嘢完全冇提。套戲講到好白，一開頭女二已經講印度傳說有個妓女叫Vasumitra（亦係第一幕嘅名），男人同佢搞完就變虔誠佛教徒。女一話，咁都得？女二話，係呀，男人搞嘢時就好似嬰兒咁，渴望母親關愛，佢話由今日開始自己就係Vasumitra。講到明晒。

15. 留意兩個女仔都係新人（低成本嘛，況且演高中生），選角做得非常好，或者話導演指引得好。你見女二，就真係一個菩薩樣，慈祥咁笑住下海，普渡眾生，十分開心。雖然之前冇性經験，但對啲嫖客十分感恩，大家一齊分享人生，佢覺得自己做緊好嘅事，又有錢收可以實現去歐遊嘅夢想，做自己鍾意做嘅嘢，不知幾開心。

16. 呢度嘅對比，就係女一。女一家庭背景我地知道，喪母，老豆做警察，點睇都係慈父唔係獸父，日日車佢返學，冇虐待冇性侵，亦唔算過度管束，屋企環境亦唔差。對女一嚟講，性係污糟嘅（佢每次都要幫女二沖涼），啲男人係仆街嘅，只係佢實現去歐洲嘅手段，佢完全唔明女二做乜可以樂在其中，同啲嫖客分享人生，甚至叫埋一齊食飯，甚至鍾意埋個嫖客。但同時間，佢又只係坐享其成做中介人，從來唔會自己落場，只係自己好友女二去畀人搞，呢度你見到女一嘅虛偽。留意下女一嘅高傲，同女二一臉慈祥嘅對比。

17. 然後劇情發展落去，雖然劇情唔多合理，但你都知女二一定要死的，否則冇戲做。女二臨死前都想見返恩客，呀女一去搵恩客，恩客仲要叫女一畀佢上埋先制（初夜添喎）！真係十分之咁仆街抵死嘅橋段。呢套戲入面啲男人真係全部都面目可憎的。

18. 但當然，女二見唔到恩客就斷咗氣，去到呢度可以十分TVB。但呢套戲就安排女二絶對係含笑而終，菩薩聖母呀喂！女一完全唔明白。

詳細分析劇情—第二幕

19. 去到第二幕，更加離奇，但金基德並冇拍到獵奇（留意啲性交易嘅場面極少）。女一原本諗住燒咗本數薄，同埋啲錢，忘記過去。但佢諗返女二慈祥嘅遺容，忽然明白咗啲乜。呢度真係絶，但又唔令你覺得突兀。

20. 於是乎，女一就由一個原本覺得性交易好低賤嘅中產女仔，變成「菩薩二號」，約返晒啲舊客出嚟，同佢地做，甚至還返錢畀佢地！嫖客就固然係「仍難盡信我是這樣地無窮好運」，但亦都有拍到啲嫖客話終生都會幫佢地祈禱。於是乎女一就慢慢體會到女二嘅「使命」，繼承女二嘅遺志，嘩，生命影響生命呀，堅！不過我個人理解，與其話女一真係變成「菩薩二號」，我覺得佢係只係為咗故友/戀人。證據？佢原本應該係諗住約返晒數薄上面嘅人，就唔再做落去。

詳細分析劇情—第三幕

21. 你以為套戲拍性交易？唔係，去到呢度已經再冇性交易場面乜滯。然後就去到第三幕，冇錯係十分TVB的，差佬老豆嘢，在對面時鐘酒店望到自己個女（唔止，後來仲要 女一掉低數薄在草地畀佢執到，但成套戲拍得好你可以原諒呢啲嘢）。

22. 當然就係又迷惘又憤怒，「天呀我做錯乜點解你要咁對我由細到大我有乜冇比你？」（幸好都未咁TVB，冇呢啲對白，都話戲劇小說第一法則：show, don’t tell）．但佢始終十分愛個女，甚至冇當面踢爆（呢啲先符合東亞家庭倫理嘛），結果佢就將啲憤怒發泄在啲嫖客身上

