【全家清濕熱湯-雅枝竹紫淮山湯】

如果你家人常有以下症狀，可能有肝膽濕熱問題，飲食應以🔥🔥清熱祛濕、健脾和胃、清肝利膽為主。

👉🏻皮膚發癢，甚至出現膿瘡
👉🏻眼屎黏膠
👉🏻口臭異常
👉🏻大便異味重，臭穢難聞
👉🏻小便經常呈深黃色
👉🏻女性帶下色黃，外陰異味大

無論👧🏻🧒🏻小朋友、👩🏻‍🦱👨🏻成人、👩🏻‍🦳🧑🏻‍🦳老人家都可以飲呢一個#雅枝竹紫淮山湯

☘️雅枝竹是歐洲的護肝之王，能增加肝臟膽汁分泌和消化脂肪，以調節體內膽固醇，另外有助排除肝臟中的毒素，尤其有潤腸通便、瘦身排毒及解酒功效。

☘️紫淮山有護胃健脾、補氣益腎功效，而多了花青素，抗氧能力更強。

材料：雅枝竹一個，紫淮山300克，（如沒有新鮮紫淮山，可以用紫淮山粉150克代替）、粟米一條、紅蘿蔔1條、豬骨2條（如素湯，可放腰果代替），水3L

做法：
1.雅枝竹一個，洗淨剪葉的尖端，隔水蒸30分鐘，葉瓣撕出；將芯部的毛髮狀纖維拉出，只有留芯的部分煲湯
2. 粟米紅蘿蔔洗浄，去波，切片
3. 豬骨出水，才放湯煲3小時, 或放真空煲。
4. 新鮮紫淮山去皮，切片（記得清洗新鮮紫淮要戴手套）
5. 如用紫淮山粉，只需在最後15分鐘，放下用紫淮山粉，及慢慢攪勻。

❤️不再脾虛腎虛
即冲紫淮山👉🏻👉🏻 https://bit.ly/33A9l9h
黑豆穀物粉👉🏻👉🏻 https://bit.ly/3fyIi3y
有機麥芽糖👉🏻👉🏻https://bit.ly/3rY9RZB

❤️提升睡眠質素

沉香茶︰https://bit.ly/3rSOEiw
沉香手串︰https://bit.ly/3qusJho

#暖養孩子 #暖養飲食 #由細做起
#發育 #幼兒 #健康飲食

Cici清熱袪濕湯水:【雞骨草紅蘿蔔馬蹄煲豬橫脷】

雞骨草涼茶大家就飲得多，原來豬橫脷與雞骨草一起煲湯，更具清熱、利濕、舒肝、健脾的功效，而豬橫脷是豬的胰臟，有修復脾胃的作用，加入紅蘿蔔、粟米和馬蹄煲湯，增加甜味，一家大小都宜飲用。

🌸🌸🌸🌸🌸🌸🌸🌸🌸🌸🌸🌸🌸🌸🌸

【雞骨草紅蘿蔔馬蹄煲豬橫脷】(4人份量)

材料:

雞骨草 1扎
豬橫脷 1條
紅蘿蔔 1條
粟米 1條
馬蹄 4粒
瘦肉 半斤
蜜棗 2粒
果皮 1塊
清水 3500毫升

做法:

1. 雞骨草用清水浸約10分鐘，清洗乾淨，備用。

2.豬橫脷去除底部白色筋膜，清淨乾淨。

3. 瘦肉清洗乾淨，切成小塊，與豬橫脷用「跑活水」汆水約30分鐘，沖洗乾淨，備用。

4. 紅蘿蔔去皮，滾刀切塊；粟米切成段；馬蹄清洗乾淨。

5. 蜜棗浸洗乾淨；果皮用水浸軟，備用。

6. 將所有材料放入鍋中，注入清水，煲沸後，用中火煲30分鐘後，轉小火煲3個小時，加入少許鹽調味，豬橫脷取出，切塊，即成。

📍📍小小貼士📍📍

➡️雞骨草於草藥店購買，可叫草藥店老闆將雞骨草斬段。
➡️豬橫脷可叫豬肉欄代去掉白色筋膜。
➡️豬橫脷必須原條煲，否則湯會變混濁。
➡️由於雞骨草性寒，所以虛寒體弱者慎服。

