【困𨋢】
　
＊＊下半部分有繁中華語＊＊

我呆望住部手機，電量29%，完全收唔到訊號。
打開Whatsapp，有一個Send唔到出去嘅訊息…
　
『成個星期無見喇，今晚放工去妳屋企吖，到時再一齊食飯，有禮物送畀妳。』
　
望一望時間，我已經被困喺呢部𨋢十三個鐘。
　
呢部係舊式工業大廈嘅貨用升降機，用雙層拉閘式開關，前後各有一個閘門，可承載負重3000公斤。
　
我叫梁珈其。
同我一齊困𨋢嘅，除咗我之外仲有三個人。
　
「喂！你老味！聽唔聽到啊！」呢個不斷向對講機大嗌講粗口嘅，叫肥叔，佢係一個背著背心，拎住兩手外賣嘅阿叔。
　
「肥叔，你都嗌咗十分鐘啦，你靜少少得唔得，唔係大聲就得嘅…」著西裝異常冷靜嘅人叫Timmy。
　
「我再講多次，我個名唔係讀『肥』叔，係讀『匪』叔，拖肥糖個肥，我英文名叫Toffee啊！」
　
升降機喺困𨋢嗰刻，風扇就已經停止運作，而家部𨋢成個汗蒸幕咁，肥叔汗流浹背，件背心濕到透晒。Timmy都除咗件外套，解開領帶。
　
「……」完全唔出聲，坐咗角落不停撳手機嘅叫阿瀅。
　
大家情緒愈來愈激動並唔係無原因，雖然無講到出口，但我哋都知道，而家發生緊嘅…並唔係普通困𨋢咁簡單。
　
喺發現困𨋢，Timmy就不斷嘗試按個「緊急事故」按鍵，但完全無反應，亦聯絡唔到管理處。
　
一小時之後，我哋開始用最原始嘅方法，喺部𨋢大叫救命，希望外面嘅人聽到幫我哋報警。
　
三小時，依然無警察或消防員出現，肥叔話…
　
「唉，屌你老味，部𨋢咁閪熱，又肚餓，我忍唔住喇…」肥叔打開咗飯盒開始狼吞虎嚥。
　
「可唔可以分少少畀大家食。」Timmy。
「我唔餓…」阿瀅。
「我想要杯嘢飲。」我。
　
食完無幾耐，我哋開始各自自我介紹，所以我先知道佢哋個名。之後，肥叔突然間話好急屎。
　
「啊肥叔，架𨋢咁多人，可唔可以忍忍…」我。
「點忍啫！食完梗係要㗎啦！」肥叔說畢，就除低條褲。
　
「喂！好嘔心啊！有冇公德心㗎！」我。
「你知唔知公德心同屎有咩共通點？」肥叔反問我。
　
「咩、咩啊？」
「兩樣都唔食得。」肥叔繼續除褲。
「但你都唔係眾目睽睽隨地屙吓？」
「我唔介意喎…」
「我哋介意啊大佬！」
　
Timmy皺眉點頭，阿瀅用手捂住口鼻。
　
肥叔拎咗個食完嘅飯盒，擺喺地下：「嗱！咁樣唔係隨地屙啦！」
　
我哋全部人退後到角落，當肥叔放咗第一個屁，一向冷靜嘅Timmy竟然會率先行動，突然發難強行拉開閘門。
　
如果有用過呢啲貨𨋢嘅都知，一定要完全關閉內外兩道鐵閘升降機先會運作，而升降途中，雖然閘門有安全鎖，但如果強行拉開閘門，部𨋢就會立即刻停低。
　
Timmy死命拉開咗第一道橫敞式閘門，外層閘門係由底往上拉。Timmy好似舉重選手咁雙手奮力將閘門拉開。
　
閘門拉開之後，眼前出現嘅唔係樓層與樓層之間嘅牆壁，亦唔係其中一層走廊，而係一個昏暗嘅空間。
　
透過𨋢入面嘅燈光，我哋都睇到喺眼前出現，連接住我哋部𨋢嘅，係另一部𨋢。
　
「咁、咁點？我哋應唔應該過去？」阿瀅。
　
「可能係大廈嘅設計？方便升降機之間運送貨物？」Timmy嘗試解釋眼前發生嘅事。
　
至於肥叔…
　
屁股冒出咗半條肥美糞便，不偏不倚掉落飯盒中。肥叔鬆一口氣，滿意地將飯盒關上。
　
再用外賣餐具附有嘅廁紙清理乾淨，一拼裝入外賣膠袋入面。
　
當佢起身著返條褲，回頭一望先發現我哋身處喺第二部𨋢。
　
「發生乜事？點解會咁？」肥叔拎住另一袋未食嘅外賣走過嚟。
　
無人解答到佢呢條問題。
　
「不如試吓閂埋閘門？可能呢部𨋢無壞呢！」我提議。
　
Timmy將兩道閘關上，我哋身處嘅𨋢突然間亮起燈光，但並無任何運作嘅跡象，所有按鍵都依然無反應。
　
十個鐘頭過去，我哋仲打開咗兩道閘門，又嘗試過返去第一部…亦即係有肥叔盒屎嗰部𨋢，打開另一邊嘅閘門。同樣地連接住升降機嘅，係另一部升降機。
　
「唉～頂你個肺，今次真係名乎其實嘅困𨋢。」肥叔。
　
最後，我哋都各自各坐晒喺地下，一展莫籌。
　
我不斷喺度回想，到底我做咗啲乜，點解我會喺呢部𨋢入面？！
　
今日下午，我如常返工，午飯時間亦如常同穎兒傾電話，同佢斷斷續續拍咗拖四年，總共分咗七次手，但最後都一齊返。
　
喺呢個時候，突然接到個電話。
　
「穎兒妳等等，我有電話入，不如我轉頭上返Office打畀妳吖～」我。
　
我掛斷穎兒電話，接聽另一邊來電。
　
「請問係咪梁珈其先生？」
「我係，咩事？」
「你訂嘅咖啡豆炒好咗啦，可以隨時上嚟拎。」
「好，我而家上嚟拎，唔該。」
「仲有，我哋今日客𨋢壞咗，可能你要用旁邊貨𨋢上嚟喇。」
「得，無問題。
　
我見到穎兒最近IG成日都貼手沖咖啡，所以特登買咗啲咖啡豆。我喺觀塘返工，間咖啡豆店亦喺觀塘嘅工業大廈樓上舖，所以我食完午飯就去咗拎咖啡豆。
　
當我去到間工業大廈，剛好見到有部貨𨋢停咗喺G層，我出盡奶力打開道閘門，啱啱入到去諗住閂閘，就有一把粗獷嘅聲音叫住。
　
「喂！等埋！」呢個人就係肥叔，佢企咗喺𨋢外面：「我兩手都拎住外賣，麻煩你幫我開開道閘好嘛？」
　
當我打開道閘，Timmy亦走咗入嚟。
　
「喂，幫幫忙快手好嘛？我趕時間啊，呢個時間好多外賣。」肥叔抱怨。
　
「咦，等等！」我瞟到阿瀅企咗喺客𨋢外面，我就探頭出𨋢外大嗌：「客𨋢壞咗啊，妳搭唔搭？」
　
於是，阿瀅都入埋嚟。
　
我打咗個訊息畀穎兒，先發現升降機入面收唔到訊號…
　
『成個星期無見喇，今晚放工去妳屋企吖，到時再一齊食飯，有禮物送畀妳。』
　
然後喺毫無預警之下，我哋四個人就困咗𨋢。
　
「係呢，你哋點解會嚟呢棟大廈？」我。
　
Timmy對我投以狐疑眼神。
　
「好多科幻電影都講，可能我哋四個有啲共通點，先會遇到呢啲奇怪事情…」我。
　
（待續）
想看下集～幫我Like & Share
300分享有下集！
最新小說《三分鐘熱度》已開售
https://bluegodzistore.boutir.com/
　
＊＊＊繁中華語版＊＊＊
＊＊＊繁中華語版＊＊＊
　
我凝望著手機，剩29%電量…