23. 打後，就係見到佢變身正義使者，自己去執法，羞辱甚至打啲嫖客，甚至殺埋人。但你以為變成復仇電影？又唔係喎。 （呢類「你以為乜乜乜，又唔係」係金基德電影嘅特色之一，你可以話佢善於玩弄啲觀眾，其實係嘲笑啲俗套橋段）

24. 睇到呢度其實係乜？就係孤星淚（都係差佬添）。一路落去，老豆越嚟越迷失，到底自己係in what position，去判斷個女做嘅嘢啱定錯？去判斷啲嫖客啱定錯？呢個社會嘅道德係乜？自己細由到大學嘅嘢係咪錯　—呢個先係套戲嘅主題！

25. 所以，就有咗最後返鄉下嘅一幕，先係全套戲同其他俗套戲唔同嘅地方。留意並唔係返到去大家BBQ（有蕃薯！）四四六六講晒，最後大家都冇講出口。但，十分巧妙地，老豆知道個女其實已經長大，自己唔應該再指指點點，錯嘅可能係自己嘅價值觀。最後自首，獲得心靈嘅救贖。嘩。咪就係孤星淚！

套戲攞獎好合理

26. 頭先提過，套戲計算相當準確。留意返套戲2004年，互聯網大盛（但未有Facebook），「韓流」亦都成型，明顯地外國人好有興趣知韓國社會嘅嘢，何況學生妹援交係全球現象。金基德聰明在加入埋啲宗教隱喻，最後孤星淚式嘅劇情，仲有「石頭」嘅比喻（下一段講），呢啲都係歐洲評審會睇得明嘅嘢。加上套戲拍韓國女仔，但又好聰明咁冇賣弄色情或胴體，啱晒啲歐洲假道學鹹濕阿叔（我話嘅）。

石頭 as a metaphor

27. 扮文青嘅話，就必要要講「石頭」。呢個「你地邊個冇罪嘅，就搵石頭掟佢吧！」嘅比喻太明顯。另外留意，真正嘅石頭，在套戲入面至少仲出現咗三次。

28. 首先，女一老豆去阻止啲嫖客車震，就真係在遠處掟石（都話慌死你唔明！）。另外，亦有一幕見到佢原本想用石頭打死個嫖客，最後亦有一個真係咁做。

29. 但更重重要係去到尾段，神來之筆。兩父女回鄉祭亡母，中途老豆架車畀石頭頂住，開唔到車，搞唔掂，索性瞓著（冇錯，唔多合理嘅情節）。點知個女自己落車去搞，移開咗啲石頭。老豆醒返，發現，得喎，開到車了。正係呢幕，就係交代「個女已經畀你想像中懂事，你唔好再阻住地球轉」

30. 然後去到最後，以車為喻，老豆教個女開車，亦都係用畫好嘅石頭（！）舖條路畀佢開。亦都慌死你唔明，一語雙關講到白：「之後嘅路就你自己走落去啦」，然後去咗自首。遠處嘅女一想開車過嚟，但又畀泥阻住，但大家知道，個喻意就係以後嘅落佢自己走落去。

最後講講金基德

31. 最後講一講金基德，因為我都唔打算再寫多篇《聖殤》。點講呢？正如我舊文寫，金基德亦係屬於好「型」嘅嗰種創作者，係一個「作者風格」好強嘅導演，或者話，有嗰種「以文章做為戰鬥武器」嘅精神。即係你可以好討厭佢，但你好難忽視佢在。

32. 金基德此人，就已經係一個傳奇。相信都唔少人知，首先佢冇乜點讀過書，甚至係初中都未讀完，亦係真正嘅窮人家庭出身。所以你見其實佢拍好多低下階層嘅嘢（但呢套冇），亦都拍工業，拍宗教，全部係佢成長嘅寫照（所以《聖殤》係佢代表作，三樣有齊）。我亦都肯定，佢影響咗無數後來嘅導演。