✳️✳️功效✳️✳️

🔹雞骨草: 清熱解毒，舒肝明目
🔹豬橫脷: 健脾胃，幫助消化，去肝火

🎊🎊🎊🎊🎊🎊🎊🎊🎊🎊

📌 Cici小廚房 mewe page:
https://mewe.com/p/cicikitchen1

❤歡迎大家加入❤️
https://mewe.com/join/煮意樂分享

🌸🌸🌸🌸💜Cici小廚房💜🌸🌸🌸🌸

📌 FB page: http://bit.ly/2YRzyhD
📌 IG: http://bit.ly/2NKvtWp
📌 mewe page:
https://mewe.com/p/cicikitchen1
📌 Blogger: http://www.cici-kitchen.com
📬 email: [email protected]

#雞骨草紅蘿蔔馬蹄煲豬橫脷
#清熱袪濕
#湯水
#食譜
#hkkol #hkfoodblog #hkblogger #hkfoodblogger #hkfoodieblogger #hkinfluencer #cookinglife #Ilovecooking #cicilife #cicilovecooking #cicicookinglife #cicikitchen #cici小廚房 #cici生活點滴

Cici袪濕解毒湯水:【粉葛勒莧菜頭赤小豆湯】

春回大地，天氣潮濕，啲老朋友又番嚟搵我 😫😫，令人很煩躁 😓😓 數年前，老朋友番嚟搵我，煲［莧菜頭紅蘿蔔薏米湯］👉🏻 http://bit.ly/2WkhFX2，都頗有功效。這次請教了中醫師，首個星期煲兩次袪濕解毒湯，跟著再煲健脾湯。

勒莧菜頭清熱解毒的功效十分出色，味道帶甘淡，對紓緩濕疹最為有效。再加入粉葛、赤小豆 、扁豆等袪濕藥材。由於這幾種食材都徧寒涼，所以必須加入薑片和果皮平衡。

🌸🌸🌸🌸🌸🌸🌸🌸🌸🌸🌸🌸🌸🌸🌸

【粉葛勒莧菜頭赤小豆湯】(4人份量)

材料:

野生粉葛 1斤半
勒莧菜頭 1斤
赤小豆 1両
白扁豆 1両
紅蘿蔔 1條
粟米 1條
果皮 2塊
蜜棗 3粒
薑片 4片
豬展 半斤
清水 4公升

做法:

1. 勒莧菜頭洗刷乾淨，用清水浸 1 小時，把泥土完全浸掉。

2. 豬展洗淨，切成小塊，用「跑活水」汆水約30分鐘，沖洗乾淨，備用。

3. 將粉葛去皮切件，洗淨。

4. 白扁豆、赤小豆、蜜棗浸洗片刻，倒去水分，備用。果皮用水浸軟，刮去果囊。

5.紅蘿蔔去皮洗淨；粟米去鬚洗切成大塊，備用。

6.將所有材料放入鍋中，注入清水，煲沸後，用中火煲30分鐘後，轉小火煲3小時，加入少許鹽調味，即成。

📍📍小小貼士📍📍

➡️勒莧菜頭可於山草藥店購買。 清洗時，必須帶上手套，用牙刷刷洗乾淨，因為勒莧菜頭帶刺。

➡️ 野生粉葛可於山草藥購買，功效更顯著。

➡️果皮須以凍水浸發。

➡️果皮必須凍水落，甘香氣味才可以完全釋放。

➡️孕婦不適宜飲用。

✳️✳️功效✳️✳️

🔹勒莧菜頭: 清熱解毒、消炎、祛水腫、清理腸臟濕熱
🔹粉葛: 可解肌暑熱，去骨火，生津止渴
🔹果皮: 可化痰濕, 健脾胃
🔹白扁豆: 有健脾和中，消暑袪濕的作用。
🔹赤小豆: 偏涼，有利尿消腫，益胃健脾，清熱燥濕的作用。

🎊🎊🎊🎊🎊🎊🎊🎊🎊🎊

📌 Cici小廚房 mewe page:
https://mewe.com/p/cicikitchen1

❤歡迎大家加入❤️
https://mewe.com/join/煮意樂分享

🌸🌸🌸🌸💜Cici小廚房💜🌸🌸🌸🌸

📌 FB page: http://bit.ly/2YRzyhD
📌 IG: http://bit.ly/2NKvtWp
📌 mewe page:
https://mewe.com/p/cicikitchen1
📌 Blogger: http://www.cici-kitchen.com
📬 email: [email protected]

