雖然這篇英國文學dse鄉民發文沒有被收入到精華區:在英國文學dse這個話題中,我們另外找到其它相關的精選爆讚文章
在 英國文學dse產品中有2篇Facebook貼文,粉絲數超過0的網紅,也在其Facebook貼文中提到, #2021 #DSE加油 #科目擬人 #英國文學 #DAT 聽日到英國文學同DAT了! 仲要同一時間開考ww 考呢兩科嘅dse孩子們努力!!❤️✨🔥 (散發總攻氣勢的二人 今日身體有啲唔舒服(女人的痛)所以畫唔切全幅比較draft抱歉 ˊ_>ˋ...
同時也有1部Youtube影片,追蹤數超過8萬的網紅Jackz,也在其Youtube影片中提到,第三屆中學文憑試(HKDSE)今天放榜,今屆狀元共有七男五女,當中有學生立志成為醫生、律師,亦有人想修讀政治,想在兩極的社會氣氛中找出路。 有線新聞 (http://cablenews.i-cable.com/webapps/news_video/index.php?news_id=436987)...
英國文學dse 在 ??港腐女學 Instagram 的最佳解答
2021-05-26 17:38:33
#2021 #DSE加油 #科目擬人 #英國文學 #DAT 聽日到英國文學同DAT了! 仲要同一時間開考ww 考呢兩科嘅dse孩子們努力!!❤️✨🔥 (散發總攻氣勢的二人 今日身體有啲唔舒服(女人的痛)所以畫唔切全幅比較draft抱歉 ˊ_>ˋ...
英國文學dse 在 ??港腐女學 Instagram 的最佳貼文
2021-01-12 08:25:30
#科目擬人 #雙文學的情色日常 #完整版請見patreon✨ 巨乳大叔HISTORY登場!!!! __ × FOLLOW 糧食供應所 @thefucourt!更多BL資訊和創作等緊你! × 支持我們的創作!每月不間斷更新: www.patreon.com/thefucourt __...
英國文學dse 在 ??港腐女學 Instagram 的最佳解答
2020-06-16 17:18:40
#DSE加油 #科目擬人 #雙文學 . Eng Lit:wine or me? 中國文學:我全都要!!!!! . 備受大家愛戴嘅雙文學CP快要來了! draft緊佢地嘅老夫老妻激情日常😏 . #bl#boyslove#腐女#腐男#香港#dse#漫畫#插圖#雙文學#雙文學CP#englit#英國...
-
英國文學dse 在 Jackz Youtube 的精選貼文
2014-07-15 13:08:46第三屆中學文憑試(HKDSE)今天放榜,今屆狀元共有七男五女,當中有學生立志成為醫生、律師,亦有人想修讀政治,想在兩極的社會氣氛中找出路。
有線新聞
(http://cablenews.i-cable.com/webapps/news_video/index.php?news_id=436987)
其中一位狀元馬國鳴來自傳統名校皇仁書院,他稱自己來自基層家庭,父親從事裝修行業,母親有做兼職,月入只有一萬多元,既要應付供樓的費用,又要照顧一名就讀小三的弟弟。馬國鳴表示自己受到2003年沙士時冒著生命危險拯救病人的醫護英雄感染,所以立志成為醫生。
被問到會否參與佔領中環爭普選,馬國鳴表示不會,因為未有能力承擔後果,但欣賞發起人爭取真普選的目標。皇仁另一位學生張心力,亦考得6科5**佳績。
當中兩位女狀元來自聖保祿中學,她們分別是黃曉晴(Anson)和徐詠然(Anna)。徐詠然表示希望能夠升讀中文大學政治與行政學系,黃曉晴則以升讀中大或者港大法律系為目標。
黃曉晴是家中獨女,她表示希望成為律師,將來為弱勢社群發聲。被問到是否支持佔領中環,黃曉晴以「我哋學校唔准答」為理由拒絕回應。校方其後否認禁止學生回應佔中,強調校方沒有政治立場。
徐詠然是家中「大家姐」,弟妹在考試期間有為她打氣,她表示不會熬夜溫習,長期預習才是取得好成續的關鍵,又指英國文學是最難應付科目,但有賴老師無私的教導。她表示,將來如獲中文大學政治與行政學系取錄,會思考有什麼方法可以使香港變得更好。
其中一位女超級狀元陳詠妍,來自傳統名校協恩中學,她修讀中、英、數和通識外,還修讀生物、化學、經濟、數學延伸。校方公佈成績時,全場同學都歡呼。
陳詠妍表示,考試後曾「對答案」,發現自己錯誤甚多,因此沒想過會成為狀元。其中中文科口試成績只有3級,幸得其他中文卷成績拉高。她又稱,自己不看報紙,靠上課學時事,以及補習鍛練技巧。
被問到對佔領中環看法,陳詠妍表示,即使有數據顯示佔中可能造成經濟損失,但她認為若以短期經濟損失,能換取真正普選,令全港社會受惠,「我覺得係值得嘅」。
陳詠妍又表示喜歡美食,中六已開始寫食評,在Instagram有逾600 追隨者(followers)。她曾光顧香港最貴的法國菜,消費高達數千元,又喜歡到中上環餐廳品嚐美食,期待Jamie Oliver來香港開餐廳,她說:「食好嘢要使錢,都要識搵錢至得。」
Help us caption & translate this video!