完全接收不到訊號，還有一個發不出去的訊息。
　
『整個星期沒見面了，今晚下班去妳的家吧，到時我們一起晚餐，有禮物要送妳。』
　
看一看時間，我已經被困在這部升降機十三個小時。
　
這部是舊式工業大廈的貨用升降機，用雙層拉閘式開關，前後各有一道閘門，可承載負重3000公斤。
　
我叫梁珈其。
跟我一起困在升降機內的，除了我之外還有三個人。
　
「喂！幹你娘！聽到嗎？！」這個不斷向對講機大喊髒話的叫肥叔，他是一個穿白色背心，雙手拿著外賣的阿叔。
　
「肥叔，你都喊了十分鐘，靜一點可以嗎，不是說大聲就行的…」穿西裝異常冷靜的人叫Timmy。
　
「我再重申一次，我的名字不是讀『肥』（粵音：fei4），是拖肥糖個肥（fei2），我英文名叫Toffee！」
　
在升降機壞掉的那刻，風扇就一同停止運作，現在升降機像個汗蒸幕一樣，肥叔汗流浹背，背心濕到透視出滿身肥肉。Timmy也將外套脫下，解開領帶。
　
「……」靜靜坐在角落不停按手機的叫阿瀅。
　
大家情緒愈來愈激動並不是沒有原因，雖然沒說出口，但我們都知道，現在發生的…並不是一般困在升降機這麼簡單。
　
在發現困在升降機當刻，Timmy就不斷嘗試按「緊急事故」按鍵，但完全沒有反應，亦聯絡不到管理處。
　
一小時之後，我們開始用最原始的方法，在升降機內大叫救命，希望外面的人聽到會幫我們報警。
　
三小時，依然沒有警察或消防員出現，肥叔說…
　
「操你媽這升降機也太熱了吧，我午餐都還沒有吃，唉～我忍不住了…」肥叔打開外賣飯盒狼吞虎嚥。
　
「可以分一點給大家吃吧？」Timmy。
「我不餓…」阿瀅。
「我想要杯冷飲。」我。
　
吃完沒多久，我們各自自我介紹，所以我才會知道他們的名字。之後，肥叔突然說要大便。
　
「肥叔，升降機這麼多人，可以忍忍吧…？」我。
「神經病！要怎樣忍啊？！食完當然要排出來嘛！」肥叔說畢，就脫下褲子。
　
「喂！很噁心啊！有一點公德心行嗎？！」我。
「你知道公德心跟屎有什麼共通點嗎？」肥叔反問。
　
「什、什麼？」
「兩樣都不能吃。」肥叔繼續脫褲。
「但你也不能眾目睽睽隨地大便吧？」
「放心，我不介意。」
「我們介意啊！」
　
Timmy皺眉點頭，阿瀅用手捂住口鼻。
　
肥叔隨手拾起一個吃完的飯盒放在地上：「看！這樣就不算隨地大便吧！」
　
我們三人退後到角落，當肥叔放了第一個臭屁，一向冷靜的Timmy竟率先行動，突然發難強行拉開閘門。
　
如果有用過這類貨運升降機的大概都知道，一定要完全關閉內外兩道鐵閘升降機才會運作。
　
而在升降途中，雖然閘門有安全鎖，但如果強行把閘門拉開，升降機就會立即刻停下來。
　
Timmy死命拉開第一道橫敞式閘門，外層閘門是由底往上拉。Timmy像舉重選手般雙手奮力將閘門拉開。
　
閘門拉開之後，眼前出現的不是樓層與樓層之間的牆壁，亦不是其中一層的走廊，而是一個昏暗的空間。
　
透過升降機內的燈光，我們都能看到在眼前出現，連接著我們升降機的，是另一部升降機。
　
「那、那該怎麼辦？我們應該過去嗎？」阿瀅。
　
「可能是大廈的設計？方便升降機之間運送貨物？」Timmy嘗試解釋眼前發生的事。
　
至於肥叔…
　
屁股冒出半條肥美糞便，不偏不倚掉落飯盒中。肥叔鬆一口氣，滿意地將飯盒關上。
　
再用外賣餐具附有的廁紙清理乾淨，一拼裝入外賣膠袋內。
　
當他站起來穿好褲子，回頭一看才發現我們身處在第二部升降機。
　
「發生什麼事？為什麼會這樣的？」肥叔拿起另一袋未吃的外賣走過來。
　
沒人可以解答到這條問題。
　
「不如試試把閘關上？可能這部升降機可以運作！」我提議。
　
Timmy將兩道閘關上，我們身處的升降機突然亮起燈光，但並沒有任何運作的跡象，所有按鍵依然沒有反應。
　
十個小時頭過去，我們還打開了兩道閘門，又嘗試回去第一部…亦即是有肥叔大便的那一部升降機，打開另一邊的閘門。
　
同樣地，連接著升降機的，也是另一部升降機。
　
「唉～幹，這次真的是名乎其實的困升降機。」肥叔。
　
最後，我們都各自各坐在地上，一展莫籌。
　
我不斷回想，到底我做了什麼，什何我會被困在這部升降機內？！
　
今天下午，我如常上班，午飯時間亦如常跟穎兒聊電話。我跟她斷斷續續拍了拖四年，總共分手七次，但最後還是在一起。
　
在這個時候，我突然接到一個電話。
　
「穎兒妳等等，我另一邊有電話，我等下上去Office再打給妳吧～」我。
　
我掛斷穎兒電話，接聽另一邊來電。
　
「請問是梁珈其先生？」
「我是，什麼事呢？」
「你訂的咖啡豆炒好了，可以隨時上來拿。」
「好，我現在過來，謝謝。」
「還有，我們今天客用升降機壞了，可能你要用旁邊的貨用升降機。」
「好的，沒問題。」
　
我看到穎兒最近IG整日都有手沖咖啡的照片，所以特登訂了咖啡豆。我在「觀塘區」上班，那間咖啡豆店亦在觀塘區的工業大廈上，所以我吃完午飯就順道去拿咖啡豆。
　
當我到達工業大廈，剛好看到有一部貨用升降機停在地面層數，我卯足勁打開閘門，才剛進去打算關閘，就有一把粗獷的聲音把我叫住。
　
「喂！等等！」這個人就是肥叔，他站在升降機外：「我雙手都拿著外賣，麻煩你幫我開開閘好嘛？」
　
當我打開閘，Timmy亦竄了進來。
　
「喂，幫忙動作快一點好嘛？我趕時間，這個時間很多人叫外賣。」肥叔抱怨。
　
「咦，等等！」我瞟到阿瀅站在客用升降機外，我就探頭出外面大喊：「客用升降機壞了，妳要進來嗎？」
　
於是，阿瀅都進來了。
　
我發了個訊息給穎兒，才發現升降機內收不到訊號…
　
『整個星期沒見面了，今晚下班去妳的家吧，到時我們一起晚餐，有禮物要送妳。』
　
就這樣，我們四個人就困在升降機了。
　
「對了，你們為什麼會來這棟大廈？」我。
　
Timmy對我投以狐疑眼神。
　
「很多科幻電影都有這樣的情節，可能我們四個有共通點，才會遇到這種奇怪事…」我。
　
（待續）
想看下集～幫我Like & Share
300分享有下集！
最新小說《三分鐘熱度》已開售
https://bluegodzistore.boutir.com/