#粉葛勒莧菜頭赤小豆湯
#袪濕解毒湯水
#湯水
#食譜
#hkkol #hkfoodblog #hkblogger #hkfoodblogger #hkfoodieblogger #hkinfluencer #cookinglife #Ilovecooking #cicilife #cicilovecooking #cicicookinglife #cicikitchen #cici小廚房 #cici生活點滴

湯水食譜 Chinese Soup - 入秋後又係栗子嘅當造期。栗子補腎益脾胃，對於筋骨酸痛亦有一定舒緩作用。今日就同大家一齊煲港式湯水 - 「椰子栗子豬骨湯」！家常菜做法

首先睇睇材料：
椰子 約半個
栗子 20 - 30 粒
紅蘿蔔 2 支
粟米 1 條
南北杏 適量
蜜棗 4 - 5 粒
豬骨 400 - 500 克
薑片 2 - 3 片

椰子有補虛益氣嘅功效，可以原個買返來切絲，而超級市場好多時都有切好嘅包裝椰子絲發售，再洗一洗就用得喇。我鍾意買真空處理嘅去皮去衣栗子肉，可以慳時間，唔使慢慢搣，不過記得用之前以清水浸半個鐘以上。

紅蘿蔔去皮，切頭切尾之後切粒。粟米洗一洗後就切細段。南杏甜，北杏苦，想淡湯甜啲，南北杏可用2比1嘅比例，以清水沖一沖，待用。蜜棗一樣用清水沖一沖就可以。

豬骨就記得要汆水。凍水落可以確保血腥味唔會停留喺肉入面。

材料準備好之後就可以逐一放入煲入邊，放埋薑片，加入適量嘅清水，用大火煲30分鐘，再轉細火煲2-3個鐘，加少少鹽調味就可以飲喇！

#將軍澳 #寶琳市場 #香港街市 #8424 #8424西瓜 #本地消費 #買餸煮飯
#氣炸鍋 #氣炸鍋食品 #寶琳市場facebook #毋須找續 #與你同心守護健康 #防疫貼士 #香港街市 #羊肚菌 #養生美容 #平價龍蝦 #日出康城


Hello大家好我叫阿Tsar

大家最近為了食好煩惱, 一時不可以堂食, 一時又可以

這麼麻煩, 都是買餸回家自己煮吧,

我一向去外國旅行, 都好鍾意行街市, 而且這類影片深受男性網友支持

鐵漢柔情，勁過黎明，當你公主，為你下廚

一對情侶或夫妻，一起落街市買餸

都可以是另一種樂趣, 當然是疫情沒那麼緊張,而你覺得舒服的時候

就好像我今天去了將軍澳的寶琳市場

真是可以用街市遊樂團來形容, 先看看裝修先吧，

寶林市場沿用墨綠色為主調，融入大型圓柱、傳統拱門、金屬罩燈、

鐵枝架等設計元素，型格別致，簡潔明亮，洋溢濃厚的歐陸傳統市場風格，

來到寶琳市場就可以感受到這種異國風情

彷彿置身於歐洲，再望下四周親切的面孔

有令人窩心的笑聲， 這裹絕對是個街市遊樂團

在這麼歡樂的氣氛買餸，人都健康些、更美

雖然一個二個戴住口罩, 但是你們都可以由他們的眼神見到

善良和勤奮就是最好的美容靈丹妙藥, 你們都快些來感受下這一種歡樂氣氛呀

這絕非廣告, 所有影片裏面我買的吃的，都是自己付費

因為這裹真是有好多好多貨品是物超所值

平日我去最多的，就是正街街市、西環、銅鑼灣還有灣仔

因為一個街市我買不到齊全東西，要走來走去

來到寶琳市場，除了你可以一次過買齊想要的東西之外，貨品齊全

價錢還當抵買、抵食，新鮮、健康、好味

小販對顧客提供專業的產品知識，

我不經不覺就行了幾個小時，還跟這裹做事的人傾談，學了好多

這個市場經營得這麼好, 其實是有賴一班上上下下的工作人員

甚至每一位在這裏售賣的小販和店主，努力付出的成果

講多無謂, 快些來看看今日的十大必買必吃店舖啦!