http://amara.org/v/W8oR/
英國文學dse 在 Facebook 的最佳貼文
#2021 #DSE加油 #科目擬人 #英國文學 #DAT
聽日到英國文學同DAT了!
仲要同一時間開考ww
考呢兩科嘅dse孩子們努力!!❤️✨🔥
(散發總攻氣勢的二人
今日身體有啲唔舒服(女人的痛)所以畫唔切全幅比較draft抱歉 ˊ_>ˋ
英國文學dse 在 君子馬蘭頭 - Ivan Li 李聲揚 Facebook 的最讚貼文
[DSE 相關系數]英文嘅嘢,重考生兩年成績,相關系數90%以上。極少係唔好彩。中文就唔同啦!
TL:DR – 中文通識中西史分數失望嘅,不妨考多次。因為可能只係唔好彩。理科嘅就算吧啦。英文其實都係冇乜翻身機會,但好多人都係一定要試,明白嘅。
話時話,呢排記得keep 住like and share,主動入嚟睇,同埋設定做see first.真係搵食艱難。但感激大家
1. 幫考試局蔡熾昌(我知唔係考試局,亦唔係蔡熾昌好耐,但我到而都係講旺角火車站)平反下。考試局拎咗咁多錢呢,至少在年度報告,都係有啲貢獻。你咪話,真係詳細過唔少上市公司或者NGO。至少詳細過海洋公園
2. 考試局居然有出,每一科,係每一科,重考生嗰年成績,同上年成績,嘅相關系數(correlation coefficient)。真偉大。但唔知點解,去到2017年後就冇咗。
3. 唔係教數學,但相關系數不能理解:相關系數高嘅,即係舊年高分嘅好多今年都高分,反之亦然。相關系數低嘅,即係好似關係唔太大。負數?即係多數人舊年高今年低,呢度就唔會嘅。方便起見,原本係百份比,我全部倍大100倍。100分為之完美正相關,個個同舊年一樣分。
4. 實務上代表乜?如果嗰科嘅相關系數高,即係你舊年同今年都會咁上下分數。可能代表好難進步或退步,或者係個考試好能夠分辨出邊啲人得邊啲唔得。相關系數低呢?代表一年間可以好唔同,或者代表個考試好陽春,同擲公字差不多,舊年高分嘅今年可以走晒樣。
5. 之前講DSE重考,都係用英文做例子。一來英文緊要,二來多人考,亦多人重考。咁嗰時結論係好少可會升呢,亦都好多讀者指出,正常,因為英文浸十幾年,未必一年之間可以改變乜。雖然我有啲保留:「英文水平」未必可以好快改進,但「英文考試分數」係可以的。
6. 睇表啦喎,每一年之中,相關系數高嘅,紅色。相關系數低嘅,綠色。咁以下就係以所有重考生數字(*)出嘅結論:
7. 首先,你見相關系數,普遍都幾高。好多都八十幾九十,極少會低過七十。
8. 另外,我啲紅綠色,係一年一年咁做,但你發現年年都差不多。紅嘅年年紅,綠嘅年年綠。即係基本上同考生無關,同年份亦無關,同嗰年份卷深唔深都冇乜關。係嗰科嘅性質,同埋份卷嘅本質。
9. 好啦,英文。眾望所歸,你見到英文科,紅過韓紅,紅過秦虹,紅過喬紅。九成幾嘅相關系數,差不多每一年都係最高。證實咗讀者嘅假設:英文嘅嘢,其實好難一年間改善。即使唔講英文水平,講英文成績,都係好難有乜大改。其實考多次最冇so就係呢科。但當然明白,偏偏呢科係好多人要考多次。正面啲睇,你可以話英文卷嘅甄別能力好好,冇死錯人,你係唔掂嘅,下年嚟多次都係唔掂。但你係進步咗嘅,應該有回報。
10. 但另一個極端,就過癮啦。中文呢?中文科年年綠色,相關系數極低。即係老老實實,分數唔滿意嘅,記住考多次。可能只係運氣,改卷嘅唔妥你。同樣係語言,點解分別咁大?我估係因為兩樣嘢:第一中文係母語英文唔係,唔少人都認為考中文會話或聆聽十分反智。低分嗰啲,咁平時點生存嘅?啞嘅?講法文定手語定手指指send message?考會話其實你考佢演講技巧,考聆聽其實你考佢專注力,同語言能力per se冇乜關。第二,當然係啲卷嘅設計。其實我冇教書多年,但而家中文應該都仲係冇MC玩?英文有下話?咁中文卷就變咗比較主觀。主觀唔一定差,但你重考嘅,下年唔同人,可能你同一份嘢佢畀高分你呢?