［狗型人格］性格測試根本係偽科學，衰撚過廟街睇相

嘩哈，真係好興奮。我廿幾年前已經估到（定知道？）嘅嘢，卒之有人證實！New York Times 喎！有免費試閱的　（https://nyti.ms/2myOWPi）

寫定結論：性格測試根本係偽科學，衰撚過廟街睇相。不過呢個係一個5億美金嘅市場，每年增長15%。全球睇相有冇5億美金咁大市場？

點解我當年估到？二流公司HR當神咁拜嘅嘢，十居其九都係垃圾。正如「如何移動富士山」之類（http://bit.ly/2l5Iuit），非傳統面試問題嘛，外國興嘛。但，到你大學啲老虔婆career adviser 都講，你就知水尾，歐到唔歐。而家再有任何人講呢本書或者呢類題目嘅，你打個七折先，該人歐過人布歐。真係有創意？問下點樣搬富士大廈啦。

（呢篇文三段已經得罪好多人，但我真心覺得，由啲成世在大學打工嘅人畀職場意見你，就好似以前啲修女學校搣時，四十歲仲係乳豬，然後教啲女學生談戀愛咁。搣時，人地放學去援交，去Twenty One Whitfield 3p呀（http://bit.ly/2mCjDTU）。女學生一晚嘅性經驗，多過搣時成世咯，你嚟教我？）