第一必買, 這間叫做牛四方手切牛肉專門店,

主打騸牯牛肉以及多款刁鑽的牛肉部位，質素相當有保證。

價錢平過我平時買開的地方好多

騸牯牛是指已閹割的牛，公牛被閹割後的激素較少，

性格比較溫文，肉質又不會因活動過量而變韌，

脂肪分布因而較平均，不像和牛般入口膩滯，牛味更濃郁，

口感亦比較嫩滑而不韌，全港每日只有少量供應，

不是處處吃到架!! 騸牯牛的牛頸脊位置，油脂少而肉味濃，

富嚼勁，而質感更為嫩滑，牛骨可以用來淆湯超級鮮甜有益啊

牛骨湯就含有豐富蛋白質，脂肪，維他命和鈣質等

促進人體鈣質吸收，提高免疫力，健脾開胃的作用，

用牛骨湯湯底，再加上一些內臟及這裏刁鑽的牛肉部分去打邊爐，

食完精力充沛,老虎都鍊低幾隻,

而且店舖裏面的刁鑽牛肉部分比較多

可以提供不同口味和口感，要視乎你自己的喜好

你可以親臨這間舖頭，問問老闆娘提供意見

他們好樂意為您解答疑問，還有他們經常在自己 “牛四方牛肉”

或”寶琳市場”的facebook, 發佈當日的優惠和每日新鮮產品

你可以直接在facebook留言，或打電話給他們, 預留那款你喜歡的牛肉

因為太受歡迎，而且老闆娘人緣很好，我親眼見到的

你看我笑到手都震曬啦, 所以facebook 一post 出來無耐,

最好和最優惠的貨都好快給人搶曬啦

尤其是星期六日, 好多清水灣或者附近一帶的居民

都會專誠揸車來到這裹購買， 因為寶琳市場後面有一個停車場

亦好方便外來人在這裹泊車, 我由中環搭地鐵去到寶琳站45分鐘，

再行七分鐘就到這個市場, 超級方便, 多話短說，

快些去like他們的Facebook 吧，手快有手慢冇!

