/ LAW 友 の 日 常 / 法律系學生可以走堂、走實習、走埋考試；但有門必修科點都走唔甩 —— 免費法律顧問。大至申請牌照，小至被豪車司機問候⋯⋯身邊親朋戚友、三姑六婆、左鄰右里、上司同事，就連清潔同保安都鍾意問你意見🥲 有一日we7跳出好友請求，係一個連名都叫唔出嘅舊同學share咗我contact比人🙂 抱住助人為樂嘅大愛精神accept咗，點知下一秒電話開始狂！震！望住對話框成個畫面都係一分鐘錄音，當場頭都痛撚埋。 故事內容大概如下：「我表妹做嘅學校權鬥犧牲品，律師你要幫我申張正義！全級畢業得我表妹要留班，精神創傷！😭我表妹唔合格都唔放佢，心理陰影！😭下原來你唔係律師啊？原來法律唔管㗎？咁你幫我推薦一下律師啦？」 好哇好哇我聽你講咗成個鐘，我保你大包埋博士畢業啦好嘛？🤷🏻‍♀️ #與食物無關的一點喃喃自語

【 林家謙親解《林中鳥》創作緣由 】 _ 《蘋果日報》突然消失，香港市民出現集體精神創傷，而讀者和公眾人物因為失去報道與宣傳平台的遺害和震盪，相信未來一段長時間都不能找到任何解決辦法，但與其坐着嘆氣，不如直接做點事，有助疏導負面情緒。繼上星期開始，每天更新《大叔的愛》劇情預告後，由今天（9/7）開始，「游大東影視筆記」將會不定期轉發「音樂研究所」 @28music.journal 的編採內容，這是一個剛於日前（7/7）才建立的全新本地自媒體，專門撰寫跟香港流行音樂和獨立音樂有關的訪問和報道，第一篇是由林家謙親自講解他為林欣彤創作新歌《林中鳥》的緣由。 _ 原文標題：「黑暗中發出最耀眼的光芒 林家謙親自解讀《林中鳥》創作概念」 _ 採訪、撰文：音樂研究所 編輯：游大東 音樂是一顆治癒良藥，為何這麼說？數月前看RubbeBand音樂會，沒想到聽第一首歌《Dedicated to...》經已淚崩，回想起那股力量實在強大，壓抑已久的情緒迅即被瓦解。最近樂壇也有一首治癒好歌，它並非揮著陽光旗幟，反之寓意要學懂擁抱黑暗。林欣彤（Mag）@maglam_ 於上月24日推出新曲《林中鳥》，至今獲得不少網民好評和共鳴。歌曲文案中寫道：「在漩渦中尋找快樂，在黑暗中發芽生長。掠過狂風暴雨，總會找到一片雲彩。 」這兩年我們過得不易，長期沉溺於負面情緒之中，如何能找到片刻快樂，是創作團隊寄望傳遞的訊息。 _ 《林中鳥》由林家謙 @terencelam0903作曲及監製、新晉填詞人馮松興 @paperfrankworkshop填詞，編曲則由林家謙與Vigilant Nation @vigilantnation聯手譜寫。觀乎網民對歌曲的評價，首先對Mag的聲線讚口不絕。這首歌的音域十分闊，最低與最高音相差超過兩個八度，能掌握之餘還唱出感情來。第二就是感激林家謙寫了首好歌給對的人。林家謙說：「其實（呢首歌）Demo大約4、5年前已經寫好，當時我已經打算寫俾Mag。Vocal range（音域）係根據佢嚟寫，好少女仔唱到咁低同咁高，同時間又咁好聽。當時Mag俾我嘅印象，就好似一隻雀或飛機喺高空中遇上漩渦，到底點先可以逆風飛翔？大概就係沿住呢個方向去發展。」歌曲的英文名字為Turbulence，意指不穩定氣流、動盪。 _ 那細膩編曲令人觸動，亦是令我決定向林家謙查證其創作概念的關鍵。歌曲先以鋼琴、弦樂及沉重而長的鼓聲帶出主題，曲調為E flat minor（降E小調），感覺相當憂鬱，然後去到第一個Chorus（副歌），隨即轉調至A major（A大調）。Minor變Major，彷彿曙光乍現。十分欣賞林家謙編曲上的細心，透過轉調帶出情感變化。歌曲結尾以A major chord（A調和弦）劃上句號，有種鬆一口氣，終於逃脫困境的感覺。