（即係本人咁，稱唔上做咩過咩好頂級公司（星展都頂級？），但話晒炒人試過被炒試過減人工試過草裙舞跳過，唔係話紙上談兵晚晚上avgle然後扮性愛大師咁嘛）

講返，「一架波音飛機可以塞幾多個哥爾夫球」？原諒我bad taste，不如估下一個女明星可以塞幾多個哥爾夫球。芝加哥有幾多個鋼琴調音師？不如問下香港有幾多ptgf．就連始作俑者（正是Google之類，唔通你以為係你公司啲廢柴？）嘅HR，都話根本冇用（http://bit.ly/2mEequV），只係令啲煙他了牙look smart咁

所以Google自己都一早唔用（http://bit.ly/2mAIF5H），當然仲有啲同事唔知或唔理。而在遠東呢個所撚謂金融中心，仲有大把人以為呢啲十分醒目。即係好似宇宙遠處有個星球（恒星啦）收咗皮爆炸咗（或者熄咗），你地球都要幾萬年先知。同樣地，呢個城市啲人，好似啲縮埋在山洞嘅日軍咁，事隔幾年偷美軍啲雜誌睇到洋基佬在上野攬架妹（吉原？）嘅相，先知日本戰敗，出嚟投降（http://bit.ly/2kTvtZn）。

但，講到性格測驗，我就同硫磺島嘅日軍差不多，到我真係知時已經蹉跎咗廿年嘅時光了，喔。我主觀地認為，以我一個咁嘅學霸，冇入到大公司做其十九MT之類，除咗係your face your fate（襟芒，我大學時百五磅咋），以及所謂嘅introvert（又話唔信性格論？）蝕底外。仲有當然就係，我見到呢啲咁嘅性格測試就把鳩幾火。

真的，有時係要鉛筆畫圈，有時係電腦做。每次我都做到把幾火，亦唔明點解問百鳩幾條問題。你去溝條女上床都未使問咁多嘢。我更唔明發明嗰個根本連自己條仔／老公都未撚搞得掂，憑乜覺得可以了解天下人。

聽聞話，冇所謂嘅正確答案嘛。但話睇下啲成功人士是嘜S匙，係咪同你啲答案規律差不多 — 即係圍爐飛機啦。又聽聞，會睇下你有冇講大話 — 即係可能啲問題會重覆出現，或者轉個字眼，咁你前言不對後語，就可能代表你講大話，或者專注力不足，記性嗟，咩都好。

好啦，其實到我做得幾年嘢，我已經知道（多謝維基），根本連主流心理學界，都認為呢啲東西係偽科學垃撚圾。基本上就係New York Times 呢篇文話頭，占星學咁咯，同你食鬼佬唐餐嘅科春曲奇差不多。得啖笑—偏偏啲企業HR當係寶，你話幾咁大劑。

最直接嘅批評，就係，其實呢啲測試嘅描述，好多都係Barnum effect（http://bit.ly/2kW7lW4）。講英文好似型啲，但即係，星座性格分析咁。個個都覺得好準的，因為佢寫嘅嘢就係模稜兩可，好含糊，人人可以對號入座。「你有時會幾憎自己，甚至唔明點解自己要嚟到呢個世界。不過當你細心諗時又認為自己應該感恩」「你總係好想獲得人地嘅注意，但有時得到咗後又覺得無地自容」，之類的垃圾。

另外，老生常談，真係你同我當年都一早知嘅問題。首先，同一個人做呢啲測試都好，唔同時間就會有唔同答案，唔同驗血之類。我唔係講你細個明明好乖，大個溝唔到女變成反社會人格（ＯＫ，係我自己）嗰類。係講今日做同聽日做都唔同結果，咁有乜意義可言？今日我就適合做前線，聽日就適下做CEO？

另外就係，好多呢類東西都涉及光譜，最常見就係劃十字，四類人（因為易明又易畫，試下八種你睇下你點畫？）。問題係在同一個軸上，被為視係光譜兩端嘅嘢，往往唔係根本唔係互斥，可以係獨立（可以感性得嚟好理性），甚至係殊途同歸，柒到盡頭變成型。（順帶一講，政治光譜啲圖亦都一樣，無數咁多人話過你知，極左同極右去到最後係一撚樣的）

繼續抄維基。同樣道理，唔同軸上嘅特質，理論上應該係獨立，但實際上往往係相關嘅。

我加多個畀你：呢啲測試既然係被測者自由作答，往往係反映「佢想畀人睇嘅一面」，頂多係「佢以為自己係咁嘅一面」。同真實性格係兩回事。

當然，亦都其實根本冇咩實則證據，證明某啲性格嘅人特別應該做某啲行業，主要都係stereotype。但，文中都有講，正係因為有啲人咁相信，就變咗自我實現。主要係啲主管同HR忙，唔得閒睇咁多嘢，亦唔得閒問咁多嘢，就用呢啲方法請人。大鑊。

即係，講真面試就算幾個鐘都好，可以了解到一個人幾多？係冇乜嘅。能力你可能測試到（識唔識講日文，呃唔到兩個鐘掛），但性格點測？大把人同側邊嗰個訓埋幾十年晚晚聞臭屁都唔知佢點啦。

冇時間了解個員工性格，冇問題，好正常。搵啲Proxy去做指標，亦係人人都做嘅嘢—例如睇地址。以前鬼頭阿頭占士咖啡就睇地址請人—係專請新界仔（所以咪請我），覺得有motivation。住半山嘅自動delete，唔慌做得長。有人話歧視，OK，但英文叫乜？discrimination，判別呀。

