[羅文與傳承——後記] 前幾日開果個羅文與傳承嘅post得到好多人支持，開心到難以形容，多謝大家✨💕。希望大家之後都可以一直咁支持羅文嘅一切一切，仲要記住星期六香港時間夜晚9點 @romantam.memories 會開live講《那個被時代遺忘的羅文》，大家記住睇喇！ 坦白講其實我都係突然之間喺某一日醒覺羅文嘅傳承出現咗問題。一直都忙住focus落哥哥、梅姐同Danny度，直到有一日突然睇到《白蛇傳》，鍾意咗羅文之後開始搵佢嘅資料先發現：「??????乜咁大獲呀！」。 大家都知道我係《白蛇傳》最大打手（好似係），每日唔聽一次《白蛇傳》真係訓唔到（又好似係）。事源我大約年幾前無意中喺YouTube聽到《白蛇傳》裡面《好姻緣》呢首歌，一聽即刻鍾意咗，搵下資料就發現原來有樣嘢叫《白蛇傳》，係第一套粵語音樂劇。羅文嘅真情加上黃霑筆下簡潔而真摯嘅歌詞真係將許仙同白素貞嘅夫妻之情表達到淋漓盡致，純真又浪漫。由呢對夫妻初次見面嘅「天姿國色，嬌態妙韻，仙女想來差她一半好。」再到兩夫婦迫不得已嘅分離嘅「隔天涯豈怕分別，來日終老。」真係句句真摯，句句動人。 出完果個post之後有一位05年嘅朋友 @old_biscuits 即刻share咗佢媽媽同羅文嘅故事，睇到我痛哭流涕😭（麻煩 @anita.mui_ 做證），真係感動到難以形容。呢d小故事就係我一直都好想好想努力做傳承嘅原因，喺呢d殿堂級嘅巨星背後，佢哋可以完全無架子，連最細最細，平常人都唔留意嘅detail都可以記得。例如梅姐可以喺茫茫人海中記得未幫邊個fans簽名，哥哥叫翻一個比保安推開左嘅小朋友翻黎再幫佢簽名等。對佢哋黎講或許只係少事，但係對某個人黎講已經可以足以記得一世，甚至會將呢件小事講比下一代知，話比大家知佢哋究竟係幾咁值得被我地尊敬同記住。除左佢哋喺台上嘅表演，佢哋私下嘅為人亦都不容忽視。呢d簡單嘅小事可以成為我地嘅榜樣，令我地成為更好嘅自己。❤️ 傳承嘅問題已經迫在眉睫，至今仍然存在好多問題。好多專頁同我都一直努力緊做傳承，希望可以緩和呢個問題，我喺profile share過唔少account，黎緊都會繼續share，請大家都多多支持佢地！🙏🏻🙏🏻❤️ 羅文就係一個傳承問題岌岌可危嘅例子，其他例子有機會黎緊我會繼續同大家分享。之前亦都喺live度同大家講過最近我有請教日本鍾意舊歌嘅朋友們嘅傳承心得，希望睇下會唔會有多d角度去睇依家嘅問題，亦都係黎緊會同大家分享。日子繼續過去，我地可以再聽翻呢d珍貴嘅故事嘅機會就越黎越少，非常唔值得同可惜，呢d珍貴嘅故事唔值得被時間遺忘！😭🙏🏻 真係好希望可以搵到更多人去做口述歷史，之前寫書嘅時候已經搵倒幾個有心嘅前輩歌迷，至今仍然好感謝佢哋。希望日後可以搵到更多，令前人嘅故事可以繼續流傳落去。最近睇到 @olddiary_890s_ share嘅訪問，Roman話：「從來無人話我對樂壇有咩貢獻，個個都有講，就係無我。」真係睇到好心痛。 Roman we all love you，你活在歌聲裡。❤️ ——————— 圖片來源：之前接受明周訪問去深水埗搵《白蛇傳》黑膠果陣影嘅相 攝：劉玉梅 《後生老餅追尋美麗舊香港：只想何日再在 何地再聚 說今夜真暖 》：https://www.mpweekly.com/culture/%e6%a2%85%e8%89%b7%e8%8a%b3-%e5%be%90%e5%b0%8f%e9%b3%b3-%e6%87%b7%e8%88%8a-164713