「我哋錄音嘅時候諗過，最後一段會唔會用一個Release（釋放）嘅方法去唱， 後面（音樂）激昂少少，但最後聽返都覺得呢個處理手法唔係最感動。首歌唔係話要衝破黑暗，然後搵到光明。你覺得黑暗係好負面嘅東西，但往往喺最黑暗嘅時候，光芒先至係最耀眼。坦白講，如果仲喺呢個時候講『希望在明天』就有少少離地，不如學習下如何Embrace the dark（擁抱黑暗）。」 _ 歌曲後半段注入更多電子元素，細心留意便會聽到一些急速的Trap beat（Trap Music獨有節奏），營造出彷如雷電交加的氛圍。林家謙說，這部分交由曾於《特倫斯夢遊仙境》合作過、來自美國的音樂製作單位Vigilant Nation負責。「我大致同佢哋講咗首歌嘅主題，每個段落想表達啲咩，譬如喺Bridge位（兩段副歌之間的連接位，風格與歌曲其他段落迴異）想有啲Struggle（掙扎）感覺、又或者喺Intro（前奏）你會聽到好似喺驚慄片出現嘅Strings等等⋯⋯結果我收返嚟就有接近100個Tracks，超級細緻。」  _ 提到「轉調」，這種手法頗常出現於林家謙的音樂裏，在《神奇的糊塗魔藥》便轉了三次。林家謙表示，轉調不是新技巧，幾百年前的古典音樂轉得更厲害，自己每次轉調都有原因，或者為配合每段歌詞表達的不同意思。「譬如《神奇的糊塗魔藥》呢首歌，因為本身個Structure（結構）好簡單，唔算有太多段落。當一個Chorus喺同一首歌出現4次，如果全部都係同一個key，聽落就好悶。所以我就諗，點樣可以聽落有層次啲。」 _ 籌備這次訪問的過程中，發現原來林家謙正籌備第二張專輯，他表示：「本來打算暑假推出，但中途有其他工作，加上經歷過頒獎禮一事後，自己需要時間去消化，所以暫時擱置。」好音樂需要時間去孕育，目前首要就是顧好九月舉行的商台的「拉闊音樂會」吧！加油，我們會耐心等候！ _ （09072021） _ #游大東 #游大東影視筆記 #音樂研究所 #廣東歌 #林家謙 #林欣彤 #華納唱片 @ronykong @ra7arr6 @sukiwwt @faith.ma @wongyiwai @_nokkk @bowietam826 @thedorothylau @cyruslee1018 @francochung @oisze @ur2slow_isa @maglam_fc @terencelam_fans @chunshing #yautaitung #09072021

我個女婷婷，從遊樂場鬼屋返嚟之後，就變得同以前完全唔一樣，簡直判若兩人。 第二日就係學校嘅小測試，婷婷竟然被老師發現作弊，嗰時我接到老師打嚟嘅電話，簡直難以置信，仲一口咬定係老師誣衊佢。 喺趕去學校嘅路程中，我甚至已經準備好律師信，要告嗰個無質素嘅老師。 但當我入到教員室，老師向我展示婷婷嘅掌心用原子筆密密麻麻寫晒考試嘅答案，我訝異得張大嘴巴無話可說… 我請咗家庭醫生幫佢做身體檢查，順便幫佢向學校請咗兩日休假。 但返到屋企之後，情況變得更加嚴重，嗰晚半夜我隱約聽到佢房間傳出『吱…吱吱～…吱吱！』嘅怪聲，於是我偷偷哋開門探頭望進去，就發現佢坐咗喺書枱，成間房淨係開住枱燈。 我瞟一眼佢放喺窗台嘅倉鼠籠，門打開咗，入面隻倉鼠好似唔見咗。 我放輕腳步走近，書桌周圍滿地都係棉花，婷婷用美工刀將放喺床邊，最心愛嘅毛公仔成個胸膛劏開，再將佢養嘅小倉鼠塞入隻公仔入面，想將佢縫起嚟。 「妳喺度做乜啊？！」我大喝一聲，將她手上嘅美工刀搶過來。 佢雙眼通紅咁望住我，倉鼠趁機會從毛公仔入面掙脫出來，婷婷一手將佢捉住，但因為太大力嘅原故，佢『滋～』慘叫咗一聲，還嚇到失禁。 