第二必買, 營品凍肉, 這裹有聯合國那麼多的凍肉選擇

貨品靚而價錢平，多款式氣炸鍋食品，價錢都很便宜

16/ 磅的德國豬手, 每一件大約不用100HKD

買回家用氣炸鍋煮，就可以食到脆卜卜的德國咸豬手

你在餐廳吃最少要200HKD， 這麼大包氣炸鍋韓國炸雞75HKD

出面賣最少要90HKD, 這包細一點來自日本33hkd

跟這包韓式辣醬雞一樣價錢， 這包炸蝦扒26hkd不是處處有得買

荷蘭曲薯條，大到我一隻手都拿不起，28hkd, 2KG包裝都只是50KD

釀蟹蓋又是幾特別6勺氣炸鍋食品，薯絲蝦、炸帶子、日式吉列大炸蝦、

韓牛漢堡、北海道薯餅、 北海道牛肉薯餅一包十大件

這麼大條荷蘭豬腩，可以紅燒大蒜爆炒都得，

紐西蘭羊肉片、 丹麥無激素豬梅、 一包多隻鴨舌都是43HKD，可以用麻辣醬來煮

泰式青黃咖哩, 多款抵買日本醬料，還有多款超值抵食來自北海道的冰凍海鮮

食材解凍後如何辟除雪味？專家建議，雞肉、豬肉可用適量的鹽醃20分鐘，

再沖水洗淨，即可除掉雪味；煮食時加入薑、葱、蒜等再調味，亦有助去除雪味。

牛肉解凍後，只需用鹽及胡椒調味即可。

海鮮就可以用一大碗水及一匙羹醋或檸檬汁，除掉雪味及腥味。

另外急凍蔬菜只需要浸水，回復原狀即可。

第三必買, 勇記鮮果，多款來自世界各地的水果，獨家售賣

好多是來自日本，價錢跟我在日本買到的差不多，

在香港叫做買得平㗎喇，這期8424西瓜好紅, 他們都是賣118hkd

8424特點是瓜身較圓、頂位有莖藤、

瓜紋上的綠、白兩色分間明顯，輕力拍打時會聽到清脆的聲音。

切開後會見到內裏是深粉紅，而不是血紅色，

瓜皮特別薄，心位不會有黃筋或爆開，會有少許白色瓜籽。

入口多汁而甜，甜度大概有12、13度左右，味道有冰糖味，因此又叫冰糖麒麟。

美國桃駁李, 全場只此一家, 桃駁李當造時間是6月至9月

揀桃駁李的時候, 攞上手要夠聚手, 代表水分充足

表皮要冇損傷或碰撞， 果頂位置要完整

果頂凹陷就會容易變壞, 除了當生果吃，

還可以取代菠蘿煮生炒骨，果香更濃沃口味,

冇核黃皮, 不僅味道甜美，而且無核、果大、肉厚、嫩滑，是黃皮中的珍品。

黃金桃是近年人氣急升的桃品種，果肉鮮黃，故又叫黃金桃。

果肉細嫩光滑有咬口，追熟後囗感軟潤順滑，甜味突出，

果汁豐盈，還真的帶有芒果香，桃味甚濃，

是桃味與芒果味混合的獨特味道。每年中秋都是人氣熱賣商品之一！

台灣水仙芒，大過我隻手呀， 台灣黑金蜜，香甜可口，清脆汁濃，

外形呈橢圓形，果皮是墨綠色的，點綴著金黃色的條紋，

生長期接受光照超過1000小時以上，充分的光照產生積累了豐富的糖分，

它融合了西瓜的清爽，還有蜜瓜的甜蜜，

含有多種蛋白質，醣類，攝取纖維，營養成分非常好，老少皆宜。

第四必買， 泰靚手撕雞，我經過這間店舖的時候

是被這位阿姐的笑聲吸引住，她們客人傾偈笑到好開心

跟住我站著一邊，看到她做事，好勤力、對客人好好

好開朗，見到她令人好開心, 那就吸引了我去幫襯了，

雖然阿姐讀書不多，但我看得到她很熱愛自己的工作

贏取到我對她的尊敬，在這經濟低迷的環境，

能夠請到一位這麽開朗的員工,是老闆的福氣

手撕雞有原味,香辣和麻香, 有不同size,自然就有不同的價錢呀

一人份量40HKD一盒,都好大盒喎, 我揀了麻香花椒味,

超級好味, 但我覺得一點也不貴, 泰式冷盤每磅75蚊,

冷盤有牛肚,鴨腎,魷魚,豬腳, 皮蛋 ,海蜇, 嘩！好多口味呀

你看看那麼多明星來幫襯, 阿姐話不止這幾位名人來買㗎

有些名星來買但沒有影相, 所以超級受歡迎㗎

連烹飪高手（陳）煒哥都落嚟幫襯, 味道真是非同小可

幫襯一次真的不夠喉呀, 我會再嚟㗎,

這個市場真的好開心,講開好的員工又何只一個呢

我在這個店舖買炒麵食,阿姐又陪我傾計講笑

它的豬腸粉又是即整喎, 大大盒面都是15HKD, 都好好食喎

多款生滾粥,22HKD,真的超平囉, 如果我住在附近呀

一日起碼下來幾次呀, 我叫阿姐給我影相的時候,

阿姐起初話唔靚影乜嘢呀, 我跟她說一個人善良和勤奮就會靚㗎啦

你們認同嗎？

第五必買， 德興草堂, 我是被這包極正的羊肚菌吸引到

自從我上年在西班牙食過一道羊肚菌菜式, 一食難忘

羊肚菌味道極之鮮甜，而且營養價值非常高

羊肚菌含有抑制腫瘤的多醣和抗菌及抗病毒的活性成分，

因此具有增強機體免疫力，抗疲勞，抗病毒及抑制腫瘤等功效的作用。

這個就是雪蓮果, 雪蓮果含有豐富纖維，潤腸通便

排毒降火， 清肝解毒，控制血糖，能夠增強免疫力

五指毛桃，加淮山、粟米及栗子煲瘦肉湯, 可以補肺益氣

龍脷葉1 兩,青欖4兩, 煲滾水之後細火兩個鐘頭, 當水飲(一人份量)