11. 另外仲有幾科綠色,相關系數低嘅,差不多全部係文科,「主觀」。亦即係你下年玩過係比較大機會翻身嘅。中史西史,中國文學,仲有惡名昭彰嘅通識都係咁。而啲友明明話通識卷有個指引唔會好主觀喎。數字唔係咁講咯。
12. 當然,仲有表上最低系數,最綠,唯一低過50嘅,視覺藝術(即係美術啦?)。原因同上。藝術嘅嘢,你識條鐵咩。畢加索去考應該拎個U(講笑,唔好咁天真,你估愛恩斯坦真係考試好低分咩)
13. 紅色,相關系數高嘅,除咗英文,就係Phy Chem Bio IT,簡單易明啦。啱就啱錯就錯,大腸就大腸架啦。易乾都係,可以問下呢度讀者,有人教易乾。但我記得都係有MC題?而家咁大鑊飯民粹嘅社會,MC題其實好東西,啱就啱錯就錯,又慳改卷時間。相反,你教文學嗰啲,分分鐘畀個學生老母(甚至學生本人)大返你轉頭。我老母年年睇莎劇喎,你邊位?
14. 仲有乜大科未講?梗係留到最後,數學。理所當然地,數學compul嗰部份,好紅,同英文有得比,相關系數好高。得就得,唔得就唔得架啦。雖然我覺得數學升呢不難的,我私人補習嘅重考生,全部都升呢。「因為U嘅我會叫醒佢去考試,F嘅會教下佢做啲初中甚至小學數」
15. 但奇怪係,分拆開兩部份嘅,唔知點解就綠,相關系數幾低。可能因為人太少?
16. 呀係啦,你見有啲科目NA嘅。如果日校學生唔夠30個人重考,就唔會出現。但好可能全體重考生係仲有幾百友嘅。例如IT在2017 NA咗,只代表唔夠30個日校重考生,但全體應該一定唔止
17. 最左邊,你可以見到2017年,全體重考生,有幾多人考各科。亦見到有啲科係邊緣化咗—其實會考年代已經係咁,只係DSE又吊多次命。
18. 你見到中國文學嗰啲,早幾年上榜,而家已變NA,Visual Arts亦係。仲在榜上嘅,你見中西史地理呢啲,都相當少人重考—固然少人重考唔等於少人考,我懶搵,但個大方向應一樣。
19. 另外小小技術嘢,我見BAFS(企會財),我見2013 2014係冇分類的,但2016就有。一拆二?無論如何,啲系數轉變不大,亦係偏高嘅
20. 最後弱弱一問,而家英國文學係咪冇人讀架啦?至少應該冇乜人重考,咁多年都唔見有上榜(咁可能因為日校不足30件重考)。不過傳說中都係巴閉名校啲女先讀咁話,呢班友唔重考亦好正路。但話說回頭,當年埃汾間屋村學校,學校普通都幾草根(我學生嘅創舉:踢完波買麥當勞新地筒一杯成隊人食!唔知佢踢五人定十一人呢)。但老校都堅持開英國文學,哈。可以話扮嘢,但又可以話堅持。邊個話草根唔可以欣賞文學先?富豪落難都要優雅嘛。
21. 正文完全講完。但忽然間感概,仲有篇後記在後面(其實我係寫咗後記先)。鍾意就睇,唔鍾意唔睇亦冇乜影響正題。
————————————————————————————
甲、 李天命講過個故事,講「命中注定」呢個字嘅含糊。羅素命中注定有四個太太,他實現了自己的命運。李天命命中注定有四個太太。可惜他沒有實現了自己的命運。
乙、 而我,都係「命中注定」教書嘅。但正如友人話齋,我冇做傳媒,係傳媒嘅損失。但做咗,就係我嘅損失。相信教書都係。我冇教書,係香港新一代嘅損失。但我教書,就係我自己嘅損失。咁我都係鍾意自己多啲。
丙、 真的,我係「命中注定」教書。你應該聽過有啲分析員或者散戶,興趣係「睇年報」。冇乜特別。你知唔知我十八廿二時有個興趣係乜?都係睇年報。但我睇考試局年報!當然我最鍾意睇啲考生錯處之類。但亦好鍾意睇啲數字
丁、 一套古惑仔收得,就有成個universe(勁過DC或Marvel),有前傳少年激鬥篇,有外傳洪興十三妹,有山雞故事,仲有reboot嘅江湖新秩序。有紅燈區,有龍虎砵蘭街,甚至有crossover開心鬼大戰古惑仔,真係勁過正義聯盟Capcom vs SNK。