「輕力啲啦，妳會整死佢㗎。」我。 婷婷默然將佢放返回籠，就返上床瞓，好似咩都無發生過一樣，就算我同佢講乜，佢都唔理我。 第二朝一早，我帶佢去睇精神科醫生，但醫生幫佢做過測試，話佢無任何問題。之後，我仲帶佢去照X光同腦掃描，報告出來之後醫生話腦部一切正常… 婷婷食完醫生畀佢嘅藥物後，就喺屋企瞓足全日。 同日，我帶住封律師信去遊樂場，告佢哋嘅鬼屋令婷婷患上精神創傷後遺症。 亦因為咁，我喺遊樂場遇到嗰個道士，佢話可以幫到婷婷。 「係喇！婷婷一直都好乖巧聽話，佢一定係被鬼附身喇！」我。 就係咁，我帶住嗰個叫阿公嘅道士去我屋企，嗰時婷婷還喺房間瞓緊覺。 阿公喺間屋巡視一周，用古怪嘅銅鈴喺每個角落搖晃，我本來就唔太相信呢類神怪嘢，亦無宗教信仰，只係為咗婷婷可以入讀名校，我先逼不得己加入教會受洗禮。 最後，阿公打開婷婷嘅睡房門，望咗一眼就走返出嚟同我講：「唔好意思，我諗今次我幫唔到手。」 「吓？！哦！我明白喇，你想我畀錢你祈福啊？早講啦，只要可以令婷婷恢復正常，我幾多錢都肯畀。」我。 「唔係，我嘅意思係，呢度無靈體，你個女亦無被靈體附身。既然呢度無事，我亦唔會收你一分一毫。」阿公當然好想收呢筆錢，但無功不受祿，佢都係忍住手無收到。 「無事？有咩可能？會唔會係你法力唔夠咋？」我質疑。 「隨便你點諗，你可以請其他師傅嚟睇佢，結果只會係一樣，除非嗰個人係神棍。」阿公。 「無可能！我個女肯定被鬼上身！而家喺睡房嗰個……根本唔係我個女！」我最睇唔順眼就係呢種扮清高嘅人，所以我忍唔住向佢怒吼。 就喺呢個時候，房門打開，婷婷企喺我面前，喊到成身不斷顫抖。 「婷婷，我唔係咁嘅意思…」 「爸，夠喇。我知道因為我考試作弊，仲將嗰娃娃整到爛晒，你先會以為我被鬼上身，但…… 如果呢個先係真正嘅我， 你就唔再愛我喇？」 「點會呢？傻女…」我走過去想抱起婷婷，但畀她一手推開我。 「你愛嘅只係嗰個乖巧，聽話，成績好嘅模範女吧？」 我無辦法反駁。 「嗰日喺鬼屋，我因為太驚所以一直遮住隻眼，跟住我聽到小鈞同家寶嘅尖叫聲，當我睜開眼一睇，就見到有兩個綠色眼睛，全身赤裸嘅人將佢哋從路軌車拖咗出嚟，跟住我就唔記得晒發生過咩事，直至爸爸你喺鬼屋嘅石井入面搵返我… 我親眼見到，兩個綠色眼睛嘅人跟住小鈞同家寶返屋企。嗰晚我真係好驚，但爸爸你堅持要我返學，因為第日有小測試，你怕如果請假嘅話，會被老師懷疑我偷懶。 「所以妳先作弊，係咪？」我。 「我本來就唔擅長數學，爸爸你仲記唔記得？有一次我數學考試考好高分，其實係小鈞偷偷將答案借畀我抄…但嗰次你開心到不停向親戚展示我張考試券，之後…我驚你失望，只好每次都作弊…」婷婷。 「我、我只係替妳嘅進步高興…」我。 「爸爸…你唔記得老師捉到我作弊之後，你幫我請病假，然後同家庭醫生說咗咩說話？」婷婷。 「我…說咗咩…？」我真係完全無印象。 「你話，被人當場捉住作弊，仲邊有面目返學，請假都好合理。」婷婷。 我完全無法反駁，我從來都唔知道，原來無形間畀婷婷咁大壓力。 「既然無我嘅事，咁我都係走先。」阿公一邊著鞋，一邊低聲嘟噥：「哎～睇到我起晒雞皮，我最驚處理呢種場面…」 阿公話，就算遇到法力再強嘅鬼怪，總會搵到方法可以解決。 相反人與人之間嘅關係，只要心裏有怨恨，就要花好多時間先能夠化解。 尤其係親人嘅關係… 你可以自由選擇朋友或同事。 但親人就唔可以，一個無法認同自己嘅親人，最令人難受。 多年後，阿公成為咗父親、祖父。 佢就明白，點解女人可以請狐仙去勾引一個男人。 但無一個神佛，可以令父母與子女嘅關係變好。 《阿公講鬼４：魑魅》預售開始！ ７月書展出貨！ 留言「買」我inbox 你