［失業升，GDP收縮，但股升係咁升］其實好合理，Nasdaq連升五日添。香港可以買7261，納指正向兩倍，華夏ETF

都講咗了，買股票幾時都係買將來。當然實際點做唔係講咁易，但「唔應該點做」就好易理解。

你見美國啲就業數據，極之恐怖。放心，嚟緊都會好恐怖，（https://bit.ly/3cqZAfS）（https://bit.ly/2XK3Jaj）。失業率十幾甚至二十巴仙，GDP收縮一兩成甚至更多，全部你成世都未見過。

但係咪就個市跌？當然唔係，唔知係咪巧合，過去四個星期四，出完失業救濟數據，美股都升。昨晚Nasdaq又升2%。然後今日美股期指升得仲勁，一方面似乎就快有疫苗，另一方面亦都係因為會重啟經濟。

仲唔信？你望下，中國今朝出嘅GDP數據，極難睇，三四十年以嚟第一次負增長—固然一向有水份，但亦有個譜，官方都報跌6%，即係都相當嚴重。但，又如何？你見中資股港股又點？

原因都係嗰句，錢就最敏感，最貪心亦都最細膽。三月sense到有唔對路就即沽啦。咁如果你三月前已經走晒或者沽空，就你叻仔。但Regardless of 你當時點做都好，而家又另一個世界。

更不用講美國行緊極之誇張嘅寬鬆政策，一秒印一百萬美金嘛（https://bit.ly/2xzMQEE）。而早排都仲講聯儲局資產負債表5萬億，6萬億，而家話咁快就6.5萬億（不過開始慢落嚟了）

啲友買乜股？其實都係買返科技股。香港就騰訊　阿里巴巴　美團　小米。美國當然就係 Amazon Netflix 之類—　兩隻都新高添呀，首富光頭佬身家今年又進帳兩成幾三成。你估真係有錢人好唔掂咩。

華夏堆槓杆同反向ETF，之前都寫過。好處當然係港股時段買賣，唔使捱夜又唔使開美股戶口。睇好嘅，隻7261，納指正向兩倍（＊）。今星期已連升5日，21.8升上嚟，而家38.4。真係升八成。（當然趺時一樣高位冇一半，你玩兩倍嘛）。成交keep住兩千萬左右，今日唔止添

當然啦下，幾時都唔係一步到位，日日升咩。估會跌嘅，都可以睇佢地嘅反向ETF　7522，納指反向兩倍，就好過日日話爆煲但乜都唔做。你覺得爆煲嘛，敢唔敢賭先？不過再講一次，我就睇好嘅。你堅持睇淡就話你知乜工具咁解，你當我燈神你贏咗固然好，但輸錢就你問題啦。

（＊）留意返係Nasdaq100，其實都係咁上下炒，甚至可能仲好，但費事又有人話誤導佢

——————————————-

版務：收費專欄已推出，支持埃汾高質文章。幾舊水睇三個月，一星期三篇

請去呢度訂：bit.ly/2wVXndj
課程編號填: CC01
科咗水後後有Login及Password畀你

逢一三五入去 homebloggerhk.com （見到就睇到《事先張揚》），亦睇得返以前嘅文。一般我都係會黃昏出文嘅。

《向左走？向右走？》
記唔記得對上一次我同大家講美股ETF既部署係幾時？係2月11日黎，當時納指處於一個9500點樓上既高位。果時我同大家講，美股係長升浪黎既，不過三頂背馳並唔需要急住追，至少等到9000點附近至出手都未遲。後來，武肺响全球擴散，納指莫講話9000點，就連6800點都穿過。但當全市陷於最危急既時期，我又同大家講：唔洗驚，美股自2009年海嘯至今既上升軌其實無失守架！於是，我地又從低位部署不同既倉炒返上黎。

今日，無論係美股又好、港股又好，都差不多反彈黎到0.382附近既水平。前路茫茫，好多人都對全球經濟陷入衰退打定晒輸數喇。雖說股市永遠行先於股市，而又受惠QE啫，都少不免令人憂慮大跌市好快會上演第二波。一直跟開我既粉絲都知道，美股我睇S&P500指數@2640點，相當於港股我睇恆指@24032點，呢個係分水嶺黎，企穩則好，失守則差。所以，就算今晚外圍好似跌返多少少都好，2640點企穩我亦無需要嚇到雞飛狗走。

因此，我再一次推介呢一對ETF俾大家：納指正向兩倍（7261）同納指反向兩倍（7522）。選擇做納指，主要係由於佢自海嘯後既升軌完整，仲有係因為tech股無論係升跌都好，永遠lead住個市，好似近日既amazon（AMZN）同netflix（NFLX）你就知喇。後市我地可以用納指8250點作為分水嶺，企穩做好，向上望9000點；失守做淡，向下望7800點。補充多句：初步我預期最急既跌浪已過，往後就算再跌，都會係漫長既陰跌。

作為有經驗既「用家」（出入過以上兩隻ETF都好幾次喇）仲想分享多一兩個用後小貼士俾大家：第一、就係因為ETF跟蹤既係納指期貨黎，所以如果遇著日間美期再熔斷既時候，發行商有可能因為對沖問題而令開價未必準架，呢方面就要靠大家用冷靜同經驗補足喇。第二、就係由於隻ETF始終牽涉到槓桿，最好都係用黎炒、唔係用黎坐。好似隻反向兩倍（7522）咁，納指彈得一半，隻ETF已經回返晒架喇！今日講住咁多先，bye～

#美股 #納指期貨 #華夏基金 #槓桿 #反向 #ETF