超越加稅1.25%嘅咁簡單

（前言：作為一個國民、一個選民、一個納稅人，對於政府加稅嘅關注，應該係天經地義嘅事。講緊加稅呀，至少我有份比，特別係自己有份選嘅政府，緊係要到清楚點加，點解加，加咗洗响邊，相信呢個係公民責任嘅一部份，至少我係咁覺得。）

尋日响Patreon大概講過下英國政府內部關於加National Insurance 1.25%嘅風，今日首相肥波正式公布詳情，用意同後續影響比尋日傳媒分析嘅更加深遠。1.25%呢個加幅同預料嘅係一樣，但係短期同長期性質就好有分別，等同加多一個稅基超闊嘅稅項，咁就唔只係加NI解決疫情後醫療滯後咁簡單。重點不在乎嗰1.25%，而係面對人口老化嘅退休褔利政策改革。

由明年四月開始，無論傭主同傭員嘅National Insurance都會加1.25%，呢1.25%嘅主要用途，正如之前放風咁講，响2023年前係用黎解決NHS响疫情後積壓嘅個案。重點就係2023年4月之後，呢個1.25%就會變身成為獨立於National Insurance、入息或利得稅嘅「徵費」（levy），可以理解為全新稅項。呢個徵費連在職退休人士、做生意、受雇，理論上返工嘅都要比，覆蓋率可以話僅次於銷售稅（VAT），用黎支付未來需要改革嘅退休福利政策。

咁即係唔只針對疫情對NHS影響嘅支出咁簡單，而係一次過要國民面對人口老化，總有一天要處理嘅退休福利難題，呢個就係今日肥波公布政策之後，全國爭議嘅核心。老實講，1.25%對大部份人黎講話多唔係多，要短期解決疫情製造出黎嘅醫療滯後亦人之常情。但將呢個變成獨立稅項（叫levy（徵費）只係好聽啲），加埋肥波同時宣布嘅Social Care老人護理改革，咁就令好多人質疑得係向勞工階層同年輕納稅人開刀，保障擁有物業嘅老人家財產。

大家都知英國納稅人只要一生中供National Insurance到特定年期，响法定退休年齡之後就有資格每個月攞退休金，不過呢啲退休保障並唔包括需要長期護理費用，例如日間護理或者全日制老人院等等。呢類費用講緊每個星期至少要500至1000鎊或更多，足以燒晒老人家嘅資產。長久以黎，政府只會全數資助資產少過£23000嘅老人家，多過嘅話就要自行負責。因為社會結構嘅關系，英國大部份年老嘅中產最大嘅資產就只係自住間屋，即係所謂嘅Property Rich，萬一老來有長期病患，需要全日護理嘅話，越長命就越燒得多銀紙，賣樓加按嘅為數唔少。

呢個多年黎無乜邊屆政府有膽解決嘅問題，而肥波今日就順便進行改革，將呢類費用置上限£86,000。例如我老咗又病到照顧唔到自己，要住每個月收£4000嘅老人院，我住咗兩年幾之後地方政府就會幫我比到死之止，我最多都係比£86000，唔洗變賣資產。而資產响£20000至£100000之間嘅老人家，政府經審查之後就會按比例資助部份費用。

對於好多有物業嘅老人家黎講，呢個改革無疑係得政黎嘅，不過對於大部份勞動階層或者年輕選民黎講，1.25%「新稅」加埋呢啲改革，就等如全民夾錢保護中產老人家嘅資產（間屋）。同時，肥波亦都違反咗唔加VAT同National Insurance嘅保守黨嘅競選承諾，更令人擔心今日嘅1.25%，未來會成為有加無減嘅變相附加稅。

從宏觀政黨政治去睇，肥波今次「加稅」明顯係財務大臣嘅影響，大家都知肥波一路以黎，特別响疫情期間，都係希望以大政府大消費理念施政，北部嘅leveling up係咁，抗疫期間嘅政策都係一樣，彷彿好似左翼政府一樣。但金融出身嘅財務大臣Rishi Sunak就係堅守保守黨量入為出傳統嘅政治人物，所以一路以黎都有消息話佢多次出手制止肥波亂黎（財相嘅職責本來就係咁）。洗錢？得，收返先洗囉，唔識生錢㗎喎。今次宣布當中都有例子嘅，好似老人護理費用上限，肥波一路都希望係£50,000，但財相就驚地方政府頂唔順堅持至少要£86,000。