33. 金基德嘅電影，真係「作者風」，就係賣佢一個，探討人性。後期啲戲有啲有明星，但反而有明星嘅戲唔得。佢都係要玩育成，演員任佢舞先得。

34. 除咗主題，佢嘅戲仲有一個好大嘅特色：平，同埋快。度劇本可能耐，但拍係極快，早年試過一日（！）拍完。即使係拎獎無數嘅《聖殤》，都係十日搞掂，聽聞用咗七十萬港紙咋。留意拍《聖殤》時佢已經係國際名導，大把資源，但都係咁搞掂，你嗰啲日夜話冇資源冇時間冇錢嘅，真係應該慚愧。拍戲係可以好平嘅。

35. 最後，少不免講佢嘅私德。咁其實都死撚埋，你鍾意咪去拉脫維亞或者韓國堀佢出嚟鞭屍。不過在我嚟講呢個不值得討論，我認為作品成就同個人，係完全分開嘅。頂多你可以話佢完全侮辱咗「大師」呢兩個字，但不能影響你對佢作品嘅評價。照計好簡單嘅邏輯啫，你未知佢啲衰嘢時，明明就話啲戲好好睇。咁點可能到你知咗佢啲嘢，就變得唔好睇？

36. 有朋友仲講笑，話會唔會會場有一大班女權L示威。事實？我見到好多青春少艾睇，幾靚的說。

＝＝＝＝＝＝＝＝＝＝＝＝＝＝
一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1900人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

鬼哥伙拍新加盟女主持Gine於Faceook直播介紹首輪新片，幫你錫住銀包揀啱心水電影，入場睇好戲。

直播日期: 雙週形式，每隔星期二晚
時間: 晚上9:30至10:30
首播日期: 3月30日 (星期二)

➡ Gine's IG: https://www.instagram.com/gine.l/⬅

新片推介 電影短評 主題吹水
鬼哥930 週二首播

---------
鬼哥睇乜戲 BroGhostMovie
Facebook https://www.facebook.com/BroGhostMovie
Instagram https://www.instagram.com/broghostmovie
Youtube https://www.youtube.com/鬼哥睇乜戲BroGhostMovie

#直播 #電影 #影評 #戲院 #港產片 #睇戲

* 本片不設中文字幕, 不便之處, 敬請見諒。
=======================================
[代客煲劇 收費服務 ]
Paypal : paypal.me/LiteralNothing
=======================================
處決聽眾
5月新劇推介: 《太空部隊》 《荷里活》
當《黑鏡》不夠現實黑暗...
《西部世界3》的抗爭靈感?
《養虎為患》電視劇選角
《Psych 2》電視電影
人生完成度
=======================================
[廢噏10分鐘] https://bit.ly/2HYZ4Ik

[煲劇雜碎] https://goo.gl/xFjAVZ

更多DC漫畫改編電視劇影片可參看以下影片列表:
DC漫畫 電影/電視劇集: https://goo.gl/rp8FYl

更多Marvel漫畫改編電視劇影片可參看以下影片列表:
Marvel 漫畫改編電影/電視劇集: https://goo.gl/9I50qz

更多-歐美劇集介紹影片可參看以下影片列表:
煲劇指南-背景介紹/簡評(無劇透): https://goo.gl/WZx5TX
=======================================
Facebook https://www.facebook.com/LiteralNothing/

《哈佛知識分享： Where is your Mickey? 》

啱啱做完一個case study on Disney. 佢今日嘅過萬億嘅市值，開始純粹就係靠嗰幾隻公仔走嚟走去， 點解佢咁成功呢? 想了解我們的 Mickey 是什麼? 

