#荷蘭 #連假 🇳🇱打工留學旅遊都該知道的荷蘭休假大全🏖 ⁡ 💡我瘋狂開學週水深火熱之際 荷蘭男卻正在放長達兩週的「有薪假」 每天看他睡到自然醒再悠閒的去海邊野餐還領我在台灣的三倍薪水就好多負能量💢 ⁡ 我決定不能只有我承受這一切 只好分享一下荷蘭休假大全🇳🇱 👉他們每年的有薪假真的超多 👉產假連男人都能請 👉而且請病假都不用給證明 （上下班也整個彈性沒在打卡…. ⁡ 🥲🥲🥲 ⁡ 💡當然這也是旅遊留學工作都該知道的事 👉以防車票訂不到、店家沒開門這種悲事發生 ⁡ ⁡ 😈不過其實，荷蘭的國定假日沒有法律的規定一定要放假，所以老闆硬要你上班，你也不能怎樣 ⁡ 😈而且如果國定假日發生在週末，也不會有補假的情形，就直接隨風去了 ⁡ （台灣都會硬擠成連假也算溫馨了🧡 ⁡ #休假 #國定假日 #中秋連假 #中秋節 #中秋節快樂 #薪水 #荷蘭工作 #荷蘭生活 #荷蘭留學 #讀書帳 #荷蘭日常 #英文老師 #生活英語 #多益 #雅思 #線上家教 #異國戀 #懶人包

全球百大院校—荷蘭有七間 話說最新嘅2022《泰晤士高等教育》世界排名中，全球「百大」院校入邊，荷蘭就有7間。 7間係咩概念呢，首先荷蘭係有一共13間「研究型大學*」，當中7間係全球「百大」，換句話說，荷蘭有超過一半嘅研究型大學都係非常高質素！ 除此之外，筆者特登望吓其他國家有幾多間「百大」。美國一如以往壟斷排名，一共有38間「百大」，不過香港人熱門留學地點入面，英國有11間、澳洲有6間、加拿大有5間。相比之下，荷蘭一個人口只有1700萬人嘅西歐「小國」，居然有7間「百大」，其實都幾厲害。 今日就同大家講一講，呢七間荷蘭大學到底係咩來頭。 （更多歐洲/荷蘭生活資訊，立即到https://www.patreon.com/allyblahblah） Wageningen University & Research 瓦赫寧恩大學 全球排名53 1876年創校 世界頂尖的農業食品研究大學（多次世界第一） 最拿手嘅，就當然係所有調理農務相關嘅科目啦 University of Amsterdam 阿姆斯特丹大學 全球排名65 1632年創校 出產6位諾貝爾獎獲得者同5位荷蘭首相 拿手科目： Psychology / Social Sciences / Law / Arts & Humanity / Communication & Media Studies/ Dentistry/ Business / Finance 等等 Utrecht University 烏得勒支大學 全球排名69 1636 年創校 出產12位諾貝爾得獎者 拿手科目： Social Sciences / Psychology / Life Sciences / Law / Arts & Humanity 等等 Leiden University 萊頓大學 全球排名71 1575年創校 荷蘭第一間亦係最古老嘅大學，真·歐洲老牌學府 荷蘭皇室成員同貴族後裔就學嘅首選 曾經同英國牛津大學齊名 出產左16個諾貝爾獎得獎者同九位荷蘭首相（包括現任首相 Mark Rutte） 愛因斯坦曾經喺Leiden 教書 邱吉爾亦係Leiden嘅榮譽院士 拿手科目: Law / Medicine / Science / Astronomy 等等 Erasmus University Rotterdam 鹿特丹伊拉斯姆斯大學 全球排名 72 1913 年創校 管理學院（RSM)係歐洲最頂尖嘅商學院之一 出產咗第一位諾貝爾經濟學獎得獎者 Jan Tinbergen 拿手科目： Business / Economics / Law / Medicine 等等 Delft University of Technology 代爾夫特理工大學 全球排名75 1842年創校 前身為荷蘭王國皇家學院, 堪稱「歐洲麻省理工」 拿手科目，當然就係所有理工科啦 University of Groningen 格羅寧根大學 全球排名80 1614創校 出產咗四位諾貝爾得獎者 又：荷蘭四大國立大學: UvA, Leiden, Utrecht, Groningen 又二：好快望一望其他歐洲發達國家各有幾多間「百大」：德國有7間，瑞士有3間，法國有2間，丹麥有1間。 