【創業隨想】 創業有冇需要講粗口？ 呢個唔係笑話，而係一個嚴肅嘅問題 我發覺其實喺有啲情況之下，創業係有需要講粗口嘅。因為當你創業，你就冇一層又一層嘅下屬去保護你。好多嘢都需要自己親自出馬打頭陣，你遇到嘅可能係斯文人，亦都可能會遇到粗鄙嘅人。而粗鄙嘅人，基於自己嘅無知，好多時會覺得你係斯文人就係好恰，搵你笨拙 點樣handle唔同嘅人，絕對係一種高深嘅技巧。今日就同大家分享點樣handle一啲粗鄙嘅人先 先利申： 我冇講粗口已經好一段日子，因為我而家接觸嘅絕大多數都係斯文人，但對於講粗口，亦有相當嘅實戰經驗。而喺我冇講粗口嘅日子，我發覺我畀唔識我嘅人搵笨拙嘅機會的而且確係高咗嘅。我唔怕嗌交，只不過與其用精力時間去嗌交，倒不如慳番啖氣，諗下點樣去發展自己嘅事業 另一個要寫呢篇文章嘅原因係，我發覺近年香港男女老幼講粗口嘅比例真係多咗好多，但係大部分講粗口嘅人士都係為講而講，聽落特別難聽 ＊入門級粗口＊ 我喺街上面聽到大部分人，特別係入世未深嘅人，講嘅粗口都只不過係入門級粗口。掌握唔到粗口嘅神韻，唔能夠配合語境，就好似食薯條點豉油咁樣，一啲都唔夾 入門級嘅粗口有好多，例子如下： 「我好L攰」、「呢件衫好L貴」、「__你老母，咁on9嘅事你都會做嘅？!」 入門級粗口嘅特色就係，完全唔能夠用聲調、表情或者身體動作，將語境同埋粗口字融為一體，畀人嘅感覺係為講而講，甚至乎係因為淆底先至講 情況就好似一隻細小嘅生物受到威脅或者感到驚慌嘅時候， ，會豎起自己嘅毛，令自己顯得大隻啲一樣。實質上嘅戰鬥力並冇提升到 *進階級粗口* 當你喺社會打滾一段日子，接觸過唔同類別嘅人，遣詞用語掌握得到嘅時候，運用粗口可以對於另一啲都鍾意講粗口嘅人加強感染力 例子一（要求供貨商換貨）： 如果你買咗一件貨，覺得件貨有瑕疵，並且懷疑件貨仲有一啲你發覺唔到嘅瑕疵的話，你可以揸住件貨，氣定神閑，用教誨嘅語氣，同供貨商講： 「你係L唔係呀...」 咁樣問嘅目的係提出一條open question，等供貨商知道自己蝕卓而自招 喺呢種語境同埋語氣底下，對方係會收到「坦白從寬」呢個訊息，即使有不滿亦不傷長遠關係 換轉另一個情況，呢件貨有明顯嘅缺憾，而你又把握到成件事，覺得反面亦冇損失嘅話，你就可以用冇尾音嘅說話，強調重音嘅語氣去講： 「喂！你係L唔係呀！」 當你咁樣講，對方通常都會予以否定以保護自己，例如回應：「乜L嘢係唔係呀？！」 既然對方唔招認，你就要問多一條open question，並且暗示你會將佢嘅劣行公諸於世，呢個時候你就要以扯高腔調嘅口氣同佢講： 「件貨乜 L嘢事心L照啦！你老味唔係要我爆9你響口呀？！」 要注意！ 呢一度係講「你老味」， 而唔係「__你老味」， 更加唔係「__你老母」 因為「__你老味」 帶有好強嘅人身攻擊成份，個討論隨時會變成對事不對人。Positional bargaining 不利會談，甚至引發成冇意義嘅罵戰，浪費自己嘅時間 而如果你講「__你老母」 呢？咁你就真係蝕卓嘞。因為供貨商隨時會將呢件事化成口舌之爭，從而淡化或者推卸自己對於貨品有瑕疵嘅責任。例如佢可以咁樣回應： 「而家乜嘢事呀，使唔使__老母呀？！」 