戊、 亦都係好似以前香港啲殭屍片咁,一套鬼打鬼收得,就有人嚇人,人嚇鬼,鬼咬鬼,人鬼神。一套殭屍先生後,就有殭屍翻生,殭屍家族,殭屍叔叔,殭屍至尊—爭在冇殭屍超級至尊或者殭屍華堡
己、 一套收得,繼續拍,玩到爛為止,一路係香港精神。所以我今篇又講DSE重考。但轉個角度,冇魚缸溫度計了
庚、 你諗下,如果我仲教緊中學,加埋當年本人係呢個「教務組」(**),若搞啲咁嘅嘢,老校家長應該都幾歡喜。一個唔該仲可以包裝做乜柒大數據分析添(都話個Excel放埋上Dropbox就雲端計算,加個密碼再track changes 就係區塊鏈技術,整個regression就係人工智能了)。但即係,What for ?讚我兩句又點?即時有女同事投懷送抱(係冇嘅,因為老校其實成日讚我)?定升我做附加數學科科主任?(***)。
辛、 掉轉頭,我在呢度寫,即係「這雙手雖然少」,但每個like都自己呃返嚟,睇住自己成長,遇然仲搵到啲錢,唔係更好咩?
壬、 有機會再講,同樣道理,有啲金融文,其實真係我在星展年代做嘅嘢都差不多。只不過係轉做中文。但,肯定我轉做收費文(亦有試過),收到嘅錢,多過佢地畀我嘅人工。唔係話乜,願打願捱,但我覺得係值得諗下的。邊個食咗我嘅錢?點解我要經你接客?
(*)我呢個表係所有重考生,但亦都有只係日校重考生數字。兩組有啲唔同,但我下唔到咩有意義結論,所以唔節外生枝。「或者遲下嚟多篇」
(**)老師一樣有社團,基本上係強制,好多時冇得揀,負責啲非教學工作。「教務組」負責非教學嘅教務嘢,例如編成績表,編考試時間表之類。聽聞想上位,搏升SGM(所謂嘅主任)或副校或校長,做「教務組」就啱。另外仲有大家都知係乜嘅「輔導組」同「訓導組」。有啲學校(敝校)有「資訊科技組」,俗稱就唔方便講。仲有「課外活動組」。不過最堪玩味都係「教師發展組」,實不相瞞,我都唔知佢地係做乜春的。Hea人必做,守水塘守證物房咁,但就唔使諗升職。
(***)附加數學科科主任呢單嘢,簡直係教書生涯中嘅高潮。詳見 我的辭職記 第一回(https://bit.ly/32QpCHN)
-------------------------------------------------------------------------
香港聯匯何去何從?新收費片已出,講足一個鐘,單次買200
想睇簡介嘅,呢度。亦有埋以前嘅片,有興趣可訂:https://bit.ly/3iYMD0F
報名嘅,呢度。今次課程編號填 CC005。唔想填信用卡亦可以FPS: https://bit.ly/3j0r9QZ
Log in 呢度:https://bit.ly/3gYXu9e
已付費嘅,log in後按最頂「按此觀看」就得。再唔係返呢度睇:https://bit.ly/3fyKbw0
仲搞唔掂嘅,睇埋下面,或者搵客服,或者PM我。
-------------------------------------------------------------------------------
【最新李聲揚收費影片】題目:「聯繫匯率會否脫勾?散戶應如何應對?」
影片/課程編號:CC005
播放平台:https://homebloggerhk.com/web-class-player/
付款及收看步驟:
1/點擊報名收看 [影片/課程編號:CC005]
2/利用信用卡網上付款
3/及後有登入資料可以立即收看
查詢:whatsapp 63832145