新舊外交大臣嘅笑容 今日英國首相出席下議院例行答問大會（PMQ）之後，忽然宣布重組內閣，當中比較注目嘅係外交大臣Dominic Raab調任（降職）為司法大臣，兼任Lord Chancellor（中譯大法官，但個人覺得實際職能同中文意思唔多配合）與及代任首相（Deputy Prime Minister），而原來嘅國際商務大臣Elizabeth Truss（Liz Truss）就升任為外交大臣。 另外，疫情期間被受批評嘅教育大臣Gavin Williamson解除職務，之前盛傳會被切換嘅內政大臣Priti Patel就繼續留任。除此之外，比較突然嘅係一路對肥波嘅路向同黨都非常一致，無乜差錯嘅文化傳訊大臣Oliver Dowden亦被撤換，換咗個更加右翼敢言嘅Nadine Dorries.... 响討論華文傳媒視角好喜歡講嘅「新任外交大臣對中英關系有什麼影響」乜乜乜之前，首先要了解响議會數票數無人能敵嘅情況之下，點解肥波會選擇响呢個時候改組內閣.... 剩係睇新舊外交大臣個笑容，就知唔係咁簡單啦？ Patreon too long no thanks超長文： 英國政府改組內閣原因，新任外交大臣是誰 https://bit.ly/2YW7Z9r #民主議會政治是很殘酷的 #為咗黨可以犧牲任何人 ************************************** 📢乞食廣告：文字、時間與心血有價 🥣乞兒兜： https://www.patreon.com/goodbyehkhellouk **************************************

不只要做關鍵少數 經常聽到呼籲居英香港人多參與政治，呢一點非常贊成。但請勿將呢回事口號化，什麼「關鍵小數」或者「最終爭取乜乜物物」。恕我坦誠些少，所有華人响英國嘅人口，都多唔過蘇格蘭人，蘇格蘭民族黨係咪關鍵小數？唔只添㗎，係議會第三大黨。聽過威爾斯民族黨未？Cornwall英格蘭原居民之一（Cornish）嘅獨立運動呢？650個選區，東南西北嘅文化、種族、歷史、當地政局、選舉制度、勢力分布搞清楚未？（自問蠢，用咗四年幾都未搞清楚晒）。 小學生寫我的志願係志氣嘅表現，但點樣達成先係最重要，我份人就比較貪心，黎咗就係英國人，我唔希望香港人做什麼少數，要做就要做到完完整整咁融入社會，有能力令英國本地人支持，一代做唔到就兩代，兩代唔得就三代，有大志啲唔該，麻煩睇下當今外交大臣、內政大臣同財相係咩族裔。 不過咁，首先要有自知，明白自己係小學生，莫講話大學，距離中學畢業都仲有好遠。耐唔耐留意下英國嘅班政治人物嘅手段，講完志願請踏實啲學，唔好再得把口，嗌完爽。而我只係得一個腦一對手，可以分享嘅就盡做，唔敢話啱晒（有時可能錯，垃圾K乜OL咪盡信），大家參考下好喇。 Patreon原文： 下議院前議長加入工黨，英國政黨政治之複雜 https://bit.ly/3gTCFO4 #OrderOrderOoorder 報導： 《The Guardian》John Bercow defects to Labour with withering attack on Johnson https://www.theguardian.com/politics/2021/jun/19/john-bercow-defects-to-labour-with-withering-attack-on-johnson *********************************** 每日更新乞兒兜Patreon： https://www.patreon.com/goodbyehkhellouk MeWe：https://mewe.com/p/goodbyehkhellouk Twitter：@ByeHKHiUK IG：@goodbyehkhellouk 最近更新： 下議院前議長加入工黨，英國政黨政治之複雜 https://bit.ly/3gTCFO4 香港文學特輯 (1)：韓麗珠《半蝕》 https://bit.ly/35T3Tzn 講中了...又如何？ https://bit.ly/2UgwhIR 本來被已被遺忘嘅"Keep Calm and Carry On" https://bit.ly/35wKKCX ***********************************

