麻煩睇下個post先 Po5忍左成年縮短唔到既老屈故事 個個都話搞唔清楚呢件事既錢銀瓜葛，唔緊要，我俾機會自己講一次，我唔care人點睇，起碼我已經企出黎「是就說是，不是就說不是」，唔想再俾門西太后嘅精神病量子糾纏我地。 唔小心俾妳tum到我同你做生意，就展開左一年漫長既恐怖欺凌… 唔好再話咩「唔肯簽收」，好簡單，你做生意冇品，我頂唔順要止蝕離場，搵你傾，你唔面對，派你男友代表你同我傾，你男友話你無晒現金，只可以俾貨 (圖1)。OK我體諒你，咪拎貨自己處理咯，拎幾多任你報，乜都就曬你仲點佔你便宜？點解你係都要老屈人？你男友叫我唔好賣低過198，覆佢「Try my best」(圖2)，係咪兩位低智到英文「Try my best」都唔識？完全無答應過呀！你地OK，報數，叫我隨時Ready上去拎咁我咪準備咯！(圖3-5)

我安排晒貨倉同物流就輕描淡寫叫我「簽份嘢先」「唔好賣低過某價錢」「轉頭俾我」(圖6) ？吓幾時幫我決定㗎？講好左還貨又反口加野？唔願意係好正常，要簽咩係叫我拎貨前就要提出，你咩事呀？約係雙方商討後同意先簽，did you ask me bitch? HTFAY？對外講我唔跟程序 (圖7) ？你真係精神病到巔峰！我話我搵你親自傾，就即刻潛逃 (圖8) ，請問我可以點？冇品到咁唔怪得你同邊個合作都炒。咕嚕肉 
門西太后話自己從來無逃避，我拍片話有人呃錢你唔出聲，我寄律師信去你經理人公司就覆話同我無瓜葛，你前經理人公司搵你，你唔返去，但你又有時間買蘋果，你屋企同你公司係同一個樓下同一個報紙檔，咁都返唔到去？收到法庭傳召都唔出聲，係Steve網上講出事實先識出嚟用我炒作新聞。仲要係咁spin去我妹度，老屈steve等等，唔見你講番你自己點無賴？ 明明你玩失蹤，同傳媒講話我天真唔識做生意，「BLOCK晒都可以用其他方法搵到我架MA」都講得出，你認得依句啦，唔該你幾十歲人出嚟做生意唔好咁幼稚啦。

27/11/2020，同記者講話我「唔簽收」「唔簽約」所以無得拎返啲貨，「簽收」同「簽約」係兩回事，唔好再喺度誤導人，仲要同一篇報導話份「合約」仲未草擬。(圖7)
阿門西太后，你6月就BLOCK左我玩失蹤，我點樣可以喺6月簽到你11月27都未草擬嘅合約？你有時光機架？同小肥好熟？但我肯定小肥唔識你！咕嚕肉
 你對外講到簽份約好應該，你寫定我寫啊？定精神力量既約啊？ 
2020年12月就放風同傳媒講話隨時準備好還返D貨俾我。啲貨一早喺你潛緊水嗰陣，2020年8月就過期，我要嚟做乜，你貨就得一批，你自己知，唔追你錢我追你咩？追求你呀？唔該你唔好再侮辱公眾嘅智慧，浪費大家嘅時間。

你兩個老闆知道晒你所作所為之後，就向我同妹妹，STEVE道歉，話你已知自己問題，用左兩星期叫我地體諒你意氣用事，細路女，幼稚，唔識做生意，又話你生意唔得，批貨俾你自己搞到蟹左，還唔到40000，最多還30000。(唔洗問我攞證據，問你老闆)

仲講明元朗間鋪你只係佔一丁點股份，叫你幫手宣傳下，但你就出嚟舢舨充砲艇，講到間舖係你開咁，唔係奚落你，係你永遠唔正視自己既問題而只係靠傷害人去建立自己形象呢件事係噁心既終極。