雖然呢個人平時未必係一個孝順仔，但聽到你問候佢老母，佢一定會孝子上身，叫你道歉。咁你到時就霸氣盡失，件貨有瑕疵件事亦都好容易不了了之 例子二（工人工作不盡力）： 如果你好直接咁樣話工人偷懶，佢哋係唔驚你嘅。因為「好佬怕爛佬」，佢爛過你就自然以為自己可以惡過你 雖然呢種諗法係源於不知道天高地厚，但而家嘅首要工作係令到工人做嘢，與其教育佢哋地厚天高，倒不如一開口就食硬佢，慳返啲時間 例如你可以大大聲用高高在上嘅語氣講： 「__那星你琴晚同條女__嘢__天光呀？ 做嘢冇奶力嘅？」 注意嘅地方係，你係講「__那星」，而唔係「__你老母」， 唔會畀機會佢孝順仔上身而反你枱 如果你想講嘢嘅力量強一啲嘅話，你可以將「__那星」 改為「__你老味」， 輕微提升衝擊性 一個要注意嘅地方係，呢句說話係褒貶混合嘅，即係__中有讚，讚中有__ 點解呢？ 因為你係假設佢同一個異性進行房事直至天光，突顯咗佢擁有異性呢一件事。喺生物邏輯層角度，有異性代表有地位。而且可以搞到天光，其實係暗讚佢體魄強健 所以當呢一位工人聽到呢一句褒貶混合嘅說話，通常都會轉唔切，唔識點反駁，就唯有乖乖咁聽你講落力做嘢 例子三（不怒而威）： 喺員工面前顯示憤怒，會傷及大家長遠嘅關係。最好嘅做法就係顯示你能夠大大力咁樣__人， 只不過因為佢係你嘅自己人，所以你先唔__佢 你可以睇報紙或者日常生活遇到唔滿意嘅事，就加插啲「__佢老母！」嘅評語 由於你問候嘅係一個唔存在或者唔在場嘅第三者，你__「佢」老母都唔會得罪任何人，但就足以顯示出你有必要嘅時候係可以__人哋老母的 下一個post待續......

ᴛʜᴀɪ ᴛᴏɴᴇ ʀᴜʟᴇ 泰文聲調規則 筆記小公主❤️聲調總整理Part 1 - ➊背完泰文子音44個和所屬的中、高、低 三大類別 ➋ 再背24個配對母音並區分長短，和4個非配對母音（適用於長母音發音規則） —————————以上兩步最難————————— ➌ 搭配此聲調表使用，即可念出精準發音，泰文共有5種聲調 ——————可以念最基本無尾音泰文——————- ➍ 認識尾音為live end 或 dead end ➎搭配此生調表（上半部）就可以念出更多完美的泰文 以上未包括變形母音、雙子音或是特殊發音規則，就是最最最基本的泰文！ #studythai #泰文 #thailanguage

［假如我是Jeremy，都會好嬲Amy。］ 睇完《天煞異降》，心情好複雜，複雜到不想再用人類呢種低等生物的Linear方式思考，所以呢篇文的段落次序被我撈亂晒（當然你可以跟番No.順序去睇）。而基於對劇透的定義人人不同，如果你未睇而又打算睇兼好介意知道半滴劇情，就不要睇落去。 10.如果你一見「天煞」二字就預早地亢奮，請立即收起你的亢奮，這不是一齣射擊電影。 5.如果你預先知道一件將會發生在你身上的慘事，你會讓事情自然發生？抑或想盡辦法防止事情發生？ 4.就像Denis Villeneuve進入荷里活後所拍的《罪迷宮》（Prisoners）和《毒裁者》（Sicario），攝影和配樂都正，一開波精心搭的那個棚亦都好靚，但當故事發展下去，在拆棚過程中總是有點漏氣……到最後，一開波所搭的那個棚，似乎只是個MacGuffin。