【盛滙商舖基金Fund III 推介會】- 10月25日
- Fund I & II (2016至2018) 基金購入物業之表現回顧
- 分享如何改善配套及提升商舖租值
- 李根興博士分享選舖法則
- 講解Fund III的集資形式及目標
講者：創辦人李根興博士及投資團隊
日期：10月25日(星期四)
時間：1:00pm 至 2:30 pm
地點：中環新世界大廈一座1502-3室
費用：全免 (已包午饍及飲品)
# 只適合持有港幣800萬以上流動資產(非物業)人士參與 

報名方法：
Suki / Monica 28301111 或 Whatsapp: 92185223 或 email: cs@bwfund.com

全文: ............

啱啱上完一課 case study on Disney. 佢今日嘅過萬億嘅市值，開始純粹就係靠嗰幾隻公仔走嚟走去， 點解佢咁成功呢? 做生意，你要知道 where is your Micky? 

1923年華特迪士尼 Walt Disney 係佢自己hometown Kansas City 生意失敗之後，就決定搬去荷里活發展佢嘅卡通事業。 佢哋出名嘅第一隻公仔叫做 Oswald, The Lucky Rabbit， 可惜由於版權問題，佢唔識得保護好，就比distributors 分銷商"偷"咗隻公仔。

將隻兔仔改變咗少少，1928年 Walt Disney 再畫出咗老鼠， 當然叫做米奇老鼠喇，可惜當時無人願意將佢變成卡通片發行。由於當時卡通片係全部冇聲嘅，佢就加入咗啲聲音 synchronized sound， 之後再將自己把聲為米奇老鼠配音， 嗰條卡通片名為Steamboat Willie 就大賣啦，米奇老鼠亦都一夜成名。 

當然亦都唔少得 Micky 身邊好多朋友: Minnie, Pluto, Donald Duck, Goofy 等。 再加上後來1937年推出嘅 Snow White, 1940年嘅 Pinocchio, 1950年嘅 Cinderella, 1953年嘅 Peter Pan， 同1959年嘅 Sleeping Beauty等。佢哋亦都成為咗早年Disney 賺錢嘅基石。

小朋友嘅電影，係全世界最賺錢嘅電影， 因為你同我睇條片睇一次，但係小朋友睇同一條片就可以睇十次。 我個三個女前幾年愛上Frozen，佢哋真係睇足十次，日日唱let it go ....之餘，仲成日要買Elsa 公仔，買 Anna 條裙， 著晒制服請晒朋友來開 Frozen party，仲要去埋Disneyland 同埋 Disney Cruise 去搵 Anna 同 Elsa， 你諗下，就咁一套卡通片就為Disney帶來幾多收入。

呢嗰， 亦都係喺我class入面所講嘅 Disney Magic, (1) 由個卡通公仔開始，放上大螢幕， 呢個係最有效嘅宣傳之餘， (2) 所有細路仔都想買佢嘅玩具/產品， 由於受到版權保護，所有產品都比其他人貴一兩倍。(3) 之後個個細路仔就再熬佢阿爸阿媽一定要去迪士尼樂園探下啲公仔，住佢哋嘅酒店， 呢幾年甚至乎要上埋佢哋嘅郵輪。循環再循環。  

點解無人抄? 因為這Mickey Mouse差唔多已經一百歲。唔單止感染到個細路仔，佢嘅父母，佢嘅祖父母都一齊經歷過，感染過， 帶起返唔少嘅童年回憶，呢個就係Disney 最 classic 嘅Mickey啦。 其他人點抄都好難抄到。 亦都係因為咁， Disney 呢幾十年呢就憑著呢三個圈，加埋其他嘅收購合併，發展到今日過萬億嘅市值。

做生意你要問自己，where is your Mickey? 有乜嘢嘢你係叻過曬所有其他人， 其他人好難抄你， 你又能夠循環再循環做得更大呢?  我做鋪，我相信我嘅Mickey 就係我能夠有效增加店舖嘅 rental yield 之餘，能夠同租客達致雙贏嘅能力。 想知我哋點做?歡迎嚟我哋8月25號(下個禮拜四 lunch time 時段)的商舖基金推介會。 我哋現正集資2億去製造多啲Mickey. 嚟唔嚟都好，你都認真你諗下 Where is Your Mickey 啦!