篇文入面都有講，你估下個煙他了牙幾時會judge到你？答案係，你講完你個名後0.2秒。然後10秒之內佢就已經決定埋面試結果（所以唔好著便服見工呀）（http://bit.ly/2l5s0H5）。

所以用指標唔係問題，但你咪撚寫幾十篇文講到個過程好科學丫大佬。最大鑊嘅係，雖然大多數人都知道呢啲嘢唔科學—但佢地照用。而且呢種標籤，往往由你入職開始，到你走都洗唔甩—甚至帶埋去下一份工。

篇文都有講，即使係啲始作佣者，都會話你知，你頂多係用嚟在一大班人中篩選，例如邊啲人做呢個位好大機會瀨嘢（雖然我覺得咁嘅用途都係冇乜用嘅）。而唔係你安落每個人度，認為佢點點點。

New York Times 篇文（https://nyti.ms/2myOWPi），批判咗幾種最常見嘅性格測試，包括：

Myers-Briggs Type Indicator（簡稱MBTI）：外向E／內向I，實感S／直覺N，情感F／思考T，判斷J/感知P。唔止見工用，啲人上徵友網都用。入面就有學者話，自己第一次做係INTJ，第二次係ESFP—即係精神分裂

DISC：支配型(Dominance)，影響型(Influence)，穩健型(Steadiness)，分析型(Conscientiousness)—Sorry，我只係諗起BDSM。又，個撚個都當自己領袖架啦，唔通話自己任人點？個撚個都話自己獨立思考架啦。都話所有男性嘅性能力都係高於人類平均。

仲有Color Code，紅黃藍白。講你人生嘅drive，紅色係權力，白色係和平，黃色係過癮，藍色係情感。

Sorry，我諗起金利來嘅（http://bit.ly/2l8pn7j）： 波浪紋，代表活潑豪放；碎花，代表體貼溫馨；斜紋，代表勇敢決斷；絲絨，代表溫暖保護；方格，代表熱心慷慨；圓點，代表愛慕關懷。做乜撚？

如果我係想做CEO，有權勢搵到好多錢，於是就唔撚使同你地嘈，日日好多女鍾意，玩乜都得。借問聲係紅黃藍定白？（話係四種撈埋喎）

當然仲有咩 多血 黏液 黃膽 黑膽之類（點解冇精液質？或者爛屎質？你唔發現有啲人個腦真係裝屎架咩？），就咩希臘幾千年嘅.......偽科學

講返Color Code，紅黃藍白。咁你睇篇文係乜呀年輕人？係為權力想上位，係為怕得罪埃汾睇到尾，係貪埃汾啲文過癮，定係情感上好欣賞埃汾呀？擺明係窮啦，DLKH．一百個香港人，一百個都係金色性格金利來。

點解呢啲測驗咁流行？文入面都有講。除咗係因為啲HR嘅智商外，亦都因為近幾十年，hard skill好似冇咁重要（你仲有冇在你份CV上面寫你識用Microsoft Word ？），講soft skill。但正如上面講，佢識唔識用pivot table，一測就知。但性格呢？好多時對成世都唔知，如果有啲快速測試，好似做科學實驗，測酸鹼度，一滴落去就知你幾多pH咩色，幾咁爽。同假新聞一樣，有咁嘅需求，咪有人製造垃圾。

咁至於，點解全部呢啲測試都係將人分類：因為人性就係鍾意幫嘢（包括其他人）分類咯！所以歧視，discrimination，係天性。二分法亦都係天性。你諗下你啲祖先，其實都只係分啲嘢食得，同唔食得。唔會分話「食得不過會肚屙」（祖先日日都肚屙架啦），「食得不過會肥」。

唔止，人亦會幫自己貼label。吾友 利世民 曾經問過我一個問題，就係我會點向第三者介紹佢。然後佢就話，而家都唔知點介紹自己。我發現我都有呢個問題。其實係三十幾歲後先有呢個問題。以前，好簡單啫。讀書時咪我係埃汾，港大精算（而我唔會同人更正並冇「精算系」呢回事）。溝港女時咪講，哦，我在Warwick 讀Master嘅。返咗工仲容易，我在星展做research嘅（我唔會bad taste到話自己係Director，or even worse，「我係研究部董事」，雖則我真係。）

但而家呢，自從多咗呢個，sort of 財演，又sort of writer（我都係覺得講作家好肉麻，但講「我係一個作者」又好奇怪）（http://bit.ly/2kX0AmT），就唔知點介紹自己了。更冇理由話自己係網紅，或者KOL。所以而家多數都係用啲好差嘅開場白：我正職做金融，得閒就寫嘢嘅。「寫乜嘢？」「乜都寫。」「例如呢？」「真係咩都有」「在邊度寫？」「網上咯」。正常就end of conversation．

唔止人要幫其他人分類，自己都要幫自己分類嘛。我寫完呢篇文都要揀5個tag啦。labeling 無處不在。呢條，金融撚。嗰個？港女。對面？廢老。

結尾補多句。你睇完篇文，可能會覺得：喂，人地都係話「性格測試同廟街睇相差不多」，何解埃汾話「衰撚過廟街睇相」？

原因好簡單，廟街睇相嘅，畀錢嗰個當然可能當真，但收錢嗰個大多數都係知係假嘅。但玩性格測試嘅，畀人測嘅固然有人真心膠，但重點係測嗰個都當係真嘢。你話幾大劑？
________________________________________
彩蛋，去到第二年，金利來嘅廣告（http://bit.ly/2l5Llbb），一樣都係嗰款款，都係嗰幾款形容詞。但match up 就唔同晒！圓點變咗係熱心慷慨，唔再係愛慕關懷！