語言和溝通，可能都是Denis Villeneuve想講的課題，但他真正想講的原來是一個母親的抉擇——當（美麗的）Amy Adams知道了一件必定會發生的事（而且絕對是抱憾終生的事），點好？ 3.語言是《天煞異降》其中一個最先拋出來的主題，一個可以寫好多篇學術論文發表的主題。語言的作用，溝通和表意（即使我們單拖思考，也需要把思考內容化作語言），但在過程中，我們是否真的完美溝通？——你是否完美地表述了你的意思？我又是否完美地接收到你所表述的意思？再進一步，表述的內容是否你心裡所想的全部？而我接收到的，又會否因為你那獨特（或衰格的）表達方式（涉及語氣、眼神、聲調、表情），以致在理解上有偏差？即係咁，當一個人誠懇地說自己是為了七百萬人福祉而參選，作為七百萬人中的我，如何得知佢的誠懇有幾誠懇？ 2.（美麗的）Amy Adams，在戲中的角色是一位（美麗的）語言學家。不是語言學家的我們，每一天都不得不使用語言溝通，但回看（美麗的）Amy Adams，又有幾多時間需要溝通？如果不是被軍方徵召去同外星墨魚傾偈，她只是個長時間匿喺靚屋飲Wine的孤獨學者，在語言學上的造詣，只能使用在Lecture Hall，而不是日常使用——不是日常地跟一般人溝通時使用（有趣是，最後得以化解危機，全靠她及時打衛星電話，俾中國軍官講了一段普通話）。 6.由語言開波，Denis Villeneuve卻在中途把我們掉入一個有關自由意志的課題。我們總認為自己的選擇，是基於自己的意志，我揀A是因為我想揀A，我揀B是因為我想揀B——Really？你真的確定冇「嘢」在背後操縱你？（正如部分有幸選出特首的人，背後真的冇「嘢」左右佢的投票意向？）但《天煞異降》要說的是：假如你的未來已經被編寫好，而你又清楚這些被編寫好的內容，當你照住劇本去做，這還是自由意志嗎？ 8.睇戲啫，唔使咁用腦嘅，咁就純粹一點。假設，今日晏晝，失驚無神，有12塊戲中的黑色太空船降臨地球，作為一個平凡人（而且應該返緊工）的你，應該點好？淆底？睇定啲先？影相po facebook？抑或乜都唔好理繼續返工？ 9.人最根深蒂固的問題可能是：不知道怎樣面對失驚無神來臨的局面。像戲中的後生軍人因為太恐慌，在還未摸清底細下便有理冇理，選擇炸爆隻太空船先——事後，軍官對佢哋的魯莽有以下評語：睇得太多電視嘞，以為外星人降臨地球必有惡意——但呢位軍官其實一開始都非常驚青囉。 7.自由意志的最核心部分：如果閣下行為是基於閣下的自由意志，你就需要為你的行為負上道德責任。如果我是戲中的Jeremy Renner，我諗，我都會好嬲（美麗的）Amy Adams。 1.我是在完美被劇透情況下入場觀看的——之前要寫另一篇稿，而又完全唔知寫乜好，親切的同事C預先將劇情盡情告知（甚至連那條絕對不能穿的橋都穿埋俾我知）。如果睇一齣戲，就像跟當中角色一齊經歷、見證他 / 她的未來，我是在擺到明預先睇通睇透（美麗的）Amy Adams未來的情況下，睇住她逐步邁向她的未來（至於我們的未來？未知，因為尚未示意，但其實早被寫好了）。 *補充：講堅，我是專登撈亂段落次序來寫的，玩自己之餘亦總算喺過程中搵到少少寫作趣味（如果有的話） （原文刊於am730） #月巴事