我尊重兩位老人家，以為你醒左，就接受你還30000，點知你又彈啲九唔搭八嘅條款，要我、我妹，Steve簽「日後任何人對你枝藥水有意見，我地三個就要齊齊向你賠償一切損失」你先至肯還30000俾我，啊啊啊精神病患者啊！！！你做乜唔同你啲FANS仲有記者講返個完整版本？SHY？咕嚕肉 學你老闆話齋，錢同貨都喺你手，實係你唔啱，仲喺度STEVESTEVESTEVESTEVE！你結婚架喇，檢點啲啦，你唔好再用嚟Spin我同你嘅事，面對！唔好再拖其他人落水！你夾住我啲嘢，水我簽白痴條款，反口潛逃扣貨致過期仲要收我倉租 (圖9) ？連日半夜三更SEND啲變態重覆人生攻擊嘅MSG n 叫我還錢 (圖9) ？真係報警都告你唔掂，D過期貨你KEEP多幾年啦，滾大佢，回報可觀呀！ 你不斷強調我賣低過198就係「賤賣」，會令你其他生意拍檔有所損失。咁你自己賣188，又唔會造成你其他生意拍檔損失？(圖10)
喺你嘅數學世界188係大過198嘅，你唔識英文，睇唔到圖，700 100唔識分，188大過198兩位數加減你都搞唔掂, 好意思出嚟話自己係企業家，真係人唔笑狗都吠。 話steve唔夠膽去法庭見你，你做咩姐法庭冇召佢呀，出黎做show？好似你咁帶埋你個證人老公入court偷聽，你知唔知證人係唔入得去㗎？仲要冇一次根據法庭指示準時寄文件黎 (圖10) ，又交唔齊，比法庭就全份比我就半分，miss左嗰D仲要我自己去法庭影印返，why？仲有啊，本來我大前日要收到既文件，你到呢刻都未比到我啊，幾時寄呀？單單一個簡單court case都睇到你咁95搭八，唔怪得你做生意咁冇品。 一味靠吹，靠屈，話自己人善被人欺？超噁心！話人hack你email話人非洲性騷擾話人做生意無賴，一樣證據，係一樣都攞唔到出黎啊，廢物！仲要借媒體力量網絡欺凌，虐待狂！竟然理直氣壯出黎話自己係真理道路生命，有權送人落地獄？我真心勸喻你需要睇醫生...唔洗諗。 其他你傷害過既人知你好難搞唔敢企出黎，講到呢度同你合作過既人一定有同感，但你遇著我你都唔好彩，因為我係唔會害怕你呢D變態女人。

急救牌系列(二) [#vocabno開心share🌋 ] 上次個post講咗兩個我有既 physical first aid 證書，今日就講下 mental 嘅急救證書，即係Mental Health First Aid (MHFA)啦。 大家第一條會問嘅問題通常都係：咩叫MHFA啊？如果你physically爆曬血就話要急救啫，點樣mentally處理傷口啊？其實physical嘅急救牌同MHFA都係一樣原理，前者係喺危急情況下，專業醫護人員未到場之前幫手維持病人生命，減輕痛情惡化，爭取之後更好嘅康復條件，而後者就係喺危急情況下。即係例如病人有尋死念頭時，幫助佢消除呢啲即時嘅諗法，再協助佢尋求專業人士(例如家庭醫生、精神科醫生、心理學家等等）既幫助，令佢哋病情早日得到控制。 講到咁勁，值唔值得讀呢？我個人覺得喺唔同層面上，呢個課程都好有用。香港喺精神病知識方面嘅教育係嚴重不足，無奈香港同時都係一個極多人患上精神病嘅高壓社會，所以往往大家都因而將一個咁重要同普遍嘅議題污名化。但其實唔同既精神病都有可能因為身體缺乏某種物質而引致，就好似人冇咗抗體就會傷風感冒一樣，精神病患者只要定時食藥同輔導都可以好返。呢種講法喺香港社會好少聽，但其實大家都好需要知道。 而且，頭先講香港咁多人都有不同程度嘅精神健康問題，我哋身邊都可能有家人/朋友有精神疾病。如果對精神病冇返咁上下認識而要關心佢哋，都會幾無從入手㗎。但呢個課程會話到俾你哋聽唔同病患者遇到嘅情況同感覺係點，等你要關心佢哋嘅時候就會比較知道應該點樣講先會幫到佢哋多啲啦。同埋其實唔一定要去到情緒病/精神病。讀完呢個課程，當你身邊既人唔開心嘅時候，你會更加容易產生同理感(empathy)，同埋容易啲用言語安撫到對方，令對方感受好啲。 To conclude, 香港真係需要多啲人讀呢個課程，認識精神健康、自己同身邊嘅人多一啲，避免因為無知而逃避問題，亦都可以精神病呢樣嘢喺未發生/初期已經可以避免/處理。 (希望香港人喺難捱嘅時間都可以堅強。) 又嚟到🐸強行加插既英文時間 Extra Vocabulary ✨ suicidal (adj. )自殺的、尋死的 empathy (n.) 同理心 counselling (n.)輔導 mindfulness (n.) 覺察 #🌋👶🏻 🌋 𝐯𝐨𝐜𝐚𝐛𝐧𝐨 🌋 єяυρт ιηтσ уσυя ƒυтυяє ——— #Vocabno #DSEEnglish #hkdseenglish #dse英文 #DSE #dsefighter #2021DSE #2021dsefighter #22DSE #2022DSE #2022dsefighter #23DSE #2023DSE #2023dsefighter #24DSE #2024DSE #2024dsefighter #HKDSE #Dsetips #JUPAS #大學 #dsestudygram #studygram #DSE英文 #英語學習 #學英文 #mhfa #精神急救