咪同啲乜撚性格測試一樣咯。任撚你講。

［野獸盈警］中電發電發到發盈警！

一係唔發市一係不停嚟，呢排好多正嘢。維他奶（345）（http://bit.ly/2x4O7Qf）莎莎（178）（http://bit.ly/2x7z6NC）業績後，收市又有中電（2）盈警。

發電咋喎，做乜變咗發盈警？其實盈警呢，成日都有。富智康（2038）呢啲次次發（http://bit.ly/2xckmwR），國泰（293）匯控（5）又發過。電廠呢？大陸啲火電廠（IPP是也，華能大唐嗰啲）一樣發盈警，太陽能亦都係。

但中電發盈警都係夠晒震驚，小朋友話我知時，我以為聽錯。

第一樣嘢，梗係睇減幾多，同市場有冇預咗。話減到輸錢喎，嘩。中電之前兩次半年業績，每半年60-70億純利左右，今次減60-70就減到輸錢，合理（當然仲有稅嘅問題）。另外，見分析員估，都估緊全年賺110-120億咁上下，肯定冇預到半年會蝕錢。所以股價怕且都有啲壓力。

中電業務一向穩定，唔通你用少啲電咩。電費？就只加唔會減。競爭？係冇嘅。理論上，好似法例冇講過中電就新界九龍南長洲，港燈就港島南丫島呀下。以我所知冇呢種限制，唔同話紅的綠的咁寫明。住港島嘅，不妨聽日打去中電問下可唔可以轉去你公司，問下點解唔得（更有創意嘅，住新界打去港燈問下，話你錢多想益佢都唔得？）

咁但，中華電力，你估真係中華咩。香港十隻白虎，都唔係香港又唔係十隻仲唔係白虎啦（原諒我的bad taste）。

出盈警，因為袋鼠國嘛。商譽減值

我記得之前都寫過「商譽」呢個字，極之誤導。好多人就真係當係你個聲礜，你個品牌，錯得很。上次都有人鬧，喂，官方譯名喎。我唔知咩？咪就話官方譯名垃圾咯！我甚至覺得英文goodwill一樣係差嘅字。

正如張五常解過，咩係Utility：「怎樣我也要給這選擇排列的數字起一個名字。怎麼辦？我於是閉着眼睛，胡亂地打開英語字典，手指下按，開眼一讀，那個字是Utility——功用。」

我寫，又畀人鬧啦。張五常寫就鬧少啲。但簡單嚟講，你見佢意思就係：冇意思！只係一個名！唔好照日常用語解。對我嚟講，「商譽」一樣。唔係咩品牌，唔好聽啲二樓分析員講

「商譽」，十分簡單，其實學過會計101會明（101都冇學惡搞啲），資產＝負債＋股本，Asset=Liabilities + Capital十居其十係「收購」時出現。你買間公司，當佢資產5億，負債4億，凈資產／帳面值／權益係1億。冇問題。但，我出2億買。咁就仆街啦！

買起成間公司，你點入數？首先你資產入面嘅現金少咗2億，新公司你食咗佢，資產多5億。你資產總共多咗3億。但負債多咗4億。仆街，咁凈返嗰1億去咗邊？唔係玩嘢IQ題，你細心一諗，知道因為你溢價收購嘛。但，會計點處理？兩邊條數點平？於是，就發明一個數，在資產嗰度多1億，long住佢。就係咁簡單！個名，咪叫做「商譽」

「商譽」就唔係真係你理解啲咩品牌。好簡單，我買完間公司，可以即時拆撚晒招牌，咁仲品乜鬼牌？但「商譽」一樣存在。況且，你買完全冇品牌嘅公司，一樣會有「商譽」。

呢樣嘢其實成日出現，因為收購差不多必定係溢價。當年星展買道亨如是（大大舊「商譽」），招商買永隆如是，因航買快運都應該會係咁。

咁，舊「商譽」，食咗入肚，點呢？最後，其實基本上，必然係減值。爭在幾時。N咁多年前嘅「商譽」就好似折舊咁一年年減，但近代已經唔會咁做，係每年做啲測試咁。我當（亂講）因航買完快運，然後間公司畀人制裁嘅，咁你就準備定「商譽」減值都得。但一般情況，其實公司自己可以判斷，出面核數師再劃押認同。

CFA課程有解，收購多數都係買貴嘢（所以面書朱仔買instagram係天才—但應該都有舊「商譽」）（http://bit.ly/2EUseKc）（http://bit.ly/2EQ4gA0），主要因為管理層好大喜功，有嘢留返下手食。星展買道亨，或者招商買永隆後冇耐，當然就金融風暴。然後就消化不良減值，冇食嘅，屙清咪再fight，問恒生就知。

咁所以，咪減值咯。而亦係CFA課程有解（所以幾好的說，記得去報）（http://bit.ly/2vV9zqg）（http://bit.ly/2x1UVhJ），公司如果有得揀（都有嘅），會揀幾時減值？初哥或者外行人，會以為積穀防飢，公司生意好時食咁啲。現實掉轉，基本上一定係等公司唔掂時先做減值。除咗本身有共同原因（例如經濟差，自然本身業務又衰，買返嚟嗰舊又減值），仲有人性嘅因素。

有鑊，梗係全部一齊爆！最好唔知爆唔爆嘅都爆晒，一次過自己爆晒，唔好擠牙膏。係核突架，股價係插水架，但插幾日就算（當你間嘢唔爆煲），下次業績咪大翻身，一個唔該管理層呀大股東仲可以低位爭持添（幾咁醜惡）。總好過每年擠少少，年年畀人問。

