送客...學英文 英國上下議院議長今日分別出聲明禁止新任中國駐英國大使進入英國國會。 事緣係咁嘅，可能大家都知英國下議院有好多非官方跨黨關注組織，响中國議題上面，就有屬於相對溫和嘅All-Party Parliamentary Group on China (APPG)，同埋有幾個議員被中國制裁嘅鷹派Inter-Parliamentary Alliance on China（IPAC）。之前APPG嘅議員安排新任中國駐英國大使鄭澤光去下議院會面，去到上星期，IPAC中被制裁嘅上下議院議員就聯署向上議院議長（Lords Speaker, John McFall）同下議院議長（Commons Speaker, Sir Lindsay Hoyle）反對鄭生進入下議院。 咁下議院議長就問外交大臣對呢件事嘅立場，得到嘅回覆係議會（立法機關）嘅事務，唔應該由政府（行政）決定。 今日，上下議院議長決定，議員响其他地方會面無問題，亦都管唔到，但鄭生就唔可以進入英國議會範圍。兩位議長分別出咗聲明解釋理由，下議院嘅Sir Lindsay Hoyle係咁講， “I regularly hold meetings with ambassadors from across the world to establish enduring ties between countries and parliamentarians. But I do not feel it’s appropriate for the ambassador for China to meet on the Commons estate and in our place of work when his country has imposed sanctions against some of our members. If those sanctions were lifted, then of course this would not be an issue.” （基於建立各國代議士與政府嘅長遠關系，本人經常同世界各地嘅大使會面，但係我唔覺得响仍然有議員被制裁嘅情況下，响下議院範圍內同中國大使會面係嘅合適嘅安排。如果嗰啲制裁撤銷咗嘅話，咁就緊係唔會有問題。） 而上議院議長Lord McFall就咁講， “The Speakers of both houses are in agreement that this particular all-party parliamentary group China meeting should take place elsewhere considering the current sanctions against members including two members of the Lords.” （考慮到制裁對部份議員，包括兩名上議院議員仍然有效，兩院議長一致同意個別跨黨組織嘅會面應該去其他地方進行。） Patreon全文： 禁止進入英國議會範圍 https://bit.ly/2XmqBOY #報導完畢 報導： 《The Times》Chinese ambassador Zheng Zeguang banned from parliament https://www.thetimes.co.uk/article/chinese-ambassador-zheng-zeguang-banned-from-parliament-97nbfcfmc ************************************** 📢乞食廣告：文字、時間與心血有價 🥣乞兒兜： https://www.patreon.com/goodbyehkhellouk **************************************

【@businessfocus.io】約翰遜增稅計劃引商界反彈 英國商會批評拖累就業增長 . 英國首相約翰遜（Boris Johnson）7日在國會提出一項針對勞工、僱主及部分投資者的增稅計劃，借此補貼和改革醫療及社會保障系統。儘管約翰遜的增稅方案引發商界反彈，認為該計劃「不合時宜和邏輯」以及拖累就業增長，但英國下議院仍在昨日（8日）以319票通過提案。 . 上調稅收補貼醫療及社會保障系統 . 約翰遜7日宣佈推出增稅計劃，建議從2022年4月起上調僱主及僱員的國民保險（NIC）薪資稅稅率1.25個百分點，股息率稅率同時亦增加1.25個百分點。上述額外稅收將全數用於補貼國民保健服務（NHS）及改革社會保障系統。 . 計劃也提及，2023年起，政府將開始增設健康及社會保障稅（Health and Social care levy），按照NIC供款比率分別向僱主及僱員徵稅。在部分保守黨議員批評這項計劃違反其2019年不加稅的競選承諾之下，約翰遜仍堅稱有關計劃是「合理且公平的做法。」 . 增稅方案引英國商界反彈 . 上述加稅計劃公佈後即刻引起英國商界的反對聲浪，英國商會的經濟主管蒂魯（Suren  Thiru）表示，過去18個月來，當地企業受到新冠疫情限制措施影響早已背負沉重的債務負擔。