化痰止咳, 你喜歡可以加蘋果，瘦肉，當湯水飲都ok

印度椰子營養價值極高，有助清燥熱、止咳功效、滋陰補腎、潤肺養顏的功效，

簡單煲青紅蘿蔔豬骨湯，加印度椰子，湯的口味即時會變得香濃清甜好多

捱夜瞓不好就最適合啦, 第六必買, 包點先生,

這裏有條小食街有十幾間店, 開放至凌晨一點

這間店舖經常排長龍，你看那些足料湯水，45HKD咋

豐富的炆餸 都是38至到40HKD， 我覺得這間店舖的設計非常之好

客人點餐之後，即時可以在身後這個蒸爐拿出來外賣

視覺上非常之流口水，還有這個親民的價錢，值得一試

第七必買, 聯光海味, 由一對年青夫婦主理

老闆娘親手包製的純手工包製養生茶 ，有25HKD至到38HKD不等

買夠三包就送一個茶壺，其實真的不是賺你好多，

但我跟他們傾計，就知道他們寧願薄利多銷

希望街坊幫襯了之後，食得身體健康，多些回頭客

我站在他們店鋪片刻，就聽到一個街坊跟老闆説

“你幫我執啦”，輕描淡寫一句，就充分表現到街坊對他們的信任

這並非送一個茶壺，就那麼容易建立到的信任，

而是做生意講求誠信、優質服務、品質至上長年累月的建成

薄利多銷，都要靠來貨比較平，怎 樣可以做到來貨比較平呢

就要靠你自己店舖人流多，貨如輪轉，你就可以跟供應商攞一個較優惠的來貨價錢

這個要靠信譽，所以做生意誠信是好緊要的，顧客信你，幫襯多

攞貨攞得快，供應商給你的價錢就自然會平些

我差不多一個星期去上環海味街一兩次，你看看這些羅漢果那麼大個都是賣四蚊一個

上環海味街都末必買到, 你看看羅漢果又大個，外殼色澤鮮明，

我平日會攞一個羅漢果，壓碎之後用水煲20分鐘, 攤凍後放入雪櫃平日當水飲

羅漢果可以有清熱涼血、生津止咳、滑腸排毒、嫩膚益顔、潤肺化痰等功效，

我幾年前被人傳染咳得好利害，看了整個月四次醫生都醫不好

我有一日在廚房忽發奇想，煲了一個羅漢果來飲，之後好了八成的咳

飲了兩三次羅漢果水已經完全好番曬

所以對於我來說, 羅漢果是最平的神丹妙藥, 但如果體質寒涼就不太適合了

還有鱈魚膠、花膠這些美容產品，我寧願買千幾元一盒花膠煲好多次湯水

都不寧願買一樽好貴的護膚品, 因為煲靚湯除了可以美容之外還可以調理身體

但是美容產品就未必可以做到兩者兼得,

還有18蚊一斤的椰棗，來自中東，英文叫做Date

每年大約五月至六月是伊斯蘭教徒的齋戒月，

在日照的時間不可進食。晚上開齋時，

傳統上會先吃一粒椰棗，以補充能量。所以在中東一帶十分受歡迎

如果你減肥的時候, 都可以食三四粒椰棗取代一餐

它可以補充能量，但千萬不可以食得多，因為怕太高糖分

椰棗具有排毒功效，治療肝病,

椰棗的排毒功效會清理肝臟里的毒素和重金屬。

另外飲用椰棗汁也可治療扁桃體發炎以及感冒、發燒。

第八必買, ........請支持收看影片!!!

今日介紹嘅佛手瓜栗子瘦肉湯，潤肺健脾，而且有止咳、開胃嘅功效。首先睇睇材料：

佛手瓜 2 - 3 個
栗子 10 -15 粒
紅蘿蔔 1 個
粟米 1 條
瘦肉 300 - 400 克
蜜棗 3 - 4 粒
南北杏 適量
薑片 3 - 4 片

佛手瓜又叫做合掌瓜，有袪風解熱、健脾開胃嘅功效。揀佛手瓜嘅時候最緊要顏色清翠，要嚟煲湯嘅佛手瓜唔使切皮，不過一定要用清水洗乾淨，跟住切粒備用。多食用佛手瓜有擴張血管、利尿排鈉嘅功效，對預防心血管疾病同埋降血壓，都有一定嘅幫助㗎！

超級市場甚至乎街市有時都有呢啲去咗皮嘅栗子賣，返嚟洗一洗就用得！不過如果你搵唔到，就可以買呢啲有殻嘅栗子，返嚟慢慢剝殼切皮。栗子壯腰補腎，不過就唔可以食太多，如果唔係就好容易食滯喇！

紅蘿蔔買返嚟之後用清水洗乾淨，之後切頭切尾，再去皮切粒。粟米洗乾淨之後，一條大約分五至六嚿。今次我就揀咗落瘦肉，貪佢容易處理，用嚟煲湯嘅瘦肉切成細件就可以！你亦都可以落豬骨，不過記得汆水，如果想煲齋湯，唔落瘦肉亦都一樣夠味㗎！

跟住我哋將南北杏同埋蜜棗用清水洗乾淨，之後就可以將材料放入煲入邊，記得加埋薑片，跟住就加入適量嘅清水，用大火煮滾，之後煲 10 至 15 分鐘，再轉文火煲多 1 個鐘左右。煲好之後加入適量嘅鹽調味，跟住就飲得㗎喇！