所以，我問過分析睇中電嘅真分析員（當然唔開名）。佢就覺得，係因為本身今次業績都差，索性一鑊過。同我估計差不多。（此人後生世仔，當本人師傅咁拜，但主要唔係股票方面，係非股票方面嘅東東）

咁中電話，非現金項目啫，冇乜影響嘅。係咪真？Yes and No。商譽減值的確係非現金，但，「你啲錢一早畀咗嘛」。招商買永隆後，消化不良，都拖低咗業績幾明顯下（咩中文）。或者當年金融海嘯前，三家分晉，RBS皇家蘇格蘭銀行，Fortis比利時富通，同埋西班牙桑坦德，齊齊買起荷蘭銀行ABN AMRO（對，西門吹雪嗰間）（http://bit.ly/2SmPHcE）。頭兩者都食瀉藥咁，Fortis 仲勁，之後要平保打救，然後平保自己都瀉到仆街，又係「商譽減值」。係得桑坦德食得住，而家仲有錢贊助西甲。（爛gag：Racing de Santander 桑坦德競技，就冇份踢La Liga Santander ）

至於你話，喂，如果佢1億凈資產，但我半億買到呢？就真係問下會計師。但就我理解，係唔容許「負商譽」呢啲咁有創意嘅嘢嘅。

聲明：本人只係CFA（嚴格嚟講係CFA CharterHolder），唔係CPA。呢啲嘢梗係會計師熟啲。你明佢講乜的話。

#高cp值必買 #東京便利店 #東京便利店手信 #主婦手藥 #7eleven
#7elevnTokyo #東京711必買

Hello大家好, 我係呀Tsar, 今日又為大家介紹東京池袋無敵家對面嘅711便利店下集, ,喺我未介紹產品之前, 想同大家分享一啲關於711嘅冷知識
,大家知唔知7-Eleven嘅logo顏色係代表咗乜嘢？「橙色＝日出」、「綠色＝綠洲」、「紅色＝晚霞」，代表住由朝到晚都好似顧客嘅綠洲咁樣。
日本嘅便利店, 已經成為遊客嘅人氣景點,一個成功嘅公司logo, 可以反映出佢哋對顧客嘅服務承諾, 大概睇佢業務嘅發展, 同埋佢哋推陳出新嘅服務同產品
都略知一二, 所以你哋咁鍾意睇我去日本便利店嘅介紹呢? 睇完影片記得留表情符號以示支持呀!

講返池袋係喺東京旅程中一個幾好住嘅住宿地區, 大家可以去無敵家食完宵夜, 再過嚟呢間7仔買妝藥、生活用品,可以慳番好多時間, 快啲睇下今日嘅十大必買, are you ready,
上次十大必買, 可以睇返上次條片, 今日講11至20必買。

第11必買, 超強護手秘寶YuskinA乳霜, 強效滋潤嘅護手霜， 佢連腳踭龜裂紋與及主婦手都有幫助, 含有豐富嘅維他命B2, 甘油成份高達40％,
由於不含類固醇, 所以由bb到老人家都可以用到, 體貼你一家人嘅需要, 除咗潤膚系列之外, 仲有潤唇膏添, 有時我見到啲男同事, 冬天個嘴爆曬拆流曬血, 我個心真係寒一寒
返工見客同人握手, 如果人哋feel到你隻手鞋十十, 不論男女, 其實感覺都唔係太好, 其實呢啲都係儀容嘅一種,大家千祈唔好觀音頭, 地盤手呀!

第12必買, LuLu滋養口服液, 當身體因為發燒、感冒, 而冇胃口食嘢嘅時候,呢個飲品嘅營養成分, 正正係有1000mg嘅人參營養成分, 胡蘿蔔1000毫克和蜂王漿200毫克，
,維他命B 1、B 2同B 6,令到你有加速康復能力嘅功效。由於佢不含咖啡因成分, 所以飲咗都可以瞓覺, 適合15歲以上成人使用, 每日食用一次30毫升
病就飲多啲水啦。

第13必買, 30mL嘅花王便擕式除菌去味消臭劑 , 冇香味嘅,採用檸檬酸嘅技術除臭, 包含天然綠茶除臭成分。雙管齊下, 99.9％滅菌, 適用於衣物、布料、空間都用到
有人喺你身邊放屁、搭飛機隔離嗰個腳臭, 噴一噴就聞唔到, 但係如果對方口臭, 呢樣幫你唔到, 因為唔食得落肚嘅!

第14必買, 有冇人知道可口可樂公司原來係有出酒精飲品㗎?佢係罐裝嘅檸檬汁燒酒蘇打水「檸檬堂」,個英文名好得人驚, 叫 CHU-HI, 我驚你哋以為我講粗口
,都係講返中文名啦, 檸檬堂系列汽水酒分別有 4 款口味，包括蜂蜜檸檬（酒精含量 3%），經典檸檬（酒精含量 5%）、鹽味檸檬（酒精含量 7%）及鬼檸檬（酒精含量 9%），每罐 350 毫升，
,香港就喺銅鑼灣sogo 2樓超市有得賣。

第15必買, Chocola BB Light2 美容護膚飲品, 有助加強體內脂肪代謝，添加咗能夠增加能量轉移的維他命B2、蜂王漿、氨基酸、牛磺酸等成分，有效改善疲勞體質。
一支100ml嘅份量, 只有4.5Kcal, 相等於一粒櫻桃嘅卡路里, 適合減肥但係又想補充營養嘅你,都係只適合15歲以上人士飲用,飲咗之後啲尿可能會少少黃, 其實係由於維他命b2所致
,你可以放心, 因為呢點說明書裏面有寫到。