最後，都係嗰句，2023年係大選之年，所以真正嘅戲肉唔係呢幾日或者幾個月，而係呢個「徵費」正式獨立嘅2023年。

Patreon一字不改原文：
英國加稅的後續
https://bit.ly/3yMW5uZ

#肥波真係勇者

全國左右翼傳媒部份冷嘲熱諷評論：
《Financial Times》How will reform of social care in England work?
https://on.ft.com/3DVcb9o
《The Telegraph》I'll tell you what's un-Conservative: failing to guarantee the elderly a dignified old age
https://bit.ly/3nbZxgr
《The Guardian》Boris Johnson’s plan to ‘fix the crisis in social care’ is no game changer
https://bit.ly/3DYXSkb

***************************************
📢月頭乞食：文字、時間與心血有價
🥣乞兒兜（月頭課金係最抵）：
https://www.patreon.com/goodbyehkhellouk
***************************************

在網上見到呢段對話，我個人認為幾有意思的。我唔知道大家有冇考過中化，入面有一種傳說中嘅「奪命四式」：正確、錯誤、部分正確，無從判斷。

請大家根據常識，判斷以下對話？（答案留在心裡不要急著說）

各位同學準備好未？咁人妻先生開始解題了哦！（敲黑板）

首先，第一方問係咪要交十年稅先有啲啲退休金。英國都有一種退休保障，叫new state pension，基本上就係起碼要供十年，供足35年後，無論你幾窮幾有錢，都可以每星期從政府裡拿取約£175（大約1750港元）的退休金，如果供唔夠35年，就會按比例扣減。

咁問題就黎啦，供唔夠十年，係咪冇new state pension？

答案是正確，供唔夠十年，的確係唔會有new state pension，所以該回答是錯誤的。

但大家上左網咁多年，應該很清楚知道「信朋友好過信條例」，只要係「我個朋友點點點」都一定係真嘅金科玉律。所以，呢個回答係錯唔晒，但佢講緊嘅其實係另一樣野：Pension Credit。

New State Pension 同Pension Credit睇落都叫Pension，但實質很不一樣，New state pension 係供左十年後就可以拎，但Pension Credit 係俾無New state pension嘅低收入人士領取，當中係有資產審查同埋入息審查，只係政府保障你每星期都起碼有£173嘅入息，例如（我好粗略咁講），唔計你本身的儲蓄審查，你退休後仍然打散工，每星期賺得£100，政府會俾多£73鎊你，等你唔會餓死。

所以，要起碼供十年嘅state pension 係每星期最少你會有£175，再加埋你自己炒股票、收租、自己私人退休金等等，組成一筆「退休金」。而Pension credit 係最多（講多次：係最多）你先得£173，你拎Pension credit已經限制左你全部嘅收入不會多過£173一星期。你諗下拎住£173在英國一星期生活係幾咁捉襟見肘？某程度上，所謂的pension credit係比較像綜援那樣，要情況幾差下先會拎。

而令情況雪上加霜嘅係朋友甲以為自己拎嘅係state pension，努力打工儲錢，希望安享晚年。點知原來佢根本無資格拎state pension，反而由於佢存左一筆錢，會在審查期間減低佢Pension credit 的補貼收入，導致晚年退休生活失去預算。

乙方唯一講得岩嘅係國家唔會唔養你，但佢無講生活同生存，係一線之差；State pension 同Pension credit ，都係一跣之差。上網問呢啲人生大問題，本來就係好大問題，而又有好多人對於事情一知半解或者只係「聽朋友講」就答左你，然後對方信以為真。

網上講野係唔需要負責任，佢講錯佢老點你，佢最多Delete個comment就算數，但你就要用人生承擔對方9up的後果。更甚者，啲19KOL在網上發放大量所謂的攻略，為了吸引收視將偶然講成必然、甚至張冠李戴，將state pension 同pension credit混在一起，又有一啲心連明明倫敦以外的地區都夾硬講成倫敦，總之佢有click有like有廣告收入就ok了，管你們死活呢？其實好好笑，做人做到要攻略先做得成，你確定你真的有本事活下去？