咁天真癡線嘅想法都諗得出，結果竟然... 呢兩年黎我不停反複問自己，响香港網絡上默默努力做文字創作人繁星咁多，從無論主觀或者客觀角度去睇，自問質素都係排到最尾，接近垃圾級別，錯字錯文法乜都齊（仲要每日每個post都有），點解有咁多朋友會睇呢個垃圾寫屎？ 垃圾就算幾努力都唔會有幾大進步空間，勤力唔係大晒呢一點我好清楚，所以大家都見到我平時只會放Patreon嘅乞衣兜，絕少响FB出Post大力推廣。不過，呢一年黎難得有一班「儍人」願意課金，每日睇過千字嘅長氣垃圾文，响呢度首先要公開多謝呢班儍人。 正因為响FB同Patreon有大家嘅支持，上兩三個星期有個好天真癡線嘅諗法，既然自己FB有啲followers，Patreon亦有啲朋友支持，係咪應該用嗰塵埃咁細嘅力量，推動下香港文化創作？ 必須承認成件事嘅概念本身係等如街邊賣魚彈推廣米芝連一樣咁瘋狂，要明白我呢個錯字寫垃圾K乜OL唔知醜咁去聯絡佢地，唔只係冒昧，直情一路打meassage都面紅同醜。 食檸檬或者被婉拒嘅情況係有嘅，不過暫時比我嘅誠意（甜言蜜語）感動「中計」嘅有四位會做客席作者，每個星期輪流出分享文章： 第一位係Happy Kongner嘅米迦，個人極之敬佩嘅Happy Kongner YouTube Channel嘅其中一位成員，只要有睇過佢地制作嘅片都會知道佢地制作係有認真，為求資料充實而唔沉悶，堅持違反YouTube「懶人包」即食生態，絕對係香港網絡創作者嘅（癡線）清泉。坦白講，我唔多唔少都受佢地影響，所以啲Post咁詳盡咁加入咁多前文後理。 第二位係網絡作家Altia，可能大家未必讀過過佢嘅作品。但當我睇到佢嘅Medium同Facebook Page嘅作品之後，真係嚇咗一跳，然後有啲自慚形穢想揾窿捐。內容闊到由文學、電影、音樂去到動畫以至麻雀（打嗰啲）都能夠涉獵。 第三位係文藝評論雜誌《Sample 樣本》總編輯葉梓誦，香港實體文藝雜誌編輯呀喂...佢竟然三唔識七一口應承，嘅嗰刻都幾感動。 最後一位係《一念英倫》作者Billy Wong，呢個文化中年好難唔揾佢。 估唔到自己咁天真嘅概念，短時間內可以做就五個跨平台創作者合作，真心希望大家支持，破例大力賣下Patreon廣告，因為已經唔只係助養英國廢中（人）咁簡單，而係多咗個機會一齊推廣香港本地文化創作人。 https://www.patreon.com/goodbyehkhellouk 人地點睇我唔知，亦唔會理，剩係想出些少力推廣下香港文化創作，結果會點我唔介意，只係覺得一個族群如果連文化都建立唔到，什麼都不是。 再一次要多認真再次多謝現時支持Patreon嘅朋友，無佢地就連比稿費嘅機會都沒有，然後就係願意相信我呢個錯字垃圾文網絡塵埃嘅幾位香港文藝創作者，最後就係睇晒呢編嘢大家（即係你地呀）！ #希望本集未完 *************************************** 每日更新乞兒兜Patreon： https://www.patreon.com/goodbyehkhellouk MeWe：https://mewe.com/p/goodbyehkhellouk Twitter：@ByeHKHiUK IG：@goodbyehkhellouk 最近更新： 英國政府借機會改革BBC，係可以感到似曾相識 https://bit.ly/3oHDKfs 以巴停火，邊個贏？那個輸？ https://bit.ly/2QDEw0c BBC記者「呃」戴安娜訪問調查報告嘅後續深層意義 https://bit.ly/3v6ElJL 向議會講暴力可能係最後手段，見識下北愛爾蘭親英新一代 https://bit.ly/3f2Nqhm ***************************************