又三：排名依家嘢呢，你懂的⋯ #荷蘭 #荷蘭生活 #歐洲 #歐洲生活 #海外職場 #香港人在歐洲 #香港人在荷蘭 #大學 #留學 #歐洲留學 #大學排名

荷蘭畢業禮有咩特別？ （更多歐洲/荷蘭生活資訊，立即到https://www.patreon.com/allyblahblah） 話說琴日，筆者「又」畢業喇！呢個已經係喺荷蘭讀第二個碩士嘅畢業禮。 今次就想一講一講，荷蘭大學嘅畢業禮有乜嘢咁特別。 講吓服飾先。傳統嘅荷蘭大學，行畢業禮嘅時候唔會特別加畢業袍或者四方帽，只要畢業生着返formal 就OK。但近呢幾年，多咗一啲個別院校，因為國際生比較多，所以特登搞咗好似美國畢業禮咁，整多個四方帽同披肩（shawl），多少少儀式感。 然後講吓規模。早幾年喺薄扶林大學畢業，由於係文學院本身人數眾多，加上每個學生都可以帶兩個來賓，當年足足前後搞咗三場畢業禮。基本上每個人由上台鞠躬到落台，前後有唔夠1分鐘嘅時間。無論係英國定係美國，除咗服飾外，同香港行畢業禮都差唔多。 荷蘭嘅大學就好唔一樣。四個字形容，就係「以人為本」。佢哋搞嘅畢業禮相對規模比較細，好少會幾百人甚至乎過千人一齊出席。反而會刻意將啲學生分組。一般會根據返佢哋畢業論文寫嘅題目或者導師分組；如果本身個課程比較少人，就會一次過舉行。 呢一種規模同荷蘭畢業禮嘅特色好有關係。點解要咁樣分開呢？原因係荷蘭嘅畢業禮有一個好重要嘅環節：就係畢業論文嘅導師會根據每個學生嘅論文或者個人情況，「講幾句」（例如閑閑哋三至五分鐘左右啦）。 一般情況下，導師會由成績最好嘅學生講起先。好多時候，個導師會好快地概括一下篇論文嘅內容同有咩結論，同事亦都會講吓個學生一直以來有咩進步、有咩值得表揚、有啲乜嘢比較印象深刻等等。簡單啲來講，呢一個畢業禮嘅呢一個Moment，係真正屬於莘莘學子，絕對唔係鞠個躬做吓樣就算。 有啲學校更會安排學生上台，當住所有來賓面前係畢業證書上邊簽名，先至叫做真正畢業。完咗呢部份，有啲課程會安排成績最好嘅同學(Valedictorian)演講幾分鐘。 成個典禮完咗之後，有一啲老牌大學咁會有啲獨特嘅傳統。例如有成四、五百年歷史嘅萊頓大學(Leiden University)，就會安排學生到最出名嘅 Sweat Room （het zweetkamertje)簽名。呢間房原本係開會用嘅，但據聞有18世紀開始，啲學生會喺間房度等畢業成績，然後有人開始喺間房度「塗鴉」或者簽自己個名。久而久之，變成左畢業一定要過嚟簽名嘅傳統。 冇人知道邊個係第一個塗鴉嘅人，但係所有喺萊頓畢業嘅學生都根據返傳統簽名，例如幾位皇室成員 Queen Beatrix King 同Willem-Alexander ，仲有其他榮譽院士嘅接受人，包括邱吉爾(Sir Winston Churchill) 同曼德拉(Nelson Mandela)！ 喺超過一個世紀之前，著名荷蘭畫家Louis Raemaekers 係間房畫咗幅畫，然後用拉丁文寫咗句 Hic Sudavit Sed Non-Frustra （No one sweat here in pain），大概就係提醒所有畢業生，別教今天的「汗」白流。 又：學海無涯回頭是岸，準備讀書之前，大家要諗清諗楚，真係好多血與汗！ #荷蘭 #荷蘭生活 #歐洲 #歐洲生活 #海外職場 #香港人在歐洲 #香港人在荷蘭 #大學 #一年容易又畢業 #畢業 #畢業快樂 #classof2021