浪漫月巴睇2000（141） 【美好香港，只會製造美好的香港電影】或 【美麗新香港，不會製造無間道】 實不相瞞，「香港電影是否已死？」這問題已經糾纏了我幾個禮拜——其實呢，就與我無關嘅，但作為一個睇香港電影大的人，扮諗吓，都得啩。 1.答問題前，自然要先釐清問題當中某些關鍵詞的定義。 2.「香港電影是否已死？」中的關鍵詞自然是「香港電影」——其實，甚麼才算是「香港電影」？ 3.作為一個自問睇香港電影大的人，立即搲頭。一定要由香港人做導演？應該是必然的吧；一定要全部主要演員都是香港人？似乎也是必然，但事實是，過去不少香港電影的女主角都擺明不是香港人，像《陰陽錯》有倪淑君做女鬼（後來在《大迷信》又同李居明師傅拍住上勇闖高街鬼屋）、《用愛捉伊人》有早見優同（當年已經不是廿五歲的）校長談情說愛、《天若有情》更有台灣人吳倩蓮，扮演戀上正宗香港古惑仔華Dee的香港富家女。要求所有主要演員都是香港人，想法未免太狹隘。 4.那麼，故事場景一定是發生在香港吧。在過去，可能是，但現在，未必了，例如《少年的你》，一段由始至終發生在重慶（嚴格來說是以重慶再創造的城市）的青春殘酷物語，一樣可以成為香港電影金像獎最佳電影。 5.或許真的要學田啟文所講，不要再拘泥於故事是否一定要發生在香港，總之，由香港人去拍的，便是香港電影了，反正最重要的是內裡的精神，田啟文也提出了一點，電影是需要有矛盾存在，過去內地觀眾鍾意看香港電影，就是因為在內地看不到——過去香港電影擁有一些在內地看不到的東西。到了合拍片年代，這些在過去香港電影（容許）看得到的東西，需要變成看不到。 6.我開始反思，在成長年代、在那個所謂香港電影盛世曾經看過的香港電影，一旦換了在今日去拍，應該點拍？ 7.例如《癲佬正傳》。如果你有睇過，自然知道結局是多麼無奈，扮演社工的馮淬帆，被梁朝偉飾演的精神病患者在街市一刀斬死。如果是現在去拍，而且學高志森話齋，不把目標市場局限在香港，而是放眼（人口比英國加埋法國還要多的）大灣區，成為大灣區電影，不妨寫梁朝偉的角色在斬死人後，突然康復過來，因而知道自己罪行，深深懊悔，決定自首，接受法律制裁。但我隨即會諗，又不是80年代，在如此美好的大灣區，根本就不應該存在精神病患者！這種刻意製造矛盾以收煽情戲劇效果的故事，何只不應該拍，直情一開始就不應該諗。 8.又例如，假設拍《伊波拉病毒》續集《新冠病毒》，阿雞這類喪盡天良的角色自然不得好死，問題是處置了這個反社會壞分子後，故事不應就此完結，應該補多段，交代疫苗成功被製造，讓人民接種，從此過著百毒不侵健康新生活。當然，《伊波拉病毒》裡那些相當鹹濕賤格的劇情和畫面，務必統統刪除。 9.上述的，講真，不算難處理，真正難以處理的肯定是《十年》，難到連在電影業多年的高志森導演都不能夠肯定，在這個新時代是否還可以放映。如果，拍一齣《廿年》或《新十年》又如何？想像香港選舉機制在基於愛國者治港大原則下被徹底改革，執走所有漏洞，讓香港在再沒有那批忠誠的廢物阻頭阻勢下，變得Very美好——對不起，應該是「非常」美好才對，因為在美好的未來，連英文都唔使用。 10.終於想通了。「香港電影是否已死？」這類問題根本不用再拗，矛盾從來都只是人為，請相信「香港電影」只會以另一種更美好的方式永遠存在。 （原文刊於am730） #浪漫月巴睇2000