#奉勸大家唔好以拎pension_credit為目標
#這絕對不是什麼好事
#當然每個人都有生活嘅追求同要求
#起碼我過唔到自己嗰關先
#關於退休問題請與專家聯絡
#上網問完俾人老點係無仇報嘅
#唔好信呢啲嘢有攻略
#全英國人人努力的供Pension係有原因
#你黎供兩三年就有國家養一世咪好著數
#咁人地供足35年為乜
#邊有咁大隻蝗蟲隨街跳

【摸魚手札】被借來的23年時光（渾水）

過往家庭聚會，家父家母已不停催我移民離開香港。「仔，現在香港很危險，你快點走。」通常我都會安慰他們，解釋黎智英、黃之鋒和李柱銘的才是名單上面最危險的人，而我只是一個小小專欄作家，更不是蘋果員工；也好在英文國語也不好，連勾結外國勢力的資格都冇，前面死10萬人都未到我。

國安法通過之後，家父家母的情緒勒索升級，開始我也招架不住了。「你快點走，我們走不到，只能死在香港。你走了之後也不要再回來，我兩老已經決定吧骨灰葬在姨媽旁邊，表哥表姐拜山掃墓的時候，也會給我鞠躬添香，好讓我兩不解寂寞。遺產你也不必回來香港搞，香港有逆按揭，我們靠住這筆錢和退休金，也足夠了。」年紀略大，淚腺已經退化，但每次聽我的心還是揪得有點痛。

國安法通過之後，啲人用第二次回歸嚟形容，我幾鍾意呢個概念。正能量膠最鍾意講「半杯水可以睇成一半滿或者一半空」之類嘅理論，本來今時今日要發生嘅嘢， 23年前，即係1997年主權移交嘅時候就已經要發生。正面啲看待，我哋已經賺咗23年相對自由嘅空間同生活方式。這樣的想法犬儒，但無疑是不錯的自我安慰，尤其是現在社會充斥着悲觀和無力感。

決定是否移民是一個鬥慘遊戲。我30未到，對比上幾代嗰啲老屁股，咁我當然係慘過佢哋；但係當我再望一啲後生過幾年又或者10幾歲嘅朋友仔時，佢哋又慘過我。他們這一代有人要坐監，有人要流亡，甚至乎有啲人死得不明不白。仲有得揀嘅，都只係無病呻吟。

趙立堅說香港人去英國都是搬磚摘生果。先不論藍領好搵，難道在香港苟且偷生，又能夠擔保我們的生活方式不會改變嗎？現在只是23年，已經大軍壓境，我們喪失自由，大陸人取代香港人，不論工作機會、教育還是現在大家重視嘅醫療。現在諗住走嘅人，就是怕連搬磚摘生果都活得好過而家

這幾年我傻下傻下都讀咗一個專業資格，間接都叫裝備了自己。即使移民去英國讀博士進修，我也找到門路。最近也有想過讀多一個實業工作技能去裝備自己，孤陋寡聞的我赫然發現原來地球有一項工種叫做「催乳師」，而且男性也可以入行，真是大開眼界。副局長何啟明最令人難忘的言論就是他太太在大陸解決了乳腺產奶的問題，可見需求甚殷。

哲學家維根斯坦也做過園丁和鄉下教師，史賓諾沙也是磨玻璃，無阻他們成為最偉大的哲學家之一。毛澤東和愛因斯坦闖大事業之前也做過圖書管理員。移民重過新生活一定有適應期，每個人對佢生活都有一啲基本追求，能夠滿足到簡單物質需要，喺自由的空間讀點書和思考人生問題，順便發展我的催乳事業，我於願足矣

https://hk.appledaily.com/finance/20200711/YC6CDF5Z64BY4QYI7O4QVHRPF4/

掌握最新最精闢金融經濟資訊，立即訂閱《金融經濟精神食糧》

逢一、三、四出刊登專業財金分析文章，另設特別環節：每週解答觀眾問題、100萬模擬倉投資部署和每日金融財經Podcast，幫你補補腦
https://prime.fortuneinsight.com/web/muddydirtywater

Patreon: https://www.patreon.com/muddywaterfinance