【誠實食後感】POMONE法國急凍蘋果批 #非自購 #POMONE #蘋果批 #法國甜品 #情人節優惠 哇！開出嚟竟然同包裝果張圖一樣咁濟！ 呢個法國造嘅蘋果批頂層係蘋果片，下面有蘋果蓉，最底就係餅底，非常簡單。 蘋果批，最緊要梗係蘋果行先！ 呢啲蘋果係POMONE自家蘋果園種出嚟，質素穩定有保證👍 蘋果的確清甜，喺面果啲蘋果片仲有爽脆嘅口感， 味道真係好純粹嘅蘋果味，最重要嘅係， 呢個批入面無肉桂！你知啦，好多人頂唔順肉桂陣味， 不過我自己就好鍾意肉桂嘅，所以會自己灑啲肉桂粉上去😂😂😂 唯一投訴係佢個餅底有啲唔夠乾身，焗果陣唔好用佢原裝果個錫紙兜會好啲。 開出嚟唔使解凍，放入預熱咗180℃嘅焗爐度焗10分鐘就食得。 但係焗完唔好即刻切，拎出嚟等一陣個皮會硬返少少，會比較容易切。 無焗爐嘅話可以放喺雪櫃無咁凍果格解凍咗就可以凍食， 我試過凍食，其實同熱食都唔會差好遠喎， 熱食會甜少少、蘋果軟少少，凍食就會無咁甜、蘋果挺身啲。 雖然上次已經介紹過好適合情人節食嘅POMONE心太軟， 但係未必個個都鍾意食朱古力，咁就可以試下呢啲生果口味嘅。 POMONE除咗心太軟同蘋果批，仲有其他多款方便嘅急凍甜品， 例如朱古力半熟蛋糕、檸檬批、藍莓撻等等， 全部都係法國製造，好高級呀嗚！ 銷售點：百佳、惠康、一田、吉之島、SOGO 、TASTE、ThreeSixty等超市有售 HKTV MALL情人節優惠：https://goo.gl/F3swnK

簡單。四川麻辣雞煲 材料：（6～8人份量) 。惠康 冰鮮雞 一隻半 。紫洋蔥 2個 。蒜頭 多粒 。薑片 3﹣4大塊 。紅尖椒1大條，切大塊 。芹菜 5棵，切段 。芫荽 2蚊，一半切段，一半切碎 麻辣湯香料包 : 花椒，八角，香葉，小茴香，肉桂皮，草果，大紅袍辣椒乾，小辣椒乾等！ 雞件醃料： 。生抽 4湯匙 。老抽 2湯匙 。玫瑰露 2湯匙 。紹興酒 2湯匙，開溶生粉 2茶匙 。糖 2茶匙 。白胡椒粉 少許 。麻油 少許 。花椒油 少許 調味料： 。麻辣鍋醬或豆瓣醬5湯匙 。海鮮醬 2湯匙 。紹興酒 5湯匙 做法 ： 1）雞件與醃料混合好備用，醃不少於30分鐘 2）中火預熱後先爆香蒜片，薑片 3）爆香後加入醃好的雞件煎香至金黃色 （能夠走油更加惹味） 4）煎香後轉大火倒入紹酒，加入紫洋蔥及部份芹菜拌勻 5）將麻辣醬，甜醬，花椒油加進鍋中繼續攪拌，確保底部沒有燒焦 6）最後將剩餘的蔥段，芫荽，芹菜，紅椒加入，上蓋大滾約五分鐘後食得！開蓋食前加點麻油更加香味四溢😋