台語漢字 / 羅馬字對照 & 內容解說

諺語：
飯後行百步，較好開藥舖
Png au kiânn pah poo, khah hó khui ioh-phoo

標題：
運動很簡單 日健走20分多活1.3年
運動真輕鬆 1工行健20分加活1.3冬
ūn-tōng tsin khin-sang tsit kang kiânn-kiann ji-tsap hun ke uah 1.3 tang

健走運動溫和 不傷關節最適合老人
行健真溫和 袂傷關節適合老大人
Kiânn-kiann tsin un-hô Be siong kuan-tsat sik-hap lau-tua-lâng

內文：
為著健康
Uī-tio̍h kiān-khong
天氣閣再按怎寒
thinn-khì koh-tsài án-tsuánn kuânn
猶原有人來公園做運動
iû-guân ū lâng lâi kong-hn̂g tsò-ūn-tōng
筋骨予伊較軟khiū一下
kin-kut hōo i khah nńg-khiū--tsi̍t-ē
(民眾陳先生)
我逐工來矣
Guá ta̍k-kang lâi--ā
來遮運動矣
lâi tsia ūn-tōng--ā
快速行路啦 按呢
khuài-sok kiânn-lōo--lah án-ne
一工大概一點鐘啦
tsi̍t-kang tāi-khài tsi̍t tiám-tsing--lah
(民眾蔡女士)
有歲矣
Ū-huè--ah
莫行siunn劇烈啦
mài kiânn siunn ki̍k-lia̍t--lah
按呢對身體負擔較袂遐大
án-ne tuì sin-thé hū-tam khah bē hiah tuā
醫生是講
I-sing sī kóng
運動毋但會當焚燒脂肪(體內的油)
ūn-tōng m̄-nā ē-tàng hiânn-sio tsi-hông(thé-lāi ê iû)
閣會當加強新陳代謝
koh ē-tàng ka-kiông sin-tîn-tāi-siā
加速心肺的耐力
ka-sok sim hì ê nāi-li̍k
譬如講
phì-jū kóng
騎腳踏車
khiâ kha-ta̍h-tshia
或者是行路散步一點鐘
hi̍k-tsiá sī kiânn-lōo sàn-pōo tsi̍t tiám-tsing
上無會當消耗180卡的熱量
siōng-bô ē-tàng siau-hàu tsi̍t-pah peh-tsa̍p khah ê jia̍t-liōng
泅水會當消耗264卡
siû-tsuí ē-tàng siau-hàu nn̄g-pah la̍k-tsa̍p-sì khah
若是用走的更加濟
nā-sī īng tsáu--ê kìng-ka tsē
一點鐘會當消耗差不多800大卡的熱量
tsi̍t tiám-tsing ē-tàng siau-hàu tsha-put-to peh-pah tuā-khah ê jia̍t-liōng
不過醫生是講
M̄-koh i-sing sī kóng
用走的容易(較會)傷著跤頭窩的關節
īng tsáu--ê iông-īnn(khah ē)siong-tio̍h kha-thâu-u ê kuan-tsat
毋是逐个人攏適合
m̄-sī ta̍k-ê lâng lóng sik-ha̍p
尤其是有歲的老大人
iû-kî sī ū-huè ê lāu-tuā-lâng
所以建議民眾用『健走』(行健)
sóo-í kiàn-gī bîn-tsiòng īng kiânn-kiānn
來達到運動效果
lâi ta̍t-kàu ūn-tōng hāu-kó
(雙和醫院復健科 許雅雯醫師 )
若是『健走』(行健)
Nā-sī kiânn-kiānn
對跤頭窩佮腰的壓力是較細
tuì kha-thâu-u kap io ê ap-li̍k sī khah sè
而且伊對骨頭含梢嘛有好處
jî-tshiánn i tuì kut-thâu hâm-sau mā ū hó--tshù
另外，對心臟嘛有訓練的效果
līng-guā, tuì sim-tsōng mā ū hùn-liān ê hāu-kó
所以其實阮是較推薦『健走』(行健)
Sóo-í kî-si̍t guán sī khah tshui-tsiàn kiânn-ki ānn
這个運動
tsit ê ūn-tōng
日本上新研究發現
Ji̍t-pún siōng sin gián-kiù huat-hiān
若逐工消耗300卡『卡路里』
nā ta̍k-kang siau-hàu sann-pah khah
等於一禮拜消耗2000大卡
tíng-î tsi̍t lé-pài siau-hàu nn̄g-tshing tuā-khah
長久以來會當延長1.3年的歲壽
tn̂g-kú í-lâi ē-tàng iân-tn̂g it-tiám-sann nî ê huè-siū
醫生認為
I-sing jīn-uî
『健走』(行健)是上簡單閣安全的運動
kiânn-kiānn sī siōng kán-tan koh an-tsuân ê ūn-tōng
但是毋通賭強
tān-sī m̄-thang tóo-kiông
一擺20分至30分上適合
tsi̍t pái jī-tsa̍p hun tsì sann-tsa̍p hun siōng sik-ha̍p
小可流汗，小可會喘為原則
sió-khuá lâu-kuānn, sió-khuá ē tshuán uî guân-tsik
上好穿有air氣墊的慢跑鞋
siōng-hó tshīng ū khong-khì khì-tiām ê bān-pháu-ê
才有法度減少運動傷害
tsiah ū-huat-tōo kiám-tsió ūn-tōng siong-hāi

PNN 台語新聞「看世事，講台語」是 PNN 佮公視台語新聞，以及李江却基金會佇網路頂­懸合作的一個新單­­元。主播許雅文，每­禮拜招逐家來看幾條­仔新聞，看新聞來學台語­文字是誠利便。而且雅­文­閣會佇每­­­一­擺新聞播煞的時陣，講一句台灣俗諺，抑是典雅，­趣味的台語文字。請­逐家­做夥­來­，用台語講看覓喔！阮若是有寫毋對，抑是用毋對的­所在，嘛請大家無棄嫌，­多­多­­來 kā ­阮指教討論～