第16必買, Asahi clear cooler strong 系列嘅果汁酒, 佢係Vodka加入幾種唔同嘅水果酒, 分別有青檸、檸檬糖西柚味道, 通過冰點冷凍技術添加了水果酒，並通過專利技術濃縮了水果的風味
,口味清淡，我認為呢種酒好適合打邊爐, 近排香港天氣凍咗好多, 大家記得著多件衫呀。

第17必買, 711嘅沙律亦都係有好多選擇, 唔知大家有冇去旅行水土不服嘅問題, 如果去旅行冇屎屙, 就一定要食返啲蔬菜,清下個腸胃, 因為便秘會產生好多身體問題
,例如面色唔好啦、出暗瘡啦，口臭喇, 如果因為腸胃唔好而引致嘅口臭, 係最難頂嘅, 最慘口臭, 當事人未必知道, 如果人哋唔係同你有番咁上下親密關係
,亦都唔會話畀你聽, 所以自己都係要注意一下。

第18必買, 除咗沙律之外, 清腸胃可以飲yogurt drink, 呢隻士多啤梨味, 好好飲, 但係我要提醒大家, 買乳酪飲品嘅時候, 睇一睇是否低糖,
根據香港政府網頁資料, 低糖嘅定義係每100克含不超過五克嘅糖, 每100克中如果高於7.5克就算為高糖, 所以大家買乳酪飲品嘅時候, 就要喺營養標籤注意呢一點
,吸收過量嘅糖分, 容易致肥。

第19必買, Body Fantasies 香氛噴霧 , Body Fantasies的淡香水香精濃度比一般香水低，但係價錢比香水平好多, 我認為如果學生哥, 或者年輕嘅少女, 收入唔係咁多, 咁就可以試下買呢類產品
,因為而家一支香水係好貴好貴嘅, 年輕時唔需要用得太貴嘅嘢, 如果唔係好難返轉頭嘅, 稍為個身有少少香味就夠,到你再多少少收入嘅時候, 先至去買啲名牌子都未遲啦
,不過而家啲細路女好叻㗎喇, 如果唔係又點會有娘娘收兵呢!呢方面你哋叻過我!我就唔夠膽班門弄斧啦!

第20必買, 當然七仔就真係有好多雪條甜品啦, 我自己就好鍾意食綠茶，或者果仁嘅雪條, 個味好濃, 呢度齋買冰都有㗎喎, 唔好以為冰, 只係愛嚟作飲品之用
, 有一次有個朋友喺日本屈親腳, 佢即刻whatsapp我, 我叫佢即刻入去便利店睇下有冇冰賣, 敷下傷腳消腫, 好快就消咗腫喇. 唔知道你哋喜唔喜歡我今次係介紹呢
,記得留表情符號以示支持呀,我哋好快又下一條片再見, 88 !

請用片右下角調4K睇片。

中伏經歷詳盡版：
我們到步那間屋了，房東才向我們說，
如果超過了2000泰銖的水電費，
那我們便要付額外的費用。
但是她並沒有事前在條文列明，
我們不答應，因為她在網站上沒有列明。
而Airbnb的網站上，
也說明了房東不能突然有附加的費用，
而且也不能私底下收錢，
一切交易要經Airbnb。
我們和房東提出，
她可以向Airbnb申請額外的費用，
保障雙方，但是房東堅決反對，
她要求我們私底下付現金或銀行過數。
然後她又侮辱我們說:「你們想嘆免費冷氣，便去Tesco嘆。」
Tesco 是一間泰國超市，我覺得這句說話很侮辱。

而且Airbnb也回應了我們，
房東不可以突然間說有額外收費，
應在條款上一早寫明，
亦不應私下收取費用，
房東要經Airbnb申請費用，去保障雙方。

在這件事情仍未解決的時候，
房東給了我們一份泰文合約，
沒有英文/中文，是全泰文的合約。
房東多次威逼我們去簽一份我們不懂得該語言的合約。
除了合約內容是泰文外，
我們對額外附加費還未達成共識，
我們當時表示不願意簽。
房東又表示，我們不簽的話，
便不可以外出或者回家，
令到我們當天被困了在那間房屋內超過24小時，
不能夠外出，
這與軟禁有什麼分別？

最後經過24小時的求助，
Airbnb才為我們退房。

--------------------------------------------------------
▶成為CatGirl 頻道會員：
https://www.youtube.com/channel/UCTCkkUm0fj6iVOfHHkVr62w/join

▶如果喜歡這條影片，記得點讚(Like) & 訂閱(Subscribe)這個頻道
有任何問題都歡迎發問！
https://www.youtube.com/CatGirlHK?sub_confirmation=1

▶想知片尾講咩文？即睇：
https://www.youtube.com/watch?v=EEPbmWqO3Ds

----------------------------------------------------------
?Presenter:
CatGirl

?Editor:
Ken

?Backgroud Music:
Call Me out Tiger - Velvet Moon
?Music by Epidemic Sound
(http://www.epidemicsound.com)

----------------------------------------------------------
Follow my Instagram: https://www.instagram.com/CatGirlHK/

Follow my Facebook: https://www.facebook.com/CatGirl-%E8%B2%93%E5%A5%B3%E5%AD%A9-261290303914565/

Subscribe my Channel: https://www.youtube.com/CatGirlHK?sub_confirmation=1

Email: CatGirlHK@gmail.com

#泰國Room Tour #軟禁經歷 #Airbnb