不只要做關鍵少數 經常聽到呼籲居英香港人多參與政治，呢一點非常贊成。但請勿將呢回事口號化，什麼「關鍵小數」或者「最終爭取乜乜物物」。恕我坦誠些少，所有華人响英國嘅人口，都多唔過蘇格蘭人，蘇格蘭民族黨係咪關鍵小數？唔只添㗎，係議會第三大黨。聽過威爾斯民族黨未？Cornwall英格蘭原居民之一（Cornish）嘅獨立運動呢？650個選區，東南西北嘅文化、種族、歷史、當地政局、選舉制度、勢力分布搞清楚未？（自問蠢，用咗四年幾都未搞清楚晒）。 小學生寫我的志願係志氣嘅表現，但點樣達成先係最重要，我份人就比較貪心，黎咗就係英國人，我唔希望香港人做什麼少數，要做就要做到完完整整咁融入社會，有能力令英國本地人支持，一代做唔到就兩代，兩代唔得就三代，有大志啲唔該，麻煩睇下當今外交大臣、內政大臣同財相係咩族裔。 不過咁，首先要有自知，明白自己係小學生，莫講話大學，距離中學畢業都仲有好遠。耐唔耐留意下英國嘅班政治人物嘅手段，講完志願請踏實啲學，唔好再得把口，嗌完爽。而我只係得一個腦一對手，可以分享嘅就盡做，唔敢話啱晒（有時可能錯，垃圾K乜OL咪盡信），大家參考下好喇。 Patreon原文： 下議院前議長加入工黨，英國政黨政治之複雜 https://bit.ly/3gTCFO4 #OrderOrderOoorder 報導： 《The Guardian》John Bercow defects to Labour with withering attack on Johnson https://www.theguardian.com/politics/2021/jun/19/john-bercow-defects-to-labour-with-withering-attack-on-johnson *********************************** 每日更新乞兒兜Patreon： https://www.patreon.com/goodbyehkhellouk MeWe：https://mewe.com/p/goodbyehkhellouk Twitter：@ByeHKHiUK IG：@goodbyehkhellouk 最近更新： 下議院前議長加入工黨，英國政黨政治之複雜 https://bit.ly/3gTCFO4 香港文學特輯 (1)：韓麗珠《半蝕》 https://bit.ly/35T3Tzn 講中了...又如何？ https://bit.ly/2UgwhIR 本來被已被遺忘嘅"Keep Calm and Carry On" https://bit.ly/35wKKCX ***********************************

爭取獨立公投嘅三條路 今日英國地方議會選舉，全國焦點當然係蘇格蘭議會嘅結果，SNP蘇格蘭民族黨點都係最大贏家黎嘅，問題只係可唔可以取得歷史性嘅"Magic 65"，即係130席之中嘅65席大多數，因為黨魁Nicola Sturgeon講到明選舉完咗就會迫Boris Johnson領導嘅英格蘭下議院推動第二次蘇格蘭獨立公投。 唔想太長氣講解蘇格蘭獨立嘅「利與弊」，襯依家仲點緊票嘅時候講下Nicola Sturgeon爭取獨立公投有咩選項。最簡單嘅當然係好似2014年公投一樣，循「正常」途徑要求英國首相同下議院嘅認可，但係人都知肥波講咗"once in a generation"下一代先算，而在野工黨亦都唔同意，咁即係要硬來喇，而硬推大致可以歸納為三大選項。 第一就係從法律角度，交比法院解決。第二個方法就係無視肥波或者下議院反對，蘇格蘭議會自行响蘇格蘭實行「非合憲」公投，即係同當年西班牙加泰地區一樣。第三又係最激進嘅，就係假設聽朝點票完成，SNP贏到爆燈超過"magic 65"多多聲，直接宣布獨立。 最後，無論行上面邊個方案也好，最大問題就係肥波... 未試過唔悶Patreon長文： 寫在點票前，蘇格蘭爭取獨立嘅三個選項 https://bit.ly/2QYse2A #粒花生可能勁過脫歐 *************************************** 每日更新乞兒兜Patreon： https://www.patreon.com/goodbyehkhellouk MeWe：https://mewe.com/p/goodbyehkhellouk Twitter：@ByeHKHiUK IG：@goodbyehkhellouk 最近更新： 寫在點票前，蘇格蘭爭取獨立嘅三個選項 https://bit.ly/2QYse2A 倫敦市長候選人Count Binface（垃圾筒伯爵）嘅政治智慧 https://bit.ly/3uv3Wfd 英國派海軍「解決」法國漁業爭議 https://bit.ly/2PTp1kx ***************************************

好似好無聊嘅倫敦市長候選人 英國選舉當中，近幾十年响每次重要選區嘅議席上面，大家都可能發現一啲著住奇裝異服嘅候選人，佢地連報名參與嘅名都係以卡通或者科幻角色人物。當然會有人覺得佢地係無聊，或者只係玩嘢自娛。今次倫敦市長候選人之一，Count Binface（垃圾筒伯爵）就係其中一例子。 無論Lord Buckethead或者Count Binface也好，面對戴卓爾、John Major、Theresa May或者肥波呢啲重量級政治對手，當然連𠝹票嘅能力都唔會有，最叻嗰次都係得二百幾票，但係咪真係咁無聊呢？ 睇完Jonathan Harvey以Count Binface嘅身份接受嘅訪問，可以睇得出英國民主制度嘅量度同政治幽默感。 "I believe that there’s a place for humour in democratic politics, and nobody does this better than the United Kingdom. It’s weirdly wonderful that in 2021, while freedoms are being curtailed elsewhere in the world, in the UK it’s still possible for an idiot with a Ceefax fixation to stand for election." （我相信幽默感响民主政治裡面有一定嘅位置，而呢方面，世上無一個地方可以比英國可以做得更好。當自由响好多地方被削弱嘅時候，英國仍然可以容許一個對八九十年代電視字幕資訊執迷嘅白痴參選，所以去到2021年係都值得感恩。） Patreon原文： 倫敦市長候選人Count Binface（垃圾筒伯爵）嘅政治智慧 https://bit.ly/3uv3Wfd #呢個幽默感好貴 #九成攞唔返嘅一萬鎊按金 #有啲原則總要有人堅持 #哪怕好似好無聊 報導： 《Big Issue》Count Binface: ‘My joke mayor bid has power main parties could only wish for’ https://www.bigissue.com/opinion/count-binface-my-joke-mayor-bid-has-power-main-parties-could-only-wish-for/ *************************************** 每日更新乞兒兜Patreon： https://www.patreon.com/goodbyehkhellouk MeWe：https://mewe.com/p/goodbyehkhellouk Twitter：@ByeHKHiUK IG：@goodbyehkhellouk 最近更新： 倫敦市長候選人Count Binface（垃圾筒伯爵）嘅政治智慧 https://bit.ly/3uv3Wfd 英國派海軍「解決」法國漁業爭議 https://bit.ly/2PTp1kx 記者「被倫敦市長放飛機」個人睇法，講完就算 https://bit.ly/3nS14GO 哥倫比亞反政府示威，疫情下世界不穩嘅開端 https://bit.ly/3ehenxa 唯一一個下議院補選地區，「紅區」Hastlepool保衛戰 https://bit.ly/3gYJPCd ***************************************