他認為，在企業已不堪重負的情況下，現時提出加稅將使得企業成本大幅提高，不僅對經濟復蘇造成衝擊，亦在關鍵時期拖累就業增長。 . 此外，英國工業聯盟（CBI）主席Lord Karan Bilimoria亦認為目前不是增稅，而是刺激投資和經濟增長的時機；機械製造業僱主聯合會（Make UK）行政總裁Stephen Phison則表示，在經歷了疫情高峰時期的大規模裁員和保就業補貼計劃被取消後，政府應採取措施保障就業和鼓勵招聘，呼籲當局另尋其他資金來源，並警告現時提高國民保險繳費將適得其反。 . 然而，在商界普遍反對有關計劃下，英國下議院仍在8日以319票對248票通過加稅方案，同意政府將資金投入到醫療及社會保障系統。彭博社9日報導，雖然這一計劃獲得通過，但對於一個強調低稅收的黨派而言，該方案仍是一個極具風險的提議。報導引述英國財政研究所（Institute for Fiscal Studies）指，若這項稅收政策届時按計劃在明年4月執行，恐讓英國的稅收負擔達至1955年來的最高水平，相當於佔了國民收入的約35%。 . Text by BusinessFocus Editorial . #BF環球視野 . @businessfocus.io 瞭解更多商業財經資訊 .⠀ #money #investment #business #finance #life #startup #startups #management #company #expert

黨友問到口啞 响盟軍完全撤出阿富汗之後嘅第二日，英國下議院外交委員會就即時召開特別會議，質詢外交大臣Dominic Raab。响成班專注外交嘅議員圍攻之下，出招最狠嘅係外交委員會主席，同屬保守黨嘅Tom Tugendhat，雖然擺明比面留咗手，但已經足以令Dominic Raab醜態盡露，成頭都係血。 一開始就好嚴肅咁問Dominic Raab响上任之後，即係美國同北約宣布撤軍後有無去過阿富汗，或者同鄰國巴基斯坦，緊係無先問啦，Tom Tugendhat就輕輕地一句，咁德國部長响八月尾有巴基斯坦做協調準備，咪係最高成功撤僑嘅北約國囉。先攞一分，Dominic Raab先中一拳。 然後，Tom Tugendhat就問外交大臣到底知唔知實際有幾多英籍人士或者合資格人士同家屬响阿富汗，實數當然唔知啦。「既然唔知，咁依家有幾多人不幸被遺棄咗？」，Dominic Raab就即時啞咗，「 揭文件」。再中多拳。 Tom Tugendhat最後重錘就係讀咗份情報機構响7月22號提交比外交部嘅文件， "Peace talks have stalled. The US/Nato withdrawal is resulting in rapid Taliban advances. This could lead to fall of cities, collapse of security forces, Taliban return to power, mass displacement and significant humanitarian need. The embassy may need to close if security deteriorates." （和談已經停止咗，美國同北約嘅撤軍會令塔利班嘅進攻加快，結果城市會淪陷，保安部隊會瓦解，塔利班會重掌政權引發大型移民同人道需要。如果局勢惡化嘅話，大使館有可能要關閉。） Dominic Raab聽到之後，即時嘅反應竟然係「吓，份嘢係邊度黎㗎？」（"I'm sorry, [what's] the source of that?"）。 "It's your principal risk report." （你份危機風險報告呀。） Patreon原文： 外交大臣接受下議院外交委員會質詢，口啞了 https://bit.ly/3BzFkoJ #真點問責 #問到口啞 #石頭揸出血 完整片斷： 《Parliament TV》Foreign Affairs Committee （Wednesday 1 September 2021） https://parliamentlive.tv/event/index/44d918e3-3be5-41ae-994b-d6384a554327 （Tom Tugendhat大戰Dominic Raab係頭15分鐘） *************************************** 📢月頭乞食：文字、時間與心血有價 🥣乞兒兜（月頭課金係最抵）： https://www.patreon.com/goodbyehkhellouk 最近更新： 拜登與阿富汗總統响7月23號嘅電話 https://bit.ly/2V1ERfk 首個加入英國皇家海軍陸戰隊嘅皇室成員 https://bit.ly/3kL7re1 Podcast：近代阿富汗與塔利班點黎 https://bit.ly/3jAElyF 阿富汗危機當中，點解英國外交大臣受最多評擊？ https://bit.ly/3BnrRAn ***************************************